Ka Nupepa Kuokoa, Volume XXXVII, Number 43, 28 October 1898 — PANE IA F. K. S. MANOOKALANIPO. [ARTICLE]

PANE IA F. K. S. MANOOKALANIPO.

E kuu Nupepa Kuokoa. Aloha oe:—Ua kiei mai nei ke poo o F. K. S. M. ma na weleīau o na pali hauliuli o Koolauloa nei me kana wahi pu popopo i hoopiha ia rae ka poka hua laiki lai a ka manu, manao, 0 ka. ikaika ia e lanakiia ai maluna o kona enemi. AoJe nae pela. A i ko'u lena pono ana, eia ka ua ku i ke pana a Pikoiakaalala, e nui ana ka waha 1 ka ue kuwo, e hookolo ana 1 ka nui manu o lakou. B ka niakamaka, aole oe e lanakila o ka laiki ai a ka manu ka poka e ku ai i ke kahua kaua. O kau mau kumu i eha ai, au i hoike mai nei ma ka Nupepa Ka Loea Kalaiaina, Okatoba 8, .1898: 1. 0 kuu kapa ana aku he hupo ke kanaka a lunahooponopono nupepa e kuahaua ana mai ka Akau a ka Hema, ka Hikina a ke Komohana, ka paa i luna, ka paa i lalo, ka hookui a ka haiawai e akena ana, wahahee ana, me ka epa maopopo imua o ka lahui Roiaiiti e hiki ana ke hoala hou ia ka lakou hoopii, e hoi hou ana ka Moiwahine ma ka noho alii, a peia aku.' 2. 0 kuu olelo ana aoie ke Akua me na Roialiti, a peia aku. E ka makamaka, o ka oiaio maoli no ia. Aoie e hoi hou ka Moiwahine o kaua ma ka noho aiii, aoie e ae ke A } kua, aoie Kona mau alii anela, aole na anela e hoopuni ana i kona noho alii, aole nohoi na aneia o ka malamaiama, ua hoopau ioa ia, ua hala ka nani, eiike me ko Satana hiki oie ke hui pu me kona kino lani i ka la mahope, pela no -e hiki oie ai ka pohaku i haule iloko o kahawai ke pii aku, a no ka mea hoi, ua puni ko kakou Moiwahine i ke alakai ia e na elemakule 0 na Hui Aloha Aina ame Kalaiaina, e hoopau i ke Kumukanawai. B ka makamaka, e nana pono iho oe 1 ka Olelo Hoohoio Hoohui Aina a Lunamakaainana Newland i hooholoia e ka haie o na Lunamakaainana ma ka la 15 o lulai aku n'ei, o ke kani ana ia o ka moa kuakahi. A i hooholoia e ka Aha Senate ma ka la 6 o Augate, o ka hone ana ia o ka moa kualua, a ma ka Ia 7 mai i kakau inoa ai o Peresidena Makinile, o ke kani aiia ia o ka moa kuakolu, a ma ka ]a 12 o Augate i iho ai ka Hae Hawaii, a pii ai ka Hae Hoku o ka Aeto ma Aliiolani Hale, o ka iele ana mai ia o na moa mai ka haka mai. A i na Komisina i holo nftii nei e hooponopono i na kanawai kue o Hawaii nei i ko Amerika, na pualikoa e kiai mai nei; o ka hiki ana ia o ka la i ke awakea. Nolaila, i ka huli pono ana i ke alanui a ka Moiwahine e pii ai a noho ma ka noho alii, aole no he alanui. Ke i mai nei oe, he hoohwHLina hapa E ka makamaka, e hoomanao oe'i ka pane a na Komisina i ka ninau a W. B. Keanu o Wailuku. Bia ka Cullom, "Aole loa e hoopulapula hou ia'ku ka noonoo ia ana iloko o oukou o ka hoohui ia ana aku o keia mau mokupuni me Amerika Huipuia no ka manawa wale no ia, elike me ke

ku mau ana o ke aupuni huiia o AmeHka nona ka lahui kanaka i hiki aku i ke kanahiku-kumamalima miiiona pela no ka lolhl o ka noho ana o ko Hawaii Pae Aina i hapa no Amei ika Huipuia," Eia hoi ka Mr. Hitt, "Ua hooi loa ia'ku ko'u hauoli i keia wa i ko ka wa i hala ae nei mamuli o ko'u ame oukou he mau hoa makaainana no ka aiua pookela a kilakila nohoi. a o kakou pu ana auanei na poe kup.i (citizenB) no ua aina la ame ka kakou mau pua mahope no na hanauna he haneri." Pela nohoi o Mr. Frear i kakoo mai ai i nei hoohui aina. E ka makamaka. aole keia hoohui aina he hapa wule no elike me kou, a e oukou e kuhilu'wa loa nei. E kuu makamaka, aole io no ke Akua me oukou, he elima a oi makahiki o 1 ka olepe ia ana o na Memorlala a na Roialiti ame makou ka poe hoohui aina i na hale ahaolelo o Amerika Huipuia, ua hookaawale oukou i mati la haipule, me ka hookeai pu. a pela no hoi makou, ua kukulu kekahi poe o oukou i ka lauoho ame ka uminmi a pa i ke kikala ame na kuii. a o makou hoi aole, he mau moeuhane, he hihio ame na aka-ku ka oukou i hoolaha ma j na nupepa Roialiti, a ua wanana mai ko oukou mau kauia no ko ke Akua hoike mai i ka hoi o ka Molwahlne. O ka hopena i ike ia, aole ke Akua i hoolohe i ka oukou pule; ua hoolohe i ka na keiki a na Mikanele ame ka poe kakoo i ka hoohui aina. Owai la kau Akua i puie ai, o Baala anei? Ae oia maoli no. Ina ua pule oukou ia lehova, o ka wai pule ka oukou i kahea aku ai, o ka ka Parisaio anei, o ka ka lunaauhau paha? A i ole, o ka ka powa pule anei e noi aku ana i ka Haku ina o oe ke keiki a ke Akua e hoola oe ia oe iho ame maua pu. I ko'u manao, o ka pule a ka Pa- , rasaio ame ka powa ka oukou i Amene ai; v a o ka makou i ulono aku ai i na o ka ualo a ka lunaauhau ame ka lua o na powa i nol aku ai i ka Haku "A i komT> oe i kou Aupuni e hoomanao mai Oe ia'u." 4 E ka makamaka, i mki oe, e mihi ana au i ka wa e hoihoi ia mai ai ke Aupuni i ka Moiwahine me ke apono ana i ka Memoriala lalau a oukou. Heaha ko'u hewa e mihi ai? 0 ka hoike aku anei i ka oiaio. Aole e loaa hou ia kakouNke Aupuni Moi, he hoopailua loa o Amerika ia ano aupuni, o ko'u hewa anei ia? 0 ko'u hoike aku anei i ka lalau o ka oukou Memoriala i hoouna aku nei i Amerika, ka Memonala i popopo a i-i i hoolei ia mai nei iloko o na pahu opala, he hewa anei ia 'no'u e mihi ai? Aole, ao!e, aole loa no. He hupo loa ke kanaka e hoomau ana i kana hoopii i ka Lunakanawai nana i hoonele mua i kana leoi. Ua hoonele - mai o Amerika i ka onkou koi, hoopii hou aku no ka i Amerika. He ike ole a he hawawa loa ka | Lunakanawai e ae ana e lioolohe hou i ka hoopii ana i ahewa ai malalo o ka Palapala Hoopii mua. He hawawa a hupo loa o Amerika ke hoolohe hou i ka oukou hoopii mua, ana i hoole mai nei i ka oukou koi ma na la 6, 7, o Augate, 1898 nei. E ka makamaka, ke hookuu nei au i keia kukui uwila o kou noonoo kuokoa e hoomalamalama i kahi au i pouli ai, ke olelo nei au, e ku non iho, mai hoopili me kji poe alakai hewa, o haule i ka lua hookahi. Na ke Akua Mana Loa e kokua ia o«» a lulu lima kaua iloko o ka lokahi ke hai mai oe i kou inoa. M. N. KOOLAULOA. Aekai o Laie, Okatoba 24, 1898. [Ke haawi aku nei no ke Kuokoa i ka mahalo ana ia oe e ka makamaka. 0 kena Koolau no au e noho mai la, oia kahi i noho ai o Keopulupulu, ke kaula ] nana ka olelo i kana keiki, "I nui ke j ahi a pa i ke kai, no J<e kai ka hoi o Aina." L. H.] |