Ka Nupepa Kuokoa, Volume XXXVII, Number 19, 13 May 1898 — Lubiana Kasimila [ARTICLE]

Lubiana Kasimila

Nolaila, ua hoike aku la ia (Ariadane) ua makaukau oia e hele aku. I kela wa, haalele iho lā o Rupereto 1 ua Lede opio la a huli hoi aku la ilalo, no ka hoomakaukau ana iaia iho. I ka hala ana he hapaha hora, aia hoi, ua kau ae la o Ariadane maluna o kekhi lio maikai i haawiia mai iaia, a pela nohoi ke Duke Rupereto. A haalele iho la laua i ka hale kakela.

He hapalua hora paha mahope iho 0 ko laua hala ana aku, aia hoi ikeia aku la he hookahi haneri poe kanaka 1 lako pono i na mea kaua o na ano apauj e akoakoa ana maloko o ka pa o ka hale kkela, malalo o ke alakai ana a Wolasētona. Ua kau ae la keia poe pialuna o na lio, a ku iho la me ka makaukau. Aole hoi i liuliu, hoea mai la ke Kauna Gasepa, a o ka wa ia a lakou i haalele iho ai i ka hale kakela, a holo aku la lakou ma ke alahele i hele aku ai o Ariadane ma.

Ua holo aku la hoi o Ariadane ame ke Duke Rupereto a hoea i kekahi wahi ululaau uuku kaohi iho la i ko laua mau lio, a ia laua e ku ana ma ia wahi ma ke ano e hoomaha ana, ia wa hoi i lohe ae ai o Ariadane, me ka puiwa nui, ame ke pihoihoi nui, i ka halulu o kekahi mau kapuai. A i kona wa i huli ae ai a nana aku ia Rupereto, me ka manao e ninau aku iaia no ke ano o keia mau kapuai lio e halulu mai ana, aia hoi, ike aku la ia he mau hiona ahiu ano e ke mohala mai ana maluna o na helehelena o Rupereto, a ma ia wa hookahi no hooho mai la ia me ka leo ano hehena:

"Ho! ho! Aole oe i pakele mailoko aku o ka'u paa ana ia oe. Eia no oe iloko o ko'u mana i keia wa. He oiaio aole owau koji makuakane, aka, owau nae kou kahu hanai ma ke kanawai. Na ka Moi o Bohemia nei i haawi mai ia mana maluna o'u. Ina makemake oe e loaa ia oe ka palekana o kou ola ana, alaila, e haawi mai oe ia oe iho iloko o ka'u malama ana i keia wa. Aka, ma kou wa e kue mai ai i ko'u mana, alaila, e nakiikiiia no ou mau wawae ame ou mau lima. elike me kekahi holoholona ahiu."

I keia wa, hoea mai la ke Ka'ina Gasepa o Valesebuga me kona poe leoa. Me ka helehelena pahenehene maluna ona, kunou aloha mai la ia imiia o Ariadane. Malalo hoi o kana kauoha, ua hoopuniia ae la ua lede opio nei e kekahi poe koa hololio, a kamoe aku la ka huakai no ke kulanakauhale o Prague. ' I ke aumoe ponoi o ka po, hoea aku la ua huakai nei i ke kulanakauhale. Hoopaaia aku la hoi o Ariadane maloko o kekahi keena pouli, me ka hoonohoia ana aku o kekahi mau kiai e nana iaia. Auhea la ka hoi o Lubiana? Auhea ka Naita Eleele o ka Hui Lima Ulaula? Aia ihea na hoalona o Ariadane? A keia pule ae.

MOKUNA XVI. Ka Moi Oto —Ka Wahine o ka Hale Hoohiki o na Virigine—Ka Makua ame ke Keiki. E kuu makamaka heluhelu, ma keia wahi o ka kaua moolelo, e nana ai kaua i ka mea i kukaia mawaena o Rupereto o Frankenstein ame Gaspard 0 Valesebuga, no ka mea e pili ana ia Ariadane. I kekahi la ae, mahope iho o ka po 1 hoea aku ai ka huakai hele a kaua i ike ae nei, e noho ana ka Moi Oto maloko o kona keena hooluolu. 0 keia hoi ka rumi i maa mau iaia no ka hookipa ana mai i kana poe punahele. He kanalima paha ka nui o na makahiki o keia kanaka i keia wa. Ma kona oiwi kino ame kona kulana e hoike maifl ana ia he kanaka oolea ia ame ke koa. Maloko hoi o keia rumi i komo aku ai o Rupereto Frankenstein ame Gasepa o Valesebuga me ua Moi Oto la, maloko o ka rumi i hoikeia ae nei. O keia mau kanaka i hoikeia ae la, oia hoi o Repereto ame Gasepa ; &e mau kanaka laua i punahele loa i ua Moi Oto nei, oiai o laua pu kekahi i komo me ia iloko o kona mau popilikia, a i hooko i kana mau hana eleele apau i makemake ai e hookoia. Ua hoike aku hoi o Rupereto imua o ua Moi Oto la no ka pakele ana o ka Lede Ariadane mailoko aku o kona halepaahao a pela pu hoi me kona loaa hou ana ma kekahi wahi iloko o ka ululaau o Bohemia Walde. Ua hoike aku la noho ia i kahi pupupu hale i loaa aku ai ua Lede opio nei, ma ke ano oia kekahi o na punanā o na poe kipi o loko o ka aina. Aole nohoi ua Rupereto nei i poina no ka hoike ana'ku imua o ka Moi no kona manao koho wale no Manafereda o Aledenaheima, ame ka pakele ana o ka aßrona 0 Drosendorf mailoko aku o kona wahi 1 hoopaa pio ia ai. "Nolaila," wahi a ua Rupereto nei i kamailio aku ai i ka Moi, "ua lawe mai nei au i ua Lede Ariadane nei ia nei, kahi a'u i makemake ai e mare koke ia aku oia i ke Kauna Gasepa o Valesebuga. A ke pau keia, alaila, e hoohuliia aku no ko kakou mau noonoo ana no keia poe powa puuwai eleele, e kaulana mai nei ka lakou mau hana hoomainoino, oia hoi kela poe i kapain na Naita o ka Lima Ulaula."

Alaila, pane mai la hoi ka Moi Oto: "No ka mea e pili ana i ka Lede Ariadane, aohe a'u mea e kamailio aku ai ia oe, oiai o oe no kona kahu malama a ua hiki nohoi ia oe ke hana aku elike me kau i manao ai he pono." "Pela io no, ,e ke Alii; aka, he mea nae hoi e oluolu loa ai ko ke Kauna noonoo, ke haawi mai ke Alii i kana wahi kokua ana, a o ke Alil pu hoi kekahi e ike maka i keia materemonio ana mawdena o kekahi o kana poe kauwa haahaa a hooiohe ame kekahi pua alii opio nohoi o ka aina nei, elike la me ka Lede Ariadane." Ua hoike aku la nohoi o Gasepa i kona manao apono no keia mau olelo a kona kokoolua imua o ka Moi. O ka mea oiaio hae, ua ike o Gasepa a ua hoomaopopo hoi, aole e loihi aku ana na la e ola ai ka Moi Oto, a hoea mai no kona Aole nohoi i jnaopopo ka mea e pani aku ana i kona makalua. Nolaila, ma kona noonoo ana, i kona mare ana i ke kamaliiwahine Ariadane e loaa ana iaia he mau inoa hanohano hou ame na pomaikai e ae he nui, e loaa ana hoi mamuli o ke apono maoli ana a ka Moi Oto.

"B hookoia ho elike me ko olua makemake, e a'u mau kauwa hoololie loa," wahi a oto i pane mal ai. "E hai mai olua ia'u i ka wa e laweia mai ai ka Lede opio imua o ko makou alo alii nei, a e makaukau no na mea apau. Aka, i keia wa, e kamailio kakou ma ka mea e pili ana i kekahi mea ano nui loa. Me he mea la ma ka'u hoo-

maopopo aku i ke ano o ka'u mau olelo, e Frankenstein, me he mea la ua manao oe ua palekana ko kakou kulanakauhale alii nei # mai na holapu ana mai a kela Naita i kapaia ke Koa oka Lima Ulaula. Ua kuhihewa loa oe. e kuu Frankenstein maikai. O kela mau pepehikanaka weliweli i ikeia ma na kai-a-ulu o kou hale kakela, me ka pahi puhaka i omau ia ma ka umauma o ka mea poino, ua ikeia no ia haawina hookahi maloko nei o ke kulanakauhale, a ua hoea loa mai nohoi aka halealii nei. Ma ka la aku la no i nehinei i lawe mai ai ke kanaka kiai nui o ka halealii nei, oia hoi, ke kanaka hooko ma ko makou amana li-kanaka, i keia wahi palapala." I keia wa i unuhi ae ai oia i kekahi apana ili pepa mailoko ae o ka ekeeke o kona kuka, a haawi mai la ia Rupereto. A penei na olelo o ua palapala la: "Ia Bulgraff, ke kanaka hooko i ka hoopai make ma Prague: Ina oe e hookahe hou i kekahi koko o Bohemia, mamuli o ke kauoha a ke alii a aha hookolokolo paha, e make no oe ma ka maka o ka pahi puhaka a "Ka Lima Ulaula." (Aole i pau.)