Ka Nupepa Kuokoa, Volume XXXVII, Number 20, 20 May 1898 — Page 4
| This text was transcribed by: | Lynn Mangel |
| This work is dedicated to: | MacKenzie and Kendall Mangel |
Ka Nupepa Kuokoa
KE KILOHANA POOKELA NO KA LAHUI HAWAII.
4 NUPEPA KUOKOA. MEI 20, 1898.
PAUKU 2. O ka Pauku 19 o ke Kanawai 20 o na Kanawai o ke Kau o 1895, ma keia ke hoololiia nei i heluheluia ai e like me keia mahope iho nei:
"Pauku 19. Ua hiki no e hookunia kekahi kanaka i kepaia mamua ae o ka pau o kona manawa i kepaia ai ma ke kauoha o ka Luna Koa Kiekie o ka Bataliona, a i ole ia, Regimana, a i ole ia, mamuli o ka hoike ana aku o ka Luna Koa Kiekie o kona puali, a i ole ia, no kekahi o na kumu mahope iho nei:
"E lawe i ka hookiekie ana ae ma ka hookohu; ma ke kaawale ana aku o kahi noho mawaho o na palena ka mana o ka puali ana i noho ai; a ma ka manao o ka Luna Koa Nui ale i hiki iaia ke hooko pono i kana hana oihana koa no ka loihi loa; no ka hiki ole e hana i hoikeia ma ka palapala hoike a kekahi kauka; a i ole ia, ua hiki a hoopaua oia me ka hilahila no kekahi o na kumu mahope iho nei:
"No ka hoahewaia ana no kekahi feloni imua o kekahi Aha Hookolokolo Kanawai; mamuli o ka hoopai @ kekahi Aha Hookolokolo Koa.
PAUKU 3. O ka Pauku 29 o ke Kanawai 20 o na Kanawai o ke Kau o 1895, ma keia ke hoololiia nei i heluheluia ai e like me keia mahope iho nei:
"Pauku 29. O na Luna Koa a me na kanaka a pau i kepaia iloko o ka hana o ka Repubalika o Hawaii ua hiki no e hookolokoloia lakou i na manawa a pau e ka Aha Hookolokolo Koa. A o na Karaima a pau aole o ka make ka hoopai, a o na hana haunaele a pau a me na hoohemahema a pau ma ke ano kue i ka maluhia a me ka hoomalu pono ana i ka oihana koa, ina no aole i hoakakaia maloko o na Pauku 27 a me 28 o keia Kanawai, e hanaia no e kekahi Aha Hookolokolo Koa Laula, regimana, a i ole ia, puali e like me ke ano a me ke koikoi o ka hewa i hanaia, a e hoopaiia e like me ka manao o ia Aha he pono.
PAUKU 4. E mana keia Kanawai mai a mahope aku o kona la e hoolahaia ai.
Aponoia i keia la 14 o Mei, M. H. 1898.
SANFORD B. DOLE,
Peresidena o ka Repubalika o Hawaii.
KANAWAI 31.
HE KANAWAI E HOOPONOPONO AI I KA HOLOI ME KA AIANA ANA O NA LOLE AAHU, NA KAPA MOE, NA KAWELE O NA ANO A PAU A ME NA MEA E AE O IA ANO LIKE.
E Hooholoia e ka Ahaolelo o ka Repubalika o Hawaii:
PAUKU 1. E lilo no i mea kue i ke Kanawai no kekahi mea e puhi i ka wai a mea e ae o ia ano mai kona waha aku maluna o kekahi lole, kapa moe, na kawele o na ano a pau, a i ole ia, na mea e ae o ia ano like ma ka hoomakaukau ana o ia mau mea no ka aiana ana, kaomi ana, a i ole ia, iloko o ka manawa e aianaia ana, a i ole ia, e kaomiia ana.
PAUKU 2. O kekahi mea e hana ana pela e manaoia no ua ku i ka hewa mikamina a ina e hoahewaia no ia mea e hoopaiia aole e oi aku mamua o Umi Dala; a ina e hoahewaia no kekahi hana hewa hou ana, e hoopaiia aole e oi aku mamua o Iwakalua Dala.
PAUKA 3. E mana keia Kanawai mai kona la aku e hoolahaia ai.
Aponoia i keia l1 14 o Mei, M. H. 1898.
SANFORD B. DOLE,
Peresidena o ka Repubalika o Hawaii.
KANAWAI 32.
HE KANAWAI E HOOLOLI AI I NA PAUKU 630, 631 A ME 636 O KE KANAWAI KIVILA E PILI ANA I KE KAKAU HOIKE ANA I NA MOKU.
E Hooholoia e ka Ahaolelo o ka Repubalika o Hawaii:
PAUKU 1. Me keia ke hoololiia nei ka Pauku 630 o ke Kanawai Kivila i heluheluia ai e like me keia:
Pauku 630. Aole no e kakau hoikeia kekahi moku ma ke ano hemoku no ka Repubalika o Hawaii, aole hoi e manaoia he moku Hawaii i loaa na pomaikai i pili i na moku Hawaii, kek ole oia i ona holookoaia e kekahi kanaka kupa, a i ole ia, mau kupa paha o ka Repubalika, a i ole ia, e kekahi hui Hawaii no lakou kekahi keena oihana, a i ole ia, wahi hana paha mamua a ua lawelawe i ua hana la maloko o ka Repubalika no elua makahiki mamua koke iho o ia noi ana e kakau hoikeia ua moku la.
PAUKA 2. Ma keia ke hoololiia nei ka Pauku 631 o ke Kanawai Kivila i heluheluia ai e like me keia:
"Pauku 631. Ma ka waihoia ana aku o kekahi palapala noi i kakauia i ka Luna Dute Nui e like me na mea i hoakakaia ma ka Pauku mamua iho nei i huiia me ka olelo hoohiki o ka ona o ka moku i makemakeia e kakau hoikeia e hoakaka ana i ka inoa a me ke ano o ka moku a ina ua kapiliia maanei, a i ole ia, ma na Aina E a ina ua kapiliia ma na Aina E i ke ano i loaa mai ai, o ka mea hoohiki he kupano ka Repubalika a aole he kanaka, a i ole ia, kupa paha no kekahi Alii a Aina E paha i kuleana ma kekahi ano a ma ke ano malama, hilinaiia, a me kekahi ano e ae paha iloko o ia moku, a i ole ia, iloko a no loaa a me na puka paha mailaila mai. A ina he moku i onaia e kekahi hui Hawaii i hoohuiia, ka olelo hoohiki o ka Peresidena, Kakauolelo, a i ole ia, ka Puuku paha o ia hui, e hoakaka wale no ona, a aole hoi he mau kupa a kanaka paha o kekahi Alii a Aina E paha koe wale no ka poe nona na mahele waiwai o ia kumupaa ua kuleana ma kekahi ano ma ke ano hilinai, malama a me kekahi ano e ae paha iloko o ia moku, a i ole ia, iloko o na puka a me na loaa mailaila mai. E kauoha ka Luna Dute Nui e anaia ua moku la a e hoomaopopoia kona mau tona e like me ka rula i hoakakaia mahope ae nei. Ina he moku i kapiliia ma na Aina E e huipuia me ka palapala noi na hoike e maopopo ai ke kuleana i ua moku la.
A aole no e lawe ka Luna Dute Nui i na mea hoike no ke kuleana iloko o kekahi moku aia no a hokaa mua ia ka auhau kuni."
PAUKU 3. Me keia ke hoololiia nei ka Pauku 636 o ke Kanawai Kivila i heluheluia ai e like me keia:
"Pauku 636. Me ke kakau hoike ana i kekahi moku e like me ka mea i hoakakaia ma ka Pauku maluna ae nei e koi aku no ka Luna Dute Nui i ka mea e noi mai ana no ke kakau hoike ana i palapala hoopaa me ka hope lawa a kupono i aponoia e ka Luna Dute Nui no na dala aole e emi malalo o Elua Haneri, aole hoi e oi aku mamua o Elua Tausani Dala e like me ka mea i hoohalikelike ia e ka Luna Dute Nui me ka nui o na tona o ka moku, e hoakaka ana o ka palapala hoike o ia kakau hoike ana e lawelaweia no ka moku wale no i haawiia ai, aole hoi e kuaiia, haawiia a hooliloia aku paha ma kakahi ano e ae i kekahi kanaka, a ina o ka moku i oleloia e lilo ma ke ano holookoa a hapa paha no kekahi a mau kanaka paha o kekahi Aina E, a i ole ia, ina e lilo kekahi kanaka a kupa paha e kekahi Alii a Aupuni e paha ma kekahi ano, a i ole ia, ma ke ano hilinai a malama paha a ma kekahi ano e ae paha he mea i kuleana iloko o ia moku, a i ole ia, iloko o na loaa a me na puka paha o ia moku koe wale no ma ke ano i hoohaikiia ma ka Pauku 631 e pili ana i na hui i hoohuiia, alaila, e pau no ka lilo ana o ia moku i moku Hawaii, a i ole ia, ina e poino, hopuia e kekahi enemi, pau i ke ahi, a i ole ia, naha paha e hoihoiia no ka palapala kakau hoike i ka Luna Dute Nui i oleloia iloko o eono mahina mahope iho o ia loli ana o ka ona, poino, hopuia ana, pau ana i ke ahi, a i ole ia, naha ana paha. Eia nae ina ua hopuia, pau i ke ahi a poino paha e hookuuia no ka poe i hoopaaia ma ia bona mai na hoopaaia ana no ia mea, ma ka waihoia ana o na hoike i lawa i ka Luna Dute Nui, aole e hiki e malamaia na palapala kakau hoike la."
PAUKU 4 Aole e lilo keia Kanawai i mea e hoanoeia ai ke kakau hoikeia ana o kekahi moku i kakau hoikeia mamua aku nei malalo o ke kakau hoike Hawaii ia ana.
PAUKU 5. E mana keia Kanawai mai a mahope aku o ka la i hoolahaia ai.
Aponoia i keia la 16 o Mei, M. H. 1898.
SANFORD B. DOLE,
Peresidena o ka Repubalika o Hawaii.
KANAWAI 33.
HE KANAWAI E HOOMANA AI I KA HOOPUKA ANA I NA LAIKINI E KUKULU, MALAMA A HOOHANA I NA HALE MAHU HOLOI LOLE MA KA APANA O KONA, MOKUPUNI O OAHU.
E Hooholoia e ka Ahaolelo o ka repubalika o Hawaii:
PAUKU 1. Ua hiki no i ke Kuhina Kalaiaina me ka apono
o ka Aha Hooko, e haawi i kekahi mea, hui a hui paha i hoohuiia i kekahi laikini e kukulu, malama a hoohana i kekahi hale mahu holoi lole, maloko o ka Apana o Kona, Mokupuni o Oahu, mamuli o na kumu e pili ana i kahi e ku ai a me na mea e ae i hoakakaia maloko o ka laikini.
PAUKU 2. Aole no e hoopukaia ka laikini i oleloia, koe wale no mamuli o ka palapala hoike o ka Papa Ola e hoike ana ua nana kekahi Agena o ka Papa i oleloia i kahi i manaoia ai e hoohana i ka hale mahu holoi lole i oleloia, a ua kupono ia wahi no ia hana.
PAUKU 3. O ka uku makahiki no ka laikini i oleloia he Kanalima Dala.
PAUKU 4. E kaa no ka hale mahu holoi lole i oleloia malalo o na rula e pili ana i ke ola kino e hooholoia e ka Papa Ola i kela manawa keia manawa.
PAUKU 5. E mana keia Kanawai mai kona la e hoolahaia ai.
Aponoia i keia la 16 o Mei, M. H. 1898.
SANFORD B. DOLE,
Peresidena o ka Repubalika o Hawaii.
KANAWAI 34.
HE KANAWAI E HOOMAOPOPO AI NO KA PALE ANA AKU I KA HOOHUIHUHA ANA O NA MEA AI A ME NA LAAU.
E Hooholoia e ka Ahaolelo o ka Repubalika o Hawaii:
PAUKU 1. Aole kekahi kanaka maloko o ka Repubalika o Hawaii e hana, kau aku no ke kuai, a i ole ia, e kuai i kekahi laau,a i ole ia, i kekahi mea ai i hoohuihuiia e like me ka manao o keia Kanawai.
PAUKU 2. O ka huaolelo "laau," e like me ia i lawelaweia ai me keia Kanawai, e komo maloko olaila na laau lapaau a pau, no ka lawelawe ana maloko, a i ole ia, mawaho paha o ke kino, na laau pale i na mea ino, na laau hoopau i na ea ino a me na mea ala. O ka huaolelo "mea ia," e like me ia i lawelaweia maloko nei, e huiia no iloko olaila na mea a pau i lawelaweia ma ke ano he ai, a i ole ia, he mea inu e ke kanaka, ina oia wale no, huiia a kawiliia paha.
PAUKU 3. E manaoia kekahi mea na hoohuihuiia ma ka manao o keia Kanawai:
(a) Ina he laau:
(1) Ina ua kuaiia malalo a ma kekahi inoa iloko o ka buke kawili laau o Amerika Huipuia, ua like ole me ke kulana ikaika, maikai a aeae paha i hoakakaia maloko o ia buke; (2) Ina i ka wa i kuaiia ai malalo a mamuli o kekahi inoa i ike ole ia iloko oo ka buke kawili laau o oAmerika Huipuia, aka, ua loaa no nae iloko o kekahi buke kawili laau e ae, a i ole ia, iloko o kekahi buke kauka e ae ua like ole ma ke ano nui mai ke kulana ikaika, maikai a aeae paha i hoakakaia maloko o ia buke; (3) Ina ua emi iho ka ikaika, ka maikai, a i ole ia, o ka aeae paha malalo o ke kulana maikai i hooiaia ai i ka manawa i kuaiia ai; (4) Ina ua komo maloko oo ia mea kekahi mea e poino ai ke ola me ka hoakaka ole ia o ia mea ma ka pepa inoa a wahi paha.
(b) Ina he mau mea ai:
(1) Ina ua hoohuiia kekahi mea a mau mea paha me ia i mea e hoemiia iho ai, a i ole ia, hoopoino paha i kona maikai ikaika a ano aeae paha; (2) Ina i hookomoia kekahi mea a mau mea paha i emi iho ka maikai, a i ole ia, i emi ke kumukuai ma ke ano holookoa, a i ole ia, hapa paha no ia mea; (3) Ina ua laweia ae mailoko o ia mea kekahi mea waiwai a kupono paha ma ke ano holookoa a hapa paha mailoko ae o ia mea; (4) Ina ia he mea hoohalike, a i ole ia, ua kuaiia aku malalo o ka inoa o kekahi mea e ae; (5) Ina oia mea ma ke ano holookoa, a i ole ia, ma ke ano hapa paha he mea mai, mea pilau, hauna, maea a popopo paha ma ke ano holoholona, a i ole ia, mea ulu paha, a mea e ae paha ina he mea i hana maoliia a i hana ole ia paha, a i ole ia, ina he waiu, ina oia ka waiu mai kekahi holoholna mai; (6) Ina he mea i hooluuia i kekahi wai hooluu, uhiia, hoohinuhinuia, a i ole ia, lu ia i kekahi mea mamuli olaila i hunaia ai kekahi poino a maikai ole paha, a i ole ia mamuli o kekahi mea e ae ua hanaia a oi aku kona maikai a waiwai paha ma ka nana aku mamua o ka mea oiaio; (7) Ina ua komo iloko o ia mea kekahi mea i huiia aku he mea e make ai, a i ole ia, e poino ai ke ola kino, a i ole ia, kekahi mea ino e ae aole ia he mea kupono ma ka hanaia ana o ia mea; eia no nae, aole e pili na olelo o keia Kanawai i na mea i hoohuiia i ikeia he mau mea ai i maa mau, ina e hoailona maopopoia ia mea he mau mea i hoohuiia a aole hoi he mea e poino ai ke ola kino, a aole hoi i komo kekahi mea i kupono ole ma ka hoomakaukau ana i kekahi mea oiaio maoli o ia mea i hoohuiia, a aole hoi i laweia ae kekahi mea i kupono ma ka hana ana o ia mea.
PAUKU 4. Na kela mea keia mea e hana ana, kau aku ana a i ole ia, e kuai aku ana a haawi aku ana i kekahi mea e kuai mai ana i kekahi laau, a i ole ia, i kekahi mea ai i komo iloko o na olelo o keia Kanawai e haawi aku i ke Komisina Nana Mea Ai i hookohu pono ia i ka wa e koiia aku ai ma ona ponoi iho, a i ole ia, ma ka palapala i kekahi o ia laau a mea ai paha i lawa no ka nanaia ana e waiho ana ma kona lima.
PAUKU 5. O kela mea keia mea e hoole ana i ka wa e koiia aku ai i ka hooko ana i na mea i kauohaia ma ka Pauku 4, a me kela mea keia mea nana i uhai i kekahi o na mea i hoakakaia ma keia Kanawai e pili no iaia ka hewa mikamina a ina e hoahewaia e hoopaiia aole oi aku mamua o hookahi haneri a aole hoi e emi malolo o iwakaluakumamalima dala, a i ole ia, e hoopaahaoia ma ka hana oolea aole e oi aku mamua o hookahi haneri aole hoi e emi malalo o kanakolu la, a i ole ia, oia mau hoopai a i elua. A o kekahi mea i hoahewaia malalo o na olelo o keia Kanawai no ka hana ana, kau ana aku no ke kuai, a i ole ia, kuai ana i kekahi mea ai i hoohuihuiia, a i ole ia, kekahi laau paha e hoopaiia e uku mawaho ae o na hoopai i hoakaka mua ia ae nei i na lilo kupono a pau no ka nana ana a me ke ana ana i na mea i hoohuihuiia i hoahewaia ai ua mea la no ka hana ana, kuai ana a kau ana aku paha no ke kuai.
PAUKU 6. I mea e hookoia ai na mea maloko o keia Kanawai e hookohu aku no ka Papa Ola i kekahi Komisina Nana Ai a mea ana makaukau, a e loaa no iaia kekahi uku e like me ka mea a ka Ahaolelo e hooholo ai i kela a me keia manawa. A e waiho ae oia i bona kupono a lawa aole e emi malalo o elua tausani dala, ($2,000.00), no ka hana pono ana i
(E nana ma ka aoao 6.)