Ka Nupepa Kuokoa, Volume XXXVII, Number 32, 12 August 1898 — PEHEA ANA LA? [ARTICLE]

PEHEA ANA LA?

O ka ninau o keia wa, oia keia, Pehea aku ana la ke hukiia ae «ka hae Araerika iluna? O ka pane no ka mea e'pili ana i ka ,ke kanaka mau hana ponoi iho, eia ka pane, Oia iho la no. E mau aoa no ke kahe ana o ka wai 0 ka piula. E holo ana no oe i ke kaa hapaumi, e iho ana no oe i ke kuai i'a 1 ka makeke, e muki ana no oe i ka nuku o >ki-ka me kikalika, e ha'u ana no oe i ka ipu baka, e hamama ana no na lialekuai, e holo ana no na kaa pio, e lei ana no oe i ka lei pua kamakahāla o Nuuanu, e hoonuu ana no oe i ka poke oio, halale no ke kai o ke kawakawa, pii no na miki poi ono, oni kapalili no na kiaha waiu luliului, holo 110 oe i'ke'kaa "baisikala," hele ole no ka hoomaloka i ka pule, mamina loa hoi ka uiiane o ke kanaka haipule . i ka olelo a ke Akua, pii 'mai no ko Ewa i Honolulu nei, a iho aku nohoi ko Honolulu i Ewa, o mai no ka makani o lau-niu o Pokai, po no Waialua i ka Ehu a ke kai, hamama mau no ka nuku o Nuuanu i ka makani, holo-a-ia ia no ke alapali hou o Nuuanu e na kanaka, o ke ku no o kauhale o Honolulu nei, o ka huikau aku, hui mai no o na kanaka i Honolulu nei, o ka mea hana loaa no kana, a o ka mea maka'u i ka hana, piha kona opu i ka makani. 0 keia mau mea apau e ikeia nei i keia wa, a mai mua mai nohoi, e mau aku ana no ia, oiai no ka hae hoku o Amerika e welo ana maluna ae o ke poo o ke kanaka Hawaii. E ai ana no kela ame keia kanaka Hawaii i kana loaa iho, e nana ana no kona maka i ka ponaha lani mahina ae, a i ka huina aouli nia ka ilikai. Aole hopohopo, aole maka'u ana, aka, e noho no kela ame keia o kakou me ka paa mau o na lima i ka hana.