Ka Nupepa Kuokoa, Volume XXXVII, Number 21, 27 May 1898 — Page 3
| This text was transcribed by: | Lynn Mangel |
| This work is dedicated to: | MacKenzie and Kendall Mangel |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO M@ AINA @ @
MANAWA HOLO.
Mai a Mahope ano o Iulai 5 1895
Wili o Ewa, kaa ukala, ua la apau, koo ko Sabati.
Hiki i walanae, ua la apau.
Hiki Wili o Ewa, ua la apau.
Hiki Walanae, Poaono me Sabati Walo@.
Hiki i Walanae, ua la apau.
A.M. A.M. P.M. P.M. P.M.
Haalele ia @ Manana 7:40 9:58 2.2@ 2:@8 5:@
Haalele Wili o Ewa @8:10 10:19 2:49 2:49 6:14
Hikii Waianae - 10:54 - 3:24 @:49
Walanae na
la a pau.
Wili o Ewa
Kna Ukaua
Na la a pau
Koe Sabati
Walanoa na
la a pau.
Wili o Ewa
@iki i Walanae
na Poaono me Sabati
A.M. A.M. P.M. P.M. P.M.
Haalele Walanae 6:@4 - 1:32 - 4:1@
Haalele Wili o Ewa 7:19 9:10 2:07 3:51 4:51
Haalele ia @anana 7:50 9:48 2:38 4:22 5:22
Hiki i Honolulu 8:21 10:30 3:11 4:@5 5:55
E lawe ana na kaa ahi hali ukana i na kaa @ hu@ o ka pepe ekahi.
G.P. DENISON,
Luna. F. C. SMITH.
Luna Kuai Palapala Holo
NU HOU HAWAII
Ma ke kakahiaka nui poniponi o ka Poaha nei i ku mai ai ka mokuahi Mariposa no Honolulu nei mai Kapalakiko mai me na mea hou o ke kaua mawaena o Amerika ame Sepania.
Eia mai ma ko makou pepa o keia la na moolelo o ka Mea Huna Pohihihi o Hametona ame ka Naita Lubiana.
He aha mele ka na haumana o ke kula keikikane o Kamehameha e haawi ana maloko o ko lakou hale hooikaika kino ma ke ahiahi o ka la apopo.
E holo aku ana paha o Lunakanawai Kaapuni Perry no na aina e ma keia mahina ae nei o Iune maluna o ka mokuahi Zealandia o ka la 14 oia mahina.
Ua make mai nei o Pohakuhauoli, kela Loea Kalaiaina kaulana loa o Enelani. Ua hala aku la ia no kela ao ma o me ka maikai o kona haalele ana iho i keia ao.
Ma ka Poakolu nei i holo aku ai ka Hope Ilamuku no Waianae no ka hoopii ana i kekahi mau haole holo nui maluna o na lio ma Waianae, ma ke ano kue i ke kanawai.
Ke hooikaika loa mai nei ka aaki ana a ka wi ia Honolulu nei ame na kuaaina aku nei, i ahona ka hapanui o na kanaka i ka palaoa i hoomoaia a wili pu iho la me kahi poi.
Ma ka paani kinipono i malamaia ai mawaena o ka Hui Honolulu ame ka Hui Regimana, ma kela Poaono aku nei, ma ke kahua kinipono ma Makiki, ua kaa ka lanakila i ka Hui Honolulu, a peki hope hoi ka Regimana.
Ma kela Poaono aku nei i haalele mai ai ka Loio Hatawela ia Honolulu nei maluna o ka mokuahi Kina a holo aku la no Amerika. Aole i maopopo ke ano o kana huakai i hala aku la no na aina e, ua manao wale ia no ka mea e pili ana i ka Uwea Olelo Moe Moana.
Mamuli o ka ikaika loa o kakehi mau kuina hekili ma ka aoao komohana o kahi mokupuni o Lanai, ua kuhihewa kekahi poe o Maui ua hoea mai kekahi mokukaua Sepania ma kekahi wahi o Maui i noke ana i ke kipoka ia laila. Hu ae la ka aka.
He lono kai loaa mai ia nei e hoike ana ua hoike ae kekahi hoa o ka Aha Kuhina o Beritania Nui e hala ana ekolu makahiki okoa o ke kaua ana mawaena o Amerika ame Sepania mamua o ka aneane ana aku i ka hopena.
Mamuli o na lono i loaa mai nei i o kakou nei maluna mai o ka mokuahi Mariposa ke manaoio loa ia nei e hoea mai ana no Honolulu nei na mokuahi Australia ame ke Kulanakauhale o Pekina. Ua manaoia hoi ua haalele aku la laua ia Kapalakiko ma ka la 21 aku nei.
Ma ka Poakolu nei ma Manana ae nei iluna o ke kaa ahi o ka auina la, e huli hoi ana mai Waianae mai, i make ai kekahi wahine kamaaina o Waianae, oia ke kaikamahine a Naoha oia kaiaulu, a wahine hoi a kekahi Pake nopa ka inoa o Aiona i noho halekuai ai ma ia wahi mamua. Ua hoao ia oia e lawe mai no Honolulu nei no ka lapaauia ana e kekahi o na kauka o Honolulu nei, aka, ua pauaho e nae. Mai Waikele, Ewa, i laweia mai ai ia e kona luaui makuakane. Aloha no.
Nui ka lulumi o na poe makaikai ma kekahi o na puka aniani o ka Hale Kuai o Dalmana ma Alanui Moi, i keia mau la aku nei no ka nana ana i kekahi mau kii i hanaia ma ke ano he Amerika kekahi a he Sepania hoi kekahi. E nahu ana kke kanaka Sepania @ kekahi pahi puhaka a paa ma kona waha, me kekahi apana pepa me na huaolelo "Maluhia." O ke kii Amerika hoi e hoonohonoho ana nohoi ia i muliwaa me kekahi pu ma kona lima.
Ma ka auina la o kela Poaono aku nei, ua kaa aku la i ka pa@ o Nuuanu kekahi haole nona ka inoa o Swanson he haole kamana uwapo no k@ uwapo Aupuni ma Heeia. O ke kumu o kona loaa ana i keia poino oia @ ho@o ana e hii i kona papale i puhiia e ka makani a haule Halo o ka pa@, a i kona kii ana ua kaa aku la ia ilalo a nahoahoa pu kona poo a hai kekahi wahi o kona lima. Ua man@lele kona kino no Kaneohe.
He ahaaina nui ke haawiia ana ma Makua ma ka Poalua o kela puie ae ma kahi o ko laila keiki lalawai, oia hoi o Kamuela Anaru, no ka hoomanao ana i ka piha ana o ka makahiki hookahi o ka waiho ana o ka luaui makuahine a kekahi mau keiki i noho i kona alo a kupa a kamaaina. Ua haiia mai ia makou e holo aku ana kekahi poe puukani o Honolulu nei no ia mau kaiaulu no ka hoohiwahiwa ana i na hooulumahiehie oia la.
O John Kuaana, George Cox, Joe Kalana, C. B. Maile, S. H. Oni ame Albert Trask na kiure koronero na lakou i noonoo i ke kumu i make ai kekahi wahine Hawaii nona ka inoa o Kaua mawaho ae nei o Punahou, a o ka olelo hooholo a keia poe, oia ko lakou olelo ana ua make kela wahine o Kaua mamuli o kekahi ma'i ma ka puuwai i hoolaelaeia hoi e na hana limaikaika a kekahi kanaka nona ka inoa o Keaka. Ua hoike kekahi kanaka o Haalilio ka inoa ua ike pono oia i ke kui ana o Keaka ia Kaua (w) a ma ka wa i hina ai o ka mea make ilalo ua kaualako aku la keia Keaka. Ua loheia ka nunulu ana o Kaua a lele loa ae la kona hanu. He makuahine no keia Kaua no Keaka.
HALA HOU NO IA KAMAAINA O
HONOLULU NEI I KE ALA HOI
OLE MAI.
Ma ke kakahiaka nui wale o ka Poaono i hala i hookuu mai ai ka uhane o Mrs. C. B. Wilson i kona kino a niau aku la no ke ala hoi ole mai. He mau la wale no kona kaa ma'i ana, ahala aku la. Ua hanauia no oia ma Honolulu nei. He lede hanohano ia no ke alo alii o Liliuokalani. Ua haalele mai ia i kana kane ame ka laua keiki, oia hoi o John H. Wilson. He wahine naau@o keia a piha makukau nohoi ma na mea e pili ana i na loina o keia au holomua e nee nei. He nui a lehulehu loa kona mau holoha ma Honolulu nei.
Maloko o ka luakini o Kawaiahao i malamaia ai ke anaina haipule hope maluna o kona kinowailua a ua kanu ia no maloko o ka Pa Ilina o Kawaiahao.
PAU AKU LA HE KANAHA PAONA.
Emi pu iho la ke kino o Kakiana
Dunn a hiki i ke koe ana he wahi
kino pilalahi wiwi, a ua ma-
naoia e make ana ia no
ka ma'i Ai Ake.
Ua hoolaha ae la ka nupepa Detroit (U. S. A.) i keia moolelo waiwai nui no ka mea epili ana i kekahi o na ahikanana o ke kaua Amerika. No na makahiki he iwakalua-kumamalima i noho ai o Kakiana Dunn ma Detroit, Mikikana. Elike nohoi me ka hapanui loa o kona mau hoa i komo ai i ke akua, ua puka mai lakou me na ola kino maikai ole. O kona pilikia nui, oia ka nawaliwali o kona opu hoowali ai.
"No na makahiki lehulehu i loohia ai au i ka mai ma ko'u opu hoowali ai," wahi ana i olelo mai ai, "a lapaau ia iho la hoi au e na kauka ma na ano like ole, a hookahi no nae ma'i a lakou i olelo mai ai aia ko'u ma'i maloko o ka opu hoowali ai. I kekahi wa ua ikaika loa mai la ka pii ana o ka eha, a ua konoia hoi au e haalele iho ia loko o ka hale a hele aku la e hana mawaho o ka hale i loaa ai ia'u ka ikaika ma ka hana ana mawaho. Aole hoi i liuliu ua loaa hou mai la au i kekahi ma;i elike loa no me ia ke ano. I kekahi mau hebedoma hoi ua hooki maoli au i ka ai ana i ka ai. A i kekahi mau manawa e aneane maoli ana au e make ika poloii n k hiki ole ke hoowii pono ia ka ai o loko o ka opu, a no ia mea ua emi iho la ko'u mau paoana a ua hiki na paona i lilo mai a'u aku i ke kanaha. I kekahi la hoi heluhelu iho la au i kekahi mau palapala hoomaikai maloko o na nepepa no ka mea e pili an ai na Huaale Akala a Dr. Williams a hoomaka iho la au e ai i ua mau huaale la. Ekolu no poho huaale i pau i ka ai ia e a'u o ka pau no ia o na eha inoino loa a'u i ike ai i na wa mamua aku iloko o kuu opu, a hoomaka mai la ka ono o ka puu i ka ai. Emoole ua loaa ia'u he umi paona hou ke kaumaha iloko o eono mahina, a he nui keia no kekahi kanaka i hele a wiwi kino ole no kekahi wa i hala ae. Ua olelo mai ko'u poe hoaloha he ma'i ake ko'u. O keia iho la ke kumu e hiki ai ia'u ke hoike aku me ka oiaio no na Huaale Akala a Dr. Williams. He emi loa keia mau laau, aka, nae, he ikaika ma ka hoola ana, a ua kapa ak uau ia lakou o ke Kauka Lapaau o na Kanaka Paahana."
MORRIS P. DUNN.
Mokuaina o Mikikana, Mahele Aina o Wayne.
Ua hiki kino mai o Morris P. Dunn imua o'u a ua hooia mai oia imua o'u he oiaio na olelo mamua ae nei ma na ano apau.
ROBERT E. HULL, JR.
Notere no ka Lehulehu.
Wayne County, Mikikana.
Aia iloko o na Huaale Akala a Dr. Williams na huna apau e loaa ai ke ola hou ana no ke koko. He mau laau lapaau puhili ole keia no na ma'i locomotor ataxia, lolo hapa, eha o ke po, ke sciatica, ka nuralagia, ka rumatika, ka apoapo o ka oili, ame na ma'i apau i pili i i na wahine ame na kane nohoi. E kuaiia ana e na poe kuai laau apau.
Mawaena o na lono kuwaho i loaa mai i o kakou nei i keia mau la iho la, he mau lono pupuahulu kekahi e pili ana i ka hoopoinoia ana o kekahi mau mokukaua Amerika a ua hoohauoliia kekahi poe o kakou nei no ia lono, aka, ma ke ku ana mai nei hoi o ka mokuahi Mariposa ua hooleia mai ka oiaio oia mau lono makani wale no. O ua lono la oia ka poino ana o na makukaua Oregona ame ka Inidiana i na mokukaua Sepania.
O KA OI POOKELA HOOKAHI KEIA O KE AO NEI.
O keia ka olelo a Edwards & Parker, he mau kanaka kalepa no Plains, Ga., no ka Laau Hamo a Kamalena, no ka rumatika, kakala haneenee, na eha me na hu'i o ka io apau. E kuaiia ana e na poe kuai laau apau ame na poe kuai laau laapaau. O Benson, Smith & Co., na Agena ma ko Hawaii Pae Aina.
Hoolaha Hooko Moraki.
KA HOOLAHA, MANAO HOOKO
MORAKI AME KE KUAI AKU A
KA MEA PAA MORAKI.
Ke hoolahaia aku nei ma keia, mamuli o ka mana kuai i hoikeia maloko o kekahi moraki i hanaia ma ka la 31 o Dekemaba, 1896, e Ellen P. Clarke, o Honolulu, Mokupuni o Oahu, o ko Hawaii Pae Aina, i ka Estate of S. G Wilder, Ltd., he Hui Hawaii, a i kopeia maloko o ke Keena o ka Luna Kakau Kope o Honolulu i oleloia ma ka Buke 166, ma na aoao 241, 242 ame 243, ke makemake nei ka Estate of S. G. Wilder, Ltd., he Hui Hawaii, i oleloia, e hooko aku i ua mau moraki nei, no ka uhakiia ana o na kumu maloko o ua mau moraki la, oia hoi, ka hookaa ole ia ana o ka ukupanee ma ka wa e hookaa ai.
Ke hoolahaia aku nei hoi ma keia, e kuai kudala akea ia aku ana na aina e kuai kudala akea ia aku ana na aina apau a pakahi, na pono i paa a i hoike ia maloko o ua mau moraki la, ma ke Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, la 13 o Iune, M. H. 1898, ma ka hora 12 awakea o ua la 'la.
A eia na waiwai i paa maloko o ua mau moraki la:
O na aina apau a pakahi hoi, o kela apana aina ma Alanui Liliha, ma Honolulu, i hoakakaia elike me keia: O kela apana i hoakakaia ma ka Palapala Sila Nui Helu 5554, Kuleana Hoona Helu 9009, i hoopukaia ia Kaneeleele, a oia nohoi ka aina i hooliloia mai ia Charles W. Clark e S. P. Kalama ma kekahi Palapala Kuai i hanaia ma ka la 5 o Mei, 1863, a i kopeia ma ka Buke 18, aoao 354, a i haawiia mai hoi e Charles W. Clark i ka mea nana i hana i keia moraki, a i hoakakaia hoi na palena elike me keia: E hoomaka ana ma ke kihi hikina ma ka aoao akau o ke Alanui Liliha a e holo ana Ak. 45 deg. 30 min. he 81.2 kapuai, e pili ana me Palapala; Ak. 35 deg. 15 min. he 26.4 kapuai ma Palapala; alaila huli a holo Ewa 125 kapuai a ka lihi akau o Auwai; Hem. 37 deg. 30 min. Kom 60.1 kapuai e pili ana me ka lihi akau o Auwai ame Holelua; Ak. 57 deg. 15 min. Kom. 42.7 kapuai e pili ana ma ia wahi hookahi no; Hem. 45 deg. 30 min. Hik. 109 kapuai e pili ana makai o ka apana o R. P. 5554 i kuaila ia C. Brown a i Alanuii Liliha; alaila Ak. 38 deg. 45 min. Hik. 78.6 kapuai e pili ana me ka aoao akau o Alanui Liliha a i kahi i hoomaka mua ai, nona ka nui he 18-100 eka.
Kuike ke Dala. Na lilo o na palapala i ka mea e lilo ai o ka aina.
ESTATE OF S. G. WILDER, LTD.
No na mea i koe e ninau ia Kinney & Ballou, na Loio no ka mea Paa Moraki.
Hanaia Honolulu, Mei 16, 1898.
2703-4ts
KA HOOLAHA MANAO HOOKO MORAKI
AME KE KUAI AKU A
KA MEA PAA MORAKI.
Ke hoolahaia aku nei ma keia, mamuli o ka mana kuai maloko okekahi moraki i hanaia i ka la 19 o Augate, M. H. 1889, e William Kaleikini ame Solomon K. Nihoa, no Hanalei laua elua, Mokupuni o Kauai, ia Alexander J. Cartwright, Kahu o ka Waiwai o R. W. Holt, i kopeia maloko o ke Keena o ka Luna Kakau Kope Palapala Hoolilo, ma ka Buke 116, ma na aoao 333, 334 ame 335, . a i hooliloia hoi e Bruce Cartwright, ka hope o A. J. Cartwright ma ua kulana hope la (Trust) ia John Enos o Honolulu i oleoia, ma ka palapala hoolilo (assignment) i hanaia Iune 5, 1897, i kopeia ma ke Keena o ka Luna Kakau Kope Palapala maloko o ka Buke 170, ma na aoao 345-6, a ke makemake nei hoi o Joseph Enos, ka mea i hooliloia mai ai (assignee) ua moraki la e hooko aku i ua moraki la, no ka uhakiia ana o na kumu maloko o ua moraki la, oia hoi, ka hookaa ole ia ana o ke kumupaa ame ka ukupanee ma ka wa no ka hookaa ana.
Nolaila, ke hoolahaia aku nei ma keia, e kuaiia aku ana ma ke kuai kudala akea na aina apau a pakahi hoi, na pono apau i pili i hoakakaia a i paa hoi maloko o ua moraki la, ma ke Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, la 30 o Mei, M. H. 1898, ma ka hora 12 awakea o ua la 'la.
A penei i hoakakaia ai na waiwai maloko o ua moraki la:
1. O kela mau apana aina apau elua e waiho la ma Wainiha, ma Hanalei i oleloia ae nei. Apana 1. he aina kalo a he aina kula, a maloko o laila he 1 eka. 2 ruda. 10 pereka, Apana 2, he pa-hale, nona ka nui he 1 eka. 12 pereka, a oia nohoi na aina i hoikeia maloko o ka Palapala Sila Nui Helu 3670. Kueana Hoona Aina Helu 11069, i hoonukaia aku ia Auhea.
2. O kela mau apana aina elua e waiho la ma Wainiha i oleloia. Apana 1, he aina kalo, a he 1 eka ka nui ame 20 pereka; a o ka Apana 2, he pa-hale, a he 1 ruda ame 22 pereka kona nui; a oia nohoi na aina i hoikeia maloko o ka Palapala Sila Nui Helu 3669, Kuleana Hoona Aina Helu 9267, i hoopuka ia ia Pumaia.
O keia mau aina i hoikeia ae la, oia no na aina i hooliloia mai ia William Kaleikini e Auhea i oleloia, ma ka Palapala Kuai i hanaia i Feberuari 1@, 1881, a i kopia ma ke Keena o ka Luna Kakau Kope i oleloia, ma ka Buke 72, aoao 75.
3. O kela mau apana aina elua e waiho ana ma Waioli, Halelea, ma ka Mokupuni o Kauai i oleloia ae nei. Apana 1, he aina kalo a he aina kula, a maloko o laila he 3 ruda 35 pereka; a o ka Apana 2, he aina kalo, a maloko o laila he 1 ruda, 25 pereka; a oia nohoi na aina i hoakakaia maloko o ka Palapala Sila Nui Helu 5340, Palapala Hoona Kuleana Helu 9070 i hoopukaia aku ia Kaleikini, ka mak@akane o William Kaleikini i oleloia.
4. O kela mau apana aina elua e waiho la ma Waioli, oia na Apana 1 ame 4 o na Palapala Hoona Kuleana Helu 3917 me 10305 i hanaia ia D. Nahau, maloko o laila he pa-hale nona ka nui, he 3 ruda, 5 pereka; ame eha loi kalo, no lakou ka nui he 3 ruda ame 37 pereka; a oia nohoi na aina i hooliloia mai ia Solomona K. Nihoa i oleloia, e E. Kahinu ame Wahinekapu, ma kak Palapala Kuai i hanaia ma Feberuari 24, 1874, a i kopeia ma ke Keena o ka Luna Kakau Kope i oleloia, maloko o ka Buke 39, ma na aoao 225-6.
Kuike ke Dala. Na lilo o na palapala i ka mea e lilo ai ka aina.
JOSEPH ENOS,
Mea i lilo mai ai o ka moraki (Assignee for mortgage.
No na mea i koe, e ninau ia J. M. Monsarrat (Maunakea), Loio o ka mea i lilo mai ai ka Moraki.
Hanaia Honolulu, Mei 6, 1898.
2701-4t
MANAO HOOKO MORAKI A KUAI
AKU A KA MEA PAA MORAKI.
Ke hoolahaia aku nei ma keia, mamuli o ka mana kuai i hoikeia maloko o kekahi mau moraki elua, i hanaia e Hermann Kaouli o Honolulu, Mokupuni o Oahu, ia Joseph Marsden o Honolulu i oleloia, o ka mua ua hanaia ma Feberuari 22, 1897, a i kopeia ma ke Keena o ka Luna Kakau Kope Palapala, ma ka Buke 166, ma na aoao 464-6, a o ka lua, ua hanaia ma Feberuari 27, 1897, a i kopeia maloko o ke Keena o ua Luna Kakau Kope la, ma ka Buke 170, aoao 21, ke makemake nei o Joseph Marsden i oleloia, ka mea i morakiia mai ai (morgagee), e hooko aku i ua mau moraki nei, no ka uhakiia ana o na kumu maloko o ua mau moraki la, oia hoi, ka hookaa ole ia ana o ka ukupanee ma ka wa e hookaa ai.
Ke hoolahaia aku nei hoi ma keia, e kuai kudala akea ia aku ana na aina apau a pakahi, na pono i paa a i hoike ia maloko o ua mau moraki la, ma ke Keena Kudala o James F. Morgan, ma Alanui Moiwahine, ma Honolulu i oleloia, ma ka Poakahi, la 30 o Mei, M. H. 1898, ma ka hora 12 awakea o ua la 'la.
A eia na waiwai i paa maloko o ua mau moraki la:
Akahi - O keia apana aina apau, he lihi hoi ia o ka Ili o Pau (Kuleana Hoona Aina 8559B ia W. C. Lunalilo) e waiho ana ma Waikiki, ma ka Mokupuni o Oahu i oleloia, maloko o laila he Ili o 53,804 kapuai kuea, a oia hoi ka apana aina i hoike maopopoia a i hooliloia mai hoi i ua mea moraki nei (mortgagor) i oleloia, ma ka palapala kuai a Lau Chong, i hanaia ma ka la 8 o Iulai, 1896, a i kopeia ma ke Keena o ka Luna Kakau Kope i oleloia, ma ka Buke 164, ma ka aoao 214.
Alua - O kela apana aina apau e waiho la ma Alanui Moi, ma Kapaakea, he liho hoi ia o ka Palapala Sila Nui 177 ia P. J. Gulick, a oia nohoi ka apana aina i hoakaka piha ia a i hooliloia mai i ua mea moraki nei (mortgagor) ma ka palapala kuai a Manuel A. Fernandez, i hanaia i Augate 14, 1896, a i kopeia ma ke Keena o ka Luna Kakau Kope i oleloia, ma ka Buke 164, ma ka aoao 215.
Akolu - O kela apana aina apau e waiho la ma Kapaakea i oleloia, nona ka ili he 3 12-100 Eka, a oia ka Apana 1 o ka Palapala Sila 2365 ia G. P. Judd, ame ka aina i hooliloia mai i ua mea moraki nei (mortgagor) ma ka palapala kuai a John Hao Sr., i hanaia i Ianuari 8, 1897, a i kopeia ma ke Keena o ka Luna Kakau Kope i oleloia, maloko o ka Buke 168, ma na aoao 23 ame 24.
Kuike ke Dala. Na lilo o na palapala i ka mea e lilo ai ka aina.
JOSEPH MARSDEN,
Mea Paa Moraki (Mortgagee@)
No na mea i koe, e ninau ia J. M. Monsarrat (Maunakea), Loio no ka Mea Paa Moraki.
Hanaia Honolulu, Mei 6, 1898.
2701-4t
HOOLAHA A KA MEA I HOOLILOIA
MAI AI KA MORAKI, NO KA MANAO
HOOKO A KUAI AKU
I KA MORAKI.
I kulike ai me ka mana kuai ame na olelo hoopaa maloko o kekahi palapala moraki i hanaia ma Sepatemaba 15, 1884, mai a Jonathan Spooner mai a ia S. C. Allen ame M. P. Robinson, na kahu o ka waiwai o James Robinson, i make, i kopeia ma ke Keena Kope Palapala ma Honolulu, maloko o ka Buke 90, ma na aoao 197 ame 198, a na ua mau kahu waiwai la hoi i hoolilo pono ae ia S. C. Allen i oleloia, ma ka palapala hoolilo la (assignment), i hanaia ma ka la 8 o Okaktoba, 1897, a i kopeia ma ke Keena Kakau Kope i oleloia, ma ka Buke 90, aoao 197, a na na S. C. Allen la hoi i hoolilo mai ia Cecil Brown, ka mea nona ka inoa malalo iho nei, ma o ka palapala hoolilo (assignment) i hanaia ma Novemaba 5, 1897, a i kopeia i keia wa ma ua Keena Kakau Kope la, a i hoolilo hou ia i ka mea nona ka inoa malalo iho nei e ua mau kahu la (trustees) ma o ka palapala (assignment) i hanaia i Aperila 6, A. D. 1898, a i kopeia ma na Keena Kakau Kope nei, ke hoolahaia aku nei ma keia, ke makemake nei o Cecil Brown, ka mea i hooliloia mai ai na moraki la, a nana e paa nei ia e hooko aku i ua moraki la no ka uhaki ia ana o na kumu aelike, oia hoi: ka aku o'e ia ana o ke kumupaa ame ka ukupanee ma ka wa e hookaa ai.
Ke hoolahala aku nei nohoi ma ke@a e kuai kudala akea ia aku ana na aina apau, ame na pono ame na pomaikai o kela ame keia ano i paa maloko o ua moraki la a i hoakakaia ai hoi ma ke keena kudala o James F. Morgan ma Honolulu, ma ka Poakahi, Iune 6, M. H. 1898 ma ka hora 12 o ke awakea o ua la 'la.
No na mea aku i koe e ninau ia Kinney & Ballou, Honolulu, na Loio o ka mea nona ka inoa malalo iho nei.
CECIL BROWN,
Mea i Hooliloia mai ai ka Moraki.
O ka aina i paa ma ua moraki ia, oia kela apana aina apau e waiho la ma Pohakalawaia, Mokupuni o Oahu, oia ka Apana 3 o ka Palapala Sila Nui Helu 681, i hookoia aku ia S. M. Kamakau, maloko o @aila he 11,483 Eka, a oia nohoi ka aina i hooliloia mai ia Jonathan Spooner i oleloia e James Kahai, Okatoba 11, 1870, ma o ka palapala kuai la i kopela maloko o na Keena Kakau Kope la o na Palapala, ma Honolulu i oleloia, ma ka Buke 31. ma na aoao 161 ame 162.
Ke hoolaha aku nei o Cecil Brown, ka Mea i Hooliloia mai ai ka Moraki (Assignee) maluna ae nei, ke noho ona nei ia a ke paa nei i ka moraki i hoikeia ae nei hoi maluna. mai a J. Spooner mai, ame ka nota ame ka aie i hoopaaia ma ia moraki, aole wale no mamuli o ka mana o ka palapala hoolilo (assignment) i hoikeia maluna ae nei, aka, mamuli nohoi o ka mana o ka palapala hoolilo (assignment) ame ka haawiia ana mai o ka nota i hoopaaia e ua moraki la ia S. C. Allen i oleloia, i kakaukua pono ia e ua mau kahu la elua i oleloia o ka waiwai o ua o James Robinson i oleloia, a ma o ka palapala hoolilo nohoi ame ka haawiia ana mai o ua nota la e S. C. Allen i oleloia i ka mea nona ka inoa malalo iho nei, i kakaukua pono ia e S. C. Allen i oleloia.
CECIL BROWN.
Mea i Hooliloia mai ai ka Moraki,
Honolulu, Aperila 7, 1898.
2702-4t
Hoolaha Mana Hooklokoolo.
ILOKO O KA AHA KAAPUNI, APANA Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka Waiwai o Solomon Naauao (k) o Honolulu, Oahu, i make, kauoha ole.
No ka mea, ua waihoia mai e E. M. Kanehiwa (k), ke keiki-hanauna, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i ka poe apau i keleana ma ua waiwai la, o ka POAKAHI, Iune 20, 1898, ma Aliiolani Hale, Honolulu, hora 10 o ke kakahiaka oia kahi ame ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.
Honolulu, Mei 13, 1898.
GEORGE LUCAS,
2703-3ts Kakauolelo.
MA KA AHA KAAPUNI, APANA Kaapuni Ekahi o Ko Hawaii Pae Aina. Ma ka hana o ka Waiwai o Joseph H. Nawahi.
Ma ka heluhelu ia ana a ma ka waihoia ana mai o ke noi a Emma A. Nawahi, ka Lunahooponopono Waiwai, e noi ana e hoopukaia ona kauoha no ke kuai ana aku i kekahi waiwai paa o ka waiwai i oleloia e waiho ana hoi ma Hilo, Hawaii, a ma Puna Hawaii, me ka waiho pu ana mai hoi i kekahi mau kumu ma ke kanawai e pono ai ke kuai ia aku ai ua waiwai paa la.
Ua kauohaia ma keia, na Hooilina ame na poe i pili i ka mea i make i oleloia, ame ka poe apau i kuleana i ua waiwai la, e hele mai imua o ka Aha, ma ka Poakahi, la 13 o Iune, M. H. 1898, ma ka hora 10 A. M., ma ke Keena Hookolokolo o keia Aha, ma Honolulu, Oahu, ma ia wa, a malaila hoi e hoike mai ai i kumu no keaha la e ae ole ia ai keia kuaiia ana aku o ua waiwai la.
Hanaia ma Honolulu, Ko Hawaii Pae Aina, Mei 14, 1898.
Na ka Aha:
GEORGE LUCAS.
2703-3ts Kakauolelo.
AHA KAAKPUNI, APANA HOOKOLOKOLO Kaapuni Eha o ko Hawaii Pae Aina. Ma ka Hooponopono Waiwai. Ma ka hana o ka Waiwai o Kaholokahi (k), o Honokaa, Hamakua, Hawaii, i make.
Ua waihoia mai ke noi ame ka hoike helu waiwai a ka Lunahooponopono Waiwai o ka Waiwai o ka mea i make i oleloia, a ua noi mai hoi ia e nanaia kana hoike waiwai a e aponoia, a e hoopukaia ke kauoha hope a ka Aha no ka mahele ana i ka waiwai e koe nei ma kona lima i ka poe apau i kuleana malaila, a e hookuu ana hoi iaia mailoko aku o na ko'iko'i apau o ka noho hooponopono waiwai ana.
Ua kauohaia, o ka Poaono, la 9 o Iulai, A. D. 1898, ma ka hora 10 a. m., ma ke Keena, ma ka Hale Hookolokolo ma Honokaa, Hamakua, oia ka wa ame kahi e hooloheia ai ua noi la ame ka hoike helu waiwai. A malaila e hele ae ai na poe apau i pili a e hoike mai i kumu, ina he kumu ka lakou no keaha la e ae ole ia ai ua noi la.
Hilo, Mei 2, 1898.
Na ka Aha:
DANIEL PORTER,
2702-3t Kakauolelo.
AHA KAAPUNI, APANA HOOKOLOKOLO Kaapuni Eha o ko Hawaii Pae Aina. Ma ka Hooponopono Waiwai. Ma ka Hana o ka Waiwai o H. P. Honolulu, o Hilo Akau, Hawaii, @ make.
Ua waihoia mai ke noi e Hana (w)@ ka wahine kanemake a na mea la @ make, e nonoi ana e hookaawaleia @ la no ka hoolohe ana i ka hana i hoikeia ae la maluna, a e kukaiaia hoi na hooilina o ka waiwai i oleloia.
Ua kauohaia, o ka Poakolu, la 1 o Iune, A. D. 1898, ma ka hora 10 a.m. ma ke Keena, ma ka Hale Hookolokolo, ma Hilo, Hawaii, oia kahi ame ka manawa i hoonohoia no ka hoolohe ana i ua noi la a e hele ae hoi na poe apau i kuleana ma ia waiwai, ma ia wa a ma ia wahi, a e hoike mai i kumu, ina he kumu ka lakou, no keaha la e ae ole ia ai he noi.
Hilo, Mei 3, 1898.
Na ka Aha:
DANIEL PORTER.
2702-3t Kakauolela.
ILOKO O KA AHA HOOKOLOKOLO Kaapuni, Apana Elima, o ko Hawaii Pae Aina. Ma ka hana o ka waiwai o J. W. LOTA, o Hanalei, Kauai, i make kauoha ole.
No ka mea, ua waihoia mai he palapala nonoi e Mrs. Loika Loka, ka wahine kanemake, e hoike ana ua make kauoha ole o J. W. Lota ma Hanalei i oleloia i ka la 11 o Aperila, M. H. 1898, a he waiwai kona na makemakeia e hooponopono, a e hookohu ia o W. G. Smith i lunahooponopono waiwai, Nolaila,
Ua kauohaia, o ka POAHA, la 9 o IUNE, M. H. 1898, ma ka Hale Hookolokolo ma Lihue, Kauai, hora 10 kakahiaka, oia kahi a me ka manawa e hooloheia ai ua palapala nonoi ia, a me ka poe keakea, a e hoike mai lakou no keaha la e ae ole ia ai ua noi la.
Na ka Aha:
R. W. T. PURVIS.
Kakauolelo.
Kakauia ma Lihue, Kauai, Mei 4, 1898. 2702-3t
ILOKO O KA AHA HOOKOLOKOLO Kaapuni, Apana Kaapuni Ekahi o ko Hawaii Pae Aina. Ma ka hana o ka waiwai o ELEAZER LAZARUS (k) o Honolulu, Oahu, i make.
Oiai, ua waihoia mai ka Palapala Kauoha a Hooilina Hope Loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua Palapala Kauoha la a Hooilina hoi, a no ka hoopuka ana i na Palapala Hooko Hooilina ia Joseph O. Carter, ma keia ke koolahala aku nei, o ka POAKAHI, IUNE 13, 1898, ma ka hora 10 o ke kakahiaka, ma Aliiolani Hale, Honolulu, oia ka manawa i kohoia ai ame kahi e hooiaioia ai ua Palapala Kauoha la, a e hoolaheia ai ua noi la, a ma ia wa a ma ia wahi no hoi e hele ae ai kela ame keia mea e hoike mai i kumu, ina he kumu ka lakou e ae ole ia ai ke noi o ua palapala noi la.
Honolulu, Mei 10, 1898.
Na ka Aha:
GEORGE LUCAS,
2702-3t Kakauolelo.
I KA AHA KAAPUNI, APANA ELIMA o ko Hawaii Pae Aina. Ma ka Hooponopono Waiwai. Ma ke Keena. Ma ka hana o ka waiwai o Halo (k), o Waimea, Kauai, i make.
Oiai, ua waihoia mai i ka Aha Hooponopono Waiwai, he palapala i olelo @a, he Palapala Kauoha a Hooilina hope na Halo (k), ma ka la 21 o Aperila nei, A. D. 1898, me kekahi Palapala Noi e hookoia ua kauoha la, a no ka hoopuka ana i na Palapala Hooko Kauoha ia J. A. Akina o Waimea, i waihoia mai e J. A. Akina i oleloia.
Ma keia, ke kauohaia aku nei, o ka Poaha, la 26 o Mei, A. D. 1898, ma ka hora 10 a.m (kakahiaka), o na la 'la, ma ke Keena Hookolokolo o ua Aha la, ma Lihue, oia kahi ame ka manawa no ka hooiaio ana i ua Palapala Kauoha la, a e hooloheia hoi ua Noi la.
Hanaia ma Lihue, Kauai, ko Hawaii Pae Aina, Aperila 21, 1898.
Na ka Aha:
R. W. T. PURVISS,
2703-3t Kakauolelo.
Hela ame Kela.
KE OLELO HOOLAHAIA
Aku nei ma keia, ma keia la, ua hoopau aku mamua i ka mana ame ke kuleana o Mr. R. N. Boyd o Honolulu, e lawelaw no maua ma na hana a pau. A ua hoopau aku nohoi maua a holoi aku i ka Mana Hookohu a Hoonoho Hope a maua i haawi ai iaia ma ka la 9 o Mei, 1898. A, aole nohoi @ ili maluna o maua ke koikoi o kekahi hana e lawelawe aku ai oia ma ko maua mau inoa a no maua hoi.
MRS. M. KEAWEPOO,
MR. D. KEAWEPOO,
Honolulu, Mei 10, 1898. 2702-3t
KE HOOLAHAIA
Aku nei ma keia, lawelawe aku no o Mr. S. Ahmi o Kamaole, Kula, Maui, no maua ma na hana apau, malalo o ka mana hookohu hope piha.
MRS. M. KEAWEPOO,
MR. D. KEAWEPOO.
Honolulu, Mei 10, 1898.
2702-3t
vapo-@resolene
He Laau Hoola.
Oiai no Oe e Hiamoe
ana no ke
K@nu Kalea, ka Hano, Kunu Ho, ka Halulu Kan, ke Ann
Ma ka wa e hoopunohuia ai ka uwahi o ke CRESOLENE maloko o ke keena o ka mea ma'i, e loaa koke no ka oluolu. He ka mahao kona ikaika hoola, a ma ia wa hookahi nohoi e kaohiia aku @o ka pahola ana mai o na ma'i lele, ma o kona lilo ana he laau kauai ma'i, a he laau pilikia ole nohoi no na keiki. Ekuaiia ana e na poe hana laau. E haawi wale ia no ka buke hoakaka.
HOLLISTER DRUG CO., Honolulu, H. I. na Agena