Ka Nupepa Kuokoa, Volume XXXVII, Number 19, 13 May 1898 — Page 3

 

Ka Nupepa Kuokoa

KE KILOHANA POOKELA NO KA LAHUI HAWAII.

Ka Hui Alahao Me Aina O Oahu

Manawa Holo

Mai a Mahope aku o lulai 5, 1895

 

Will o Ewa Hiki I Waianae Hiki I wili o Hiki I Waianae Hiki I Waianae

Kaa Ukana na la a pau Ewa na la apau na poaouo uio na la apau

Na la a pau Sabati walo no.

 

A.M. A.M. P.M. P.M. P.M.

 

Haalele ia Honolulu 6:40 9:15 1:15 1:45 3:10

Haalele ia Manana 7:40 9:35 2:28 2:28 3:33

Haalele WIll o Ewa 8:10 10:19 2:49 2:49 6:14

Hiki i Waianae ----------- 10:34 ------- 3:24 4:49

 

Waianae na Will o Ewa Waianae na Will o Ewa Iki i Waianae

la a pau. Kaa Ukana la a pau na la a pau. nae ua Poao

Na la a pau no me Sabati

Koe Sabati

 

A.M. A.M. P.M. P.M. P.M.

 

Haalele la Waianae 6:44 ---------- 1:32 --------- 4:16

Haalele Will o Ewa 7:19 9:10 2:07 3:51 4:51

Haalele la Manana 7:50 9:48 2:35 4:22 5:22

Hiki i Honolulu 8:23 10:30 3:11 4:55 5:56

 

E lawe ana na kaa ahi hali ukana i na kaa ohua o ka papa ekahi.

 

G. P. Denison

Luna. F. C. Smith

Luna Kual Palanala Holo.

 

NU HOU HAWAII

 

     He maikai a maemae ka hanaia ana hoike Alanui Nuuana i keia wa.

 

     Ua puhi kika "Manila" na koa Amerika ma na mokupuni o Pilepine.

 

     A keia pule ae ka Mea Huna Pohihihi. E hoomanawanui mai.

 

     He kika "Havana" hoi ka na Amerika e noke la i ke amumeume me Sepania ma Cuba.

 

     Ua oleloia he 25 ka nui o na kanaka Hawaii e hoi aku ana no Mauna Pohaku i keia mahina.

    

     Ua haii a mai ia makou, he 55 ka nui o na makahiki o Mrs. Lulia Waianuhea i keia wa.

 

     Ke ole e loaa na kuia, e hoea mai ana no oHnolulu nei i keia la ka mokuahi Warimu, me na nuhou e pili ana i ke kaua.

 

     Iloko o hookahi pule, e pau ana ma ka la 11 o Mei nei, he 15 ka nui o na poe make ma Honolulu nei. He 6 poe Hawaii, he 6 Pake, 2 Pukiki, a 1 lapana.

 

     O ka wahina Pake i hoopiiia ai no ka lawe ana i ke ola o kana mau keiki ponoi elua i kahi wa ae nei i hala, ua hookuuia ma ka bela he $3000 ka huina.

 

     Ua huli hoi mai nei o Pat Gleason, kekahi o na haumana o Sana Lui mamua, mai Kapalakiko mai, kahi ana i hele aku nei e a'o ma ka ike oihana kalepa.

 

     O ka nui o na i'a i hoea ae i ka makeke i kela pule aku nei he 41,177. He 17,484 amaama, 4897 aholehole, 2535  malolo, a o ke koena aku he i'a huikau o na ano he nui.

 

     Ua palapala mai nei o Kanikela WIlder. mai Kapalakiko mai i kehahi hoaloha maanei, he hana hewa loa na Hawaii nei ke kukala ana ae i kona ku-aua-i-ka-wa i keia manawa.

 

     Na ka moku McCullouch o ka aumokukaua o Kokmodoa Dewey i lawe aku i ka lono o ka hoouka kaua ma Manila, mai a Komodoa Dewey aku, no ka hoouna loa ana ae i Wasinetona.

    

     Ma ka Poalua nei i uku ae ai ke Aupuni ia Chas.  Dunwell, kehahi haole 6 hoopaahao hewa ia ma kela pioo o 1895.  Ma ka Poakolu nei, kau aku la ia maluna o ka mokuahi Aorangi a holo aku la i Vanakouwa.

 

     Ma ka hukihuki kaula ana mawaena o ka "Hui Wela Ka Hao Helu 2" ame kekahi mau keiki hana o ka pa Papa o Lui ma, ma ka po Poalua nei, maloko o ka hale keaka lio, ua eo o "Wela Ka Hao" i ka Hui Auamo Papa a Lui.

 

     Ua loaa ma nei he iono ia nei, ua loaa ae ka lohe i ke Keena Kuhina Nui o Amerika Huiia, ua pau i ka ulupaia ke kino hao me laau o ka mokukaua Maine, malalo o ke kauoha Aupuni, i ole ai e hiki ke hoohana hou ia, ke lilo pio kekulanakauhale o Havana.

 

     Ua loaa mua mai nei ia nei ka lono, ne mai pilikia loa ko ka Ona Miliona Spreckels e waiho la ma Kapalakiko; aka, ma ka lono i loaa hope mai nei, aia no oia ma kona home malalo o ka hoomalu ana a ke kauka.  Aole kukonukonu loa kona ma'i.

 

HOIKE PILI AUPUNI KE KOISINA AMERIKA MAANEI NO KE KAUA.

 

     Ma Ka Poakolu nei i hoike pili Aupuni aku ai ke Kuhina Amerika maanei imua o ke Aupuni Repubalika, no oe kukalaia ana o ke kaua mawaena o Amerika Huiia ame Sepania.

     Aohe hoi i loaa iki mai i iki mai i ke Aupuni he lohe mai kona Kuhina Noho mai ma Wasinetona no ke kukalaia ana o keia kaua.

 

O KA OI POOKELA HOOKAHI KEIA O KE AO NEI

 

     O keia ka olelo a Edwards & Parker, he mau kanaka kalepa no Plains, Ga., no ka Laau Hamo a Kamalena, no ka rumatika, kilala haneenee, na eha me na hu'i o ka io apau.  E kuaiia ana e na poe kuai laau apau ame na poe kuai laau laapaau. O Benson, Smith & Co,. na Agena ma ko Hawaii Pae Aina.

 

HE WAHI MEA KUPAIAANHA

 

     Ma ka Poalua nei, oiai kekahi poe Iapana e hoomaemae ana ia loko o kekahi pa ma Waikiki, i lilo ae nei ia Konela Makapolena, mai ka Waiwai mai o Bihopa, ua loaa aku la kekahi mau iwi kanaka i ua poe Iapana la maloko o kekahi ahua lepo (one) i uluia iho e kekthi kumu kiawe.  Ua paeli keia poe Iapana ma kahi a ua kumu kiawe nei i ulu ai, a i ka hiki ana i ka hora 12, ua hoi ua poe la e paina awakea, a ma ka hora 1, hele hou mai la no ka hana.  Ia lakou nae i hele mai ai, ua ike lakou i ka hooluliia o ke kumulaau a lakou i paeli ai e kekahi puahiohio nui i wili hele ae iloko o ka ulu kiawe.  Ma keia wa pu nohoi ua ikeia aku ka lele-le mai o ka amaama ame ke awa iloko o ka muliwai.  Ua hoopuiwa loa ia ua poe Iapana nei no keia mea.  Aole i liuliu iho, aia hoi ua kulai pu ia mai la ua kumu kiawe nei ilalo e ka puahiohio, a mahiki ae la kona mau aa nunui iluna.  No keia mau aa hoi o ke kiawe i hoomahiki ae mailoko oe o ka lepo he mau pua iwi kanaka a lele ana iluna.  Oiai hoi na Iapana e holo ana, ua pa aku la ke kua o kekahi Iapana i kekahi mea, ikona huli ana mai nae i hope e nana ai i ka mea i pa aku ai i kona kua, ike iho la ia he iwipoo kanaka, a ua piha loa ia oia i ka maka'u.  Ua olelo ae kekahi poe he leiau keia wahi, a o ka inoa oia heiau, o Puu-o-Niihau.

 

HOOLAHA HOOKO MORAKI

KA HOOLAHA MANAO HOOKO MORAKI KE KUAI AKU A KA MEA PAA MORAKI

 

     Ke hoolahaia aku nei ma keia, mamuli o ka mana kuai maloko o kekahi moraki i hanaia i ka la 19 o Augate, M. H. 1889, e William Kalaikini ame Solomon K. Nihoa, no Hanalei laua elua,  Mokupuni o Kauai, ia Alexander J. Cartwright, Kahu o ka Waiwai o R. W. Holt, i kopeia maloko o ke Kena o ka Luna Kakau Kope Palapala Hoolilo, ma ka Buke 116, ma na aoao 333, 334 ame 335, a i hooliloia hoi e Bruce Cartwright, ka hope o A.J. Cartwright ma ua kulana hope la (Trust) ia John Enos o Honolulu i oleloia, ma ka palapala hoolilo (assignment) i hanaia Iune 5, 1897, i kopeia ma ke Keena o ka Luna Kakau Kope Palapala maloko o ka Buke 170, ma na aoao 345-6, a ke makemake nei hoi o Joseph Enos, ka mae i hooliloia mai ai (assignee) ua moraki la e hooko aku i ua moraki la, no ka uhakiia ana o na kumu maloko o ua moraki la, oia hoi, ka hookaa ole ia ana o ke kumupaa ame ka ukupanee ma ka wa no ka hookaa ana.

     Nolaila, ke hoolahaia aku nei ma keia, e kuaiia aku ana ma ke kuai kudala akea na aina apau a pakahi hoi, na pono apau i pili i hoakakaia a i paa hoi maloko o ua moraki la, ma ke Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, la 30 o Mei, M. H. 1898, ma ka hora 12 awakea o ua la 'la.

 

     A penei i hoakakaia ai na waiwai maloko o ua moraki la:

     1.  O kela mau apana aina apau elua e waiho la ma Wainiha, ma Hanalei i oleloia ae nei.  Apana 1, he aina kalo a he aina kula, a maloko o laila he 1 eka, 2 ruda, 10 pereka.  Apana 2, he pa-hale, nona ka nui he 1 eka; 12 pereka, a oia nohoi na aina i hoikeia maloko o ka Palapala Sila Nui Helu 3670, Kulean Hoona Aina Helu 11069, i hoopukaia aku ia Auhea.

     2.  O kela mau apana aina elua e waiho la ma Wainiha i oleloia.  Apana 1, he aina kalo, a he 1 eka ka nui ame 20 pereka; a o ka Apana 2, he pa-hale, a he 1 ruda ame 22 pereka kona nui; a oia nohoi na aina i hoikeia maloko o ka Palapala Sila Nui Helu 3669, Kuleana Hoona Aina Helu 9267, i hoopuka ia ia Pumaia.

     O keia mau aina i hoikeia ae la, oia no na aina i hooliloia mai ia William Kaleikini e Auhea i oleloia, ma ka Palapala Kuai i hanaia i Feberuari 10, 1881, a i kopeia ma ke Keena o ka Luna Kakau Kope i oleloia, ma ka Buke 72, aoao 75.

     3.  O kela mau apana aina elua e waiho ana ma Waioli, Halelea, ma ka Mokupuni o Kauai i oleloia ae nei.  Apana 1, he aina kalo a he aina kula, a maloko o laila he 3 ruda 35 pereka; a o ka Apana 2, he aina kalo, a maloko o laila he 1 ruda, 25 pereka; a oia nohoi na aina i hoakakaia maloko o ka Palapala Sila Nui Helu 5340, Palapala Hoona Kuleana Helu 9070 i hoopukaia aku ia Kaleikini, ka makuakane o William Kaleikini i oleloia.

     4.  O kela mau apana aina elua e waiho la ma Waioli, oia na Apana 1 ame 4 o na Palapala Hoona Kuleana Helu 3917 me 10305 i hanaia ia D. Nahau, maloko o laila he pa-hale nona ka nui. he 3 ruda, 5 pereka; ame eha loi kalo, no lakou ka nui he 3 ruda ame 37 pereka; a oia nohoi na aina i hooliloia mai ia Solomona K. Nihoa i oleloia, e E. Kahinu ame Wahinekapu, ma ka Palapala Kuai i hanaia ma Feberuari 24, 1874, a i kopeia ma ke Keena o ka Luna Kakau Kope i oleloia, maloko o ka Buke 39, ma na aoao 225-6.

     Kuike ke Dala. Na lilo o na palapala i ka mea e lilo ai ka aina.

           JOSEPH ENOS,

Mea i lilo mai ai o ka moraki (Assignee for Mortgage.

     No na mea i koe, e ninau ia J. M. Monsarrat (Maunakea), Loio o ka mea i lilo mai ai ka moraki.

     Hanaia Honolulu, Mei 6, 1898

     2671-4t

 

THE SPANISH TORPEDO FLEET.

     Spain's supply of torpedo boats and torpedo boat destroyers is far greater than that of the United States, and the fleet of thirteen recently despatched to Porto Rico is considered very formidable.  In the fleet are six torpedo boats and seven torpedo boat destroyers.

 

Na mokukaua ikaika loa o Sepania e manaoia la e holo mai ana e hui me na aumokukaua o Amerika.

 

MANAO HOOKO MORAKI A KUAI AKU A KA MEA PAA MORAKI.

 

     Ke hooia hai aku nei ma keia, mamuli o ka mana kuai i hoikeia maloko o kekahi mau moraki elua, 1 hanaia e Hermann Koauli o Honolulu, Mokpuni o Oahu, ia Joseph Marsden o Honolulu i oleloia, o ka mua ua hanaia ma Feberuari 22, 1897, a i kopeia ma ke Keena o ka Luna Kakau Kope Palapala, ma ka Buke166, ma na aoao 464-6, a o ka lua, ua hanaia ma Februari 27, 1897, a i kopeia maloko o ke Keena o ua Luna Kakau Kope la, ma ka Buke 170; aoao 21, ke makemake nei o Joseph Marsden i oleloia, ka mea i morakila ma ai (morgagee), e hooko aku i ua mau moraki nei, no ka uhakiia  ana o na kumu maloko o ua mau moraki la, oia hoi, ka kookaa ole ia ana o ka ukupanee ma ka wa e hookaa ai

     Ke hoolahaia aku nei hoi ma keia, e kuai kudala akea ia aku ana na aina apau a pakahi, na pono i paa a i hoike ia maloko o ua mau moraki la, ma e Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, la 30 o Mei, M. H. 1898, ma ka hora 12 awakea o ua la 'la.

     A eia na waiwai i paa maloko o ua mau moraki la:

     Akahi-O kela apana aina apau, he lihi hoi ia o ka Ili o Pau (Kuleana Hoona Aina 8559B ia W. C. Lunalilo) e waiho ana ma Waikiki, ma ka Mokupuni o Oahu i oleloia, maloko o laila he Ili o 53,804 kapuai kuea, a oia hoi ka apana aina i hoike maopopia a i hooliloia mai hoi i ua mea moraki nei (mortgagor) i oleloia, ma ka palapala kuai a Lau Chong, i hanaia ma ka la 8 o Iulai, 1896, a i kopei ma ke Keena o ka Luna Kakua Kope i oleloia, ma ka Buke 164, ma ka aoao 214.

     Alua-O kela apana aina apau e waiho la ma Alanui Moi, ma Kapaakea, he lihi hoi ia o ka Palapala Sila Nui 177 ia P. J. Gulick, a oia nohoi ka apana aina i hoakaka piha ia a i hooliloia mai i ua mea moraki nei (mortgagor) ma ka palapala kuai a Manuel A. Fernandez, i hanaia i Augate 14, 1896, a i kopeia ma ke Keena o ka Luna Kakau Kope i oleloia, ma ka Buke 164, ma ka aoao 215.

     Akolu-O kela apana aina apau e waiho la ma Kapaakea i oleloia, nona ka ili he 3 12-100 Eka, a oia ka Apana 1 o ka Palapala Sila 2365 ia G. P. Judd, ame ka aina i hooliloia ma i ua mea moraki nei (mortgagor) ma ka palapala kuai a John Hao Sr., i hanaia i Ianuari 8, 1897, a i kopeia ma ke Keena o ka Luna Kakau Kope i oleloia, maloko o ka Buke 168, ma na aoao 23 ama 24.

     Kuike ke Dala. Na lilo o na palapala i ka mea e lilo ai ka aina.

     JOSEPH MARSDEN

     Mea Paa Moraki (Mortgagee)

     No na mea i koe, e ninau ia J. M. Monsarrat

     (Maunakea), Loio no ka Mea Paa Moraki.

     Hanaia Honolulu, Mei 6,1898

     2671-4t

 

HOOLAHA A KA MEA I HOOLILOIA

MAI AI KA MORAKI, NO KA MANAO HOOKO A KUAI AKU I KA MORAKI

 

     I kulike ai me ka mana kuai ame na olelo hoopaa maloko o kekahi palapala moraki i hanaia ma Sepatemaba 15, 1884, ma a Jonathan Spooner mai a ia S. C. Allen ame M. P. Robinson, na kahu o ka waiwai o James Robinson, i make, i kopeia ma ke Keena Kope Palapala ma Honolulu, maloko o ka Buke 90, ma na aoao 197 ame 198, a na ua mau kahu waiwai la hoi i hoolilo pono ae ia S. C. Allen i oleloia, ma ka palapala hoolilo la (assignment),  i hanaia ma ka la 8 o Okatoba, 1897, a i kopeia ma ke Keena Kakau Kope i oleloia, ma ka Buke 90. aoao 197, a na ua S. C. Allen la hoi i hoolilo mai ia Cecil Brown, ka mea nona ka inoa malalo iho nei, ma o ka palapala hoolilo (assignment) i hanaia ma Novemaba 5, 1897, a i kopeia i keia wa ma ua Keena Kakau Kope la, a i hoolilo hou ia i ka mea nona ka inoa malalo iho nei e ua mau kahu la (trustees) ma o ka palapala (assignment) i hanaia i Aperila 6, A. D. 1898, a i kopeia ma ua Keena Kakau Kope nei, ke hoolahaia aku nei ma keia, ke makemake nei o Cecil Brown, ka mea i hooliloia mai ai ua moraki la, a nana e paa nei ia, e hooko aku i ua moraki la no ka uhaki ia ana o na kumu aelike, oia hoi:  ka uku ole ia ana o ke kumupaa ame kaukupanee ma ka wa e hookaa ai.

     Ke hoolahaia aku nei nohoi ma keia e kuai kudala akea ia aku ana na aina apau, ame na pono ame na pomaikai o kela ame keia ano i paa maloko o ua moraki la a i hoakakaia ai hoi ma ke keena kudala o James F. Morgan ma Honolulu, ma ka Poakahi, Iune 6, M. H. 1898, ma ka hora 12 o ke awakea o ua la 'la.

     No na  mea aku i i koe e ninau ia Kinney & Ballou, Honolululu, na Loio o ka mea nona ka inoa malalo iho nei.

CECIL BROWN

Mea i Hooliloia mai ai ka Moraki.

 

     O ka aina i paa ma ua moraki la, oia kela apana aina apau e waiho la ma Pohakalawaia, Mokupuni o Oahu, oia ka Apana 3 o ka Palapala Sila Nui Helu 681, i hookoia aku ia S. M. Kamakau, maloko o laila he 11,483 Eka, a oia nohoi ka aina i hooliloia mai ia Jonathan Spooner i oleloia e James Kahai, Okatoba 11, 1870, ma o ka palapala kuai la i kopeia maloko o ua Keena Kakau Kope la o na Palapala, ma Honolulu i oleloia, ma ka Buke 31 ma na aoao 161 ame 162.

 

     Ke hoolaha aku nei o Cecil Brown, ka Mea i Hooliloia mai ai ka Moraki (Assignee) maluna ae nei, ke noho ona nei ia a ke paa nei i ka moraki i hoikeia ae nei hoi maluna mai a J. Spooner mai, ame ka nota ame ka aie i hoopaaia ma ia moraki, aole wale no mamuli o ka mana o ka palapala hoolilo (assignment) i hoikeia maluna ae nei aka, mamuli nohoi o ka mana o ka palapala hoolilo (assignment) ame ka haawiia ana mai o ka nota i hoopaaia e ua moraki la ia S. C. Allen i oleloia i kakaukua pono ia e ua mau kahu la elua i oleloia o ka waiwai o ua o James Robinson i oleloia, a ma o ka palapala hoolilo nohoi ame ka haawiia ana mai o ua nota la e S. C. Allen i oleloia i ka mea nona ka inoa malalo iho nei, i kakaukua pono ia e S. C. Alle i oleloia

     CECIL BROWN

     Mea i Hooliloia mai ai ka Moraki

     Honolulu, Aperila 7, 1898

     2702-4t

 

KOOLAHA MANA HOOKLOKOOLO.

 

     AHA KAAPUNI, APANA HOOKOLOkolo Kaapuni Eha o ko Hawaii Pae Aina.  Ma ka Hooponopono Waiwai. Ma ka Hana o ka Waiwai o Kaholokahiki (k), o Honokaa, Hamakua, Hawaii, i make.

     Ua waihoia mai ke noi ame ka hoike helu waiwai a ka Lunahooponopono Waiwai o ka Waiwai o ka mea i make i oleloia, a ua noi mai hoi ia e nanaia kana hoike waiwai a e aponoia, a e hoopukaia ke kauoha hope a ka Aha no ka mahele ana i ka waiwai e koe nei ma kona lima i ka poe apau i kuleana malaila, a e hookuu ana hoi iaia mailoko aku o na ko'iko'i apau o ka noho hooponopono waiwai ana.

     Ua kauohaia, o ka Poaono, la 9 o Iulai, A. D. 1898, ma ka hora 10 a. m. , ma ke Keena, ma ka Hale Hookolokolo ma Honokaa, Hamakua, oia ka wa ame kahi e hooloheia ai ua noi la ame ka hoike helu waiwai.  A malaila e hele ae ai na poe apau i pili a e hoike maii kumu, ina he kumu ka lakou no heaha la e ae ole ia ai ua noi la.

 

Hilo, Mei 2, 1898.

Na ka Aha:

     DANIEL PORTER

     Kakauolelo

     2702-3t

 

     AHA KAAPUNI, APANA HOOKOLOkolo Kaapuni Eha o ko Hawaii Pae Aina.  Ma ka Hooponopono Waiwai.  Ma ka Hana o ka Waiwai o H.P. Honolulu, o Hilo Akau, Hawaii, i make.

     Ua waihoia mai ke noi e Hana (w), ka wahine kanemake a ua mea la i make, e nonoi ana e hookaawaleia i la no ka hoolohe ana i ka hana i hoikeia ae la maluna, a e kukulaia hoi na hooilina o ka waiwai i oleloia.

     Ua kauohaia, o ka Poakulu, la 1 o Iune, A.D. 1898, ma ka hora 10 a.m. ma ke Keena, ma ka Hale Hookolokolo, ma Hilo, Hawaii, oia kahi ame ka manawa i hoonohoia no ka hoolohe ana i ua noi la, a e hele ae hoi na poe apau i kuleana ma ia waiwai, ma ia wa a ma ia wahi, a e hoike mai i kumu, ina he kumu ka lakou, no keaha la e ae ole ia ai ke noi.

     Hilo, Mei 3, 1898.

     Na ka Aha:

     DANIEL PORTER, Kakauolelo

     2702-3t

 

     ILOKO O KA AHA HOOKOLOKOLO

Kaapuni, Apana Elima, o ko Hawaii Pae Aina.  Ma ka Hana o ka waiwai o J. W. LOTA, o Hanalei , Kauai, i make kauoha ole.

     No ka mea, ua waihoia mai he palapala nonoi e Mrs. Loika Loka, ka wahine kanemake, e hoike ana ua make hauoha ole o J. W. Lota ma Hanalei i oleloia i ka la 11 o Aperila, M. H. 1898, a he waiwai kona ua makemakeia e hooponopono, a e hookohu ia o W. G. Smith i lunahooponopono waiwai, Nolaila.

     Ua kauohaia, o ka POAHA, la 9 o IUNE, M. H. 1898, ma ka Hale Hookolokolo ma Lihue, Kauai, hora 10 kakahiaka, oia kahi a me ka manawa a hooloheia ai ua palapala nonoi la, a me ka poe keakea, a e hoike ma lakou no keaha la e ae ole ia ai ua noi la.

     Na ka Aha:

     R. W. T. PURVIS     , Kakauolelo.

     Kakauia ma Lihue, Kauai, Mei 4, 1898

     2702-3t

 

     ILOKO O KA AHA HOOKOLOKOLO Kaapuni, Apana Kaapuni Ekahi o ko Hawaii Pae Aina. Ma ka hana o ka waiwai o ELEAZER LAZARUS (k) o Honolulu, Oahu, i make.

     Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua Palapala Kauoha la a Hooilina hoi, a no ka hoopuka ana i na Palapala Hooko Hooilina ia Joseph O. Carter, makeia ke hoolahaia aku nei, ok POAKAHI, IUNE 13, 1898, ma ka hora 10 o ke kakahiaka, ma Aliiolani Hale, Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hooloheia ai ua noi la, a ma ia wa a ma ia wahi no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.

     Honolulu, Mei 10, 1898.

     Na ka Aha:

     GEORGE LUCAS, Kakauolelo

     2702-3t

 

     ILOKO O KA AHA HOOKOLOKOLO

Kaapuni, Apana Kaapuni Ekahi o ko Hawaii Pae Aina Kaapuni Ekahi o ko Hawaii Pae Aina.  Ma ka hana o ka waiwai o NALIMU NAOIWI (w), o Honolulu, Oahu, i make.

     Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua Palapala Kahuoha la a Hooilina hoi, a no ka hoopuka ana i na Palaapala Hooko Hooilina ia John A. Awai (k) POALIMA, IUNE 3, 1898, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, ae hooloheia ai ua noi la, a ma ia wa a ma ia wahi no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.

     Honolulu, Aperila 30, 1898

     Na ka Aha:

     GEORGE LUCAS, Kakauolelo

     2901-3t

 

     ILOKO O KA AHA KAAPUNI APANA

     Hookolokolo Elua o ko Hawaii Pae Aina. Ma ka hana o ka waiwai o Pahiaua (k) makua o Honokohau, Lahaina, Maui, i make kauoha ole.

      He palapala e nonoi ana e hooholo ka Aha owai la na hooilina o ka mea i make a e maheleia ka waiwai elike me ke kuleana o kela ame kia hooilina.

      No ka mea, ua waihoia mai e Kamilo (w) he palapala e nonoi ana e hooholo ka Aha owai la na hooilina o ka mea i make elike me ke kuleana o kela ame keia.

      Nolaila, ke hai ia aku nei ka lono i ka poe apau i pili, e hele mai lakou ma ka Hale Hookolokolo o Wailuku, Maui, i ka Poakolu, la 25 o Mei, 1898, hora 10 kakahiaka, a ma ia wahi a ma ia manawa e hoike mai no ke aha la e ae ole ia ai ke noi elike me ia i hoikeia ae la maluma.

    Wailuku, Maui, April 22, 1898.

    Na ka Aha:

    A. F. TAVARES, Kakauolelo.

    2700-3t

 

               ILOKO O KA AHA HOOKOLOKOLOKO

Kaapuni, Apana Kaapuni Ekahi o ko Hawaii Pae Aina. Ma ka hana o ka waiwai o AOHI K. AKAU, o Honolulu,i make.

     Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua Palapala Kauoha la a Hooilina hoi, a no ka hoopuka ana i na Palapala Hooko Hooilina ia William O. Smith; ma keia ke hoolahaia aku nei, o ka POAKAHI, Mei 30,1898, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hoolohe ia ai ua noi la, a ma ia wa a ma ia wahi no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.

     Honolulu, Aperila 27, 1898.

     Na ka Aha:

     GEORGE LUCAS, Kakauolelo

     2700-3t

 

I

ILOKO O KA AHA HOOKOLOKOLO

     Kaapuni, Apana Kaapuni Ekahi o ko Hawaii Paee Aina. Ma ka hana o ka waiwai o AOHI K. AKAU, o Honolulu, i make.

     Oiai,ua waihoia mai ka Palapala Kauoha a Hooilina Hoope Loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua Palapala Kauoha la a Hooilinia hoi, a no ka hoopuka ana i na Palapala Hooko Hooilina ia William O. Smith; ma keia ke hoolahaia aku nei, o ka POAKAHI, MEI 30, 1898, ma ka hora 10 o ke kakahiaka, ma Aliiolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hoolohe ia ai ua noi la, a ma ia wa a ma ia wahi  no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.

     Honolulu, Aperila 27, 1898

     Na Ka Aha:

     GEORGE LUCAS, Kakauolelo

     2700-3t

 

     I KA AHA KAAPUNI, APANA ELIma o ko Hawaii Pae Aina.  Ma ka Hooponopono Waiwai. Ma ke Keena. Ma ka hana o ka waiwai o Hale (k), o Waimea, Kauai, i make. Oiai, ua waihoia mai i ka Aha Hooponopono Waiwai, he palapala i olelo ia, he Palapala kauoha a Hooilina hope na Hale (k), ma ka la 21 o Aperila nei, A.D. 1898, me kakahi Palapala Noi e hookoia ua kauoha la, a no ka hoopuka an i na Palapala Hooko Kauoha ia I.A. A. Rina o Waimea, i waihoia mai e A. Rina i oleloia.

     Ma keia, ke kauohaia aku nei, o ka Poaha, la 26 o Mei, A. D. 1898, ma ka hora 10 a. m. (kakahiaka), o ua la 'la, ma ke Keena Hookolokolo o ua Aha la, ma Lihue, oia kahi ame ka manawa no ka hooiaio ana i ua Palapala Kauoha la, a e hooloheia hoi u Noi la.

     Hanaia ma Lihue, Kauai, ko Hawaii Pae Aina, Aperila 21 1898.

     Na ka AHa:

     R. W. T. P;URVIS, Kakauolelo

     2700-3t

 

     ILOKO O KA AHA HOOKOLOKOLO,

     Apana Kaapuni Ekahi o ko Hawaii Pae Aina.  Ma ka hana o ka waiwai o Kahalekai (w), o Honolulu, i make.

     Oiai, ua waihoia mai ka Palapala Kauoha a hooilinia Hope Loa a ka mea i make i oleloia ae nei i ka Aha Hookolokolo i oleloia me ka Palapala Nonoi hoi no ka hookoia ana o ua Palapala Kaupoha la a Hooilinia hoi, a no ka hoopuka ana i na Palapala Hooko Hooilina a me ka Palapala Hookohu Malama Waiwai no ke keiki 00 ole ia Cecil Brown, ma keia ke hoolahaia aku nei, o ka Poalima, Mei 20, 1898, ma ka hora 10 o ke kakahiaka, ma Aliilolani Hale, ma Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hooloheia ai ua noi la, a ma ia wa a ma ia wahi nohoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.

     Honolulu, Aperila 22, 1898

     Na ka Aha:

     J. A. THOMPSON, Kakauolelo

     2699-3t

 

KELA AME KEIA.

KE OLELO HOOLAHAIA

 

     Aku nei ma keia, ma keia la, ua hoopau aku mamua i ka mana ame ke kuleana o Mr. R. N. Boyd o Honolulu, e lawelawe no maua ma na hana a pau.  A ua hoopau aku nohoi maua a holoi aku i ka Mana Hookohu a Hoonoho Hope a maua i haawi ai iaia ma ka la 9 o Mei, 1898. A, aole nohoi e ili maluna o maua ke koikoi o kekahi hana e lawelawe aku ai oia ma ko maua mau inoa a no maua hoi.

     MRS. M . KEAWEPOO

     MR. D. KEAWEPOO

     Honolulu, Mei 10, 1898. 2702-3t

 

KE HOOLAHAIA

 

     Aku nei ma keia, e lawelawe aku no o Mr. S. Ahmi o Kamaole, Kula, Maui, no maua ma na hana apau, malalo o ka mana hookohu hope piha.

     MRS. M. KEAWEPOO

     MR. D. KEAWEPOO

     Honolulu, Mei 10, 1898

     2702-35

 

HOOLAHA HOOPONPONO WAIWAI

 

     No ka mea, ua hookohuia ka mea nona ka inoa malalo i lunahooponopono i ka waiwai o Charles Hooper, o Kona Hema, Hawaii, i make, nolaila, ke haiia aku nei ka lono i na poe apau ina he mau koi ka lakou, e waiho ae ia mau mea iaia malalo o ka inoa o o Rev. S. H. Davis, ma Kaawaloa, Kona Hema, Hawaii, iloko o eono malama mai keia la aku, o hoole loa ia.  A o ka poe apau i aie i ka mea i  make, ke kauohaia aku nei e uku koke ae i ka mea nona ka inoa malalo iho.

     Kakauia ma Kona Hema, Hawaii

     Aperila 16, 1898

     WILLIAM HOOPER,

     Lunahooponopono Waiwai o Charles Hooper i make.

     2699-5t

 

THEO. P. SEVERIN

(KAPOLEMA MA).

He Mea Pa'i Kii Hooleleaka.

 

     E hana ana oia i na kii nani loa ma Honolulu nei no ka uku haahaa loa.  E paiia ana na Kii Ahaaina, Mare, Hoolewa, na Hale Noho, a pela aku.

 

     E hoonuiia ae ana na kii mai na kii liilii mai.

 

     Alanui Nuuanu, ma keia aoao aku o ke Alanui Pauahi.  Ai iluna

     2664-12ms

 

VAPO-CRESOLENE

 

He Laau Hoola.  Oiai no  Oe  e Hiamoe ana no ke Kunu Kalea, ka Hano, Kunu Ho, ka Nalulu Kau, Ke Anu

 

      Ma ka wa e hoopunohuia ai ka uwahi o ke CRESOLENE maloko o ke keena o ka mea ma'i, e loaa koke no ka oluolu.  He ka mahao kona ikaika hoola, a ma ia wa hookahi nohoi e kaohiia aku no ka pahola ana mai o na ma'i lele, ma kona lilo ana he laau kinai ma'i, a he laau pilikia ole nohoi no na keiki.  Ekuaiia ana e na poe hana laau.  E haawi wale ia no ka buke hoakaka

 

      HOLLISTER DRUG CO.,

      Honolulu. H. I., na Agena.