Ka Nupepa Kuokoa, Volume XXXVII, Number 44, 4 November 1898 — Page 3
| This text was transcribed by: | Ursula Chappell |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Hui Alahao me Aina o Oahu
MAI A MAHOPE AKU O IUNE 13, 1898
(picture of train)
Manawa Holo
WAHI HOOLULU,
(Mai Honolulu aku,)
A.M. A.M. P.M. P.M.
Honolulu ..... 7:10 9:15 3:10 5:10
Manana..... 8:07 9:48 3:43 5:50
Wili o Ewa... 8:37 10:08 4:08 6:10
Waaianae...... 9:27 10:53 4:43 .....
Waialua........ ..... 12:00 5:38 .....
WAHI HOOLULU.
(Mai waho mai a i Honolulu)
A.M. A.M. A.M. P.M. P.M.
Waialua........ ..... 6:12 ..... 2:39 .....
Waaianae...... ..... 7:12 10:09 3:55 .....
Wili o Ewa... 5:50 7:47 10:59 4:32 12:45
Manana..... 6:15 8:07 11:34 4:52 1:10
Honolulu ..... 6:50 8:40 12:15 5:26 1:45
G.P. DENISON,
Luna F.C.SMITH,
Luna Kuai Palapala Holo
NO HOU HAWAII
_____
E nana ae i na mea hou pili Ekalesia malalo o ke poo “Na Ekalesia.”
_____
E nana ae na makamaka i kekahi mau palapala i loaa mai ia makou, i loaa mai kekahi poe hoaloha mai.
_____
Ke mahuahua loa mai nei na kauoha no ka buke Ao Piliolelo Enelani e makaukau nei e paiia aku.
_____
Ke kali nei makou o ka hoea mai o na la waena o ka malama ae nei o Dekemaba.
_____
E nana ae i ka makou mau hoolaha e puka aku nei ma ko makou pepa o keia la.
_____
Ua hoopaneeia na moolelo “Ke Aloha o Kuu Makuahine” ame “Ka Liona o ka Akau” a keia pule ae.
_____
Ua lilo ia Mr. C. B. Dwight (Kale Kuaita) ka aelike no ka hana ana i ke Nuuanu, no ka huina paha o $ 29,975.
_____
Ma ka holo ana aku nei a ka mokupeia R.P. Rithet no Kapalakiko ma ka Poakahi nei i hala aku ai o John Ena ame kana wahine no ka hoomaha a hooluolu ana ma na aina e.
_____
Eia o Mr. Cross, kela haole Eneginia Uwila o na koa Amerika, ke nana nei i na mea paahana uwila o ke Aupuni. Ua kohoia oia e ke Aupuni e lawelawe ia hana.
_____
Ke manao nei kekahi poe o Honolulu nei e haawi i aha hookipa hoohanohano no “Kuini” Rosa o Kansas, i hoea mai nei i Honolulu nei.
_____
He la kulaia no na Iapana ka Poaha nei. Ohuohu lua na hale oia poe i na lau nahelehele ame na hae lahui o lakou.
_____
He hupo ke ae aku e loohia oi ka ehaeha mai kela ma’i weliweli mai i ka wa po, oia ka uha-hemo maneo. E ola hikiwawe a mau loa nohoi. Maloko o kela ame keia hale kawili laau. *
_____
O na Loio makaukau loa i ikeia e ke Kuokoa, oia o W.R. Kakela, Lyle A. Dickey ame W.C. Achi. E nana ae i ka lakou mau olelo hoolaha ma ke kolamu 1, aoao mua o ka pepa o keia la.
_____
He hoolaha hooko moraki ka F. W. Macfarlane, no ka aina o Aliiloa (w) o Honolulu nei, ma ko makou pepa o keia la. E nana ae malolo o ke poo “Hoolaha Hooko Moraki.”
_____
Ke kahea nei na Luna Hooko Kauoha o ka Palapala Kauoha a J. K. Smith i make, i ka poe i pili ia waiwai. E noho ana ka Aha ma Lihue, aKuai, ma ka Poakolu, Novemaba 30, hora 10 kakahiaka, E makaala ae.
_____
E nana ae i ka hoolaha ka Hui Kuai Pipi pookela loa o Honolulu nei, oia, ka hui Metropolitan Meat Company e ku nei ma ke Alanui Moi, kokoke i ke Alanui Betela.
_____
Aole e hoopuka hou ia aku ana ke Ao Piliolelo Enelani ma na kolamu o keia pepa, oiai e pai buke ia aku ana ia elike me ka mea i hoikeia ma ko makou helu o ka pule i hala aku nei.
E hoi aku ana o W.J.Lowrie, luna nui o ka mahiko o Ewa, i ka mahiko o ke Kula-o-ka-Maomao, a o George F. Renton, luna nui i keia wa o ka Hui o Kohala ke pani aku ana ma kona wahi.
_____
E hoea mai ana no Honolulu nei ma keia mua kokoke iho he mau moku lawe koa mai Amerika ma, oia ka Inidiana ame ka Ohio, a hala ka aku no Manila.
Eia ma ko makou pepa o keia la ka olelo hoolaha loio a Mr. W.C. Achi. E hoea mai ana oia no Honolulu nei mai Kapalakiko mai, i keia Poakolu ae, Nov 9, ke ole e nui na hana e kaohi hou aku ana iaia no na kaiau@u o Kaleponi.
_____
O kanui o na poe i make no ka ma’i fiva taifoida ma ka makahiki 1894, he 4; 1895, he 8; 1896, he 9; 1897, he 12; a mai Ianuari mai a Sepetemaba o keia makahiki (1898) he 35. O keia na heluna i hoomaopopoia e ka Papa Ola.
_____
Ua wawa wale ia ae ma Hilo ma kela pule aku nei e haalele aku ana o Makaikai Nui Anaru o Hawaii ia oihana, a e lilo aku ana ia i Luna Nui no na Hale Kaa o ka Hotele o ka Luao-Pele.
_____
E hoomanao na mea apau ma ko Hawaii Pae Aina e ikeaia ana ka oni kupaianaha o na mea kino lani ma ka po o ka la 12 a 13 paha o keia mahina o Novemaba nei. E lele pi@o ana na hoku – e holo-ke ana lakou ma na paia o ka lani. KILO.
_____
Ma ke ku ana mai a ka mokuahi Mauna Loa i kela Poalima aku nei, i huli hoi mai ai o Peresidena Dole mai Hawaii mahope iho o ka hala ana o kekahi wa pokole o ka hoomaha ana ma ia mokupuni.
_____
Ma ke ku ana mai o ka mokuahi Australia i ka Poaono e kela pule aku nei i hoea mai ai he poe haole maoli no ke kanu ko ana ma ka mahele ma ka Hui Mahiko ae nei o Ewa. He ekolu poe kane me ka lakou poe wahine no.
_____
Ma ka halawai ana a ka Aha Kuhina ma ke kakahiaka o kela Poaha aku nei, ua hooholoia iho la he mea pono ke hokomo ia mai iloko nei a ka aina iloko o eono mahina mai keia wa aku i 6,000 poe limahana Iapana.
____________
Ka Waihona o ka Naauao.
_____
HE HOAKAKA NO KA OLELO BERITANIA.
A
Abjure (Latina, Abjurare, e hoole mamuli o ka hoohiki ana. Loaa keia huaolelo noloko mai o ab ame jurare, e hoohiki; jus, he pololei, he pono, he kanawai; Farani, abjurer; Sepania, abjurar; Italia abjurare). E hoole io, e hoole me ka hoohiki e haalele, e kipaku. Emerson). E haalele ma ka hoohikiia. (Hitchcock.)
1. E haalele mamuli o ka hoohiki ana. To abjure allegiance to a prince e haalele i ka noho malu ana malolo o ke alii mamuli o ka hoohiki. 2. E haalele i ka hewa, a ao hewa ana paha ma ke ano pili hoomana. E nana Abjuration.
Abjure. Ka haalele ana i ka aina malolo o ka hoohiki.
Abjurer, a mea e hoole ia ana. (Emerson.) Ka mea e haalele ana mamuli o ka hoohiki.
Ablactation. (Latina, Ablactatio). 1. Ka ukuhiia ana o ke keiki ai-waiu, ka hookiia ana o ka ai ana o ke keiki i ka waiu o ka makuahine: he pale waiu; elike ma ka hoopau ana a hookiia ana o ka ai ana o ka pipi keiki i ka waiu o ka makuahine.
2. Oihana Hooulu Laau. Oia ka inoa o ke kakiwi ana i ka lala laau i loaa ai he kawowo hou; he kapio ana i ka iaau keiki a pili ae i ke kumu makua.
Ablaqueate. e hoowaiho wale ae, elike me na aa o ka laau.
Ablaqueation. (Latina, ablacquetio.)Mailoko mai o Ablaqueare, oia ka paeli a ulaa ana ae i ka @epo a puni ke kumu o ka laau. Ka waiho wale ana i na aa o na kumulaau i loaa ai i ka ea ame ka wai.
Ablation. (Latina, ablatio, mailoko mai o ab ame latio, e lawe ana). 1.Ka lawe ana, ka ahai ana aku i kahi e. 2. (Oihana Lapaau). Ka hema ana o ka lepo mai ka opu aku; ka nahu ana.
Ablative. (Latina, Ablativus; Farani, ablatif; Italia me Sepania, ablativo. E nana nohoi ia Ablation. (Ao Piliolelo.) Ma ke ao Piliolelo Latina, Helene, farani, a ma ka hapa nui no o na olelo o Europa, he inoa keia no kekahi aui o ka olelo, a oia ka mea i kapaia e Anaru (L. Andrews) ma kana Piliolelo Hawaii, he Aui Paewa. Penei : E lawe i ka huaolelo Hale, a e Kau Aui iho, e loaa ana, Auikumu (Nominative case) ka hale, Aui pili me Aui iki (Genetive case) o ka hale, a ka hale, ko ka hale, ka ka hale; Aui Paewa (Dative Case) no ka hale, na ka hale; Aui Alo (Accusative, i kapaia no hoi Objective Case, i ka hale. Aole i pau na aui ma keia hoike ana.
(Aole i pau.)
(Aole e puka hou aku ana.)
HE WAHI HUNAHUNA MEA HOU.
_____
I Laweia noloko mai o kekahi Nupepa ma Hornellsville.
He kanaka mekanika maikai, hoopono a hana ikaika ia. Ina paha ia e kapili kapuai hao ana ia ka lio, a like ka iliwai like me ka nenee a ka honu moe lepo, e hana ana hoi i kaulahao na kekahi mea paahana o ka ili honua, a e hana ana paha i mea hanamaikai. O ua kanaka ia oia no o Mr. E.J. Cranmer, AMara no Helu 3 Alanui Spruce, Hornellsville, N.Y., a e hana ana nohoi ia i kana hana ma keano ku i ka mahaloia. Ua loaa aku ia i ko makou mea kakau e kapili kamaahao ana i kekahi lio o loko o ka hale hana. I kela ame keia wa ana e hoo kuu iho ai i kekahi wawae ilalo a hoopololei ae la i kona no e kookoo ae anaia i kona lima ma kona kikala a ma kona puhaka, me ka luliluli ana ae hoi o kona poo, oiai ua eha a ua hu’i ae la kona kua, a oia ano eha hookahi no kai loaa i ka hapa nui loa o na poe amara o ko kakou Repubalika nei. Ua pane ma ia aku la hoi ko makou mea kakau, “Nokeaha kou mea e ai ole ai i na Hu@ le a Doan no ke Kikala Hanene ame na Puupaa?” Pane mai la o Mr Cramer, “Ua ike au i na olelo hoolaha lehu ehu loa e pili ana i kela laau maloko o ko kakou mau nupepa kuloko nei, aka, ua manao au ua like no ia me na laau i hana maoliia iho a’u nohoi i hoao ai.” “E hoao oe a e nana nohoi,” wahi a ko makou agena i pane aku ai,, @na e loaa ole ia oe kau wahi pono ma o ia mau huaale la, alaila, aole no ia he mea nou e poino ai.” He ekolu mau pule mahope mai, ua hele hou ia a’u la o Mr. Cranmer e ike no ka lua o ka manawa, a haawi mai la ia i keia mau olelo hoakak mahope ae nei no ka hoolaha ana:
“Elike nohoi me kekahi poe lehulehu e ae, ua nui ko’u pi ikia no ka eha o kuu mau puupaa no kekahi wa loihi loa, a ua lehulehu nohoi na laau lapaau a’u i hoohana ai, a o ka mahuahua wale mai no o ka ma’i oia ka’u mea i ike, a oi loa mai la ka ikaika i kela ame keia wa. Ike iho la au i na olelo hoolaha maloko o ko kakou mau nupepa no na Hupaale a Doan no ke Kikala Hanene ame ka Puupaa, eia nae, aohe o’u manaoio ia mau huaale, oiai ua lehulehu loa ko’u wa i hoo punipuniia ai. Ua konoia nae au e kekahi malihini o ke kipa ana mai iloko o kuu hale amara e hoao au e ai i na Huaale a Doan ne ke Kikala Hanene ame ka Puupaa. Nolaila, ua kuai aku la au i hookahi poho ma ke ano hoomahuakala no me ka manao ole e loaa mai ana he wahi pono. Eia nae, aole i kana mai ko’u haohao, i ka mua ame ka lua o ko’u ai ana i ua mau huaale la, o ka emi mai la no ia o ka eha o kuu kua, a emi mai la no a o ka hope ua nalowale loa aku la. Ua hauoli loa au i ka hoomaikeike ana aku i kekahi laau lapaau i loaa ai ia’u ka palekana i ka wa pokole loa, imua o ka poe apau i loohia i ka ma’i o ka puupaa.”
E kuaiia ana na Huaale a Doan no ke Kikala Hanene me Puupaa, no 50 keneta no ke poho, a i ole, he 6 poho no $ 2.50 e na poe kuai laau apau, a i ole, e hoounaia aku no ma ka eke leta i kela ame keia mea, ke loaa mai ke kumukuai, e Hollister Drug Co., Honolulu. O lakou na Agena ma Hawaii nei. (E palapala ma keia inoa, Doan’s Backache Kidney Pills).
_______________
Kaiehuia na Poe o ko na Aina
E i hoohuoiia ke ano o ko lakou noho ana Maanei.
_____
He mau pule lehulehu wale i hala ae nei i hope i hoea nui mai ai iloko o ka aina he heluna loa o na kane ame na wahine mai Kapalakiko mai a ua hoohuoiia hoi ke ano o ko lakou ano o ke ola ana maanei. A ma kekahi mau hebedoma kakaikahi i hala iho la, ua eleu ae la ka oihana makai o Honolulu nei ma ka hoihoi hou ana aku ia lakou no kahi a lakou i hele mai ai. He lehulehu hoi o keia poe i oleloia aku e ka oihana makai he mea pono ke loaa ia lakou he hana kupono e loaa ai ko lakou ola, a ina aole pela, alaila, e auamo ana no lakou i na koikoi o na hopena o ka lakou mau hana ha’iha’i kanawai ke ikeia lakou e hana ana pela.
__________________
KA LAAU HOOPIPILI MAIKAI LOA.
_____
O kahi apana lole huluhulu i hooma-uia iloko o ka KAMALENA LAAU HAMO (Pain Balm) a wahi ae ma na wahi i eha, ua oi aku ia i na laau hamo e laau hoopili e ae. Ina e eha mai ka umauma, ka aoao, a ano hanene mai ke kua, e hoao i keia laau. E oi aku ana kou hauoli no keia laau mamuli o ka loaa ana iaoe he ola hikiwawe. O kela laou “Pain Balm” (Laau Hamo) he laau hoola nohoi ia no ka rumatika (ke anu ame ka hu’i o na a-mi o ke kino). E kuaiia ana e na poe kuai laau apau. Benson Smith & Co., na Agena no ko Hawaii Pae Aina. *
____________________________________________________________________________
Hoolaha Hooko Moraki
HE HOOLAHA NO KA HOOKO MORAKI
_____
Ke hoola’haia aku nei ma keia, i kulike ai me kekahi mana kuai maloko o kekahi palapala moraki i hanaia Sepatemaba 10, 1880, e @iiloa (w) o Honolulu, ma ka Mokupuni o Oahu, ia Henry Macfarlane oia wahi ho@kahi no i kopeia ma ka Buke 66 ma ka aoao 318, a mahope aku a i hooli o ia aku e ua o Henry Macfarlane ia F.W. Macfarlane ma ka la 30 o Maraki, 1896, a oia ka mea e paa nei a ona hoi o ka Nota Aie ame ua Moraki ‘la, a no ka uhakiia ana o na kumu hoopaa maloko o ua Palapala Moraki la, oia hoi, ka uku ole ia ana o ke kumupaa ame ka uku-panee i hoopaaia malaila, a e kuaiia aku no ma ke Kudala Akea, na aina apau—pakahi a hui@a-- na pono ame na mea apau i pili i ua mau aina ‘la i hoikeia maloko o ua palapala moraki la, no ka uhakiia ana o na kumu hoopaa i hoikeia maluna ae nei.
A ke hoolahaia aku nei hoi ma keia, ma ka Poakahi, la 12 o Dekemaba, 1898, ma hora 12 m. (awakea) o ua la ‘la, e kuai kudalaia aku ai maloko o ke Keena Kudala o Jas. F. Morgan, Luna Kudala, ma Honolulu, Mokupuni o Oahu, kela ame keia waiwai apau i hoikeia maloko o ua palapala moraki ‘la a i hoakakaia hoi, no ka uhakiia an o na kumu hoopaa maloko o ua moraki la.
Hanaia, Honolulu, Novemaba 1, 1898.
F.W. MACFARLANE.
Waihona (Assignee) o H. Macfarlane,
ka Mea Moraki mai, i hoikeia maloko o ua Moraki la.
_____
Eia iho no ka waiwai paa i hoikeia maloko o ua palapala moraki la :
O kela apana aina pau e waiho la ma Kamoiliili, Waikiki, Honolulu, Oahu, he lihi hoi no ka Palapa a Sila Nui – Kuleana 1274 ia Huliloa, a maloko o laila he poe loi kalo ame aina kula.
E hoomaka ana ma ke kihi Hema o keia aina a e holo ana
Ak. 37.00 Hik. 150 kauai ma Aea;
Ak. 34.00 Hik. 98 kauai a’e ma kela aoao o ke alanui a ma ka Ap 2 ia Kaakau;
Ak. 8.00 Hik. 89 kapuai ma ko Kaakau;
Ak. 61.00 Kom. 251 kapuai ma ko Kauhola aina;
Hem. 4200 Kom. 244 kapuai ma Ap.1 ia Kaakau;
Hem. 5000 Hik. 198 kapuai a’e ma kela aoao o ke alanui, a holo ma a pa pohaku a hiki i ke
kahawa (stream);
Hem. 43.30 Hik. 120 kapuai ma ke kuauna a hoea i kahi i h om @ a a, a maloko o laila he Ili o
187 Eka.
No na mea aku i koe e @inau ia Cecil Brown (Kikila), Loio n aka Waihona (Assignee) o ka Moraki.
2727-57
__________________________________________________________________
HOOLAHA MANAO HOOKO MORAKI
A KUAI AKU A KA MEA PAA MORAKI
______________
I kulike ai me ka mana kuai ame Kekaui mau olelo a mau kumu ae@ike e ae i paa maloko o kekahi palapala moraki i hanaia Augate 1, A.D. 189@, mai a Dick Chew mai o Kapaa, Kauai, ia Kealia Store, ma o George H. Fairchild ia o Kealia, Kauai, ola hoi, ka Makee Sugar Company, he hui i hooh@ia a e lawelawe hana ana ma@alo o na kanawai o ko Hawaii Pae Aina, a ua kopeia ua moraki la maloko o ke Keena Kope Palapala ma Honolulu, Mokupuni o Oahu, maloko o ka Buke 180, ma na aoao 485 a hoea i ka 487.
Ke hoolahaia aku nei ma keia, ke makemake nei hoi ka mea paa moraki (Mortgagee) malolo o ua Moraki la, e hooko aku i ua moraki la, no ka uhaki ia ana o na kumu, oia hoi: ka uku ole ia ana o ka ukupanee ame ke kumupaa ma ka wa e hookaa ai.
Ke hoolahaia aku nei nohoi ma keia, e kuaiia aku ana na aina apau, na pono ame na mea apau maluna iho a e pili ana ia lakou, ame na waiwai apau i paa a i hoakakaia maloko o ua moraki nei, a i hoikeia nohoi mahope ae nei, ma ke kuai kudala akea ma ka Hale Hookolokolo ma Kapaa, Kauai, ma ka Poaono, ka la 5 o Nevmaba, A.D. 1898, ma ka hora 12 o ke awakea o ua la ‘la.
No na mea i koe e ninau ia Kinney & Ballou, na loio o ka mea nona ka inoa malolo iho nei.
Hanaia Honolulu, K. H. P. A., Okatoba 7, 1898.
THE KEALIA STORE,
Na George H. Fairchild o Kealia, Kauai, The Makee Sugar Company.
HOAKAKA O KA WAIWAI E KUAI
IA AKU ANA.
O kela aina apau ma Kapaa, Kauai, malalo o ka hoolimalima ma ka la mua o Augate, A.D. 1898, ia Tuck Chew Company, me ka wili raiki, ame na mikini ame na mea paahana i pili i ua wili raiki nei, ame na hale apau mamua iho o ua aina ‘la i hoolimalimaia aku, elike me ia i hoikeia ae nei, mai ka Makee Sugar Company mai, oia ka aina apau i paa ma kekahi hoolimalima i hanaia ma ka la mua o Iulai, A.D. 1894, mawaena o ka Makee Sugar Company, Kealia, Kauai, ma o kona Luna Nui la, o William Blaisdell, ame ka Tuck Chew Company o Kealia, Kauai, ma o kona Luna Nui la, Tuck Chew, a penei i hoikeia ai na palena maloko o ua palapala hoolimalima la:
Kela apana aina apau e waiho la ma Kealia, Kauai, maloko o laila aneane Kanaono-kumumalua (62) Eka, oi aku a emi mai paha, a i ikeia hoi, ka Aina Naku o Kapaa (Kapaa Swamp); 28 eka aina o ua kuleana hoolimalima la., i ikeia Mahele I, a he 34 eka o loko o laila i ikeia he Mahele II.
2724-4t
Hela ame Keia.
____________________________________________________________________________
HOOLAHA.
_____
Ke hoolahaia aku nei, ua hookohuia o Ed. Hoffman i Agena no ka ohi ana i na uku hoolimalima o ko’u mau aina ponoi iloko o ka Ahupuaa o Wailuku.
O na rikiki hookaa uku hoolimalima mai a mahope iho o keia la aohe mana ke ole i kakauia ka inoa o Ed. Hoffmann i oleloia.
CLAUS SPRECKELS.
Ma o kona Agena Wm. G. Irwin & Co. Kaupalenaia. 2725-3t
____________________________________________________________________________
HOOLAHA I KA POE AIE.
_____
Oiai, ua hookohuia mai ka me nona ka inoa malolo iho nei e ka Mea Hanohano A. Perry, Lunakanawai Mua o ka Aha Kaapuni o ka Apana Hookoloko Ekahi, i lunahooko no ka palapala kauoha a Nahinelua Keliipio (w) o Honolulu, Mokupuni o Oahu, i make ma keia ka haawiia aku nei ka l@he i ka poe apau i aieia aku ai e Nahine ua Keliipio (w) i oleloia, e waiho mai i ka lakou mau koi i hooiaio pono ia ame na palapala hooia kupono, ina e loaa ana, ina paha ua hoopaaia ua poe koi la ma ka moraki, aole paha, i ka me nona ka inoa malalo iho nei ma kona wahi hana, ma ka Makeke Kuai I’a, ma Alanui Alakea, ma Honolulu i oleloia, iloko o eono mahina mai ka la aku i puka mua ai keia hoolaha, a i ole ia, e hooie mau loa ia aku no lakou.
L.D. KELIIPIO,
Lunahooko o ka Palapala Kauoha a Nahinelua Keliipio.
Honolulu, Okatoba 19, 1898.
2725-5t
_____________________________________________________________________________
HOOLAHA
_____
Ma keia, ke hoolahaia aku nei, ua hookohuia na keonimana Enoch Johnson a me Patrice Silva e lawelawe i ko’u mau hana, a i oie, na hana o ka Hui o W.C. Achi & Co., oiai au e kaawale ana mai Ko Hawaii Pae Aina aku.
W.C. ACHI.
Oct. 12, 1898.
2724.1m
_____________________________________________________________________________
OLELO HOOLAHA NO KA MAKEMAKE E LAWE AINA.
_____
I ka poe apau e nana mai ana i keia:
E hoomaopopoia, ke makemake nei ka Hui Aiahao a Aina o Oahu, mamu i o ka mana i haawiia a hoonohonoho @a hoko ona e Kona Palapala Hoonui, e ke Kanawai i aponoia ma kai la 11 o Sepatemaba, A.D. 1888, i ka pa@a “He Kanawai e hoomana ana a e hoohoinoi ana i ke kukuiu aha i na Alanui Kaa Mahu ma ka Mokupuni o Oahu,” ame na mana e ae i @o@a iaia ma keia ano, e lawe a e hoohaua aku no ka pono o ke Alanui, Hao i hoomanala ai ia e kukulu aku, a no ka pono hoi o na hana e pili ana ia oihana, i na apana aina i hoakakaia penei:
E hoo maka ana ma kahi i komo aku ai ka laina waena i hoomoeia o ke Alanui Hao o Oahu, ame ka palena koniohana o ke Kuleana (Grant) 232 ma ka Apana o Waialua; alaila, holo aku ma ka laina waena e holo hikina ana 1320 kapuai maloko aku o ke Kuleana (Grant) 232 ia Naaihelu, e kuleanaia nei e Henry Waterhouse; 675 kapuai maloko aku o ke Kuleana (Grant) 246 i koi kuleana ia e Pea, Kahau, Kanewahine ame Henry Waterhouse; 8075 kapuai maloko aku’ o ke kuleana (Grant) 244 ia Pukai, o ke Kuleana (Grant) 232, Apana 1, Kuleana 228 ia Opunui, Kuleana (Grant) 243 ia Kila ame Hoonapuni, Kuleana (Grant) 458 ia W.H. Rice, Kuleana (Grant) 353 ia Nahoa ame kekahi poe e ae ame Kuleana (Grant) 338 ia Hikiau ame Kana, a maloko aku o ke Kuleana (Grant) 339 ia Huaailani ame kekahi poe e ae, i kuleanaia e Henry Waterhouse, 708 kapuai maloko aku o ke Kuleana (Grant) 333 ia Manana ame Mekulu i kuleanaia e Keawe, Kaiona ame Kaiaiulaula; 600 kapuai maloko aku o ke kuleana (Grant) 343 ia Kaluaohaena ame kekahi poe e ae, i kuleanaia e Kaiona, Napuakau, Maile ame Kaaemoku; 680 kapuai maloko aku o ke Kuleana (Grant) 279 ia Mahiahume ame kekahi poe e ae, i koi kuleanaia e W.R. Castle, Mokuhia, Kekuanoni, Nakeawalu ame Henry Waterhouse; 440 kapuai maloko aku o ke Kuleana (Grant) 260 ia Kaakau ame ke Kuleana (Grant) 259 ia Haule i kuleanaia e W.R. Castle ame Henry Waterhouse; 220 kapuai maloko aku o ke Kuleana (Grant) 258 ia Kane, i kuleanaia e W. R. Castle; 6335 kapuai maloko aku o na Kuleana (Grants) 240, 456, 459, 457, 241,457 me 270 i kuleanaia e Henry Waterhouse; 700 kapuai maloko aku o ke Kuleana (Grant) 1123 ia Poli ame kekahi poe e ae i kuleanaia e Kaaemoku ame Henry Waterhouse; 3650 kapuai maloko aku o na Kuleana (Grants) 231, 230, 233, 342 ame 273, i kuleanaia e Henry Waterhouse; 7940 kapuai maloko aku o na Kuleana (Grants) 340, 242, 502, 201, 341 ame 239, i kuleanaia e Joseph P. Mendoca a i hoolimalimaia aku i na Kahu Waiwai o ka Waiwai o James Gay; 1380 kapuai maloko aku o na Kuleana (Grants) 276 ame 281 i kuleanaia e Hilahila, i hoolimalimaia aku e Robert Halstead; 685 kapuai maloko aku o ke Kuleana (Grant) 268 ia Kaoo, i kuleanaia e Robert Halstead, 685 kapuai maloko aku o ke Kuleana (Grant) 267 i kuleanaia e Robert Halstead; 685 kapuai maloko aku o ke Kuleana (Grant) 235 ia Kuemanu i hoolimalimaia aku ia Robert Halstead; 685 kapuai maloko aku o ke Kuleana (Grant) 272 ia Kepahu i kuleanaia e D. Kawananakoa ame J. Kalanianaole i hoolimalimaia aku ia Robert Halstead; 685 kapuai maloko aku o ke Kuleana (Grant) 264 i kuleanaia e Robert Halstead; 685 kapuai maloko aku o ke Kuleana (Grant) 263 ia Ile, i kuleana hapa ia e Robert Halstead; 80 kapuai maloko aku o ke Kuleana (Grant) 262 ia Kapahu, i kuleanaia e Robert Halstead ame Kahanawali; ma ka hikina akau aku 990 kapuai maloko aku o ke Kuleana (Grant) 647 ia J.H. Smith, i kuleanaia e Helela, i hoomalimaia aku ia Edgar ame Frank Halstead; 240 kapuai maloko aku o ke Kuleana (Grant) 1976 ia Haalilio, Apana 3; 26,-200 kapuai maloko aku o ke Kuleana Alodio 7713, Apana 34, ame Apana33 e paaia nei e na Kahu Waiwai malolo o ka Palapala Kauoha a Bernice Pauahi Bishop, Apana 34, Paalaa i hoo limalimaia aku ia Amara ame kekahi poe e ae, ame Apana 33. Kawailoa, i hoolimalimaia aku ia M.P. Robinson ame B.F. Dillingham; maloko aku o ke Kuleana 8349. Ap. 2 ia Koha; maloko aku o ke Kuleana Alodio 2903 Ap. 3 ia Kaula; maloko o ke Kuleana Alodio 9917 ia lohe, i kuleanaia e Amara ma ka hikina akau aku 2000 kapuai maloko aku o Waimea e kuleanaia nei e James Campbell, Mrs. Julia A. Paty ame kekahi poe e ae, i hoolimalimaia aku i ka Hui Alanui Hao me Aina o Oahu; maloko aku o ke Kuleana (Grant) 33, Ap. 1, i ka Papa Hoonaauao; 21,000 kapuai maloko aku o Pupukea, Paumalu ame Waialua e kuleanaia nei e ke Aupuni Hawaii i hoolimalima ia i ka Hui Alanui Hao me Aina o Oahu; maloko aku o Pupukea, Kaunala, Pahipahialua, Opana, Kawela, Punalau, Kahuku ame Keana e kuleanaia nei e Jas. Campbell a i hoolimalimaia aku i ka Hui Alahao a AIna o Oahu; Kuleana Alodio 4369 ia Kaahamoa, i kuleanaia e Kulia Apana; Kuleana Alodio 3776 Ap. 1 ia Opunui, i kuleana ia e Maria Kahai; Kuleana Alodio 4381 Apana 1 ia Kalaiku, i kuleana ia e Louikai Apaa, - Kuleana Alodio 3777, Apana 1 ia Apaa; kuleanaia e Louiki Apaa; Kuleana Alodio 3950 ia Naonohiuli, i kuleanaia e Louiki Apaa; Kuleana Alodio 3808 Laipo, i kuleana ia hoi e Kulia Apana, Kuleana 275@ Ap. 2 ia Kahuaka; Kuleana 2721 ia Pahua; Kuleana 2728 ia Poonui; Kuleana 2179 ia Kelukui; Kuleana 2821 Ap. 2 ia Kanaoihuila; Kuleana 27666 Ap. 2 Naloloa i kuleanaia e Kinokii, e komo pu ana he laula o 40 kapuai, 20 kapuai ma kela ame kela aoao o ke kaha waena, ame na akea hou aku hoi e pono ai ka hana ana o ua Alanui Hao la.
OAHU RAILWAY AND LAND COMPANY.
Ma o S.C. Allen la, kona Peresidena.
Ame W.G. Ashley, kona Kakauolelo.
Honolulu, Okatoba 4, 1898.
2724-4t
Hoolaha Mana Hookiokoola.
AHA KAAPUNI, APANA HOOKOLOkolo Kaapuni Elima o ko Hawaii Pae Aina. Ma ka Hooponopono Waiwai a Hooko Kauoha. Ma ka Hana o ka Waiwai o J red K. Smith, o Koloa, Kauai, i make aku nei.
Ua waihoia mai ke Noi ame ka Moo Waiwai a na Lunahooko o ka Palapala Kauoha a ka mea i make i oleloia ae la, a malaiia lakou i nonoi mai ai e nanaia a e aponoia ka lakou Moo Waiwai, a e hoopukaia ona k@uoha hope no ka mahelehele an i ka waiwai e waiho nei maloko o ko lakou lima i ka poe i kuleana i ua waiwai la, a e hookuu ana ia lakou mai na koikoi mai apau o ka noho Lunahooko Kauoha ana :
Ua kauohaia, o ka Poakolu, la 30 o Novemaba, A.D. 1898, ma ka hora 10 a.m. (kakahiaa), imua o ka Lunakanawai o ua Aha ‘la. ma ke Keena Hookolokolo o ua Aha ‘la ma Lihue. Mokupuni o Kauai, oia ka manawa ame kahi e hoolohe ia ai ua Noi la ame ka Moo Waiwai, a ma ia wa a ma ia wahi e hele ae ai ka poe kuleana apau i kuleana ma ia hana a hoike mai i kumu, ina he kumu kekahi, nokeaha la e ae ole ia ai ke Noi, a e waiho pu mai hoi i mea hoike e hooia ai no ka mea i kuleana i ua waiwai la.
Lihue, Kauai, 26 Okatoba, 1898.
Na ka Aha :
R.W.T. PURVIS
2727-3t Kakaulelo.
AHA KAAPUNI O KA APANA HOOkolokolo Kaapuni Elua. Ma ke Keena. Ma ka hana o ka Waiwai o Henry Cooper, o Makawao, he keiki oo ole. Imua o Lunakanawai Jno. W. Kalua. Kauoha e hoolaha i ke Noi no ka hooponopono ana.
Ma ka heluheluia ana mai ame ka waihoia ana mai o ke Noi a Henry Cooper o makawao, Maui, e olelo ana, ua make kauoha ole o Henry Cooper o Makawao, Maui, ma Makawao, Maui, ma ka la 12 o Okatoba, A. D. 1898, me ka waiho ana iho he waiwai ma ko Hawaii Pae Aina nei kupono e hooponoponoia, a e nonoi ana e ho pukaia aku ka Palapala Lunahooponopono Waiwai i kekahi mea.
Ua kauohaia o ka Poakolu, la 23 o Novemaba, 1898, ma ka hora 10 A. M., oia ka manawa i hoonohoia no ka hoolohe ana i ua Palapala Noi la, ma ke Keena Hookolokolo o keia Aha ma Wailuku, Maui, a ma ia manawa a ma ia wahi e hele mai ai ka poe i kuleana ma ia hana a hoike mai i kumu, ina he kumu ka lakou, nokeaha ia e ae ole ia ai ua Noi la, a e hoolahaia aku hoi keia kauoha maloko o ke Kuokoa no ekolu pule ka’i-like.
Hanaia Wailuku, Maui, H.I. Okatoba 22, A. D. 1898.
Na ka Aha:
Ikeaia : JAS. N.K. KEOLA,
Kakauolelo o ka Aha Kaapuni o ka Apana Kaapuni Elua.
2726-3t
ILOKO O KA AHA KAAPUNI APANA
Hookolokolo Elua o ko Hawaii Pae Aina. Ma ka Hooponopono Waiwai. Ma ka hana o ka waiwai o S. D. Kapono o Keoneoio, Honuaula, Maui, ka mea i make kauoha ole.
No ka mea, ua waihoia mai e J. D. Keamo he palapala noi no ka hookohu Lunahooponopono Waiwai, no ka waiwai i oleloia, a e hoopukaia aku ia palapala iaia.
Nolaiia, ma keia, ke hoolahaia aku nei i ka poe apau i kuleana ma ua waiwai la o ka Poaha, la 10 o Novemaba, 1898, ma ka Hale Hookolokolo o Wailuku, Maui, hora 10 o ke kakahiaka., oia kahi a me ka manawa e hele mai ai lakou, a e hoike mai i na kumu. ina he kumu ka lakou e ae ole ia ai ke noi.
Wailuku, Oct. 5, 1898.
Na ka Aha :
A.F. TAVARES
2724-3t Kakauolelo
CURES
WHILE
YOU
SLEEP
Vapo-Cresolene,
MAMUILI o ka haawiia ana o ka laau CRESOLENE ma ka hanu ana. oia ke keehina hana palekana loa no ka lawelawe ana i na Ohe Makani o ka puu. He kamahao @auna ole ka holo pono o kana hoola ana i ke Kunu-Kalea ame ke Kunu Ho. He laau maikai loa ia no ke pale ana aku i na ma'i lele, a pela aku. E loaa no na buke hoakaka ue ke kumukuai ole. i huipu me na palapala hoomaikai. Kuaiia e na poe kuai laau a pau.
HOLLISTER DRUG CO.,
Honolulu, H I., Agents.