Ka Nupepa Kuokoa, Volume XXXVII, Number 4, 28 January 1898 — He Olelo Hooholo Ano Nui. [ARTICLE]

He Olelo Hooholo Ano Nui.

Ma ke kakaiiiaka o kela Poaono aku nei i hoopuka ai ka Aha Kiekie i kekahi olelo hooholo ano nui loa. Aole i loaa i na Aha Apana ka mana e kapae a e hoopanee paha i ka hooko ana i ka olelo hoopai ma kekahi ofeni (karaima) i laweia mai imua o lakou. Aia wale no ia mana iloko o na Aha Kaapuni. Ua hiki ia lakou ke kapae i ka olelo hoopai mai kahi Kau a kahi Kau, oiai he mau'Aha mau iakou; aka. o na Aha Apana, he mau Aha waie no iakou 110 ka manawa. Ua hoopukaia keia olelo hooholo, ma ka hihia a ka Repubaiika kue ia Pedro; i hoopii hou ia mai ka Aha Apana aku o Honolulu nei a ka Aha Kiekie. 0 ke ano nui o keia hihia, penei no ia: Ma ka malama o Feberuari o kela makahiki aku nei, ua hopuia o Pedro no ka hewa hoeha i kana wahine, ua hookoiokoioia a ahewaia oia, aoie nae i kauia ka hoopai maluna ona o ka Aha: aka, ua kapaeia A ma ka maiama mai o Novemaba aku nei. ua hopu hou ia no ia, no ia hewa no, a ua nonoi ke Aupuni i ka'Aha e hoopaiia o Pedro, no ka hewa mua ana i hana ai. Ua kau ka Aha i ka hoopai hoopaahao maluna ona me ka hana oolea. No keia oleio hoopai a ka Aha ua hoopii loa ka aoao hoopiiia imua o ka Aha Kiekie, a o ka hopena i ikeia, oia ka olelo hoohoio a Ka Aha Kiekie e hookuu ana i sa mea i hoopiiia.