Ka Nupepa Kuokoa, Volume XXXVII, Number 37, 16 September 1898 — Ke Aloha o kuu Makuahine KE ALOHA O KA'U MEA I ALOHA AI. Ka Mana o ke Aloha. He Moolelo Walohia. [ARTICLE]

Ke Aloha o kuu Makuahine

KE ALOHA O KA'U MEA I ALOHA AI.

Ka Mana o ke Aloha.

He Moolelo Walohia.

(Umihiia c llaolak-a-Ka-Ua-Kukalahale no "Kc Kilohana Pookela o kaLahui Hiueaii.") MOKUNA IV. J kekahi kakahiaka ua haawi ae la ke Kauna Berene he papa ahaaina i kekahi o kona poe hoaloha kakaikahi, n ma ia kakahiaka e noho ana 110 ua poe la ma ka papa ahaaina, a e hauoli ana me ka ulumahiehie maikai, i hoopihaia hoi me na kiaha puaniki o- ka hauoli. Oiai hoi lakou e hauoli ana, aia hoi, ua puai mai la mai ke Kauna Berene, ka haku o ka papa ahaaina, he olelo e hoopuiwa loa ia ai ka noonoo o kona mau hoaloha, oia hpi, ua hoike mai la oia imua o lakou, e komo aku ana ia iloko o ka poai o ka nohona materemonio, eia nae aole oia i hoike mai i ka inoa o ka wahine ana e polena ai iaia iho ma ke kuahu hoano o ka mare. I keia wa i puia ae ai na hoopoluluhi ana a na haaleale wai o ke kiaha, iloko o -ekahi o na hoa o ka papa ahai ainā,, a hooho ae la ia ma ka olelo ana: "He mea pono no makou kou mau hoaioha ke ike i ka inoa o ke kauna wahine e noho alii mai ana ma Berene I Hale nei?" | "Ae, ae, e liai mai i kona. inoa," i | hoho pualu iike ae ai na hoa ai e ae I o loko oka papa ahaaina. • ! • o'u mau hoaloha," wahi a Kauna J Berene i pane mai ai iniua o kona mau hoa, "aole au e hoike aku aua ia oukou i ka inoa o ka lede maikai e hoohui pu ia aku ai ko'u mau hauoli ana, aka, e ike ana no oukou i kona inoa iloko 0 hookahi pule mai keia la aku*, no ! keia wa la, e kala mai oukou ia'u e na hoaloha." ' "Auwe no ka hoi," i hooho ae ai kekahi vise-kauna opio, "he keu ka hoi a ka mea kupaianaha nui wale. Hookalii pule mai keia la aku, alaila, o ko makou wa ia e }ohe ai i ka inoa o ke Kauna wahine hou, o ka lohe ana nohoi ia o Parisa nei apau'. Heaha iho la ka waiwai o ko makou lilo ana i mau hoaloha nou?" "A heaha la hoi ka hewa, e aua nohoi oe i kona inoa mai a makou aku kou mau hoaloha;" wahi a kekahi mea 1 pane ae ai, "alaila, aoie hoi he mea hewa nou ka hoomakili iki ana mai imua o makou i kona ano. Pehea, he opiopio nae paha ia?" "He umikumamawalu paha ona mau makahiki i keia wa." "He waiwai nae pah'a?" "O kona wahi loaa makahiki i keia wa, he panaiki no ia, aka, mawaho ae nae hoi oia wahi loaa uuku, he mau kumu manaolana kekahi no ka mahuahua ana ae o kona loaa a ke kulana koikoi maoli." "Pehea; noonei iho no anei o kakou nei, a i ole ia, no kahi e loa aku paha?" "Eia no i ke alo." "He ui nae paha?" "He nani." "He keu oe o ka ilio laki nui wale," wahi a kekahi o l'akou i ai. Ma keia wa i komo mai ai kekahi kauwa iioko o ka rumi ahaaina a hoike mai la imua o ke Kauna, ua hoea mai kekahi lede, a, aia oia maloko o ka rumi palapaia kahi i noho ai e kali ana nona. "Owai kona inoa?" wahi a ke Kauna i ninau mai ai i ke kauwa. "Aole oia i hai mai nei ia'u i kona inoa," wahi a ke kauwa. "Pehea, he opiopio nae paha ia ame ka ui?" "Aole hiki ia'u ke hai aku, he opiopio paha, he ui paha, oiai ua paa oia i ka uhi maka. Eia nae ka'u mea i hoomaopopo, he ano pioo kona ma kona wa i ninau mai nei ia'u ina paha eia no oe i ka hale nei. Aneane no e hiki ole ia'u ke hoomaopopo aku i kana mea i kamailio mai nei ia'u no ka nui maoli o kona pihoihoi." I keia wa i mino aka iho ai ke Kauna, a manao wale iho la no ia o ka Barona wahine de Maraceli.

Aia hoi na maka o kona mau hoaloha ke haka pono Ja maluna ona me ka hohuoi nui. oiai he wahi mea hou keia u lakou e ike nei. Ma ko lakou wa no e kamailio ana no ka mare o ua Kauna nei i ka \vahine, oia no ka \va i hoea mal ai he wahine; aka, o ua wahine la anei ia a ko Jakou hoaloha e mare aku ai. I keia wa i ku ae ai ua Kauna de Berene nei iluna a pane mai la imua 0 kona mau hoaloha: "E, auhea oukou e o'u mau hoaloha, e kala mai oukou ia'u i keia wa, e hele ae hoi au e hooko aku i kekahi o na hana i pono ia'u ke hana ma ke ano owau hoi ka haku hale o keia wahi." "Ua hookuuia oe.' "Aole no nae paha au e loihi loa aku a hoi mai au. A oiai hoi au e kaawale aku ana, e hana no oukou e like me ka oukou i manao ai he pono. Make yourselves at home. Eia iho no na mea apau i ke alo. Eia iho no ka waina, ke champagne ame ke Ki-ka." Nolaila, haalele iho la ia i ka rumi aina, a hoi pololei loa aku la ia 110 loko o kona rumi komo kapa, a ma--1 laila oia i hooponopono hou ae ai i koi na. mau wahi aahu ame kona lauoho i a maikai. Mai keia rumi aku nele pololei aku la ia noloko o ka rumi palapala. I kona hoea ana aku iloko o ua rumi Ia la wa oia i ike aku ai i ka lede e | noho m&i ana nfaluna o kekahi noho, a ia wa oia i kunou aku ai imua o ua lede la me ka ninau ana aku: "EJa, makemake.paha oe e ike ia'u, e Madame?" . I keia wa 5 ku ae ai ua wahine la iluna, a wehe ae la ia i kona uhi maka, a waiho wale mai la kona mau helehelena apau imua o ua Kauna de Bej rene nei. | "Aliee," wahi aua Kauna ne| i ho- } oho ae ai me ka piha pahaohao loa. | "No ko'u manao ana aole oe e hoea 1 hou ae ana i ka hale o kuu mau makua," wahi a Aliee i pane mai ai, "nolaila, ua konoia au e hele kino mai ia nei nei i kou hale." Aole no hoi i pane aku lee Kauna ia wa, aka, kali iho la ia na Aliee no e hoakaka mai imua ona no ke kumu nui 0 kona hoea ana mai i kona hale. Mahope.iho o ka hala ana ae o kekahi mau sekona o ko Aliee hoomaha ana ia wa i pane hou mai ai oia, me ka leo kuoo: "Aole no i nele ke ala mai o na manao kuia noko o'u flo keia keehina hana a'u i hooko mai ia/ aka, ua kakoo ia mai la nae au mamuli o ko'u manao paulele ana, he kanaka oe i aahuia me na haawina o ke kulana keonimana oiaio." "Meroi, mademoiselle, (mahalo ia oe)" wahi a ua Kauna nei i pane aku ai. "E Berene," wahi a Aliee i hoomaka hou mai ai e kamailio imua o ke Kauna, "ke ole au e kuhihewa, aia maloko | o kau paa ana he mau palapala i lilo [ i mea e hoopilikia loa ia ai ka noonoo I o kekahi wahine, a he mea hoi ia nona e hana aku ai i kekahi keehina hana e poino ai kona ola, a i ole ia, o kona inoa maikai. No kela mau palapala ke kumu o ko'u hiki ana mai Ia imua ou. 1 hele mai la au e nonoi aku ia oe e haawi mai oe ia'u i kela mau palapala." Manao iho la ke Kauna i keia wa, ua hai aku paha kona mākuahine iaia i na mea apau i kamailio ia mawaena ona me ia i ke ahiahi ana i hoea aku ai i Mareceli Hale. A ike iho la ia

iloko oia wa, ina ua hana io ia ia hana e ka BaroAa wahine, alaila, e poho ana kona manaolana, nolaila, ninau mai la oia ia Aliee: "Alaila, ua hoike aku ka paha kou makuahine ia oe i na mea apau?" "Aole loa kuu makuaiine i hai mai ia'u i kekahi mea, aka, mamuli o kona ehaeha i keia wa, elike me ka'u i ike ai maluna ona I keia mau la pokole wale no, ua manao iho la au ua loaa oia i kela kaumaha mamuli o kela mau palapala au e paa nei i keia wa." (Aole i pau.)

E hoola koke ia ana ka wela ahi a wai wela paha ma ka hamo ana i ka Laau Hamo a Kamalena. E lioola ana ia, i na wahi i poino me ka hikiwawe mamua o na laau e ae, a ke ole ka paa wela ikaika, e ola ana no me ka loaa oie he wahi alina. E kuaiia ana e na poe kuai.laau apau. O Benson, Smlth & Co., na Agena no ko Hawaii Pae Aina.