Ka Nupepa Kuokoa, Volume XXXVII, Number 4, 28 January 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

HAAWINA

KULA SABATI.

 

KAAWINA VI. Feberuari 6.

Ko ka Makua mala ana ia kakou.

Maiai : 8:24 34

 

   24 Aole no e hiki i ke kanaka ke malama i na haku elua: no ka mea, e hoowahawaha ia i kekahi, a e aloha aku hoi i kekahi; a i ole ia, e hoopili aku ia i kekahime ka haalele i kekahi.  Aole e hiki ia oukou ke malama pu i ke Akua a me ka mamona.

   25 No ia mea, ke olelo aku nei au ia oukou.  Mai manao nui ma ko oukou ola ana, i ka oukou mea e ai ai, a i ka oukou mea e inu aii aole nou ma ko oukou kino, i ko ouokou mea e aahu ai.  Aole anei e oi aku ke ola i ka ai,a me ke kino i ke kapa?

   26 E nana aku i na manu o ka lewa; aole makou e iu’u hua, aole hoi e oki ai, aole no hoi e hoahu ae iloko o na halepapaa: a ua hanai ko oukou Makua o ka lani ia lakou.  Aole anei e oi aku ko oukou maikai i ko iakou?

   27 Owai i aka mea o ouoko ue hiki ma ka manao nui ana ke hooloihi aku i kona kiekie i hookahi hailima?

   28 Heaha hoi ka oukou e manao nui ia i ke kapa? E nanan i na lilia o ke kula, i ko lakou ulu ana:  aole nae lakou e hana, aole hoi e milo:

   29 Ke olelo aku nei” hoi au ia oukou. O Solomona i kona nani a pau, aole ia i kahiko like ia me kekahi o ia mau mea.

   30 Ina pela ke Akua e hoonani mai ia i ka nahelehele, ina no ma ke kula i keia la, a i ka la apopo e hooieiia’i iloko o ka umu: aole anei he oiaio kona hoaahu ana mai ia oukou, e ka poe paulele kapekepeke?

   31Nolaila hoi, mai ninau aku oukou me ka manao nui. Heaha ka kakou mea e ai ai?  Heaha hoi ka kakou mea e inu ai?  Heaha hoi ke kakou me a aahu ai?

   32No ka mea, ke hoopapau nein a kanaka e ma keia mau mea a pau.  Ua ike no hoi ko oukou me ka lani, he pono ke loaa ia oukou ia mau mea a pau.

   33 Aka e imi e oukou mamua I ke aupuni o ke Akua a me kana pono, a e pau ua mau mea la i ka haawiia mai, ia oukou.

   34 Nolaila, mai manao nui aku oukou i ka mea o ka la apopo: no ka mea, n aka la apopo e manao iho i na mea nona iho.  O ka ino o kekahi la ua nui is nona iho.

   PAUKU GULA, 1 Petero 5:7. Ke manano nei Oia ia oukou.

   MANAO    NUI. E pono no ke hoopau i ko kakou mau pihoihoi me ka manao ana i ko ke Akua malama pono ana ia kakou.

   OLELO HOAKAKA. He haawina hoonaauao ano nui keia.  Ma na aina e he nui loa na kumu no na manao hopohono o na kanaka, o hiki mai kekahi poino. Aole nui paha ke kupikipikio o ka naau ma keia pae aina no ke ano like o keia a me keia la. Eia nae he mau kumu e hopohopo ai o na makua no na keiki, o na hoalauana no kekahi hoalauna, o ke kane no kana wahine i aloha nui ia, o ka poe ilihune no ha mea ai, a pela’ku.  Mai ee aku i wahi mawae hohonu mamua o ka hiki ana ilaila.

   24. Elua. –o na ano e’ua.  Ua like ia me ka hele ana’ku, hele ana mai, i ka wa hookahi. Hoowahawaha.-ina paha i pili aku ana oe i ka oiaio, e kue ana oe I ka wahahee.  O ka hoopili ana’ku I ka pono, oia no ke kue ana’ku i ka hewa, Mamona.-he huaolelo Suria keia, nona ke ano na waiwai, ke kuonoono, ka lako loa.  O ke kanaka e imi ama i ko keia ao nona iho, aole hiki iaia ke aloha aku i ke Akua, ka mea nona ka manao hooholo mau e haawi aku, haawi aku.  He mea lawelawe kupono ka moni dala: he alii ino loa ia.  Ma ke ano he mea lawelawe nui loa na hana maikai hiki ke hooholoia, ke kokua ana i ka poe pilikia, ka hooikaika i ka mea nawaliwali, ka hoonani ana i ko kino nonohea. ka hoolaha ana’ku i kaeuanelio.  Aka, ma ke auo he alii, ke hoemi nei ka moui dala i ke kulana maikai, ke kue nei ia i na manao aloha a me na hana e kokua ai. O ka puniwaiwai ua like ia me ka inu ana i ka wai kai, aole i hoopauia ka makewai, aka , ua hoeueuia ke ano eha eha.  25. Manao.-aole kupono keia huaolelo no ka wehewehe ana i ka olelo He’ene, pihoihoi, oia no ka hana i papaia; aole ka noonoo pono ana ia na mea kino. Aole maikai ka manao ole ana i na pilikia o ka wa e hiki mai ana. Aole maikai ka hopohopo mau o ka manao e pili ana i na pilikia kino. Eia ko kakou mea e noonoo mau ai, ke ano o ko kakou mau hana, aole ka hoomau loa ana i ka wa hana. Ua pili ka wa ola i ke Akua; na pili ke ano o ka hana i ka mea lawelawe. Oi.-eia ke kumu no keia olelo papa, mai ke Akua mai ke oia kino, aole anei mai iaia mai na mea ku i ke ola kino? Ina pela ua haawi mai ke Akua i ka wahaa, aole anei mai iaia mai ka waiu? 26. Manu.-owai ka mea lako, a manu i hanaiia e ke Akua, a i ole paha ke kanaka i kapaia ke keiki a ke Akua? Aole like a like na hana o na manu me na hana o na kanaka: aka nae aole anei i hanai ke Akua i kekahi i kekahi ma na ano okoa.  Aole i hanaiia na manu ma ke kui poi: ua hanalia nae lakou.  Ua hoolako oia i na mea ai no na manu, aole no lakou ka Makua ma ka lani.  Pehea na keiki a ke Akua, aole anei hiki iaia ke hoolako i na mea ai no lakou ma na ano kupono i ke ano kanaka? Aole he olelo paipai keia i ka noho nanea wale ana: aka ane, ke paipai nei o Iesu i na kanaka ke hana mau mamuli o ko lakou ano pookela, he mau manaka, aole he mau manu.  Ua papa o Iesu i ka pihoihoi ma ka hooholo ana i na hana kupono, aole na hana e hooholo loa ai i mea e pono ai kakou. 27. Manao.- eia i ke pihoihoi (aole ka manao, ka noonoo pono.) Aole e hiki i na kanaka , ma ka hopohopo a me ke pihoihoi ke hoopa-lua i ke ola kino kanaka, ke hoonui ae i ke kino kanaka: aka nae, o ke pihoihoi oia no ka mea a hoemi ai i ke ola kino, e like me na kanaka Hawaii e makau wale ana i ka wa make. 28. Nana.-eia ka ha o ke kumu hooikaika.  Mea e ka nani o na lilia, na pua e ulu like ana e iike me na pohuehue, poolanui, ukiuki, a peia aku, ma Hawaii nei.  Owai kalelei ke hooaniia ia mamua ae o ka nani o keia mau pua ulu wale?  Oia ko lakou ano hana, ka hoomahuahua ana mamuli o ka manao o ke Akua, aole me ka hoopiiikua ma ka imi ana i na paikini e humuhumu ai, a me na peahi e ulana ai. 29. Kahiko,-oi aku ko lakou nani mamua o ka lolekilika me na wihooluu okoa o ko Solomona aau alii ponoi.  Mailoko mai ua hoomahuahua ka nani o na pua: pela no mailoko mai o ka naau o ke kanaka ke pu@ nei kona nani pookela. 30.Nahelehele.-weuweu, mauu, i hoomalooia e na kukuna o ka la wela. Oia ka wahine no ka hoowela ana i na hulilau lep nui, iaia no na umu, na oma, no ka poe Suria.  Aole nui ke kumukuai.  Hoaahu.- hoolako ma na hana kupono i ke ano kanaka na mea e kahiko ai. 31. Manao.-me ka hopohopo o ka naau.  Kapekepeke,-oiai ua kuonoono loa ko oukou Makua ma ka lani, nona na waiwai lehulehu o keia a me keia ano, aole i kaupalenaia i ke ano hookahi.  Ua hoopau koke ia na lilia, na manu, na mea nani o ka honua, oiai e mau loa an aka uhane o ke kanaka, nona na pomaikai lehulehu e hiki mai ana o na ano okoa ho ka wa pau ole. E imi mau ina mea uhane e waiwai mai ai, e nani loa ai, e kahiko pono ai  ooiai no ka wa pau koke na lea lea, na aahu, na lei o keia honua. O ka hana mamuli o ka manao o ke Akua, oia no ka hana e pomaikai pono ai: o ka hana ma na ano kue i ko ke Akua manao, oia no na hana e pihoihoi mau ia.  32.Hoopapau.-ua imi loa na kanaka i ko keia ao: aole noonoo pono lakou i na mea uhane, na mea lani. lakou i na mea uhane, na mea lani. 33.Mamua.-he kanawai paa keia, ma ka imi ana i na mea kiekie e loaa ana no hoi na mea o lalo: oiai ma ka huli ana i na mea o lalo wale no e kahuli ana kakou i na mea kiekie.  O ka mea e kuai ana i ke apo lima nani, e loaa pu ana iaia ke daimana.  Pono,-mai kuhihewa kakou e pili ana i ko ke Akua alii ana, me he mea la he aupuni kaili wale ia. Aole pela ko ke Akua: ooia no ka mea aloha palena ole, ka Moi Lokomaikai Mau, ka Mea Manawalea Loa.  Mai kuhihewa kakou e pili ana i ke ano oi o na lealea; he mau mea houhauha wale lakou, oiai o na haawina hana o ka pono oia no na mea e hoowaiwai ai, e hooikaka ai. 34. Apopo,-o ka wa ano, oia ko kakou wa hana wale no. Ua paa na wa i hala.  Aole no kakou ka wa I hiki mai ana. No ka la apopo kona mai pilikia maoli.  O na pilikia o keia la ua lawa lakou no kakou e malama ai. Aole i haawiia ia kakou ka mana e hooponopono i na mea e hiki mai ana.  O na poinoi makau nui ia, oia no na pono aole e hiki mai ana.  Mai noi, loaa ole, i mau poino. Aole nae i oleloia e loaa ana ia kakou he pomaikai mamuli o na anuu o ko kakou mau kulana haipule. Ina paha ua pohi kekahi pomaikai maikai ae.  Nalo na nani dala, loaa ka hoomanawanui, ka paulele, ke hoolohe.

   I. Ke malama nei ke Akua i na manu, 24-26. Heaha ka oleloao e pili ana i na haku hana ano okoa laua a elau? Heaha ka oleloao e pili ana i ka mokuahana o ka naau? Heaha ka oleloao e pili ana i ka manao kaukahi? Ua papaia anei kakou e manao i ko kakou mau hana? Heaha ka manao i papaia?  Heaha na mea ekolu e imi ai no ka pono o ke kino? Heaha na mea ekolu e  imi ai no ka pono o ka uhane? Maka ninau ana i ka mea oi, ua kanalua anei o Iesu ma ka mea e pili ana I ke ano pookela o ka uhane? Heaha ka oleloao ia kakou ma ka nana ana i na manu? He hale hana anei ko na manu? Pehea e loaa ai ia lakou ke ola kino? Ia wai ua loaa na halepapaa? Pehea e loaa ai i na kanaka ke ola kino? Ma ko kakou mau hanalima, e pono anei ke manao haawi, hoomalu, hoolako?  E pono anei i ka mea lawaia ke paulele wale no i kona akami, kona makau, kona upena?

   II. Ke malama nei ke Akua i na lilia, 27-30. Hiki anei ka manao hopohopo ke hoonui ae i ke ola kina?  E hoemi ana anei ke pihoihoi i ka ikaika o ke ola kino? Heaha ka oleloao ia kakou ma ka noonoo ana i na pua?  Pehea ko lakou ulu ana, me ka hoopilihua anei ia, a i ole paha me ka hana i ko lakou hana mamuli o ka manao o ke Akua no lakou?  E hiki ana anei i na lilia ke lilo i mau rose?  Oiai ua pokole k olakou wa oia, ua hole anei na pua e hoomhuahua? Owai ka nani pookela, ko ka aahu kanaka paha, ko ka ili o na pua paha?  Ua manao anei ke Akua i keia a me keia pua?  He makua anei Oia no Lakou?

   III. Ke malama nei ke Akua i kana poe keiki. 31-34.  Pehea e pili pono ai na kanaka i ke Akua? Ke ole ko kakou paulele ana ia, ke hoomaopopo nei anei kakou i ke ano oiaio o ke Akua? Ma ke ano hea i hoike ai o iesu i ke Akua ia kakou.  Mataio 11:27? Pehea, e okoa ana anei ke ano o na mea a kakou e imi mua ai? Heaha na kumu no ka hopohopo ole e pili ana i na mea kino? Ma ka imi loa ana i na mea uhane, e malama ole ana anei kakou I na mea kino?  Owai na lahui e lanakila loa ana ma na mea kino, na lahui Karistiano paha, na lahui hoomanakii paha?  Heaha ka manao i papaia e pili ana i ka pilikia e hiki mai ana?  Ua papa anei o Iesu i na hanalima, a me ka noonoo pono ana, a me keakakamai? Heaha na kumu no ka papa ana I ka manao pihoihoi a me ka manaoio kapekepeke? Nohea main a manao pihoihoi, ina paha he mau keiki hoolohe kakou?

   MANANO PILI. 1. Ua nui anei kou mau manao pihoihoi? 2. Pehea e hoopau loa ia” 3. Ua hana anei oi i kou hana maikai loa no ka pono o ke Akua? 4. Heaha ka ninau ano nui ae. Ehia mau dala nona: heaha kona hana me kona mau dala? 5. Pehea e pono ai i na keiki a ke Akua ke hana aku Iaia?

 

   Ua olelo ae o Mr. Elisha Bay o keia wahi , aole ana laau i ike ai kona oia hikiwawe ana mai ka mai rumatika mai elike la me ka Laau Ola o Kamalena.  Ua lilo oia i luahi n aka elua ame ka hu’i mai kona papkole mai a hoea i ke kuli, a hiki nae i kona wa i hamo ai i keia laau hamo, ua loaa koke iaia ke ola.- B. F. Baker. Mea paipai a kawili iaau.  E kualia ana e na poe kuai laau lapaau apau. Benson Smith & co. Kaupalenaia, na Agena Kaai Kukaa no ko Hawaii Pae Aina nei.

 

PRESIDENTIAL POSSIBILITIES-THOMAS B. REED.

Thomas Brackett Reed,@ favorite son, was born in Portland, Me., October 18, 1839.  He is a graduate of @ and a lawyer.  He has been in congress twenty years and was first elected speaker during the fifty-first congress.

 

   O keia ke kii o ke kanaka e noho Lunahoomalu mai ia no ka Hale ahaolelo o na Makaainana o Amerika Hui ia.  O kekahi kanaka makaukau loa keia ma na rula Ahaolelo.  He loio kana oihana. He 20 ua makahiki o kona noho ana i hoa no ka Ahaolelo o Amerika.

 

KA MEA HUMA POHIHIHI

 

MOKUNA XXXIII

 

Popoi hou ua nalu o ka ehaeha-Auhea hoi ka Haku Opio o ka Hale-o-ka Maka-o-ka-Aeto?-Mahae ka pili a ke aloha.

 

Oiai hoi na huaolelo makona a aloha ole a ka Haku Adeio i hoopuka mai ai e o ana no iloko o na pepiao o Gerfere Tereveliana, lalau iho la ia i kana wahine i hehee maule iho ai a waiho iluna o ka papahele, hapai ae ia a hoihoi aku la a hoomoe iho la maluna o kekahi punee.

   E uhi paa an aka nanaina nanakea pu ma kona helehelena apau, a ua lilo hoi ia mea e hoopioloke nui loa ia ai ka noonoo o Geofere Tereveliana.  I kela wa, aia oia ke lomilomi la i na manamanalima o kana wahine, me ka hooma-u ana iho I kona mau maka o lokoo o kekahi omole e ku ana maluna o kekahi pakaukau. E kahea iho ana nohoi oia i ka inoa o kana wahine, me ka leo walohia, me ka olelo ana iho:

   “Ei nei e-E Beaterisia-E makua o kuu mai keiki makua ole-Ei nei e! Ea! Pehea oe.”

   He mea oiaio, ua owili maoli ia oia iloko o ka pilikia nui, oia ma kona hoomaopopo ana iho i kana wahine e waiho ana iluna o ka punee aohe wahi mea a hanu ae. Aka, mamuli o kona hoomanawanui i ka lomilomi ana i na lima, pela nohoi me ka umauma, ike iho la ia i ka hanu ana ae o kana wahine, a kaakaa ae ia kona mau maka, me ke ano ohewahewa no nae. A hala he mau sekona, ia wa i pane ae ai ua Lede Beatirisia nei, me ka leo nawaliwali, oiai hoi ia i apo ae ai i ka a-i o kana kane:

   “E kuu Geofere aloha! Aohe a kaua mea i koe! Ua ike oia o na mea apau no kaua nei. Auhea aku nei laoia? Aole anei hoi oe i kahea hou aku nei iaia? Aole anei hoi oe i hana aelike pu me ia no ka pono ame ka palekana o ke kaikamahine a kaua?”

   “Aole, e Beatirisia.  O kana mau huaolelo hope loa i pane mai nei, e kau mai ana oia i kana hoopai weliweli loa mauna o kakou apau” wahi a Geofere i pane iho ai.

   “E kuu aloha,”  wahi a ua Lede Beatirisia nei i pane hou aae ai i kana kane.  “Heaha i aka kaua hana pono? Ua ano hehna maoli ia au! Ua oi aku keia ehaeha mamua o ka make!”

   E Beatirisia, e kuu wahine, aole kaua e hoonaauauwa wale iho ia kaua iho.  E hoouna aku ana au i kekahi mea ma kona meheu, a nana no e hookolo aku iaia a hiki i konoa ai i ke kamalei aloha a kaua. Nolaila , e kuu Beatirisia, e hoomama ae oe i kou kaumaka.”

   “Ae-E hoomama ae anei au i ke kaumaha e haawe nei ia’u, i ho’u was e hoomaopopo nei, ua haalele mai la o Adelo ia kaua, me ka inaina, a eia oia i keia wa ma ke alahele e loaa aikekahi mau maka’i no ka kii ana mai a hopu ia oe, e kuu aloha. Owai ia kela e kikeke mai ia ma ka puka?”

   Ua puiwa ae la oia i kela was, iaia i lohe aku ai i kekahi kikeke ma ka puka, a ua pane iho ia hoi o Geofere Tereveliana:

   “O Magi no paha keia e kikeke mai nei. E kala wale paha, ia e ake mai nei e komo mai iloko nei, eia nae, ua poina loa ia au iaia!”

   Ia wa hele malie aku ia ia a hiki ma ka puka, a wehe mai ia.  Aia hoi e ku ana mawaho ia wa ke kahu kaa ame ka wahine malama hale, oia o Megi, na hele a pioo me ka uwe ana nohoi.

   :e Megi,” wahi a Geofere i pane aku ai i ka wahine lawelawe, “e komo mai oe iloko nei. A o oe hoi e kuu  kauwa maikai, e kali nohoi oe maanei, a e nana pono loa oe i ka puka komo. E pono nae paha ia oe ke hoopaa aku i ke kaoia o ka puka pa.”

   Ua hele koke aku la ke kanaka kahu kaa e hooko i ke kauoha i haawiia aku iaia.”

   A ia Megi i hoea aku ai imua o kona haku-wahine, ua kamailio koke aku la kona haku iaia:

“E Megi, e hoomakaukau koke mai oe I ka pahu lole o maua. He mea pono ia kanou ke haalele koke iho ia anei mamua ae o ka hoea ana mai o Haku Adelo me na mak’i. Ua ikeia na mea apau e ia-aohe me i koe!”

   “Auwe no ka hoi!” wahi a Megi i hooho ae ai. “Ua hooikaika nohoi au e paa aku iaia i waho, eia nae, aohe hiki. Aole i kana mai ka nui o ko kakou poino.”

   “Auhea la na keiki, e Megi? Ua kauoha au ia laua mamua o ke komo ana mai o ka Haku Adelo, e hoi laua e hiamoe.  Ua hoi io paha laua e hiamoe, aole paha. E hele aku ana oe e nana: a ina ua hiamoe laua, alaila, e hoala aku oe ia laua, me ka olelo aku e hele koko mai laua imau o’u.”

   Ua hele koke aku la hoi o Megi e nana i ua mau wahi keiki nei elike me ke kauoha a kona haku wahine. O Geofere hoi keia, aia oia ke holoholo la iloko o ka rumi, me ke ano e o kona helehelena. Ua noho mumule iho la ka Lede Beatirisia, me ka haikea pu o kona mau helehelena, me ka noonoo kupilikii ana hoi no kana kaikamahine i komo iloko o ka popilikia.

   Aole i liuliu, loheia aku la ke koekoele ana mai o kekahi mau kapuai mama, a komo mai ana o Mirande.

   “E Mama, olelo mai nei o Megi ia’u, he makemake oe e ike ia’u. Ua hele aku nei nae paha kela kanaka nona na maka i aa mai nei ma ka puka aniani?  He powa paha kela kanaka, he pupule paha, a i oie, he kanaka ona paha kela?”

   “ E Mirande, aole hiki ia’u ke pane aku i kau mau ninau i keia wa.” wahi a ka Lede Beatirisia i pane aku ai i kana keiki.  “E hele aku ana kakou ma kekahi huakai hele. Auhea ia o Jose?”

   “Aole au i ike, e Mama. Ia oe i olelo mai ai ia maua e hoi e hiamoe, ua puka like aku nei maua iwaho. A mawaho ae nei la, olelo mai ana oia e holo ana oia e huli i ke kinipopo ana iloko o ka mala, me ka olelo ana mai la’u, nana noia e hoi ae.”

   “Auwe no ka hoi!” i hooho hou ae ai ka Lede Beatirisia. “Ua hele aku nei ka ia iloko o ka maia.  Ea, e Mirande, e holo koke aku oe e nana iaia.”

   Aole i kana mai ka pioo o ka Lede Beatirisia i keia wa.

   A hala kekahi mau minute, ua hoi mai la ua wahi keiki nei, a hoike mai la, aohe loaa o kona kaikaina iaia.

   Ia wa i uwe kapalili hou ae ai ka Lede Beatirisia, me ka hooho ana, “Ua lilo kuu keiki ia Adelo! Auwe no ka hoi a’u mai keiki!”

   Ua hele aku la o Geofere ma ame ke kahu kaa e huli i ua wahi keiki nei, a puni ka maia, me ka noke ana i ke kahea i kona inoa, wole nae he wahi mea a loaa.  Ua nalowale loa ia.

   Me ka pioo nui nohoi o kona noonoo pane mai la o Geofere imua o kana wahine, oiai laua i kokoke aku ai i ka puka pa:

   “Ua hala loa aku nei paha oia iwaho o ke alanui, i ka wa e hamama ana ka puka pa, a malia e hoi mai ana no ia: a i ole, ua loaa paha oia i ka enemi o kaua, a ua kaillia aku nei oia, ma ke ano, oia ka lua o na moepuu e hoopilikia mai ai ia kaua.”

   I nei wa, ua hoea aku la laua I ka puka pa, wehe mai ke a puka aku la laua iwaho. Ua nana aku ia laua ma e a maanei oke alanui.  Aole nae he wahi mea a ikeia aku o ua wahi keiki nei.  Aohe nohoi he maelo kanaka ae ia wa.  Ua kahea ae ia o Geofere i ka inoa o ke keiki aole no nae i pane ia mai.  Aiaila, hele iki aku la ia iwaho o ke alanui me ka noke ana I ke kiei ame ka nana ana no ua keiki ia, aole no ona ike aku.

   A no ka nele ana, ua huli hoi ae la ia, me ka naau kaumaha e halwai me kana wahine, i aneane e hehena.

   I kona ike ana mai iaia e hoi aku ana, ia wa oia i ninau mai ai:

   “Pehea ua loaa aku nei oia ia oe? Ea: ua hoihoi mai ia anei oe i kuu keiki? O: E Geofere, aole oia me oe! Auwe: Ua poino oia: Ua nalowale!”

   “E kuu Beatirisia aloha,” wahi a Geofere Tereveliana i pane aku ai inua o kana wahine, iaia hoi i lalau aku ai iaia a pa mai la. “Ua hoouna aku nei au i ke kanaka kahu kaa o kaua e hele aku i kahi hoolulu kaa e nana ai nona a ina paha aia ke keiki me Adelo.  E hoomama ae oe, e kuu aloha, i kou manao. Aole loa oia e hoopilikia ana i ke keiki.”

   I kela wa i kani mai ai ke bele o ka puka pa nui, me ka ikaika, a pane hou ae la o Geofere Tereveliana:

   “O Jose paha kela, ua hoi pu mai la me ke akanaka kahu kaa?”

   Áole o’u manao pela.  Manao au o Adelo kela me na maka’i i hele mai la e hopu ia oe. Ke ike nei au, eia na maiuu o ka popilikia ke kikoo mai nei maluna o kaua” wahi a Beatirisia i pane mai ai.

  Me ka naau i piha i ke kaumaha ame ka luuluu nui ame ka ehaeha, puliki mai la ua Lede Beatirisia nei i ka a-i o kana kane.

   Kani hou mai la k abele me ka ikaika ame ka awiwi loa.

   Ma ia wa hoi i hoea mai ai o Megi, me ka piha maka’u a pika pihoihoi, oiai o ka pau ana mai no ia o kana hooponopono ana i ka paiki ili a kona haku wahine i kauoha aku ai iaia.

   Kauoha mai la o Geofere iaia e hele mai ia e nana i ka mea nana e hookani mai nei i ka bele.

   He ooiaio, he Manawa kela i piha loa ai o Geofere Tereveliana ame kana wahine i ke pihoihoi.

   Aia hoi ka Lede Beatirisia ke koi ikaika la i kana kane, e haalele iho oia i ka hale, a e holo, aka, ua pane mai nae kana kane:

   “E Beatirisia, e kuu aloha, kuu hoa pili o na la o kuu ehaeha ame kuu kaumaha.  Ihea auaneiau e holo aku ai, a heaha hoi ka waiwai oia hana ana? E haalele anei au ia oe e auamo hookahi i keia mau popilikia apau? Aole! Aole! Ina o ka hora keia e halawai aku ai au me ka ehaeha loa o na hana eleele a kuu hoahanau no au e halawai aku me ia.

Nolaila, e Beatirisia, maanei kaua e ku ai, a hiki i ko kaua ike ana i ka hopena oiaio maoli o keia leo kahea o ka bele a kaua i lohe aku nei.”

Ku iho la ke kane ame ka wahine, me ke pihoihoi nui, a hiki i ko laua wa i lohe aku ai i ke pani hou ia ana aku o ka puka pa, ma ia wa i hookaalili ia iho ai na uluku ana o ko laua mau noonoo, a poha ae la ka manaolana hauoli iloko o laua, oiai ua manaoio loa iho la laua, ua hoi mai ka laua keiki muli loa.

   “O Jose io no keia i hoi mai la, me ke kahukaa,” wahi a ka Lede Beatirisia i pane ae ai. “Nokamea, aole e ae ana o Megi e komo mai kekahi malihini iloko nei, me kona hele mua ole ana mai e hoike mai ia kaua.”

   E ke kiai! Owai ke kamehele o ka po?

   A keia pule ae.       

(Aole i pau.)

 

KE LOAA OE I KE ANU INOINO.

 

Alaila, e makemake ana oe i ka laau maikai loa e hiki ana ke loaa, a o ua laau la, oia no ka Laau Kunu a Kamalena.

   Makemake oe i laau e hoola ana ia oe me ka hikiwawe; aole hoi oia wale no, aka e hoola loa maoli ae ana hoi ia oe.

   Makemake oe i e hooluolu ana i ke akemama, a olulou ka puka ana o ka male.

   Makemake oe i laau, e kaohi ana i ka hoea ana mai o ka ma’i numonia.

   Makemake oe i laau ono ke inu aku a naikai nohoi.

   O ka Laau Kunu a Kamalena, ka laau i kupono loa i keia mau mea i hoakakaia ae la.  Kaulana loa keia laau, no ke ola iaia o na anu ino, ma Amerika Hulia a puni a ma na aina e ae nohoi kekahi. He nui loa kona mau hoa paonioni, aka, no ka hikiwawe o ke ola ame ke ola io maoli ana ae o na anu ino, aohe ona lua e ku nei, a ua mahaloloa ia kona mau ano apau.  E kuaiia ana e na poe kuai Iaau apau, Benson, Smith & Co., i Kaupalanaia, na Agena Kuai Kukaa no ko Hawaii Pae Aina.

 

   Ua loaa mai he lono, aia ma ka mokupuni o Makala, he kanaka oiwi ponoi no ka aina i like loa kona Akamai ma ka haiolelo hoohulihuli i na kanaka ma ka pono Karistiano, me ko D. L. Moody, a kona inoa o Dr. Rife.

 

Hoo laha Rumau.

 

Ka Ayer Laau

Hoomaemae Koko.

   SARSAPARILLA.

 

   E hoomaemai oe i kou koke me ka Ayer laau Hoomaemae Koko Sarsapaarilla), o keia ka laau pahu’a ole o kona ikaika hoola. Kupono maoii keia laau no ka ma’i Aiaaia, ma’i Hehe. Puha, ma’i Aai, ma’i Kuapuhi, ma’i Puupuu oolohu, ma’i Kane pohaka, amen a ma’i appu e ulu mai ana mailoko mai o ke koko ino.  He kupono loa nohoi keia LAAU HOOMAEMAE KOKO A AYER no ka ma’i nalulu (catarrh), rumatika ame ka rumatika pehu.

   Ma ke ano he lau hooikaika kino ia, aohe ona lua. E kokua ana ia i na mea paahana o ka opu ma ka hoowaii ana i ka ai, hooikaika i ka hana ana a ke ane-paa nawliwali, hooikaika hoi i na aa-leio a hooikaika pu hoi i ke kino i hele a nawaliwali mamuli o ka luhi ame ka hoolailo ana a ka ma’i.  Ua ike na kauka lapaau ma na wahi apau, he Laau maikai loa heia Laau Hoomaemae Koko a Ayer. He laau keia i loaa ho loko mai o ka pa’ipa’i ame ke kawili a hoohuihui naauao ia ana o na @ hoomaemae koko a hooikaika kino ikaika loa. Aohe laau hoomaemae koko ilike me keia, a i makemake nui ia nohoi elike me keia.

 

Ka Ayer Sarsaparilla

Hoomakukauia e

DR. J. C. AYER & CO.,

LOWELL, MASS., U. S. A.

Oia ka Ma’i Awa- Huaale a Ayer

 

No Keaha i hookaweleweleloa aku ai oe I kela

 

AME         ANU, KUNU PUU EHA?

 

Ua kaulana lo aka LAAU KUNU A AYER (Ayer’s Cherry Pectoral) iloko a na makahiki he aneane 60. Ma ka hoola ana i na Ma’i o ka Puu ame ke Akamama, ke Anu, ke Kunu, ka Ma’i La Grippe, ame ka Ma’i Mala o ka pale Akemama.  He ono keia laau ma ka inu ana, a he oiaio ke ola.

AYERS CHERRY PECTORAL

 

Na Medala Gula main a Hoikeike Nui o ke Aa

 

Mai lawe i na Laau Emi i Hoohalikeia me keia

 

Hollister Drug Co. Lt.

Na Agena ma ka Paeaina Hawaii

 

KAKELA ME KUKE.

 

Ka Halekuai Nui

 

: O NA:

 

Waiwai Like Ole

 

O na Mea

 

HANA KAMANA A PAU

Na lako Pili Hao Kukulu Hale, Na Kepa bele. Na lei Ilio, Na Kaniakao Ilio, Na Pahi, Na Upa, Na Kope Hulu, Na Pulupuia.

 

Na Palau Lio

Na Mea Maiai, Nas Au Ho, An Au Koi, Na kua bipi, Na lei bipi, Na kalahao bipi, Na uwea pa, Na kaa palaia, Na

Mea oiula, Na Ipuhao.

 

Makau me Aho Lawaia

 

Na Iliwai……       Na Pakeke……

Na Kula……        Na Pakeke Hao

Na hulu Pena..       Na Kapu Hao..

Na Pulumi…        Na Panda……

Na Pena me Aila..   Na Kukaepele

Na Kopa…………  Na Uaiki, a me

Na Aila Mahu……  Na Ipukukui

 

Mikini Humuhumu Kaulana a

WILCOX & GIBBS

Hookahi Lopi,

KA REMINGTON , Elua Lopi.

 

   A me na ukana he nui wale o keia a me kaia ano.

 

Kakela me Kuke.