Ka Nupepa Kuokoa, Volume XXXVII, Number 43, 28 October 1898 — NA LETA. [ARTICLE]

NA LETA.

AOLE NA'U KA OLELO NAMU PA'I KALO. E ke Kuokoa, aloha oe:—Ma na helu mamua aku nei, i hoolaha ia mai ai ke kokua kumu elua o Wananalua nei, ke hele laula nei na lono oiaio ole, e hauhili mai ana maluna o'u na'u ua hoolaha la. A ua opu ino au i ke kumu poo o Wananalua nei, no ka pau loa ka o na hana ia lakou. E ke Kuokoa e, aole iloko p ka umauma o J. K. losepa ia manao, aole i hawawa ko'u mau lima, e holoi ae au i ko'u mau lima a maemae, a aole nohoi au he a manao ino i na poe e noho ana iluna o na oihana aupuni mai ka makahiki 1878 mai a hiki i kiiu hele ana i ka Ahaolelo o ka M. H. 1892. He kanaka au e kakoo ana i na luna aupuni oia wa i hala, ma na wahi apa'u a'u e hele ai ke ninau ia mai au, he hooia ka'u ma ia wahi. 0 ke kumu poo, ame leona kaikaina i hoonoho ia mai la i kumu, he mau keiki hanau like makou no ka makani kailialoha,

mai ka i-a a ka makani i\lawe mai he ! malolo. A i ka i-a paa mai i ka ohu 0 uka he opae. Iloko o Okatoba 1, M. H. 1893, ua hoonolho ia mai i Hope Makai Nui no Hana nei, a ua hoonoho koke ae au ia Jonah Kaiwiaea he wiliki 110 ka halepaahao he $25.00 no ka manina, a no ka nui o na poe hoopii 1 ka Makai Nui o Maui nei, e h<iopau iaia a ua hoopau ia, ua hooikaika au ma na ano apau, aole e bski. Aole o'u makemake e pane i keia mau olelo ano ole, aka, ua ike au ke hele nei leekahi poe e kamailio hewa aku i kela ame keia poe, naa'u keia mau hana, a. ua manao no au e hele pololei aku imua 0 ka pbe nana e pekapeka hewa n®i 1 ko'u inoa aole na'u i hana ia hana, aka, noonoo koke au aole ia he mea e pau ai o.kana maru hana pekapeka, a eia ka mea e pau ai e hoolaha ae au, i ike na makamaka holookoa o Hana nei aole au i komo iloko oia hana. Ke kuhikuhi nei kekahi poe na ka'u keiki, oia ka'u i hoole aku ai i kekahi mea i hele mai imua o'u e niuau ai, aole au i ike, ina ua hana oia, ua hana aku oia me ko'u ike ole. Ina ua hana io oia pela, aole ia he mea e owili pu ia aku ai au iloko oia hana me ko'ii ike ole. Nolaila, e na makamaka, na hoaloha, na kupa aloalo Ua Kea o Hana, ina e hele hou aku ua poe pekapeka nei, e kuhikuhi ana na'u ia mau hana, pani mai oukou i ka waha i ka welu, a. i ole, kipaku mai, oiai, ua ike oukou i kuu manao akea. No B. Kaiwiaea, ua olelo ae ka poe pekapeka, he enemi au iaia. Aole pololei kela olelo hakuepa, he olelo oiaio a pololei ka'u "e hoike nei. He elua makahiki i koe puka mai o B. K. Kaiwiaea mai Lahainaluna mai. nonoi mua au ia D. D. Baldwin, kahu kula nui oia au, e hoi mai oia no Hana nei i kumukula, uaae ia mai ka'u nonoi, a hiki i Sepatemaba 1, 1881, hoi mai oia i kumu a hiki i keia la. Aole loa i loaa iloko o'u he manao elike me na hakuepa e hoolaha nei he enemi au i na kumu o Wananalua nei. Ua hauoli au i ka hoonoho ia ana mai la oia keiki hanau o ko makou āina. Me keia mau manao, ke hooki nei au. Me ke aloha i ka Lunahooponopono. J. K. lOSEPA. Hana, Maui, Okatoba 12, 1898. [E ka makamaka, ke hoolaha nei makou i kau palapa, a ua hewa ole no oe. L. H.]