Ka Nupepa Kuokoa, Volume XXXVII, Number 5, 4 February 1898 — PERESIDENA O HAWAII MA AMERIKA. Hoohanohano Nui ia Oia e na Kanaka o Kikako. [ARTICLE]

PERESIDENA O HAWAII MA AMERIKA.

Hoohanohano Nui ia Oia e na Kanaka o Kikako.

Ua loaa mai nei ia makou ka lano e pili ana i ke Poo Aupuni Kiekie loa o ka Repubalika o Hawaii, e hele la ma Amerika i keia wa, ka home o kona mau kupuna ame kona luaui. Kikako, lanuari 23.—He 5 minute i hala ae o ka hora 8 o keia kakahiaka, aia hoi, ua hoea mai la o Peresidena Dole o Hawaii ame Mrs. Dandford B. Dole Ua halawai pu āku me ka Peresidena o k&hi Repubalika Mokupuni he puulu o na kanaka koikoi a kaulana o ke kulanakauhale nei. Ma ka aoao 0 ke Aupuni, no ka hookipa ana mai 1 ka Peresidena, oia o Lunakanawai Grosscup, Kenerala John C. Black, loio kuhina apana; Thomas E. CcMill&n, kakauolelo o ka aha apana, ame Thos. "W. Cridler o ka Oihana Kuhinu, mai Wasinetona mai. Ma ka aoao hoi o Kikako nei, ola o Meia Harrison, a o ka oihana koa, oia o Mekia Heistand, ame Lutanela» Com. Pheljra, iloko o ko laua mau aahu piha. Mawaho ae o keia poe keonimana, ua hookipaia mai ka Peresidena e Kenerala Booth ame kona mau ukali, oia oKapena Richards ame na Lutanela Dean ame MeKenna; F. M. Hatch, Kuhina Noho o Hawaii ma Amerika Huiia nei; William Penn Nixon, Dr. Henry C. Lyman, ame ke Kanikela Hawaii ma Kikako nei, Dr. F. W. Job. Ua holo aku ka huakai a ka Peresidena i ka hotele Auditorium, kahi i hoomakaukauia ai na rumi o ke keena helu 1102 oia hotele i wahi e noho ai ka Peresidena. I ka hoea ana aku i ka hotele, ua kono mai la o Kenerala Brooke i ka Peresidena ame Mrs. Dole e hele makaikai aku i Papu Sheridan, ma ke kakahiaka Poakahi, a malaila e malamaia ai he paikau hookahakaha o n koa, no ko laua hanohano. Kikako, lanuari 24.—0 ka papa hoonohonoho no na hana. hookipa ia Mr. Dole i keia la, oia ka huakai hele i Papu Sheridan, ka paikau hookahaka-

ha o na koa Amerika, he paina ulumahiehie i haawiia ae e Kauka Lyman, a ma ia papa ahaaina i poloai ia aku ai he poe i hanauia ma Hawaii a e noho nei he poe kamaaina ma Kikako nei. Ma ka hora 3, ua haawiia he anaina ike ma ka Hui Uniona, a hoea i ka hora 4. Ua haawi ae o Mrs. P. S. Grosscup he papaaina no ka hanohajio o Mr. a me Mrs. Dole,.a ua hiki ae ma ia papaaina o Meia Carter Harrison ame kana wahine, Kenerala John R. Brooke aine kana wahine, Kenerala John C. Black ame Kanikela Hawaii Job ame kana wahine, Lunakanawai John Showalter, ame kekahi poe e ae he nui. Kikako, lanuari 25.—HMa ka iiora 2:05 o keia auina la i hoomau aku ai na malihini kipa i ka lakou huakai hele no ke kapitala, a e hoea ana lakou ilaila i ka hora 1:15 o ke kakahiaka oka la apopo. Aia lakou maloko o kekahi o na kaa ponoi maoli iho o liekahi o na luna nui o ke ala kaa ahi o Balitimore ame Ohio. Ua ukallia aku ka huakai e Kuhina Cliid<ller ame Mekia Heistand, ka aliikoa ukali o Peresidena Makinile. WaisHnetona,' lanuari 24. —Ua ikea maopopo loa ia, manao nei o Peresidena Makinile, e lilo ana keia hiki kino ana mai nei o Peresidena Dole i "huli" ikaika loa nana e hahau ai ma kana puu pepa, ma ka mea e pili ana i ka ninau hoohui Aupuni. Ke hoolalaia nei kekahi hookipa maohaoha ana mai iaia ma Wasinetona. Wasinetona, lanuari, 25. —Mamuli o ke noi ikaika ana a ka malihini hanohano e kipa ana ia nei, oia o PeresJdena Dole o ka Repubalika o Hawaii, e hookipaia mai ai oia i Wasinltona nei, me ke kupinai nakolokolo ole ana o na pukuniahi, aole hoi na hihimanu ulumahiehie o ka.oihana koa e hoea mai ai ua malihini hanohano la no ke kapitala nei, ma ke awakea o ka la apopo. Ua upu wale ia e lehulehu loa ana na kanaka e h'oea aku ana ma kahi hoolulu kaa-ahi no ka ike ana/ iaia, aka, inawaena oia poe, aole he poe luna*Aupuni. Na Kuhina Porter, ma ka aoao o ka Peresidena Makinile, e hookipa mai ana i ka Peresidena o Hawaii ma kahi hoOlulu kaa-alhi. Ua manaoia, e ike pili Aupuni ana na Peresidena elua ma ia la. E haawi ana hoi o Peresidena ame Mrs. Makinile, he anaina hookipa ame ona papa ahaaina ma ka Hale Keokeo ma ke ahiahi Poalua, no ka hanohano o ka Peresidena o Hawaii ame kana wahine. Eia na luna Aupuni i loaa hoi na luakalha ana ma Hawaii ke hooliuliu nei i mau ahaaina ame na hookipa ana no Peresidena Dole.