Ka Nupepa Kuokoa, Volume XXXVII, Number 7, 18 February 1898 — W. G. HALL. [ARTICLE]

W. G. HALL.

0 kela haole kapili moku kaulana, ka mea hoi nana i kapili na moku o ka Hui Hooholo Mokuahi Kuloko, oia hoi o Iwalani, W. G. Hall, Mikahala ame ia poe moku no apau, ua make mai nei ma ke kulanakauhale o Kapalakiko, ma ka la 7 iho nei no o keia mahina. 0 kekahi ia o na haole kaulana loa i ke kapili moku ma ka aoao Pakipika nei o Amerika. Ua hanau ia oia ma Cohasset, Mass., iloko o ka makahiki 1833, a haalele aku i kona one hanau iloko no o kona mau la opio wale maluna o ka moku a pae ma Kaleponi. Malaila oia i hooikaika ai e loaa ke kuonoono ame ka mahalo nui ia.