Ka Nupepa Kuokoa, Volume XXXVII, Number 40, 7 October 1898 — PAUAKA NA KOA AMERIKA. KUKALAIA KE KANAWAI-KOA. [ARTICLE]

PAUAKA NA KOA AMERIKA.

KUKALAIA KE KANAWAI-KOA.

Ma ka hora 11 a oi o ka po Poakahi nei, a ao ae Poalua, ua hoopuiwa loa ia kekahi poe o Honolulu nei e hele holoholo ana, a e naneaa ana nohoi ma ka huina o na Alauui Papu ame Hotele, mamuli o ka puka ana mai o kekahi mau aliikoa Amerika mai loko mai o kekahi hotele inu rama ma ia wahi kokoke iho, a kukala ae la ua paholaia ke Kanawai koa ma Alanui Papu. He keia mau aliikoa, no laua na inoa o Meriama ame Wheeloek. 0 ka mua he Lutanela Elua, a o ka lua he Lutanela Ekalii no na koa Nu loka. Ua haawi ae la keia mau mea i ke kauohā -no ka hookapuia ana o ke alanui, a ua hookoia aku keia kauoha e kekahi poe koa maluna o na iio. O Wheeloek keia. ua uhai loloa aku la ia 1 kekahi poe luina moku a hoea i kai 0 ka uwapo. Ua pau na kanaka e hele ana ma ke alanui i ka holo pioo ma o a maanei mamuli o na hana a keia mau aliikoa, ame na'' kanaka amlalo o laua. Ua oleio maoli ae o Meriama, ua loaa iaia keia kauoha mai a Kenerala King mai, aka, ua hoole nae ua Kenerala la iā mea. I ka lohe ana o Kenerala Ring 1 keia haunaele, ua hoouna mai la ia ia Kapena Saxton, mai ka Hotele Hawaii mai, e kii mai ia Meriama ame Wheeloek. Ua h.alawai iho la o Kapena Saxton me na mea i hoounaia mai ai oia e kii mai, a hoike aku la ia laua i na kauoha i loaa mai iaia mai ke Kenerala mai. Mahope iho o ka pau o ka haunaele, no ka manawa paha o lv>ra a oi, hoea aku la o Kapena Robert P. Waipa malaila, maluna o ka,lio, a haawi aku la i ke kauoha, e hopuia no keia ame keia mea e hoohaunaeie ana. O kahi mea haohao loa, i hea la na maka'i ku huina ia wa? Heaha la ka mea i hoike oleaku ai keia poe makai i „ka lohe i ka halewai ma ka wa pono?