Ka Nupepa Kuokoa, Volume XXXVII, Number 6, 11 February 1898 — HALA IA LA O MAUI. [ARTICLE]

HALA IA LA O MAUI.

E ke Kilohana:— Ma ka Home noho a ka Papa Hawaii i hoolako ai no na Kahunapule Hawaii, i loaa i ka ma'i lepera, ma Kalaupapa nei, a ma ka hora 9 ponoi o ke ahiahi o ka Poalua nei, Jan. 25, 1898, ua oluolu i ka Mea Mana Loa iloko 0 Kona Mana nui, ke kahea ana mai 1 ka hanu oia o Rev. S. K. Kamakahiki, i aloha nuiia, e hoi aku no me ia ka mea nana i hana a o ka lepo, hoi e hoi no ia i ka lepo. Ua hanauia o Rev. S. K. Kamakahiki ma Koolauao, Waikahekahe, Puna, Hawaii, ma ka la 7 o Oct., 1849, na Mr.' Poikaohu ame Mrs. Kekapa Limaloa. Ua hookomoia oia i ka Hoahanau e Rev. T. Coan, no ka Ekaleeia o Makuu, Puna, Hawaii, ma ka malama o Maraki, 1864, a ua komo i ke Kula Hanai o Hilo, Hawaii, ma ka la 6 o Oct, 1867, malalo o na aiakai a noho Kumu Nui ana a ka Rev. D. B. Lyman, a puka me ka maikai i Mei, 1870. Ua noho kumukula oia no ke Kula Apana o Keaau, Puna, ka

la 18 o Nov., 1873, a waiho i ka hana kumukula ma ka la 9 o July, 1877. Mare i ka wahine ia Miss Hattie Manoanoa ma ka la 13 o Oct., 1874, na ka Rev. T. Coan i mare ia laua. Haalele ia Puna, Hawaii, no Honolnlu ma ka la 18 o Oct., 1877, a komo i haumana no ke Kula Kahunapule ma ka la 24 no oia malama. Ua hoounaia i Haiolelo no na ekalesia o Kaohe ame Milolii ma Kona Hema, Hawaii, ma ka la 17 o June, 1879, no ekolu mau malama wale no. Ua puka pono me ka maikai mai ke Kula kahunapule mai ma ka la 4 o June, 1880, a iia loaa koke no i ka leo kahea o ka. Ekalesia o Olowalu, Maui, ma ka la 20 oia haalama no, a hoomaka i ka oihana haiolelo ma ka Ekalesia o Olowalu, ma ka la 4 o July oia makahiki ho. Ua poniia i Kahunapule a hoonohoia i Kahu Ekalesia no Olowalu, ma ka la 14 o Nov., 1880, a ua hanau mai mai ko laua mau puhaka ponoi mai na kaikamahine 4 ame na keikikane 2 e ola nei a hiki i keia la. Ua hanau ke kaikamahine hiapo i Sept. 6, 1876, a o ka Paia ala o Puna kona one hanau, a o ka lua o ka laoa kaikamahine, ua hanau oia ma ka pa o ke Kula Kahunapule a oia hookahi ka mea i ike i ka hanu hope loa o ko lakou luaui, oiai oia ua hele mua mai i keia aina he elima makahiki mamua aku o ka hiki ana mai o ka makua, i pauaho koke iho la, a o ke koena o na keiki, ua hanau lakou apau ma Olowalu, Maui. Aia no ka mua loa i ke Kula Kaikamahine o Maunaolu, a o ka muli iho, eia i Molokai nei, o ke kolu o na kaikamahine ua mare i ke kane ia Mr. Wailama o Lahaina, a p keia paha ka mea hoehaeha naau e hiki ole ai ina haipule ke aua iho i ka waimaka. Oiai, ua mare keia opio i ke kane mamuli o ke kauoha a kona luaui makuakane i loaa ka makua o na pokii ame ka ohana apau. Auwe! walohia wale. O ke koena aku o na keiki, ke kupunawahine ame ka makuahine, aia lakou apau i keia la ma Lahaina, malalo o ka malu ame ka malama ana a ke kaikamahine i mare i ke kane. Ke malama mau nei no ka Ahahui Lunakahiko o na Mokupun} o Maui he wahi haawina kokua o $75.00 o lia makahiki no keia ohana pilikia, a ua loaa no he mau kokua ana i na keiki i kahi wa mai ka mea mahaloia mai, D. Kahauielio, a no na poe puuwai hamama e like me keia ae la maluna i kauoha iho ai o Rev. S. K. Kamakahiki i kana kaikamahine i ke alo, oiai, na la ano pilikia loa. I na paha i noho kaua a pilikia au, mai poina oe i ka haawi aku i kuu aloha a nui loa no na keonimana maikai: ka.Hon. J. W. Kalua o Wailuku, Hon. D. Kahaulelio o Lahaina, na Reys. J. K. Hihio, A. Pali, S. Kapu, O. Nawahine ame ka lehulehu o Maui a puni i aloha wale ia leo. He lala oia no ka Hui Naita o ka Aahu Ulaula o Kalaupapa nei. Kahu Kula Sabati hoi iloko o ka ulumahiehie mau ame ka holomua no aneane elua ae nei makahiki i hala. Ua malamaia kona anaina pule hope loa maloko o ka Luakini o Kanaana Hou e Rev. D. Kaai, a ua maneleia kona kino lepo malalo o na hooponopono ana a ka Hui Naita i alakaiia e ka Bana a he kaoo nui makolukolu maoli kona huakai hope loa. J. A. KAMANU.