Ka Nupepa Kuokoa, Volume XXXVII, Number 19, 13 May 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa 
 KE KILOHANA POOKELA NO KA LAHUI HAWAII.

(Mai ka aoao elua mai.)

naao, ua lawe ae la ka enemi i ke kulana kaua." 
 Ma ka hora 5 o keia kakahiaka i haawi aku ai o Komodoa

dewey i na moku Nansban ame Zefrio e ku mamao aku i waho o ka moana, i ole ai laua e loaa aku i na poka a na Sepania. Ua haawi iho la hoi ia i ke kauoha e hoouka kaua aku ka Olimepia ame ka Baltimore i ka mokukaua o ka Adimarala Sepania, oia ka "Moiwahine Kilikina," ame ka mokukaua Castilla, na mokukaua nnunui ma ka aoao o na Sepania. Aia o Komodoa Dewey maloko o ka hale-kiai o ka Olimepia kahi i ku ai, e haawi ana i na kauoha no ka nee ana o na mokukaua. Ua hookokoke aku la ia i kona moku i ka "Moiwahine Kililina," a hoomaka aku la e kipoka iaia. Oiai hoi o Kapena Dyer i hookokoke aku ai i kona moku (Baltimore) i ke Castilla, a hoomaka na kipoka ana a na aoao a elua me ka hahana loa. Oiai Nohoi na papu o uka o ka aina e ki mai ana i ka lakou mau pu maluna o na moku Amerika.

O na mokukaua Bosetona, Raleigh, Concord, Petrel ame McCulloch, ua hoouka kaua aku la lokou me na moku Sepania Valasco, Don Antonio de Ulloa, Don Juan de Austria, Kenerala Lezo, El Canoa, Marques del Duero, Isla de Cuba ame Isla de Luzon.

Ua nalowale pu a uhi paa ia na moku e ka uahi o na pu. A e paio ana na aoao elua me ka ikaika nui ame ka wiwo ole.

Ua alapine me ka hikiwawe na kipu oolea ana mai ka mokukaua Olimepia aku a i kona hoa paio. Hookahi poka i lele aku mai ka Olimepia a komo aku a la i ke keena waiho pa@da

ko a moku Sepania "Moiwaihine Kilikina," a ua a koke ae la ke ahi iloko o ka moku. Mawaena keia o ka hora 7 ame ka hora 8. Ma ka hora 8 ponoi ike iho la ka Adimarala Sepania i ka poino o kona moku, ia wa oia i kauoha aku ai e hookuuia iho kekahi waapa ilalo. A kau aku la ia, me kona mau alii ukali maluna o ua wahi waapa nei, a holo aku la na no luna o ka mokukaua "Mokupuni o Cuba," a huki ae la i ka hae Admiarala Sepania maluna oia moku.

I ka ike ana o na Amerika i keia hana kou a wiwo ole a ua Adimarala la, aole lakou i hoolele aku i kekahi poka ma kahi a na luina wiwo ole i hoe ae ai iaia noluna o ka mokukaua "Mokupuni o Cuba."

Aole i liuliu ua ia ae laka moku holookoa e ke ahi, a o kona kapena, oia o Kapena Cardozo, aole ia i haalele iho i kona moku, oiai nae kona mau luina e lele ana ma ka aoao o ka moku a haule iloko o ke kai. Aole no hoi i liuliu, ua piholo iho la ua moku la iloko o ke kai.

Iloko nohoi oia wa, mahope iho o ka hoouka kaua ana, me ka ikaika loa, mawaena o ka mokukaua Baltimore, ame ke Castilla, ua a ia ae la ua moku Sepania nei e ke ahi. Ua loaa mau aku kona aoao e pili kokoke ana i ka ilikai i na poka a ka Baltimore, a pela hoi me na poka topido, a na ia mau mea i hoolilo iaia i lauhi na ke ahi. Ua paio kona mau luina me ka makau ole ame ka wiwo ole nohoi. Ua pau ka hapanui o kona poe kanaka i ka make a i ka hoehaia. Ua a ia oia e ke ahi, a i ka pau ana o ka hoouka kaua ana mawaena o na aoao elua, he wahi iwi laau no ia e a ia ana e ke ahi iloko o ke kai.

Mamuli o keia poino ana o na moku ikaika loa o na Sepania, ua nee aku la o Komodoa Dewey ame kona mau mokukaua no waho o ka moana, he mau wahi mile ka mamao mai ka aina aku, i hiki ai ke nanaia ka nui o na kanaka i poino, a pela hoi

me ka nui o na wahi o na moku i hoopoinoia; alaila, hoomakaukau hou iho la lakou no ka nee hou ana aku iloko o ke awa, no ka lua o ka manawa.

Ma ka hora 9, ua hoomaka hou aku la na moku Amerika e komo hou aku iloko o ke awa. O ka lua keia o ka hoouka kaua ana. Iloko o ka hapalua hora mua o keoa hoouka kaua hou ana, ua nui ka poino i loaa i ka mokukaua Sepania Don Juan de Austria, a ua make hoi kona kapena. Aia nohoi na papu o uka ke hoomau mai la i ke kipu ana maluna o na mokukaua Amerika. A ua eleu ka lakou mau hoohana ana i keia wa. Ua kipoka aku no hoi na mokukaua Amerika i ua mau papu la. Iloko o keia kaua hou ana, ua poino loa na mokukaua Mindanao ama Don Antonio de Ulloa, a ua hiki ole ia laua ke paio. He lehulehu loa hoi na mokukaua Sepania i pau maoli i ke puhiia i ke ahi i ole ai lakou e haule pio iloko o ka lima o ka poe Amerika.

Me na kipu hahana ana a na mokukaua Amerika i na papu sepania ame ke kahi mau moku e ae, ua holo aku la mokukaua Amerika no ka aoao komohana o ke kaikuono, a hoopae aku la i uka i ko lakou poe hoehaia.

Aole he mea kanalua no ka loaa ana o na poini koikoi i na mokukaua Amerika. Ma na hoike mua i loaa mai, ua oleloia he elima mau moku Amerika i poholo. A ma na lono hope loa hoi mai Maderida mai, he elua wale no moku Amerika i poino. Aka, ma na lono hope loa nae i loaa mai Lisebona mai, aole i hoikeia mai he mokukaua Amerika kakahi i poino. He nui no na kanaka i make ma na aoao a i elua.

E hoike ana kekahi lono i hilinaiia, he 200 poe i make 400 poe i hoeha ia o na Sepania. Aole i maopopo ka nui o ka poe i make a hoehaia o na Amerika. E ikeia ana ia mea ma ka wa e loaa mai ai ka hoike a Adimarala Dewwy.

He hapanui o na manawa o keia hoouka kaua ana a na mokukaua Amerika @ ikeia ai ka nee ana o ko lakou mau moku me ka paa ole ma ke kulana hookahi iloko o ke kipoka ana. Ma keia @@au ne ana a ua mau moku @a. aole hookahi o lakou i hekau aku i@@@@@ o loahi papau o ke awa.

Aole hookahi moku Sepania i ae e haawi p@@ mai i na Amerika.

Ke Kauoha A Komodo Dewey E Haawi Pio Ia Mai Ke Kulanakauhale O Manila.

Nu Ioka, Mei2.- Ua loaa mai he lono telegarama mai Manila mai ka nupepa La (Sun) penei:

Mahope iho o ka hoohamau ana aku o Komodoa Dewey i na papu o uka o ka aina, ua nonoi koke aku la oia e haawi pio ia mai ke kulanakauhale o Manila iaia, na papu ame na lako kaua apau. Ua hoounaia aku keia koi ana i Kiaaina Kenerala Augusti, oia mau mokupuni, a ua hoole mai hoi ia. I ka loaa ana mai o ka lohe ia Komodoa Dewey no keia hoole ana o ua Kiaaina Sepania la, ua hoike koke aku la ka Adimarala Amerika iaia e haawi no oia iaia i 24 hora no ka haalele ana iho i ke kulanakauhale, a ke hala ia manawa, o kona wa ia e kipoka pahu aku ai i ke kulanakauhale. E pau ana keia olele hoolaha ma ka hora 11:30 o ka la apopo (Poalua, Mei 3).

He Lono No Ka Lilo Pio Ana O Ke Kulanakauhale O Manila. Kikako, Mei 3. - E hoike ana kekahi lono kuikawa mai

Wasinetona mai i ka nupepa Record, penei: Ua loaa, mai nei i ka Peresidena, ma ka po nei, ka nuhou o ke pio ana o ke kulanakauhale o Manila, mai ke Keena Kuhina Beritania mai.

Ua hoao ke Kuhina Beritania, oia o Sir Julian Paunceforte, e

loaa na launa olelo ana me na luna Aupuni na Hong Kong, Kina, ame ke Kanikela Beritania ma Manila, aole nae he holopono iki a hoea wale i ke ahiahi ana; a oia ka wa i loaa mai ai iaia o ka lono telegarama, ua haawi pio ia aku la ke kulanakauhale (Manila), eia nae aole i hoikeia mai na mea apau e pili ana i keia haawi pio ana. Ua hoounaia ke kope o keia lono telegarama e ke Kuhina Beritania ma o kekahi ukali la o ke Kuhina i ka Peresidena ma Hale Keokeo.

He Wahi Hoouka Kaua Moana Ma Ke Kapakai Hema O Cuba. Maluna o ka Moku Ahailono o ka Nupepa Herald-Call,

Somners N. Smith mawaho aku o Key West, ma ke alahele aku o Key West, Felorida, Mei 2. 
 -Ma ka hapa hope o ka pule i hala, ua haalele iho la ia Key West na mokukaua Marblehead amd Nashville a me kahi moku uuku i kakaia ka Aeto, ka mahele eha hou keia o ke aumokukaua o ka Atelenika Akau, malalo o ka nohn alii kiekie ana a Bowman H. McCalla o ka mokukaua Marblehead, no ke kapakahi hema o Cuba. Ma ke kakahiaka Poalima hoea aku la lakou i Cienfuegos. Hora 11, ike ka Nashville i kekahi mokuahi ma ke kukulu komohama a uhai ake la. Mahope iho o ka hala ana o kekahi mau hora, ua paa pio ua mokuahi la.

He mokuahi lawe leta Sepania keia i holo mai Batabano mai a i Cienfuegos, nona ka inoa o Argonata. Maluna na ona he 4 ohua, a mawaena oia poe he 10 poe aliikoa a he 10 poekoa Sepania. Ua hooiliia keia poe Sepania me ko lakou mau lako kaua maluna o ka Nashville. Ua holo aku la hoi ka mokukaua Marblehead i kahi o ka Nashville, a ua koe iho la kahi moku uuku ka Aeto me ka Argonata, ma ka nuku o ke awa.

Ma ka hapalua hora 12, ua ikeia aku la ua wahi moku la (kaAeto) e ki ana i kona mau pu, a huki ae la i ka hae hoailona,

e hoike ana ua kipokaia mai oia e na moku topido Sepania. Aia keia moku maloko mai o ke awa, e ki mai ana i kona mau pu i kahi moku Amerika uuku. Ua huli hoi hou aku la ka moku Marblehead no ka nuku o ke awa, a kipu aku la maluna o ka moku topido Sepania.

Ka Mokukaua Oregonia. 
 Buenos Ayres, Mei 3.--Me he mea la i keia po e haalele aku ai

ka mokukaua Oregona ia Rio Janerio (Berazila) a holo aku ma ka laua huakai aumoana no na kai o AMerika Hema. Aia no ma ia awa ka mokukaua topido Temarario o Sepania. Mamuli o ka maikai ole o kona mau ipuhao mahu, ame ka nui o kona mau luina i mahuka aku, ua hiki ole iaia ke lele kaua aku, maluna o na moku Amerika.

Kukalaia Ke Kanawai Koa Ma Maderia.

Maderia, Mei 3. -- Ua kukalaia ke kanawai ko Maderia nei, a ua nui ka uluku o na kanaka, oiai wahi a lakou he mea waiwai ole ia, koe wale no nae ka manao ana o ke Aupuni aia he ohumu kipi iloko o ka aina.

He Lono Weliweli Ma Sepania. Gibaraleta, Mei 4. -- Ua pahola ae he lono weliweli loa

maanei nei no ke kulana ma Mederia. Ua lauhala ae ka lono, ua pepehiia ma ke ano powa malu, o Kenerala Martinez Campos a me Senor Mort. A o ke kuhina Nui keia o Sagasta ua holo aku oia i kahi o ke Kuhina Beritania i pakele ai ia mai ka poe hoohaunaela aku.

Nui Ka Haunaele Ma Ke Kulanakauhale. Gibaraleta, Mei 3.-- He kulana kupilikii maoli ko ke

kulanakauhale o Maderia. Ua ikeaia na haunaele hookahe koko me na kipu ana ma na alanui.

Ua ikaika loa ka poe o ka aoao o Don Carlos i ka hoala ana i na hoouluku ana, a eia lakou ke hoonua nei i na palapala iwaena o ka lahui Sepania e ala e kipi i ke Aupuni. E olelo ana kekahi palapala o keia ano, o Don Carlos wale no ka hookahuli Aupuni.

Ke Aumoku Sepania. 
 Lisebona, Mei 4.-- Ua loaa mai nei ka lono ia nei e hoike ana,

ua huli hoi mai nei ka aumokukaua Sepania ma Lea Verde no ka hui pu ana me ka aumokukaua ma Cadiz, i aenae makaukau loa no ka holo aku. Ua oleloia hoi e holo like aku ana keia mau aumokukaua no na kai o Amerika.

Na Aumokukaua Amerika. 
 Nu loka, Mei 4.-- E hoike ana kekahi lona mai Ki Komohana

mai i ka nupepa Tribune, penei: 
 Ke hoike aim nei na nelehelena o na hana maanei no ka nee

ana aku o na aumokukaua Amerika o ka Atelanika Akau, Ma ke kahi huakai ano nui loa. Ua ku mai nei aumokukaua O Hope Adimarala Sampson ia nei no ka hoopiha lanahu ana. Eia na moku ia nei i keia: Ka moku lawe hae Nu Ikoa, ka Iowa, Kinikinaki, Detroit, Mayflower ame Marblehead. O ke komo ana mai nei no ia o ka moku hope me ka moku pio Argonata.

Nu Ikoa, Mei 4. -- E hoike ana kekahi lono mai Ki Komohana mai, penei: Ua holo aku nei keia la ka aumokukaua malalo o Adimarala Sampson, i ku iho nei no onei iloko o elua la, no ka hoopiha lanahu ana,malaho hoi kauoha i silaia. Me he mea la o ka lakou huakai no ka halawai ana aku ia me ka aumokukaua Sepania o Lae Verede, alaila, huli hoi ae no Porto Rico.

Ua manaoia, aole liuliu a halawai aku no ka aumokukaua holo mama e ku nei ma na Kai o Kametona me ka aumoku o

Adimarala Sampson. 
 O ka lono hope loa i loaa mai nei no ka mea e pili ana i na nee

ana o ka aumokukaua o Adimarala Sampson, ua manao ua Adimarala la e holo aku a e hoouka kaua aku ia Porto Rico, mamua o ka hoea ana mai o ka aumokukaua huiia o kona hoopio ana ia wahi, kahi e loaa ai he kahua hoolako ai a lanahu i na mokukaua Sepania, alaila, e holo aku no ia e huli i na aumokukaua Sepania. A ua manaoia e hoouka kaua aku ana ia i na moku Sepania elike me ka mea i hanaia e ka aumkukaua Amerika ma Manila.

Hoonioni Ka liona Pelekane Ma Santiago De Cuba.

Nu Ioka, Mei 4. -- E Hoikee ana kekahi lono mai Kingston, Jamaica mai, penei:

Ua loaa mai nei i ka mokukaua Beritania "Alert," i ukaliia e ka mokukaua Pallas, he kauoha mai ka Oihana Adimarala Beritania mai e hoi hou aku i Santiago de Cuba, a e koi aku e hookuu koke ia mai o Kanikela Remsden, malalo hoi o ka ikaika o na pukuniahi ke ole e ae laelae ia mai.

E hoike ana na lono mua ua hoopaa pio ia ua Kanikela la no ka make ana o kekahi kanaka Sepania, ma kona wa i ki aku ai mawaena o kekahi puulu kanaka hoohaunaele i lele aku maluna ona.

Makauka Ka Aumokukaua Sepania Ma Cadiz.

Ladana, Mei 3.-- O ka mahele elua o na aumokukaua Sepania ma Cadiz, ua kokoke e makaukau, Ua paa ko Sepania manao e kapae i na hoouka kaua liilii ana, a e hoonee ana ia i ka ikaika kaua moana apau o Sepania i hookahi wa e opu aku ai i ka

aumokukaua o Amerika ma na kai o Cuba. 
 ua manaoia hoi ua holo aku nei ka aumokukaua Sepania o

Sana Vinikeneka e kaua aku i ka moku Oregona a me ka mokukaua Marsetta, aka, e hoounaia aku ana no he poe makukaua Amerika e kokua i ka Oregona ame kona kokoolua.

Na Oleleo Kauoha A Ka Peresidena Ia Komoda Dewey.

Nu Ikoa, Mei 2. -- E hoike ana kekahi lono kuikawa mai Wasinetona mai i ka nupepa World, na ka Peresidena ponoi no i hoomakaukau i na olelo kuhikuhi ia Komodoa Dewey no ke ano o kana hoonee kaua ana ma Manila, pela ka olelo a kekahi hoa o ka Aha Kuhina i ka po nei. "E holo aku i Manila, a e ku ma kahi he 8 mile mawaho mai, a e hakilo aku i na mokukaua Sepania. Ina ia oe ke hoouka kaua aku ia lakou, me kou kaawale mai na pu mai uka o ka aina, alaila, e luku aku oe ia lakou. Alaila, e hoao e noho mana maluna o ke kulanakauhale, aka e hookaawale nae ia oe mai na batari pu mai ma na kahakai. Ina hoi ua haalele iho ka aumokukaua Sepania, alaila, e huli aku oe ia lakou. Ina hiki ole, e lele oe i uka o ka aina, elike ma kau ike ana he pono, a e alakaiia ana hoi e na kuhikuhi ana i na pailata. Ua hiki ia oe ke luku aku i na batari pukaa, a mai kipoka wale aku hoi ke ole oe e koiia e hana aku pela."

Ua hoolaha ae ka nepepa Westfield News, (Ind.) i keia mea e pili ana i kekahi kamaaina loihi oia wahi: Penei ka olelo a Frank McAvoy, he limahana no kekahi mau makahiki lehulehu no ka L. N. A. & Co. Ry. o keia wahi: "Ua inu nauau i ka Laau Ola a Kamalena no ke Nahu, Kolera ame ka Hi, no umi makahiki a oi aku no hoi- a ua paa mau loa ia laau iloko o ko'u ohana. Manao au, he laau maikai loa ia i hanaia ke hauoli nei

au i ka hoolaha ana aku no ua laau la." He laau palekana loa ia no na ma'i o ka opu. E kauiia ana e na poe kuai laau lapaau apau. Benson Smith & Co., na Agena ma ko Hawaii Pae Aina.

Me keia Poalua ae e haalele iho ai ia Honolulu nei ka mokuahi Zelandia, a huli hoi aku no Kapalakiko.

Lubiana Kasimila

No laila, ua hoike aku la ia (Ariadane) ua makaukau oia e hele aku. I kela wa, haalele iho la o Ruperreto I ua Lede opio la a huli hoi aku la ilalo, na ka hoomakaukau ana iaia iho. I ka hala ana he hapaha hora, aia hoi, ua kau ae la o Ariadane maluna o kekhi lio maikai i haawiia mai iaia, a pela nohoi ke Duke Rupereto. A haalele iho la laua ia ka hale kakela.

He hapalua hora mahope iho o ko laua hala ana aku, aia hoi ikeia aku la he hookahi haneri poe kanaka i lako pono i na mea kaua o na ano apau, e akoakoa ana maloko o ka pa o ka hale kkela, malalo o ke alakai ana a Wolasetona. Ua kau ae la leia poe maluna i na lio, a ku iho la me ka makaukau. Aole hoi i liulliu, hoea mai la ke Kauna Gasepa, a o ka wa ia a lakou i haalele iho ai i ka hale kakela, a holo aku la lakou ma ke alahele, i hele aku ai o Adridane ma.

Ua holo aku la hoi o Ariadane ame ke Duke Rupereto a hoea i kekahi wahi ululaau uuku kaohi iho la i ko laua mau lio, a ia laua e ku ana ma ia wahi ma ke ano e hoomaha ana, ia wa hoi i lohe ae ai o Ariadane, me ka puiwa nui, ame pihoihoi nui, i ka halulu o kekahi mau kapuai. A i kona wa i huli ae ai a nana aku ia Rupereto, me ka manao e ninau iaia no ke ano o keia mau kapuai lio e halulu mai ana, aia hoi, ike aku la ia he mau hiona ahiu ano e ke mohala mai ana maluna o na helehelena o

Rupereto, a ma ia wa hookahi no hooho mai la ia me ka leo ano hehena:

"Ho! ho! Aole oe o pakele mailoko aku o ka'u paa ana ia oe. Eia no oa iloko o ko'u mana i keia wa. He oiaio aole owau kou makuakane, aka, owau nae kou kahu hanai ma ke kanawai. Na ka Moi o Bohemia nei haawi mai ia mana maluna o;u. Ina makemake oe e loaa ia oe ka palekana o kou ola ana, alaila, e haawi mai oe ia oe iho iloko o ka'u malama ana i keia wa. Aka, ma kou wa e kue mai ai i ko'u mana, alaila, e nakiikiiia no ou mau wawae ame ou mau lima. Elike me kekahi holoholona ahiu."

I keia wa, hoea mai la ke Kauna Gasepa o Valesebuga me kona poe koa. Me ka helehelena pahenehene maluna ona, kunou aloha mai la ia imua o Ariadane. Malalo hoi o kana kauoha, ua hoopuniia ae la ua lede opio nei e kekahi poe koa hololio, a kamoe aku la ka huakai no ke kulanakauhale o Prague.

I ke aumoe ponoi o ka po, hoea aku la ua huakai nei i ke kulanakauhale. Hoopaaia aku la hoi i Adriadane maloko o kekahi keena pouli, me ka hoonohoia ana aku o kekahi mau kiai e nana iaia.

Auhea la ka hoi o Lubiana? Auhea ka Naita eleele o ka Hui Lima Ulaula? Aia ihea na hoaloha o Adriadane? A keia pule ai.

Mokuna XVI.

Ka Moi Oto- Ka Wahine o ka Hale Hoohiki o na Virgine -- Ka Maku ame ke Keiki.

E kuu makamaka heluhelu, ma keia wahi o ka kaua moolelo,e nana ai kaua i ka mea i kukaia mawaena o Rupereto o Frankenstein ame Gaspard o Valesebuga, no ka mea e pili ana

ia Ariadane. 
 I kekahi la ae, mahope iho o ka po i hoea aku ai ka huakai

hele a kaua i ike ae nei, e noho ana ka Moi Oto maloko o kona keena hooluolu. O keia hoi ka rumi i maa iaia no ka hookipa ana mai i kana poe punahele.

He kanalima paha ka nui o na makahiki o keia kanaka i keia wa. Ma kona oiwi kino ame kona kaluna e hoike maifi ana ia kanaka oolea ia ame ke koa.

Maloko hoi o keia rumi komo aku ai o Rupereto Frankenstein ame Gasepa o Valesebuga me ua Moi Oto la, maloko o ka rumi i hoikeia ae la, oia hoi o Repereto ame Gasepa, he mau kanaka laua i punahele loa i ua Moi Oto nei, oiai o laua pu kekahi i komo me ia iloko o kona mau popilikia, a i hooko hoi i kana mau hana eleele apau i makemake ai e hookoia.

Ua hoike aku hoi o Rupereto imua o ua Moi Oto la no ka pakele ana o ka Lede Ariadane mailoko aku o kona halepaahao a pela pu hoi me kona loaa hou ana ma kekahi wahi iloko o ka ululaau o Bohemia Walde. Ua hoike aku la noho ia i kaahi pupupu hale i loaa aku ai ua Lede opio nei, ma ke ano oia kekahi o na punana o na poe kipi o loko o ka aina. Aole nohoi ua Rupereto nei poina no ka hoike ana'ku imua o ka Moi ne kona manao koho wale no Manafereda o Aledenaheima, ame ka pakele ana o kona wahi i hoopaa pio ia ai.

"Nolaila," wahi a ua Rupereto nei i kamailio aku ai i ka Moi, "ua lawe mai nei au i ua Lede Ariadane nei ia nei, kahi a'u i makemake ai e mare koke ia aku oia i ke Kauna Gasepa o Valesebuga. A ke pau keia, alaila, e hoohuliia aku no ko kakou mau noonoo ana no keia poe powa puuwai eleele, e kaulana mai nei ka lakou mau hana hoomainoino, oia hoi kela poe i kapaia na Naita o ka Lima Ulaula."

Alaila, pane mai la hoi ka Moi Oto: "No ka mea pili ana i ka

Lede Ariadane, aohe a'u mea e kamailio aku ai ia oe, oiai o oe no kona kahu malama a ua hiki nohoi ia oe ke hana aku elike me kau i manao ai he pono."

"Pela io no, e keAlii; aka he mea nae hoi e oluolu loa ai ko ke Kauna noonoo, ke haawi mai ke Alii pu hoi kekahi e ike amka i keia materemonio ana mawaena o kekahi o kana poe kauwa haahaa a hoolohe ame kekahi pua alii opio nohoi o ka aina nei, elike la me ka Lede Ariadane."

Ua hoike aku la nohoi o Gasepa i kona manao apono keia mau olelo a kona kokoolua imua o ka Moi.

O ka mea oiaio nae, ua ike Gasepa a ua hoomaopopo hoi, aole e loihi aku ana na la e ola ai ke Moi Oto, a hoea mai no kona hopena. Aole nohoi o maopopo ka mea e pani aku ana i kona makalua. Nolaila, ma kona noonoo ana, i kona mare ana i ke kamaliiwahine Ariadane e loaa ana iaia he mau inoa hanohano hou ame na pomaikai o ke apono maoli ana a ka Moi Oto.

"E hookoia no elike me ko olua makemake, e a'u mau kauwa hoolohe loa," wahi a Oto i pane mai ai. "E hai mai olua ia'u i ka wa e laweia mai ai ka Lede opio imua o ko makou alo alii nei, a e makaukau no na me apau. Aka, i keia wa, e kamailio kakou ma ka mea e pili ana i kekahi mea ano nui loa. Me he mea la ma ka'u mau olelo e Frankensein, me he mea la ua manao oe ua palekana ko kakou kulanakauhale alii nei, mai na holapu ana mai a kela Naita i kapaia ke Koa o ka Lima Ulaula. Ua kunihewa loa oe, e kuu Frankenstein maikai. O kela mau pepehikanaka weliweli i ikeia ma na kai-a ulu o kou hale kakela, me ka pahi puhaka i omau ia ma ka umauma o ka mea poini, ua ikeia no ia haawina hookahi maloko nei o ke kulanakauhale, a ua hoea loa mai nohoi a ka halealii nei. Ma ka al aku la no i nehinei i lawe mai ai ke kanaka kiai nui o ka halealii nei, oia hoi, ke kanaka hooko ma ko makou amana li-

kanaka, i keia wahi palapala." 
 I keia wa i unuhi ae ai oia kekahi apana ili pepa mailoko ae o

ka ekeeke o kona kuka, a haawi mai la ia Rpereto. A penei na olelo o ua palapala la: "Ia Bulgraff, ke kanaka hooko i ka hoopai make ma Prague: Ina oe e hookahe hou i kekahi koko o Bohemia, mamuli o ke kauoha a ke alii a aha hookolokolo paha, e make no oe ma ka maka o ka pahi puhaka a "Ka Lima Ulaula" (Aole i pau.)

Nalulu Ame Poniuniu. 
 Ua kakau mai o Mrs. C.C. Bailey o Martinville, Canada,

penei: "Mahope iho o ka hala ana o kekahi mau makahiki lehulehu o ka eha mau ana ua konoia au hoao i na Huaale Ulaula a Dr. williams, a ua lilo hoi ka la a'u i hoomaka ai'ia mau Huaale i la na'u e hoomaikai ai. Mamua aku o ka hoomaka ana e ai na huaale Akala, e paa ana au malalo o ka lapaau ana a na kauka, a ua hoao nohoi ina laau lapaau e ae, aole nae he ola maoli, koe manawa. Ua loohia au i ka nalulu niu, ke poniuniu, ka ono ole o ka ai ame kapalili o ka houpo. Ua hele iho la au a nawaliwali loa, a ua pinepine loa na wa i hiki ole ai ia'u ke hele ma o a maanei, a ua hele ko'u mau aa lolo a nawaliwali maoli. Ma ka wa a'u i hoomaka ai i ka ai ana i na Huaale Akala a Dr. Williams, ua kanalua loa au ina paha e loaa ana he laau e loaa ai ia'u ke ola, aka, ua pau iho la no nae ko'u manao e hoao ia mau laau. Mahope iho o ka pau ana o na huaale o kekahi mau poho he lehulehu, ike iho la au, ua hiki ia'u ke hiamoe maikai, a o ko'u ano haalulu ua ano emi mai la. No aneane eha makahiki i loaa ai au i keia ma'i, nolaila, i manao ai au aole ia e hiki koke ana e ulaaia mailoko aku o'u oiai hoi ua pahu'a na lapaau ana a na kauka, aka, mahope iho o ka pau ana ia'u o na huaale o na poho he hookhi kakini, ua loaa hou ia'u ko'u ola. Manao au, he mea pono i ka poe apau e ai ana i na HuaaleAkala a Dr.

Williams e hoomaopopo pono loa i na kuhikuhi, a e manao iho hoi, aole i loaa ke ola i ka ai ana i hookahi wahi poho a elua paha. Ina pela au i hana naaupo ai, ina aole e loaa ke ola maikai i loaa ia'u i keia wa, a ke lana nei hoi ko'u manao, e lilo ana keia wahi palapala i mea e pomaikai ai kekahi mea nawaliwali i pau ka manaolana no ke ola.'

E hooulu ana na Huaale Akala a Dr. Willliams i koko hou, hooikaika hou hoi i na aa-lolo, a pela e hoopauia aku ia ka ma'i mailoko aku o ke aa-lolo. Ma na ma'i he haneri, e hoolaia ana e, a pela i hiki ai i keia mau Huaale ke kaena ia ae, he Laau Kamahao loa keia i ikeia e ka noiau oihana kauka. E kuaiia ana e na poe kuai laau lapaau apau.

He mea pono i kela ame keia ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o ka lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai elike me ka Perry Davis Laau Penikila (Pain Killer). Ua lawelawe keia laau no na makahiki ha kanalima, a ke hana mau ia nei i kela ame keia la. ma na aina apau o ka honua nei. O ka Hui Kuai Laau Lapaau o Hollister ka Agena.

Hoolaha Kumau. 
 Ka Ayer Laau Hoomaemae Koko.

(Sasaparilla.) 
 E hoomaemae oe i kou koko me ka Ayer Laau Hoomaemae

Koko (Sarsaparilla), o keia ka laau pahu'a ole o kona ikaika hoola. Kupono maoli keia laau no ka ma'i Aai, ma'i Kupuhi, ma'i Puupuu oolohu, ma'i Kane pohaka, ame na ma'i no apau e ulu mai ana mailoko mai o ke koko ino. He kupono loa nohoi keia Laau Hoomaemae Koko A Ayer no ka ma'i nalulu (catarrh),rumatika ame ka rumatika pehu.

Ma ke ano he laau hooikaika kino ia, aohe ona lua. E kokua ana ia na mea paahana o ka opu ma ka hoowaii ana i ka ai, hooikaika i ka hana ana a ke ake-paa anwaliwali, hooikaika hoi i na aa-lolo a hooikaika pu hoi @ ke kino i hele a nawaliwali mamuli o ka luhi ane ka hoomailo ana a ka ma'i. Ua ike na kauka lapaau ma na wahi apau, he Laau maikai loa keia Laau Hoomaemae Koko a Ayer. He laau keia i loaa noloko mai o ka pa'ipa'i ame ke kawili a hoohuihui naauao ia ana o na laau hoomaemae koko a hooikaika kino ikaika loa. Aohe laau hoomaemae nui ia nohoi elike me keia.

Ka Ayer Sarsaparilla Hoomakaukauia e Dr. J. C. Ayer & Co. Loewell, Mass., U. S. A. 
 Ola Ka Ma'i Awa-- Huaale a Ayer 
 No Keaha- I Hookawelewe-Le Loa Aku Ai Oe I Kela Anu, Kunu Ame Puu Eha?

Ua kaulana ioa ka Laau Kunu A Ayer (Ayer's Cherry Pectoral) iloko o na makahiki he aneane 60, ma ka hoola ana i na Ma'i o ka Puu ame ke Akemama, ke Anu, ke Kunu, ka Ma'i La Grippe, ame ka ma'i Mala o ka pale Akemama. He ono keia laau ma ka inu ana, a he oiaio ke ola.

Ayer's Cherry Pectoral 
 Na Medala Guia mai na Hoikeike Nui o ke A@ Mai lawe i na Laau Emi o Hoohalikeia me keia Hollister Drug Co. Lt. 
 Na Agena ma ka Paeaina Hawaii

Kakela Me Kuke. Ka Halekuai Nui

Ona 
 Waiwai Like Ole O na Mea Hana Kamana A Pau Na loko Pili Haao Kukulu Hale, Na Kepa bela, Na Lei Ilio, Na Kaulahao Ilio, Na Pahi, Na Upa, Na Kope Hulu. Na Pulupulu

Na Palau Lio 
 Na mea mahiai, na au ho, na au koi, na kua bipi, na lei bipi, na

kalahao bipi, na uwea pa, na kaa palala, na mea piula, na Ipuhao. 
 Makau Me Aho Lawaia

Na Iliwai 
 Na Kula Na Hulu Pena 
 Na Pulumi 
 Na Pena ne Aila 
 Na Kopa 
 Na Aila Mahu 
 Na Pakeke 
 Na Pakeke Hao 
 Na Kapu Hao 
 Na Pauda 
 Na K@@@epele Na U@iki a me Na Ipukukui

Makini Humuhumu Kauiana a 
 Wilcox & Gibbs Hookahi Lopi, Ka Remington, Elua Lopi. A me na ukana he nu@ wale @ kela a me keia ano. Kakela

me Kuke.