Ka Nupepa Kuokoa, Volume XXXVII, Number 37, 16 September 1898 — O KA HOOHUI IA ANA O KA REPUBALIKA O HAWAII ME KA REPUBALIKA O AMERIKA HUIPUIA, AOLE ANEI O KA MAKE KANU ANA IA O KA HOPII A NA ROILIKI O HAWAII? [ARTICLE]

O KA HOOHUI IA ANA O KA REPUBALIKA O HAWAII ME KA REPUBALIKA O AMERIKA HUIPUIA, AOLE ANEI O KA MAKE KANU ANA IA O KA HOPII A NA ROILIKI O HAWAII?

Ae, o ka make kanu ana no ia o ka lakou mau koi Aole Jiiki ke hoala ia i keia la, i ka la apopo, a i ka wa pau ole. He hupo nui ke kanaka a Luna Hooponopono nupepa e olelo ana imua o ka lahui Eoialiki, e hiki ana ke ihoala 'hou ia ka lakou mau hoopii, e hoi hou ana ka Moiwa'hine ma ka nohoalii, e welo hou ana ka hae Hawaii maluna o na puoa o Aliiolani Hale. E puni io ana ka naaupo, a o ka naauao, aole e puni. Hookahi wale no kumu e hooko ia ai na iini waiwai ole o na Roialiki, o ka ikaika i huipuia me ka hana. Aole o ka ikaika ma ka olelo a nel£ i ka hooko ana 1 ka !hana, aole ihoi ō ka ikaika elike me na keiki o "Ka Hui Kaulana o Leahi" ka holiolo iloko o ka mikinolia e pee ai me he iole managusu la. Oki loa aku ka olelo ana ae, "O ke Akua ko kakou puuhonua a nana e hoihoi mai i na pono ame na kuleana i haoia e ko kakou mau enemi." E na Roialiki, aole ke Akua me oukou, ua haaleie kahiko Oia ia oukou, i ka manawa a oukou i huli ai i atoia hou oia ka Hui Nau-a oia ka wa a ke Akua i hoopailua ai ia oukou, a hoopailua pu i ko kakou Moiwahine. Nolaila, mai olelo iki oukou na ke Akua e hoihoi mai i ko oukou mau pono. Ina o ka oukou Akua i hilinai

ai o na hana hoomanakii a ka Hui ( Nau-a, aole au e olelo ana; aka, ina | o ke Akua a na mikanele i lawe mai ai„ ke olelo nei au, aole ia Akua me oukou, eia no ia Akua me na keiki a na mikanele ame ka poe apau e kakoo ana i ka hoohui aina. Ke olelo hou nei au o keia hoohuiia ana o Hawaii nei me Amerika Huiia, o ko ke Akua makemake no ia. Ua olelo ae nei au o ka ikaika i liui pu ia me ka hana, oia ka mea e hoi hou ai ka Moiwahine ma ka nohoalii, a e welo hou ai ka 'hae Hawaii. Pehea e hana ai i loaa ka ikaika? He ninau maikai ke4a, eia ka hana mua, e hoahu na Roialiki i ke dala a piha ka umi hiliona me ia mau dala £ loaa ai na moku manu-a, na koa, na lako kaua o na ano a pau, a hele aku e kaua me Amerika, he hewa ia la? Aole hewa ke lanakila. O iko'u manao maoli i na Roialiti, e hoopau ka iili, ka manao ino ame ka hoomauhala ia Amerika ame na keiki a na mikanele na koo e paa ai ka aina me ka pomaikai, ka poe i hilinai i ke , Akua oiaio. Wahi a 'Kanaloaahokana, "O ka pono o ke Akua ame ka pono o ka noho ana ,oia wale no na koo e paa ai ka aina me ka pomaikai. Ina aole kakou e hoopau loa i na mokuahana, na kuee ame na lili i ua keiki a na mikanele, e hoonele mai ana o Amerika 1 na pono koto balota i na Luna Aupuni kuloko o Hawaii teritori. M. N. KOOLAULOA. Aekai o Laie, Sept. 2, 1898.