Ka Nupepa Kuokoa, Volume XXXVII, Number 5, 4 February 1898 — HE HOALOHALOHA. [ARTICLE]

HE HOALOHALOHA.

E ke Kilohana e; , ■ Me ka walohia nui:—o makou o *na Luna ame na Hoahanau o ka li;kalesia Hoole Pope o Kalaupapa nei, ma o ko makou mau Komite la; a Ia Mrs. Hattie Kamakahiki, Lahaina, Maui: Paumako wale: —Oiai, ua lalau aloha ole mai na lima leo ole o ka make i ka hanu ola o Rev. S. K. Kamakahiki i aloha nui ia, ma ka 3iora 9 p. m. o ka Poalua nei, lanuari 25, ma ka home noho o na kahunapule Hawaii i loaa i ka ma'i lepera, a ka Papa Hawaii i hoomakaukau ai ma Kalaupapa nei. Oiai, oia e ola ana, he makua oluolu, a waipahe oia, iloko o na hana pili uhane a pau o keia Ekale&ia, a he Lala Mau hoi no ko makou Aha Ekalesia, a i kulike ai me ka olelo hooholo i aponoia e ka A!ha Lunakahiko ma ka hora 5 p. m. o ke ahiahi nei, maloko o ka luakini o Kanaana Hou, oia hoi: E hooholoia: Ke komo pu aku nei makou a pau me oe, ka wahine i hooneleia i ke kane ame na keiki hoi i ■hoopilikia nui loa ia e ka nele ame ka hune i ka makua, e auamo pu me oukou ame ka ohana a pau, i na luuluu ame na kaumaha no ka hoomanao walohia ana no ka mea i hala. E hooholo hou ia: Ke pule nui nei maleou i ko na Lani lokomaikai, 4 e hoomama mai i ko kakou mau luuluu iloko o kona mana' lua ole, no ka mea, aole o kakou kauhale paa maanei. E hooholo hou ia: E hoounaia i hookahi kope o keia olelo hoalohaloha i ka wahine ame ka ohana apau, a i hookahi kope i ka nupepa Kuokoa, Ka Makaainana ame Ke Aloha Aina. 0 makou iho no me ka haahaa. Ka oukou mau kauwa hoolohe iloko o Kristo. John A. Kamanu, J. H. Imihia, J. K. Kainuwai. Komite. !Kalaupapa, Molokai, lanuari 28, 1898