Ka Nupepa Kuokoa, Volume XXXVII, Number 22, 3 June 1898 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, IUNE 3, 1898.

PAUKU 18.  Ina na hemahema kekahi palapala hookaa i waihoia ae no ka uku ana i kekahi dala i hooliloia no ka hooia ole ia a no ka loaa ole o kekahi palapala e ae i pono ke hoohui ia, alaila, ua ku no i ke kanawai ina e hooiaia mai a maopopo i ka Luna Hooia aole i hana maoli ka malama buke Aupuni me ka manao hoohemahema a na uku io no ka huina dala i hoakakaia maloko o ka palapala hookaa e ae aku i ua palapala hookaa la a e hookuu i ka malama buke Aupuni a e ae aku i na huia la ma kona helu.

PAUKU 19.  E hoolaha ka Luna Hooia iloko o kekahi nupepa a mau nupepa paha i paiia ma ka Repubalika ma ka olelo Beritania, a i ole, Hawaii i na hoike malama a me na hoike makahiki hoohalikelike e pili ana i ka oihana dala o ke Aupuni Hawaii.

PAUKU 20.  E hana ka Luna Hooia i hoike makahiki i ka Peresidena, a i hoike no elua makahiki i ka Ahaolelo.  ua ku no i ke kanawai i ka Luna Hooia iloko oia mau hoike makahiki, a i ole ia, iloko o kekahi hoike kuikawa ana i manao ai e hana e hoike aku i kekahi mau manao a hoolala ana paha ana i manao ai ua kupono e hooholo ai no ka hooia ana ae i ka maikai o ka ohiia ana, malama ana a me ka hookaa ana i na dala o ka lehulehu, a me ka hoemi ana mai i na lilo a me ka nana ana i na buke helu o ka lehulehu a me kekahi hooia ana ae i ka maikai o ka malamaia ana oia mau buke helu ana i hoomaopopo ai i kela a me keia manawa, a e hoike no hoi e pili ana i na mea a pau e pili ana i na buke helu Aupuni.

PAUKU 21.  Ma keia ua haawiia ka mana i ka Luna Hooia ma ke kauoha malalo o kona lima ma ke ano i hanaia maloko o ka Papa "D" i hoopiliia mai i keia e kena aku i na mea a pau ana i manao ai he kupono e hele kino mai imua ona i ka manawa a ma kahi i oleloia maloko oia palapala kauoha a e waiho mai imua ona i na hoike, na buke a me na palapala a pau e paaia ana a e malamaia ana paha e ia poe i ikeia, na kupono no ko lakou nanaia ana.  Ua ku no hoi i ke kanawai i ka Luna Hooia i kona manawa e ike ai he kupono e huliia a e kopeia paha mailoko mai o kekahi buke, palapala a moolelo paha iloko o ka lima o kekahi luna Aupuni me ka uku ole me kekahi uku no ia mea; a e lilo no i hana na kela a me keia luna Aupuni iaia ka malama o kekahi buke, palapala a moolelo paha oia ano e huli a e haawi mai i na kope ana e like me ka mea i kauohaia aku.

PAUKU 22.  Ma keia ua hoomanaia a ua kauohaia ka Luna Hooia e ninau malalo o ka hoohiki, (a ma keia ua hoomanaia oia e hoohiki) i na kanaka a pau ana i manao ai ua kupono ke ninauia e pili ana i ka loaa a me ka lilo ana o ke dala a e pili ana hoi i na mea e ae a pau e pono ai ka hooko ana i na mana i haawiia iaia ma keia Kanawai.

PAUKU 23.  E malama ka Luna Hooia ma kona keena, ma ke ano kupono no ka nana koke ia, i kekahi papa pololei o na haawina hoomau, na uku makahiki, na papa uku hana, na uku kokua, na hoolimalima, na aelike, a me na koho ana a pau no na lako hana a me na mea ai, a me na mea ai, a me na kumukuai nui a kuai liilii oia mau mea, a ma ka hooia ana i na bila a pau no na hana i hanaia, a i ole ia, no na lako i hoolakoia, a i ole ia, na bila e ae i ke Aupuni e hoohalike no oia i na uku a me na kumukuai i kakiia me ka papa i olelo mua ia ae nei, a e kapae aku, a i ole ia, kapili hou iho i na huina a pau i oi ae mamua o na kumukuai, a me na uku pololei e like me ka mea i hoikeia ma ka papa i oleloia, a i ole ia, ana i manao ai ua oi aku mamua o ka mea kupono.

PAUKU 24.  E hana no ka Luna Hooia i na hana e ae e pili ana i kana oihana a ka Ahaolelo e makemake ai a e kauoha ai paha.

PAUKU 25.  E malama ke Kuhina Waiwai ma kona keena i kekahi buke dala maloko o laila e kakauia ai na huina a pau i loaa mai a i ukuia aku mailoko o ka Waihona ma ka helu o na oihana a me buro o ka Repubalika.

PAUKU 26.  O kela a me keia kikoo i ku i ke Kanawai i ka Waihona, i hooia pono ia e like me ia i hoakaka mua ia ae nei, e ukuia no i na manawa a pau ma ka la i aponoia e ke Kuhina Waiwai, a e kakau alo ia maluna iho ina ua lawa ke dala ma ia manawa iloko o ka Waihona no ka hookaa ana i ua koi la; a ma ka hookaaia ana e holoiia na kikoo a pau, a kakau pono ia iloko o ka buke, aka, ina aole i lawa ke dala no ka hookaa ana, alaila, e hooopaaia na kikoo la iloko o kekahi buke i malamaia e ke Kuhina Waiwai no ia mea.

Ma ia hoopaa ana e hoikeia ka helu o ke kikoo, ka mea nana i waiho mai, ka la, huina, ka inoa o ka mea hookaa mua, a me ka helu i aeia ai.  Mahope iho o ka hoopaaia ana pela, e hoihoiia aku no i ka mea nana i waiho mai, me ke kakauia iho o na huaolelo "registered" (hoopaaia), ma ka la, a e kakauinoaia e ke Kuhina Waiwai, a oia kikoo i kakau hoopaa ia e loaa no a he kuleana e loaa ka ukupanee mai ka la i kakau hoopaa ia ai a hiki i ka hookaaia ana ma ka elima pa-keneta no ka makahiki; aka, o ke kakau hoopaa ia ana o kekahi koi oia ano aole no ia e lilo ma kekahi ano i mea e ikeia ai a e hoaponoia ai paha ia koi ina na loaa ma ke ano kue i kekahi kanawai, a i ole ia, mamuli o kekahi paewa.

PAUKU 27.  E hookaaia no na kikoo e ke Kuhina Waiwai e like me ka mea hiki ma ke ano moekahi o ko lakou mau helu a me ka la o ka hoopukaia ana, a i na manawa a pau ana i manao ai ua lawa na dala iloko o ka Waihona, e hoopuka no oia i kekahi kahea no na kikoo i hoopaaia i hookaa ole ia, e like me ka moekahi ana o ko lakou mau helu a me ka la i hoopukaia ai.  Oia kahea e hanaia no ma ka hoolaha ana no hookahi pule iloko o kekahi mau nupepa puka la he elua a oi ae ma Honolulu i hoolahaia ma na olelo Beretania me Hawaii a o ka ukupanee maluna o na kikoo i kaheaia e pau no ia iloko o umi la mahope iho o ka hoolaha mua ana.

PAUKU 28.  Ina aole i kauohaia ma kekahi ano e ae ma ke Kanawai o na huina dala a pau i hookaawaleia no na hana o ka lehulehu no kekahi kau o elua makahiki a i hoolilo ole ia iloko oia manawa, e pau a aole no e hoopukaia, a i ole ia, e hoohanaia paha iloko o kekahi kau o elua makahiki e hiki mai ana no ka hana i hookaawaleia ai ina aole i hanaia kekahi olelo aelike mamua iho o ka pau ana oia kau o elua makahiki mamuli o laila i loaa ai kekahi hoopaaia ana e hoopuka a hoohana i ua haawina nei, a na waihoia aku kekahi kope i hoaiaio ia oia aelike me ka Luna hooia.

MAHELE 3.

NA MALAMA BUKE AUPUNI A ME NA HOIKE ANA NO KA OHI ANA A

ME KA HOOKAA ANA I NA DALA O KA LEHULEHU.

PAUKU 29.  O na kanaka a pau i lilo mamuli o kekahi kanawai, hooponopono ana a hoonoho ana paha i keia manawa, a i ole ia, ma keia mua aku he poe nana e ohi a e lawe mai paha i na loaa, a i ole ia, na dala e ae no ka pono o ke Aupuni Hawaii, a i ole ia, me ka hoolilo ana aku i ke dala no na hana o ka lehulehu e lilo no lakou i mau malama buke Aupuni, a e hana no lakou i na hana a pau oia ano a e waiho ae i na hoike e like me ia i kauohaia ma keia Kanawai, a e like no hoi me ka mea i kauohaia i kela a me keia manawa e ke Kuhina Waiwai a me ka Luna Hooia.

PAUKU 30.  Na kela a me keia malama buke Aupuni e ohi ana, a i ole ia, e lawe ana i na loaa, a i ole ia, i na dala e ae i olelo mua ia ma Honolulu, e hookaa i kela a me keia pule, a i ole ia, ma na manawa i kauoha maoli ia, iloko o ka Waihona i na huina dala a pau i ohiia a i loaa paha iaia mamuli o na loaa a ano e ae paha i olelo mua ia, i huipuia me na palapala hookaa i huiia i kona inoa a maloko o laila kekahi hoakaka piha a pololei ana o na hana i ohiia ai ia mau huina dala, a ina aole i kauoha maoli ia ma kekahi ano e ae e waiho aku mamua o ka hala ana o ka umi o na la o kela a me keia mahina e waiho aku ai imua o ka Luna Hooia i kekahi hoike i hanaia e like me ka papa "E" i hoopiliia me keia me na hoakaka e ae i kauohaia e ka Luna Hooia e pili ana i na dala a pau i ohiia a i loaa paha iaia iloko o ka mahina mamua iho, a e hana a kakauinoa i kekahi hoohiki e like me ka mea i hoakakaia maloko oia papa.

PAUKU 31.  Na kela a me keia malama buke Aupuni e ohi ana, a i ole ia, e lawe ana i na loaa, a i ole ia, na dala e ae i olelo mua ia, mawaho aku o Honolulu, e hoihoi, a i ole ia, e hookaa i kela a me keia mahina, a i ole ia, ma na manawa i kauoha maoli ia i na huina dala a pau i loaa iloko o ka Waihona i na huina dala a pau i ohiia a i loaa paha iaia mamuli o na loaa, a i ole ia, ano e ae paha i olelo mua ia, i huipuia me na palapala hookaa i kauia i kona inoa i hookomoia i kekahi hoakaka a moolelo pololei no na hana i ohiia ai, a i ole ia, i loaa mai ai oia mau huina, a ina aole i kauoha maoli ia ma kekahi ano e ae e waiho mai ma ka la 14 a mamua ae paha oia la mahope iho o ka pau ana o kela a me keia mahina i ka Luna Hooia, ma ka leta a me kekahi ano e ae paha i kekahi hoike e like ke ano me ka Papa "E" o keia Kanawai, me na hoakaka ana ma kela a me keia hana ana e like me ia i kauohaia ai e ka Luna Hooia no na dala a pau i ohiia a i loaa paha iaia iloko o ka mahina mamua iho, a e hana a e kakauinoa i kekahi hoohiki e like no ke ano i hoakakaia maloko oia papa.

PAUKU 32.  Ma ka make ana, waiho ana i ka oihana, a i ole ia, ka hoopauia ana o kekahi oia poe malama buke Aupuni, o ke koena dala o ka lehulehu e waiho ana iloko o kona lima i ka wa e hoonohoia ai kona hope ma ka oihana, ina aole i kauohaia ma kekahi ano e ae ma ke kanawai, e ili aku no ia i kona hopoe ma ka oihana, a aole hoi ina e make kekahi malama buke Aupuni, e lilo i waiwai no ka mea i make, aole no hoi ma kekahi ano e paa malalo o ka hooponopono ana o kona mau hooilina ma ke kanawai.

MAHELE 4.

NA HOAKAKA LIKE OLE.

PAUKU 33.  Ma keai ua hoomanaia ka Luna Hooia me ke apono o ka Aha Hooko e hana a hoolaha aku i na rula i kue ole me keia Kanawai, i ikeia na kupono no ka hooko ana aku i ka manao a me na olelo o ke kanawai, a no ka hooia ana ae i ka maikai, ka malamaia ana, hooponopono ana a me ka hooia ana i na loaa a pau a me ka hoolilo ana i na dala o ka lehulehu; a oia mau rula mahope o ka hoolahaia ana maloko o hookahi a oi ae paha nupepa i paiia a i hoolahaia ma Honolulu e like no ko lakou mana me ko ke Kanawai.

PAUKU 34.  O kekahi Luna Malama Buke Aupuni, a i ole ia, o kekahi mea nana i hana ole, a i ole ia, hoohemahema ma ka hooko ana i kekahi o na rula i hoakakaia ma keia Kanawai. a i ole ia, i hele ole imua o ka Luna Hooia no ka ninauia ana, a i ole ia, i waiho ole ae i kekahi hoike, na buke, na palapala hookaa, a i ole ia, mau palapala e ae, a i ole ia, e pane i kekahi ninau e ae i ku i ke kanawai ina e kauohaia e hana pela e ka Luna Hooia, e kauia no maluna ona kekahi hoopai aole e emi malalo o iwakalua-kumamalima dala, aole hoi e oi aku mamua o hookahi haneria dala ina e hoahewaia imua o kekahi Lunakanawai Apana.

PAUKU 35.  Ina kekahi mea, oiai oia e ninauia ana imua o ka Luna Hooia e hoike i na olelo ike oiaio ole me ka manao maoli a kolohe e hana pela, e kauia no maluna @ ka mea e hana ana pela na hoopai i like me na mea i hoomaopopoia no ka poe i hoahewaia no ka hoike wahahee.

PAUKU 36.  O ke kanawai i kapaia "He Kanawai e hooponopono ai i ka loaa ana mai, ma ka malama ana, a me ka hoolilo ana aku i na dala o ke Aupuni a e hoomaopopo ai no ka hooiaia i na buke helu o ke Aupuni," i aponoia ma ka la 4 o Augate, 1882, e like me ia i hoololiia ai e ka Mokuna 75 o na Kanawai o ke Kau o 1892, e hoopauia a ma keia ke hoopau loa ia nei

PAUKU 37.  E mana keia Kanawai ma ka la mua o Iulai, M. H. 1898.

Aponoia i keia la 24 Mei, M. H. 1898.

SANFORD B. DOLE.

Peresidena o ka Repubalika o Hawaii.

PAPA "A."

Owau, . . . . . . . . . .  ke hoike nei e like me ke akamai a me ka makaukau i loaa ia'u e hooko pololei, kaulike a oiaio no wau i ka Oiahan a e hooko i na hana o ka Luna Hooia (a i ole ia, Hope Luna Hooia).

Inoa : . . . . . . . . . .

PAPA "B."

KIKOO WAIHONA.

Keena o ka Luna Hooia.

Honolulu, K. H. P.  . . . . . . . . . .  189 . .

Ma ka la . . . . .  o . . . . .  189 . .  e hookaa ae ma ke kauoha o . . . . . . . . . . . . . . . . . . . .  i ka huina o $ . . . . . . . . . .  no . . . . . . . . . . . a e kaki iho ia mea i ka . . . . . . . . . . . . . . . . . . . . . .

Luna Hooia.

I ke Kuhina Waiwai, Honolulu, K. H. P.

PAPA "C."

Keena o ka Luna Hooia,

Honolulu, K. H. P.  . . . . . . . . . .  189 . .

I ke Kuhina Waiwai, Honolulu, K. H. P. :

Aloha oe:---Ke noi nei wau e waiho aku imua ou me keia i kekahi hoakaka o na kikoo dala i ka Waihona i hanaia mahope mai o ka'u palapala hope e like me keia mahope iho nei:

Ka La.             Helu.               Ka Haawina.               Ka mea e uku aku ai.               Huina.

 . . . . . . . . . . . . . . . . . . . . . .

Luna Hooia.

PAPA "D."

Ia  . . . . . . . . . . . . . . . . . . . . . .

Mamuli o ka mana i haawiia ia'u ma ke Kanawai i kapaia "He Kanawai e hoonoho ai i oihana Luna Hooia, etc." Ma keia ke kauohaia nei oe e hele mai imua o'u ma  . . . . . . . . . . . . . . . . . . .  ma  . . . . . . . . . . . . . . . . . . . . . . ae  . . . . . . . . . . . . . . . . . . . . . . lawe mai oe i mea e nanaia ai kekahi buke (a i ole ia, e like me ka mea i makemake ia) a e ninauia e a'u a imua hoi o'u e pili ana i kekahi mau mea i kupono e nanaia e a'u a mamuli o na mea i hoakakaia ma ke kanawai i oleloia.

E HOIKE ko'u lima i keia la  . . . . .  o  . . . . . . . . . . . .189 . .

 . . . . . . . . . . . . . . . . . . . . . .

Luna Hooia.

PAPA "E."

Hoike no na dala a pau i ohiia e  . . . . . . . . . . . . .  . . . ma ke ano  . . . . . . . . . . . . . . . . . . . . . . mai ka la . . . . . o . . . . . . . . . .  a hiki i ka la . . . . . o  . . . . . . . . . .189 . .  , e  . . . . . . . . . . . . . e  hui pu ana ia mau la elua.

Ka la i loaa mai ai.                   Ka mea i loaa mai ai.               Ka helu.                       Huina.

Huina nui . . . . . . . . . . . . . . . . . . . . . .

HOOPONOPONO ANA I NA MEA I OHIIA MALUNA ME KE KUHINA WAIWAI.

Ka la i hoi-                              Ka poo malalo olaila                                       Huina.

  hoiia ai.                                      i hoihoiia ai.        

Huina nui . . . . . . . . . . . . . . . . . . . . . .

Malama Buke Aupuni.

Owau, . . . . . . . . . .  ke hoike nei au o ka mea maluna ae he hoike pololei a oiaio no ia no na dala a pau i ohiia e a'u e like me ia i hoakakaia maluna a na hookaa no au i ka huina a pau i ke Kuhina Waiwai.

. . . . . . . . . . . . . . . . . . . . . .

Malama Buke Aupuni.

Hoohikiia i keia la  . . . . .  o  . . . . . . . . . . . .189 . . imua o'u.

 . . . . . . . . . . . . . . . . . . . . . .