Ka Nupepa Kuokoa, Volume XXXVII, Number 9, 4 March 1898 — NA MATERIA O KE PANALAAU. [ARTICLE]

NA MATERIA O KE PANALAAU.

E ka Nupepa Kuokoa: — He nui ka ua o Molokai nei i keia mau la, me ka makani aheahe malie, mai ke komohaua akau mai. Eia ka Luna Nui W. J. Feary ame na makai o ke Aupuni ke noke mau nei i ka huli i ka ukaua a na ina'i lepeia i ka wa e ku mai ai o ka Mokolii ma ke awa o Kalaupapa nei, a ma keia hana ana, ua hoopauia ka loaa ana i kela Opu Nui Momona o ka Halo Papaa o ka uku Komisina o $2.00 o ke tini opiuma hookahi. Ua pii ae i keia wa he 3 kiko wale no e kuai liili ia nei ka opiuma, i ka 25 keneta e loaa ana hoi na dala aneane $40.00 no ke tini liilii 14 paona a he $17.00 a hiki i ka $20.00 ko ua tini paona la i keia wa, ina ma ke kuai lini okoa. O ke kumukuai o ka Pepa uhau (playing cards) ma ke kahua ma'i lepera nei he 50 keneta o ka mea hookahi, oiai he 40 keneta wale no ko ke kakini hookahi ma Honolulu. He $2.00 i keia wa ke kumukuai o ka paona hope (hops) hookahi, e kuaiia nei e kanaka mai na Pake mai. O keia mau mea apau i hoikeia ae la maluna, ua Lke maka ka mea e kakau nei a kamaaina i keia poe a no I ka loaa ole ia'u he lua kupono e hiki ai ke hoohikiia keia poe ha'iha'i kanawai, nolaila, ua hoike aku au i keia mea i ke Kokua Luna Makai, ia Mr. Wm. K. Makakoa, a oia paha keia noke nuiia o ka huli ana 1 na ukana. Weia maopopo ka hao! Eia no ko makou Luna Paahao hou ke hele pu nei me ko Kalaupapa nei poe lae ula 1 keia mau po 1 ka pepa pili dala mahope iho o ka hoopaa ana aku ina paahao i ke ahiahi a paa. Ke wawa loa ia nei keia mea mawaena o na mea apau a no ka mea kakau, mai kela Luna Paahao mai no koaa loha ana ka Pake nooa ka hale I pepa ai. 3. A. KAMANU. Kalaupapa, Feberuari 18, 1898. O ka hoopii koi poho a Mrs. Kaupena Kainiana o Kohala Akau, Hawaii, ia Mr. Kamaunu. no ka hoopii manao ino, ua baawi mai ke "kiujr«" hui he oielo hoohok) o $2,000, ma kahi o $5,000 ka huina koi.