Ka Nupepa Kuokoa, Volume XXXVII, Number 8, 25 February 1898 — Untitled [ARTICLE]

E ike ana ko makou poe heluhelu ma kekahi wahi o ko maJtou pepa o keia !a i ka makou unuhina ponoi iho 0 ka Palapala Wehe Ahaolelo a ka "Hope" Peresidena o ke Aupuni i heluhelu ai, ma ka la i weheia ai ka Ahaolelo. 0 kekahi hapa keia a makou e hoopuka aku nei, a ma keia pule ae e hoopau loa ia ai, ina e loaa ana he kowa kaawale. He hoike waiwai nui keia no ka poe apau e ake ana e ike i ke kulana e nee nei o ke Aupuni—ma kona ano kuloko a kuwaho hoi. 4 O ka lono i loaa mai i o kakou nei i kela pule aku nei, no ka huli ana o Lunahoomalu Reed o ka Hale o na Makaainana o Amerika Huiia e kakoo 1 ke Kumuhana Hoohui Aupuni, he lono ano nui loa ia, me ke ku i ka hauoli, ma ka aoao o na hoaloha oiaio o ua kumuhana la, ma Hawaii nei. A he puupuu ikaika hoi keia i loaa aku i ka aoao kue. Aka, ma ia manawa hookahi no nae, ua loaa mai he lono mai ka mea kakau mai o k a Nupepa "Cair o Kapalakiko, e noho ana ma Wasinetona, elike me ka mea i hoolahaia ae maloko o ka nupepa P. C. Advertiser o ka Poakahi iho nei, e hoole ana i ka oiaio oia lono. Me he mea la nae, na ka lono e loaa mai ana ma ka mokuahi Zealandia e ku mai ana i kei a la. a i ka la apopo paha. e heoia mai ia kakou i ka mea oiaio loa.