Ka Nupepa Kuokoa, Volume XXXVII, Number 37, 16 September 1898 — KA PONO KAI LAWAIA. [ARTICLE]

KA PONO KAI LAWAIA.

Mawaena o na noi i waihoia aku ma ka palapaia Memoi'iala a ka Hui Lahui Hawaii, o ka mea kekahi e piii ana i ka pono kai lawaia, oia hoi, e noi ana e hoonoa loa ia ia pono no na makaainana mai Hawaii a Niihau.

Ua haiia mai makou, ma ka wa i •hnipu ai ke Komita o ka Hui Lahui Hawaii, me ke Komisina Hooponopono Kanawai, ma ka Poalua nei, ua lilo he wa loihi o ko ke Komisina kamakamailio ana ma na mea e pili ■ ana i keia pono i nonoi ia aku. Ma ka ninau ana a Senatoa Mogana ia I/eresidena Doie no ke ano o na kai lawaia ma Hawaii nei, ua pane o Mr. Dole imua o ke Komisina, o na kai Aupuni ua noa on ia i na kanaka apau, a o«a kai Konohiki, ua noa uo ia i na kanaka ponoi o ke A'hupuaa i hono ona ai ke Konohiki, ma ke ano hoolaikiia no nae oia pono, a o kekahi mau kai iawaia, aia malalo o na hoolimalima ia ana aku i kekahi poe iawaia. Ua pane mai o Senatoa Mogana, o Ka aina ua kuleana ka mea aina ia wa'hi, aka, o ka i'a hoio iioko o ke kai, o ka mea mua loa e loaa ai ia i'a maloko o ke kai a ma kapa kahakai paha, oia no ka ona 0 ka i'a, aole o ka mea nona ka aina 1 pili aku ai ke kai i hopuia ai ua i'a ]a.

Ua hoike mai la hoi o Senatoa Mogana imua oke Komite o ka Hui Laliui Hawaii, e hoi ana lakou a hiki Amer.ika Huipuia e nonoi ana lakou e hoounaia mai i Komisina Hooulu I'a i Hawaii nei, oia ka poe i ike i ka hoolaupai ana i na i'a ma na kai o Amerika, oiai, wahi ana i pane mai ai imua o ke Komite, oia iohe ia ua ka-kaikahi loa ka i'a ma Hawaii nei i keia wa, a o ka loaa ana he poe akamai na lakou e imi i >na mea e lioopulapula hou ia ai ka i'a —kamaaina a malihini paha, oia ka mea e hoopiha i na kai āme na moiliwai o Hawaii nei i ka i'a, a loaa nui ka i'a i na kanaka. He mau manao hoohauoli mai keia ia makou ame ka poe nohoi apau i hooikaika e hui o Hawaii nei me Amerika Huipuia, i mea e loaa mai ai kekahi mau pomai,kai nui i ka lahui oiwi o Hawaii nei.