Ka Nupepa Kuokoa, Volume XXXVII, Number 13, 1 April 1898 — Page 2
| This text was transcribed by: | Debbie Tom |
| This work is dedicated to: | andrea tom |
Hoolaha Mana Hooko
Na hookohaia aka ma keia la o THOS. N. WRIGHT, ESQ. i Luna hoomalu no ka Papa Alanui no ka Apana Auhau o Kona Hema. Mokupuni o Hawaii, ma kahi o A. J. Wilson i wahio mai.
HENRY E. COOPER,
Kuhina Kalaiaina no ka manawa.
Keena Kalaiaina, Maraki 12, 1898
2694-3t
HOOLAHA NO NA AINA AUPUNI.
Ma ka Poaono, Aperila 9, ma ka hora 12 o ke awakea, ma ke alo iho o ka Hale Hookolokolo, e kuai kudala la aku ai:
Ka Hoolimailma o ka aina o Kaakepa, Hilo, Hawaii, maloko o laila he 194 Eka, oi aku a emi mai paha.
Manawa hollimalima, 21 makahiki, e hoomaka ana Okatoba 17, 1899.
Uku hooimalima e oi ana maluna of $500 no ka makahiki, e hookaa mua ia ana i kei ame keia hapalua makahiki.
J. F. BROWN
Agena o na Aina Aupuni
Honolulu, Maraki 11,1898.
2694-td.
I keia la ua hookohuia aku o JOS. H . NISHWITZ, ESQ., i Notere no ka Lehulehu, Apana Hookoiokolo Kaapuni Elua o Ko Hawaii Pae Aina.
HENRY E. COOPER,
Kuhina Kalaiaina no ka manawa.
Keena Kalaiaina, Mar. 7, 1898.
KUAHAUA KOHO BALOTA
Oihana Kalaiaina,
Honolulu, Maraki 2, 1898.
I kulike ai me ka Pauka 54 o ke Kumukanawai, ke hoolahaia aku nei ma kela, e malamaia ana he kau koho balota kuikawa no kekahi Senatoa, no ka hoopiha ana i ka manawa aku i koe e pau ana ma ka Poakolu hope o Sepatemaba, 1899, mamuli o ka make ana o W. Y. Horner, Senatoa mai ka Apana Koho Senatoa Elua mai, ma ua Apana Koho Senatoa Elua la e malamaia ai, ma na Mokupuni o Maui, Molokai, Lanai ame Kahoolawe, mawaena o na hora 8 a. m. ame 5 p. m. o ka Poaha, la 14 a Aperila, 1898.
E waihoia mai na inoa o na moho me ke Kuhina Kalaiaina, aole emi malalo o na la he iwakalua mamua ae o ka la koho.
O na Apana Koho Balota, na Mahele Koho Balota, ma ka Apana Koho Senatoa Elua, eia iho no ia:
APANA 3.
Na Mokupuni o Maui, Molokai ame Lanai.
Mahele Ekahi - O kela hapa o Molokai e komo pu ana o Kalawao ame Kalaupapa.
Wahi koho: Halekuai o Kalaupapa.
Na Luna Nana:
W. Notley,
J. K. Waiamau,
J. A. Babcock.
Mahele Elua-O ke koena ak i koe o ka Mokupuni o Molokai.
Wahi Koho: Hale Hookolokolo o Pukoo.
Na Luna Nana:
Geo. Trimble,
H. Manase,
A. Kamai.
Mahele Ekolu-Ka Apana o Lahaina ame ka Mokupuni o Lanai.
Wahi Koho: Hale Hookolokolo o Lahaina.
Na Luna Nana:
Henry Dickenson,
A. N. Hayselden,
Rev. A. Pali.
Mahel Eha-Ka Apana o Kaanapali.
Wahi Koho: Halekuia o Honokohau.
Na Luna Nana:
R. C. Searle,
David Taylor, Jr.,
David Kapuku.
Mahele Elima-Oia ka hapa o Wailuku e moe ana ma ka akau o na puuone me ke komo pu o Waihee ame ka Mokupuni o Kahoolawe.
Wahi Koho: Hale Hookolokolo o Wailuku.
Na Luna Nana:
J. H. Thomas,
W. T. Robinson.
Mahele Eono-O ka hapa i koe o Wailuku, koe aku ka Apana o Honuaula.
Wahi Koho: Hale Dute ma Kahului.
Na Luna Nana:
L. W. Zumwalt,
D. Quill,
E. B. Carley.
Mahele Ehiku-Ka Apana o Honuaula.
Wahi Koho: Hale Hookolokolo o Honuaula.
Na Luna Nana:
J. M. Napulou,
G. K. Kunukau,
S. E. Kaleikau.
Mahele Ewalu-O keia apau o ka Apana i ikeia o Kula ame keia hapa o ka aina o Hamakuapoko e moe ana ma ka Hema ame ke Komohana o ke awawa o Maliko a mauka o ka laina e holo ana mawaena o ke alanui mai Kaiuanui a hiki ka halepaahao o Makawao, ame ka laina e moe ana mailaila aku.
Wahi Koho: Hale Hookolokolo o Makawao.
Na Luna Nana:
F. W. Hardy,
Geo. Forsyth,
Manuel Cabral.
Mahele Eiwa-Ke koena o ka Apana o Makawao a hiki i ke kahawai o Oopuloa.
Wahi Koho: Halekula o Hamakuapoko.
Na Luna Nana:
W. F. Mossman,
W. E. Shaw,
P. N. Kahokuoluna.
Mahele Umi-Kahikinui, Kaupo ame Kipahulu
Wahi Koho: Halekula o Kipahulu.
Na Luna Nana:
A. Gross,
W. B. Starkey,
J. K. Piimanu.
Mahele Umikumamakahi-Mai Kipahulu a hiki ame ke komo pu ana o Makapuu.
Wahi Koho: Hale Hookolokolo o Hana.
Na Luna Nana:
F. Wittrock,
J. Grunwald,
J. K. Kalama.
Mahele umikumamalua-Ka Apana o Koolau a hiki i ke kahawai o Oopuloa.
Wahi Koho: Halekula o Keanae.
Na Luna Nana:
H. Reuter,
D. W. Napihaa.
J.A. KING
Kuhina Kalaiaina
2692-6t
HOOLAHA NO NA AINA AUPUNI.
Ma ka Poaono, Aperila 2, ma ka hora 12 awakea, ma ke alo iho o oka Hale Hookolokolo, ma Honolulu, e kuai kudala ia aku ana na Hoolimalima o keia mau Aina Aupuni:
Kamalomalo, Kaui, 2,405 Eka. No ka manawa e hoomaka ana mai Maraki 9 aku, 1900, a e pau ana i Mei 1, 1907. Uka hooimalima oi aku maluna o $1,000 no ka makahiki, e hookaa mua ia ana i kela ame keia makahiki.
No na kii ame na hoakahka piha o keia mau apana ae la e ninau ia
J. F. BROWN
Agena o na Aina Aupuni
Keena Aina Aupuni, Honolulu
2692-td
HOOLAHA HUI.
Ma ka Hana o ka Hoopau ana i ka Hui "Hawaiian Construction Company."
Oiai, ua waiho mai ka Hawaiian Consaruction Company, he Hui i kukuluia a e ku ana malalo a ma o ka mana la o na Kanawai o ko Hawaii Pae Aina, elike me ke kanawai ma ia hana a i hoakakaia hoi, ma ke Keena o ke Kuhina Kalaiaina, he noi no ka hoopau ana i ua Hui la, me ka Palapala Hooia i hoopili pu ia, elike me ke kauoha a ke Kanawai.
Nolaila, ke hoolahaia aku nei ma keia imua o ka poe apau i kuleana, ma kela ame keia ano, iloko o ua Hui la, e pono no e waiho mai i na kumu kue no ka aeia ana o ua noi la, ma ke Keena o ke Kuhina Kalaiaina, ma ka Poalima, Mei 6, 1898, a mamua ae paha, a o kela ame keia mea e makemake ana e loheia kana hoohalahala, e hele kino ae ma ke keena o ka mea nona ka ino malalo iho nei, ma ka Hale Oihana Hooko, Honolulu, ma ka hora 10 a. m. o ua la 'la, a e hoike mai i kumu e ae ole ia ai ua noi la.
J. A. KING,
Kuhina Kalalaina.
Keena Kalaiaina, Maraki 1, 1898.
2692-9t
OLELO HOOLAHA HOOPAU HUI.
No ka hoopau ana i ka Hui i ikeia o Waihee Sugar Compay:
No ka mea, o ka Waihee Sugar Company, he hui i kukuluia a i hoohanaia i kulike me ke Kanawai o ko Hawaii Paeaina, a oiai, ua waihoia mai he palapala noi ma ke Keena o ke Kuhina Kalaiaina, no ka hoopau ana i ua Hui la, ame kekehai palapala hoola kupono elike me ke kuhikuhi a ke Kanawai.
A nolaila, ke hooiahaia aku nei i na poe apau i kuleana ma na ano apau iloko o ua hui la ina he mau kumu hoohaiahaia kupono kekahi no ka palapala noi e hoopau, e waiho mai ma ke Keena o ke Kuhina Kalaiaina, ma a mamua ae o ka Poalima, Aperila 29, 1898, a o kela ame keia e makemake ana e hooiohe, e pono e hiki mai ma ke keena o ka mea nona inoa malalo iho ma ka Hale Mana Hooko, ma ka hora 10, o ua la la i oleloia, e hoike mai ina he mau kumu kekahi e hoole ana i ua palapala noi la.
J. A. KING,
Kuhina Kalaiaina
Keena Kalaiaina, Feberuari 24, 1898
2691-9t
KA
Nupepa Kuokoa
No ka Makahiki $2.00
No Eono Mahina 1.00
Kuike ka Rula.
@
O na Olelo Hooiaha a pau e hoouna ie anai ana no ka Hoolaha maloko o keia Nupepa. e hoouna pu mai me ka auhau, a ina aole, aohe hookomolia.
KOO UKAIA E@ KA
HAWAIIAN GAZETTE CO.
C. G. BALLENTYNE, Luna Nui.
JOSEPH M POEPOE, Lunahoo ponopono
Honolulu, Oahu.
POALIMA, APERILA 1, 1898
O ka mea oiaio loa, aole i make ke Kumuhana Hoohui Aupuni, aka, aia no ia ke ku la iuloko o ka Hale Ahaolelo o Amerika Huiia, mamuli o ka Olelo Hooholo Hui.
He mau manawa ko makou i kamailio ai ma na mea e pili ana i ka laweia ana mai he olelo hooholo o keia ano, ma ka wa a na hoaloha a ia kumuhana e ike ai, oia ke alahele palekana loa e hookoia ai ke kumuhana a ka Mana Hooko o ke Aupuni o Amerika Huiia i hookomo aku ai iloko o ka Mana Kau Kanawai.
Mamuli o ko Senatoa Davis hookomo kino ana aku i ka olelo hooholo hui, elike me ia elike me ia e puka aku nei ma kekahi wahi o ko makou pepa o keia la, ame ka ukali pu ia ana oia olelo hooholo e na manao hoakaka a ke Komite. ua maopopo loa, aia ke kumuhana hoohui Aupuni i keia wa imua o na hana ana ame na paio ana a na hoa o na Hale Ahaolelo elua-ke Senate me ka Hale o na Lunamakaainana.
Ma keia alahele i nee ae la ka ninau hoohui Aupuni, aia ka lanakila ana oia kumuhana ma ke koha ana a ka hapanui (majority) o na hoa o loko o ka Hale o na Lunamakaainana, a ela nohoi ko ka hale o na Senate. Ma na lono oiaio loa i loaa mai i na hoaloha o keia kumuhana ma Hawaii nei aia ka hapanui (majority) o na Senatoa ma ka aoao kokua: a pela nohoi me ka Hale o na Lunamakaainana.
Ma ka puka ana mai nei o keia alahele e palekana ai ka hoohui Aupuni. ua hoomanao ae la makou i ka hooia ana mai a kekahi Senatoa Hawaii imua o makou. ma kekahi huakai hele pili oihana mawaena ona ame makou no Ewa. i kekahi wa koliuliu i hala ae nei. aia ma ka olelo hooholo hui e loaa ai ka lanakila ana o ke kumuhana hoohui Aupuni, aole ma kekahi ano e ae.
Ua maopopo loa i keia wa, ua kokoke loa mai ka wa e ike ai kakou i ka hompena o ko kakou kali ana, ke ole e hoopanee hou ia aku ka noonooia ana o keia kumuhana no kekahi Kau Ahaolelo hou aku.
Ma ka Poakahi nei, Maraki 28, i hapai hou ia ai ka noonoo ana o ka Hoololi Kumukanawai a Lunamakaainana Aohi o na Kohala. Kona ame Kau, a mahope iho o ka hoopaapaa ikaika ana o na hoa e kakoo ana ma na aoao elua - ka aoao kue ame ka aoao kakoo i ka hoololi-ua koho iho la na hoa. O ka hopena i ikeia, oia ka pai-a-pai ana o na aoao elua. He ehiku ma ka aoao kokua i ka hoololi, a he ehiku ma ka aoao kue. O ka poe ma ke kokua e hoopanee loa i ka hoololi, oia na Lunamakaainana Robikama, Atkinson, Richards, Pogue, McCandless, Wilder ame Isenberg. O ka poe ma ke kue i ka hoopanee loa, oia na Lunamakaainana Loebenstein, Achi, Parisa, Kahaulelio, Kaai, Gear ame Kaeo. Mahope iho o na hoakaka naauao ana a ka Lunahoomalu Kaulukou, ua haawi oia i kana koho ana ma ka aoao hoopanee loa i ka hoololi Kumukanawai. Ua ikaika na aoao a i elua ma ka paio ana ma keia hoololi.
Ke Ao o ka Omamalu Kaua ma Amerika.
Iloko o keia mau la i kaa hope aku la, ua ikeia, mamuli o na lono i loaa a i hoea ai i o kakou nei, aia ke ao omamalu kaua ke hekau la ma na ponaha-lani pili Aupuni o Amerika Huiia a pela hoi ma Sepania,
Aia o Amerika i keia wa ke hooliliu ia iaia iho me ka awiwi nui e ku oia me ka makaukau ame ka lako pono no ke kaua. ina he kaua io ke hoea mai ana mawaena oia ame Sepania i hoopalupalu nui ia e na kaua liilii ma Cuba ame na mokupuni Piiepine. Ua ikaika launa ole na oni ana a na hana hoonohonoho kaua kuloko e ikeia aku nei ma Amerika i keia wa. Aia kona mau aliikoa aina ame na aliikoa moana ke hoomakaukau la ia lakou iho no ka wa e kani ei ka pu-puhi a ka anela kukula kaua i makaukau loa e lele ae mawaena o ka panaha lani e upoho ana maluna iho o ka hapa poepoe komohana. Aia nohoi o Sepania ke hana la ia hana hookahi ma kona aoao. me ka manaopaa ame ka wiwo oie. elike me ka mea mau i ka lahui Roma.
O ka hiki ana ke hoike ae. me ka maopopo, no ka hoea io mai o keia hopena mawaena o na AUpuni elua, aia ia mamuli o ka hoike a kela Aha Komisina i haalele aku ai ia Key West ma ka la 32 o kela mahina aku nei. ma ka lima o Lutanela Marix. ma ke alahele no Wasinetona.
No makou iho aole loa o makou makemake e hoea mai keia kaua mawaena o Amerika ame Sepania. oiai he kumu ia e onouia aku ai kakou iloko o kekahi pilikia nui a koikoi loa, mawaena o ko kakou noho lahui ana. E pii ana ke kumukuai o na mea ai. a oiai i keia wa. ua lahilahi loa ka hooluia ana o ke kalo mawaena o kakou iho nei, a no ia mau kumu e loaa ana ia kakou ka pilikia nui. Nolaila, o ko makou iini nui o ke poha ole mai o na leo hekili o ke kaua mawaena o keia mau Aupuni.
HE PAIO HAHANA.
(Mai ka Nupepa New Era mai Greensburg.)
O keia mahope ae nei he moolelo pololei i hoikeia mai e kekahi koa kahiko o ke kaua hope iho nei.
O ka mea nana i hoike mai i keia moolelo, oia no ka Mea Mahaloia John Castor o Newport, Inidiana, a he kanaka hoopono hoi ia a i mahalo nui ia. Penei kana olelo: Ua loohiaia au i ka ma'i rumatika ma kuu mau ami apau, mai ka wa mai a'u i hele aku ai i ke kaua. Ua loohia au i ke anu. Ua pii liilii mai keia ma'i i kinohi, a hoomau mai la ka pii ikaika ana a hoea i ko'u hiki ole ana ke hana i kahi hana. Ua hoa\o au i na kauka he nui, aka, aohe nae he wahi lihi pono iki. Olelo mai la lakou ia'u, he rumatika ko'u ma'i. a lilo ae la i ma'i ma ka puuwai. aole hoi he laau e ola ai. Aka nae, ua ola no au a ua hakoko pu me ia keia ma'i no na makahiki he kanakolu, a ua makemake ole hoi au e make wale iho no. mamuli o ka olelo a kela poe kauka, nolaila, ua noke aku la au i ka huli ana i laau lapaau e ola ai paha au, a mahope loaa iho la ia'u na Huaale Ulaula a Dr. Williams. Ua ninau aku la hoi au i kekahi o ko'u poe hoaloha no ua laau la, oiai ua ai mau ia ua mau huaaale la e na kanaka, a ua olelo mai lakou he laau maikai. Nolaila, kuai iho la au i hookahi poho. He oiaio ua loaa ia'u ka pono mai keia mau huaale mai, a hoomau aku la au i ka ai ana. Ua hoomaka au i ka ai ana i keia mau huaale ma kela kau haule lau aku nei, a he mau mahina kakaikahi i hala ae nei ka pau ana o kuu ai ana i ke ono o ke poho. Aole o'u hoopililkia hou ia e ka rumatika i keia wa-ua ola au i keia laau. Ke hoike aku nei au he laau ola na Huaale Ulaula a Dr. Williams."
Aole keia mau huaale i kupono wale no no ka rumatika, aka. he laau maikai keia no na a'i o ke koko inoino. Aole lilo ka oopu i mea inoino. E kuaiia ana e na poe kuai laau lapaau apau.
Ma ka Poakolu nei i noonoo ai ka Hale o na Lunamakaainana i ka Bila Kanawai Helu 36, e hoopau ana i ka auhau kino. O Lunamakaainana Aiki ka luaui o keia Bila Kanawai. Ua kokua o Kuhina Damon i keia kanawai. Ua hoopaneeia ka noonooia ana.
O na kanaka Amerika o lakou ka poe huli nui wale o na kanaka o ke ao nei. Ua loaa ia lakou na palapala sila i 600,000, a ua oi aku oia mamua o ka akahi hapakolu o na palapala sila i hoopukaia ma ke ao nei apau. Aohe hoi mea i hulila e ke kanaka ilolko o keia au hou e nee nei i hoopomaikai nui mai i na kanaka elike meka Laau Ola a Kamalena no ke Nahu. Kolera ame ka Hi, a i oi aku hoi ka hooluolu ana i na eha ame na hu'i elike me ia. Penei na olelo a J. W. Vaugn o Oakton, Ky.: "Ua hoohana iho nei au i ka Laau Ola a kamalena no ke Nahu. Kolera ame ka Hi, mawaena o ko'u ohana no na makahiki he lehulehu, a ua ike au oia kalaau lapaau maikai loa a'u i lawelawe ai no na umii a nahu iloko o ka opu." E kuaiia ana e na poe kawili laau lapaau a poe kuai laau nohoi. O ka Hui o Benson Smith, i Kaupalenaia. na Agena ma ko Hawaii Pae Aina.
NU HOU ONA AINAE
Ke Kaua Mawaena o Amerika me Sepenia
KA MANAO O NA MANA NUI O EUROPA.
Na Hooliuliu ana o ke Kaua.
KA HOIKE A KE KOMISINA HULI I KE KUMU I PAHUIA AI KA MAINE.
Key West, Maraki 22.-Ma keia auina la i haalele iho ai o Lutanela Alihikuaua Marix ia Key West nei a huii hoi aku la no Wasinetona, ma ke alahele aku o Miami, a ua paa aku oia i ka hoike a ka Aha Komisina niuaninau no ke kumu i poiao ai ka mokukaua Maine.
I keia la , i lawe mai ai o Alihikaua Marix i ua hoike la no uka nei o ka aina mai luna mai o ka mokukaua Nashville, a no kekahi mau hora lehulehu i hoohala ai o Ria-Adimarala Sicard me Mirax no ka hooponopono ana i ua hoike la.
Mamua ae o ka haalele ana iho o Alihikaua Marix ia Key West nei. aole oia i hoike iki mai i kekahi mea e pili ana i ka olelo hooholo a ka Aha Komisina, aka. ua hoopuka ae nae oia. ua hauoli loa ia no ka pau ana o kana hana.
Iiloko o keia mau la pokole wale iho la no, ua ulu ae la ka manao o kekahi poe kakaikahi, aole i loa i ka Aha Komisina he kumu maopopopop no ke pahu ia ana o ka Maine. Aka, o ka hapanui nae o na manao, ua laulaha ae, o o ka olelo hooholo a ke Komisina ua hoopahu maoli ia no ka Maine, me ka manao ino.
Ua lilo ka hoounaia ana o ka hoike a ka Aha Komisina i Wasinetona i mea e pioo nui ai ka noonoo a ka lehulehu, oiai he mau hebedoma koliuliu ia i hala ae nei, ke kaliia ana o keia hoike. Mahope iho o ka noonoo pu ana o Alihikaua Marix ame Ria-Adimarala Sicard, ua hanaia kekahi mau hoololi ana maloko o ka hoike, a ua heluheluia, a ua kakau apono o Ria Adimarala Sicard i ua hoike la.
Oiai, i ike ole ai ka olelo hooholo a ke Komisina, ua hiki paha ke hoomaopopo ia kona ano nui, mamuli o kekahi mau moolelo a Adimarala Sicard i hoopuki ai:
"O keia poino ana o ka mokukaua Maine. he kupaianaha loa ia: me he mea la o ka mea kamahao loa paha keia i ikeia ma ka moolelo o ke ao nei."
Me he mea la o ka manao nui o kana mau olelo, aole io no i loaa pono i ke Komisina ke kumu maopopo o ke pahuia ana o ka Maine.
NA MANAO O KEKAHI MAU NUPEPA O EUROPA.
Ladana, Maraki 15.-Penei ka olelo a ka mea kakau o ka nupepa Times mai Parisa mai:
"Mamuli o na lona i loaa mai, mai kekahi poe mai i hilinaiia, eia ka Emerpera o Auseturia ke hooikaika nei e koi aku i na mana nui o Europa e hoike lokahi aku lakou imua o Amerika Huiia ka pillikia o Europa, ina e hoomau aku lakou i ke akeaakea ana i na hana ma Cuba.
"Ua kokua ikaika hoi o Emepera Williama i keia mau hooikaika ana a Emerpera Francis Joseph. A ua ike ke Aupuni o Amerika i keia kulana ma Europa.
Ua telegarapa mai la hoi ka mea kakau nupepa o ke Times mai Viena mai, no kekahi manao i ikeia maloko o ka nupepa Novoe Vremya o Sana Peteroboro. A penei ke ano nui o ua manao la:
Ua maopopo no ia Amerika Huiia, ma ko lakou kukala ana i ke kaua amme Sepania, aole hiki ia lakou ke manao ua ap;ono kekahi o na mana o Europa ia mea. O ka mea maopopo, aia na manao makee o na Aupuni o Europa ma o Sepania la, a e hoike aku ana lakou i ko lakou mau manao kue ia Peresidena Makini-le." E hoike pu aku ana nohoi lakou i ke Aupuni o Amerika, aole loa i makemakeia ia mea he kaua, a ua manaoia mamuli o ke ahewa lo kahi ana a na mana o Europa e ae ole ai o Makini-le e onouia oia ma ke ka'e o ke kahua kaua.
NA HOOLIULIU KAUA.
Kapalalkiko, Maraki 19.-Eia no ke mau nei na hoomakaukau kaua ana. Ua lilo mai nei ia Amerika Huiia, ma ke kuai, ka mokukaua pale-kila o Berazila, nona ka inoa o Amazonas, i kapiliia iho nei e ka Hui o Armstrong, a eia oia ke lawe nei ka hae hoku o Amerika.
Ua laulaha ae nohoi ka lona, ua lilo mai la nohoi ia Amerika, ma ke kuai ka mokukaua Berazila, nona ka inoa o Abruall ame ka moku topido Tupy.
NA HOONOHONOHO KAU AINA.
Wasinetona,. Maraki 12- Ua hoolala iho nei o Kenerala Miles i kekahi mau hoonohonoho kaua ana. oia hoi ka houluulu ana i na koa hele-wawae ame na kaua lio. a hoonoho ia lakou ma na kapakai o ka Atelanika. Ua hoounaia aku nei kana hoolala ana o keia ano ia Kuhina Alger.
Ua hoounaia aku hoi na kauoha i na liikoa e noho ana ma na kulanakauhale kuloko o ka aina e noho lakou me ka makaukau no ka wa e hoea aku ai na kauoha ia lakou. Ua manaoia iloko o na la pokole wale no a makaukau pono loa na laina papu pale ma ke kapakai Atelanika.
Ua hooholoia hoi e hoonohoia ka mahele Regimana Eono ma Papa McHenry, Merilana ao ka Regimana Ehiku ma Papu Slocum, Na Ioka. Eia na lako kaua o na ano apau ke hoonaia nei i na wahi pale-kaua ma na kupakai Atelanika. Ke holo awiwi nei na hana a me he mea la ma ka wa e oili ai ke kauoha no ka hana ua makaukau pono loa na mea apau. aole hopohopo no ka Sepania ma hoonahoa an mai.
Eia na pualikea puaiu ke ohiia nei me ka puahi nui. A ma na wahi apau i hoomanaia no ka ehi ana i na koa. eia na aliikoa ke hoopaa nei i na inoa oa na kanaka kino ikaika. A ua oleloia he kauoha keia mai Wasinetona aku.
Wasinetona. Maraki 12.-O na hana ano nui loa i noonooia e na keena kana i keia la, oia ka houluulu a hoakoakoa ana i na pualikoa aina ame na mokukaua ma ke kapakai Atelanika a ma kahi kokokie aku hoi i Cuba.
O ka houluuiuia ana o na mokukaua ma Dry Fortugas. eia no ia ke hoonee ia nei me ka eleu nui. O na mokukana malaila i keia wa. oia ka Nu Ioka, Inidiana. Masakuseta. Texas. Iowa, Detroit ame Nashville.
Me he mea la ke hoe aku i ka la 16 ae nei e akoakoa mai no na moku apau o ka Atelanika Akau. Ma ia wa, e hoea mai ai nolaila na moku Marbiehead, Willington, Vesuvius ame Machias. a pela pu hoi me kekahi mau moku topido. I keia la iho la, ua hoea ae la nolaila ka moku Dupont.
Ua manao wale ia e hoea ae ana nolaila ka mokukaua Oregona. aka. mamua nae o kona hiki ana mai ilaila, e nee hele ae ana oia ma na aekai o Kile me ka hakilo pono ana i ke kulana o na hana ma ia mau lekai.
HE MAU MOKUKAUA HOU.
Ladana, Maraki 17.-E hoike ana kekahi lono mai Sunderland mai, ua lilo aku ia ia Amerika Huiia kekahi moku wawahi topido mai kekahi kanaka kapili moku aku nona ka ino o Doxford. Ua oleloia, e hiki ana i keia moku ke holo i 30 mile i ka hora. Ua hoikeia ae, aia na kanaka ke hana la ma keia moku i ke ao ame ka po.
Wasinetona, Maraki 19.-Ua manaoio loa ie e lilo mai ana ia Amerika nei kamokukaua pale-kila San Maretino, mai ke Aupuni ma i o Aregenetina, ame ka mokukaua Kenerala O'Higgins mai Kile mai. He wa nae i hala ae nei, ua pau ka manaolana no ka loaa ana o keia mau moku, aka, mamuli o na lono i loaa mai a Kapena Brownson mai, e noho mai la i Europa i keia wa, ua loaa hou na manaolana.
Ladana.-Ua loaa he palapala mai Maderida mai. e hoike maopopo ana, aia Cadiz kahi i hoakoakoaia ai kekahi aumoku-kaua o Sepania. no ka hoounaia ana'ku i Cuba. He eha keia mau mokukaua hao. oia o Carlos V. Pelayo ame kahi mau moku e ae elua. Ke awiwi nei ka hoomakaukauia ana o na moku wawahi topido Prosperina, Audaz ame Osada, a pela nohoi ka Havana, Retamosa ame Barcelo. O keia poe moku apau aia malalo o ka noho alii kiekie ana a Kapena Villielamil.
AHA MELE MA KAUMAKAPILI.
Ma ka Aha Mele e haawiia ana ma ka po o ka la apopo maloko o ka luakini o Kaumakapili, e komo ae ana ke Kula Kaikamahine o Kawiiahao, Kamehameha Glee Club, Kula Kaikamahine o Kamehameha, ka Hui Kawaihau, Hennessey ame Kaai (mandolin ame ke gita), Misses H. Desha ame Lydia (Aholo (leo palua), Miss Rosina Shaw (leo pakahi), James McGuire (leo pakahi) ame kekahi poe e ae.
He poe maikai wale no keia ma ka himeni, a ke lana nei ko makou manao e lehulehu ana na poe e hele ae ana.
Ua loaa mai ka lona mai Waimea ae nei, e kokoke ana i Koolauloa, a pela nohoi i Waialua, ua make he elua wahine ame hookahi keiki ma ke kahawai o Waimea. O na inoa o ka poe i poino oia o Mrs. Hookaea ame Kepola. he luahine. Ma ka wa i lilo ai o Mrs. Hookaea, ua paa oia ma ka uwapo o Waimea, aka, mamuli o ka lilo ana o ka uwapo na lilo pu oia.
He ewalu a oi aku na malama i loohia ai o Mrs. A Inveen, e noho ana ma Alanui Hereri Helu 720, Akon, Ilinoi, i ka ma'i rumatika sciatica. Ua noke ia oia i ka lapaauia e na kauka iloko o keia mau malama ewalu. me ka inu ana a hamo ana nohoi i na laau he nui i hoikeia aku e kona poe hoaloha, aole nae loaa o ke oia. Alaila, hamo iho la ia i hookahi omole Laau Hamo a Kamalena, a o kona oia loa no ia. Ua hoolahaia keia mamuli o kana kauoha, oiai ua makemake loa ia e ike ka poe e ae i loaa ia ano ma'i hookahi i kona laau i ola ai. E kuaiia ana e ka poe kawili a kuai laau lapaau apau. O ka Hui o Benson Smith, Kaupalenaia, na Agena, no ko Hawaii Pae Aina.