Ka Nupepa Kuokoa, Volume XXXVII, Number 43, 28 October 1898 — Hamuku Brown no na Kaiaulu o Amerika. [ARTICLE]

Hamuku Brown no na Kaiaulu o Amerika.

Ua laulalia ae ka lono e holo aku ana ka Ilamuku Brown o Hawaii nei no na kaiaulu o Amerika, ma kekahi huakai pili oihana. Ua manaoia he mea pono iaia ke hui aku me na luna Aupuni 0 loko o ka Oihana Makai ma Amerika 1 mea e hiki ai ke hōoholo pono ia kekahi mau lawelawe ana i na hana o ka oihana makai ma Hawaii ne,i a no ka hakilo pono loa ana nohoi kekahi i na hana ana a ko laila oihana makai. E haalele iho ana paha oia ia nei ma ka Ja 9 o keia mahina ae, a ma ka malama o Dekemaba ae nei e huli hoi mai ai oia no Hawaii nei. E ukali pu aku ana o Mrs. Brown iaia ma keia huakai. Ma kona wa e kaawale aku ai, e lawelaweia iha ana ka hana o kana oihana e Hope Ilamuku Hikikoki. Ke lana nei ko makou manao e holopono ana no kana> huakai me ka maikai a pae hou i ka aina nei.