Ka Nupepa Kuokoa, Volume XXXVII, Number 6, 11 February 1898 — PEHEA LA NA HAWAII HOOHUI AUPUNI? [ARTICLE]

PEHEA LA NA HAWAII HOOHUI AUPUNI?

He mea na makou i makemake nui, ka ike ana aku i na Hawaii i ku ma keia aoao kalai Aupuni o kakou nei, e ku mai ana lakou me ka maloeloe a hoakoakoa ae ia lakou iho ma ke ano Ahahui Kalai Aupuni no lakou Hawaii ponoi. E kukulu lakou i mau ahahui kalaiaina no lakou iho. E noho ana lakou me ka makaukau nui i na wa apau, no ka noonoo ana i na mea e pono ai lakou, ma ko lakou

ano Hawaii iho. Ina paha e hui io ana kakou me Amerika Huiia, a hiki i ka wa e ninau mai ai ka Peresidena o Amerika Huiia i na kanaka Hawaii kupono ma Hawaii nei, no kekahi mau oihana Aupuni i manaoia ua kupono ke lawelaweia e na Hawaii maoli, alaila, i ka ahahui hea e hiki ai e ninauia mai ai keia mau ninau oiai ua nele na Hawaii Hoohui Aupuni i ka Ahahui Kalaiaina makaukau e noonooia ai ko lakou mau pono. E kala kahiko no nae makou i pai mau aku ai i keia manao; aka, a hoea mai i keia wa, aole loa makou i ike iki ua hoala mai na Hawaii 1 na ahahui o keia ano. Ke paa nei na hoaloha ili-keokeo o kakou nei i na ahahui o keia ano, nokeaha? No ko lakou ike anei, he mau mea waiwai ole ia? Aole; aka, no ko lakou ike, aia maloko o na ahahui e loaa ai ia lakou na kaana pono ana i ko lakou mau noonoo ana ma na hana e pili ana i ke Aupuni. f Aia ke paiia ana ame ka hoonohoia ana oka Nupep a Hawaii "Ka Ahaiiono o Hawaii," ma ka hale-pai o kekahi o na Nupepa Pukiki o Honolulu nei. Ma kela Poaono aku nei, ua holo aku he 30 a oi aku kaikamahine o ke Kula Kaikamahine o Kamehameha no lalo o Manana, Ew ae nei, no ka hoohala manawa ana. Ua oleloia he 800 ka nui o na poe makaikai i hoea aku ma ke kahua puhi ohe po mahina o ka po Poakahi nei. Ua nui ka mahaloia o ka himeni ana a Miss Kanoho ma ia po.