Ka Nupepa Kuokoa, Volume XXXVII, Number 5, 4 February 1898 — KE KULA SABATI AME NA KUMU E HOLOMUA AI. [ARTICLE]

KE KULA SABATI AME NA KUMU E HOLOMUA AI.

Ō ke Kūla Sabati, oia ke kula, kahi e hoonaauaoia ai ma ka olelo a ke Akua. 0 ka waiwai e loaa ia. kakou raulaila, oia ka naauao ma ka hoomaopono ana i ke Akua, Kona ano,.Kona makemake, Kana mau hana, ame ko kakou pili ana laia. A loaa keia mau ike, e hua māi auanei mai % loko mai o lakou, ke aloha, ame na mahele pili laia: oia ka iokahi, ke 'akahai, ka lokomaikai, a pela aku. 0 ka makemake o keia kumumanao, oia ka loaa o na kumu e holo mua ai; Heaha. la ia mau kumu? - 1 Ka loaa o ke Kahukula Sabafi kupono. 2 Ka loaa o na kumu kūpono. 3 Na hana hoeueu. 4 Ka launa ana mai o.ka uhane. 1. —Na ano kupono o ke Kahukula Sabati. (1). Ke ano naauao, (2) Ke ano hoopono me ka malama i kona kuiana e hiki ai ke hilinaiia. (3) Ka hana mau, makaala mau i kela ame keia wa hana. (4) Kona ano |iloha, akahai, oluolu, launa oluolu me na hoa, noho aloha me lakou. 2 —Ke ano kupono o na kumu, oia ke ano naauao, oluolu, akahai, makaukau ma ke a'o ana, makaukau i ka himeni, malama pono i ka nohona maemae, aole hooio, aole hookiekie, makaala mau ma ka hana, a e lilo lakou i mau kumu alakai e nana mai ai ka lehulehu. 3. —0 na hana hoeueu,( oia na hana e hoohauoli ai i na hoa Kula Sabati. Elike me na hana hoike ohana, na hoike papa, na hoike hapaha, na hoike makahiki, na makana no na hana oi, na paani hui kupono, na aha meie ame na haiolelo moolelo. 4. —Ka launa ana mai o ka Uhane, he haawina kupaianaha ia mai ke Akua mai, aole ia kakou ia hana; aka, aia no ia mai ke Akua mai. Ke loaa keia mau haawina i ke Kula Sabati, e loaa auanei na hua ohaoha o ke aloha* ke akahai ame ka noho lokahi ana. I ke "Kuokoa," aloha oe:—0 ke kumumanao maluna ae, he haiolelo ia na Sam, Leeftee, Jr., he haumana Kula Sabati o 13 makahiki no ke Kuia Sabati o Pukaana ma Hookena, Kona Hema, Hawaii, ma ka Hoike Kula Sabati makahiki oia Kula i malamaia ma ka luakini o Pukaana m6. ke Sabati, lanuari 2, o keia makahiki hou, a ua kauoha mai ke Kula Sabati ia'u e hoolaha aku ma ka Nupepa Kuokoa ame kekahi nupepa e ae, ke noi ia aku nei ka oluolu o ke Kuokoa e hookomo i keia haiolelo no ka pomaikai o kou poe heluhelu. Me ka mahalo, T. K. R. AMALU, Komite Hoolaha. Hookena, S. Kona, Hawaii, Jan. 3, 1898.