Ka Nupepa Kuokoa, Volume XXXVIII, Number 3, 20 January 1899 — Page 2
| This text was transcribed by: | Stacey Rook |
| This work is dedicated to: | For Samantha Alohilani Wopat, who is indeed shining brightly from the heavens |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
KUAHAUA KOHO BALOTA.
Oihana Kalaiaina.
Honolulu. Ianuari 9. 1899.
I kulike ai me ka Pauku 54 o ke Kumukanawai, ke hoolahaia aku nei ma keia, e malamaia ana he Koho Balota Kuikawa no ke Senatoa, no ka hoopiha ana i ka manawa i pau ole, a e pau ana nae ma ka Poakolu hope iloko o Sepetemaba, 1899, mamuli o ka waiho ana o H. W. Schmidt, ke Senatoa mai ka Apana Koho Senatoa Ekolu mai, ma ua Apana Koho Senatoa Ekolu la, Mokupuni o Oahu, mai ka hora 8 a.m. aku a ka hora 5 p.m. o ka Poalima, la 24 o Feberuari, 1899. E waihoia hoi me ka Kuhina Kalaiaina na inoa o na moho iloko o na la, aole emi malalo o ka umi, mamua ae o ka la koho.
Eia iho malalo nei na Mahele, na Wahi Koho ame na Luna Nana Koho Balota maloko o ka Apana Koho Senatoa Ekolu:
O kela hapa apau o ka Mokupuni o Oahu e moe ana ma ka Hikina ame ke Komohana o ke alanui o Nuuanu, ame ka laina e holo pololei ana mai ka Pali aku o Nuuanu a hiki i ka @e o Mokapu.
Mahele Ekahi--O kela hapa apau o ua Apana la i komo ai o Honolulu, a i ole ia, o Kona, a e moe ana ma ka Hikina o Alanui Punahou, ame ka laina e holo ana mailaila aku a mauka a makai.
Wahi Koho: Hale Hooulu Mea Kanu o ke Aupuni, hookui ana o na alanui Moi ame Waikiki.
Na Luna Nana:
Geo. Manson,
C. S. Crane,
Fritz Rowald.
Mahele Elua---O kela hapa apau o ua apana la i komo ai o Honolulu, a i ole ia, o Kona, a e moe ana mawaena o ka palena Komohana o ka Mahele Ekahi ame ka laina e holo ana penei: Mai kai loa mai o ke Alanui Hema, pii ma ke Alapai, a mai ke poo o Alanui Alapai a hiki i ka pahuhae ma kahi kahiko o na pu ki aloha ma Puowaina; mailaila aku ma ka lapa ma ka aoao hikina o ke awawa o Pauoa a hiki i ka piko o ka mauna.
Wahi Koho: Halekuia Alanui Beritania.
Na Luna Nana:
J. A. Magoon,
W. C. Wilder, Jr.
S. Decker.
Mahele Ekolu---O kela hapa apau o ua apana la i komo ai o Honolulu, a i ole ia, o Kona, a e moe ana mawaena o ka palena Komohana o ka Mahele Elua ame Alanui Nuuanu, a mauka o Alanui Kula ame ka laina e holo pololei ana mai ka huina o na Alanui Kula ame Puowaina a hiki i ka pahuhae ma kahi kahiko o na pu ki aloha ma Puowaina.
Wahi Koho: Ma ka hale i ke komo ana aku i ke kahua o ka luawai i kai nei, ma Alanui Nuuanu.
Na Luna Nana:
W. H. Hoogs,
J. D. Holt,
F. P. McIntyre.
Mahele Eha—O kela hapa apau o ua apana la i komo ai o Honolulu, a i ole ia, o Kona, a e kaupalenaia ana e na Mahele Elua ame Ekolu, na Alanui Beritania ame Nuuanu.
Wahi Koho: Halekula Alii.
Na Luna Nana:
James Nott, Jr.,
F. L. Hoogs,
W. M. Pomroy.
Mahele Elima—O kela hapa apau o ua apana la i komo ai o Honolulu, a i ole ia, o Kona, a e kaupalenaia ana e ka Mahele Elua, ke Alanui Bertania, Alanui Rikeke ame ke Awa.
Wahi Koho: Kapuaiwa Hale.
Na Luna Nana:
Alex Lyle,
P. H. Burnette,
D. Logan.
Mahele Eono—O kela hapa apau o ua apana la i komo ai o Honolulu, a i ole ia, o Kona, a e kaupalenaia ana e Alanui Rikeke, Alaui Bertania, Alanui Nuuanu ame ke Awa.
Wahi Koho: Hale Bele.
Na Luna Nana:
J. M. Sims,
W. L. Eaton,
P. D. Kellett, Jr.
Mahele Ehiku—O kela hapa apau o ua apana la i komo ai ka apana hookolokolo ame auhau o Koolaupoko, a e moe ana ma ka Hikina ame ka Hema o ka laina e holo ana mai ka Pali o Nuuanu a hiki i ka lae o Makapuu.
Wahi Koho: Halekula o Waimanalo.
Na Luna Nana:
.........................
.........................
.........................
O kela hapa apau o ka Mokopuni o Oahu e moe ana ma ke Komohana ame ka Akau o ke Alanui Nuuanu ame ka laina e holo ana mai ka Pali o Nuuanu a hiki i ka lae o Makapuu.
Mahele Ekahi—O kela hapa apau o ka Apana Hookolokolo ame Auhau o Koolaupoko e moe ana ma ke Komohana o ka laina e holo ana mai ka Pali o Nuuanu a hiki i ka Lae o Makapuu.
Wahi Koho: Hale Hookolokolo o Kaneohe.
Na Luna Nana:
H. Cobb Adams,
E. P. Aikue,
Frank Pahia.
Mahele elua—Ka Apana Hookolokolo ame Auhau o Koolauloa.
Wahi Koho: Hale Hookolokolo o Koolauloa.
Na Luna Nana:
W. K. Rathburne,
Moses Nakuaau,
Wm. Isaac.
Mahele Ekolu—Ka Apana Hookolokolo ame Auhau o Waialua.
Wahi Koho: Hale Hookolokolo o Waialua.
Na Luna Nana:
Edward Hore,
A. A. Cox.
Alfred Kaili.
Mahele Eha—Ka Apana Hookolokolo ame Auhau o Waianae.
Wahi Koho: Hale Hookolokolo o Waianae.
Na Luna Nana:
Sam’l Andrews,
G. W. Nawaakoa,
Isaia Halualani.
Mahele Elima—O kela hapa apau o ka Apana Hookolokolo ame Auhau o Ewa e komo pu ana o Hoaeae ame Honouliuli.
Wahi Koho: Keena Heluhelu o ka Mahiko o Ewa.
Na Luna Nana:
D. B. Murdoch,
Joseph Fernandez,
F. P. Johnson.
Mahele Eono—O ka hapa i koe o ka Apana Hookolokolo ame Auhau o Ewa.
Wahi Koho: Hale Hookolokolo o Ewa.
Na Luna Nana:
Frank Archer,
J. M. Ezera,
S. Hookano.
Mahele Ehiku—O kela hapa o Honolulu, a i ole, o Kona, e moe ana makai o Alanui Moi mai ka laina mai o Ewa a hiki i ke alahaka o Alanui Moi, ame na wahi apau mauka o ua alanui la mai ka laina mai o Ewa a hiki i ke alanui e pii ai i uka o ke awawa o Kalihi.
Wahi Koho: Halekula Hoopololei.
Na Luna Nana:
G. D. Gear,
W. R. Sims,
J. Miller.
Mahele Ewalu—O kela hapa apau o Honolulu, a i ole ia, o Kona, e moe ena mauka o Alanui Moi mai ke Alanui nui mai e pii ai i uka o ke Awawa o Kalihi a hiki i Alanui Liliha, ame ka laina e holo ana mai ke poo mai e kamoe ana i ka laina o Alanui Kauka a hiki a pili i ka lapa ma ke Komohana o ke Awawa o Nuuanu.
Wahi Koho: Hale o ka Hui Kaa Hapaumi, kihi o ka pa Kula o Kamehameha.
Na Luna Nana:
H. Zerbe,
R. W. Cathcart,
R. H. Baker.
Mahele Eiwa—O kela hapa apau o Honolulu, a i ole ia, o Kona, e moe ana mawaena o ka Mahele Ewalu ame Alanui Nuuanu, a mauka o ka aina e holo ana ma Alanui Kula, ke kahawai o Nuuanu ame Alanui Beritania.
Wahi Koho: Halekula o Kauluwela.
Na Luna Nana:
C. L. Rhodes,
H. Waterhouse, Jr.,
Peter Souza.
Mahele Umi—O kela hapa apau o Honolulu, a i ole ia , o Kona, a e kaupalenaia ana e na Alanui Moi, Liliha ame Kula, ke Kahawai o Nuuanu, na Alanui Beritania ame Nuuanu.
Wahi Koho: Hale Kaawai Pake.
Na Luna Nana:
J. Effinger,
Ed. Towse,
C. Hustace, Jr.
J. A. KING.
Kuhina Kalaiaina.
I keia la i hookohuia aku ai o W. J. Lowrie Esq., i Hoa no ka Papa Alanui no ka Apana Auhau o Wailuku, Mokupuni o Maui, ma kahi o W. T. Robinson. Eia na Hoa o ka Papa i keia wa:
L. M. Baldwin, Lunahoomalu,
C. B. Wells,
W. J. Lowrie.
J. A. KING.
Kuhina Kalaiaina.
Keena Kalaiaina, Ianuari 16, 1899.
2738-3t
HOOLAHA I NA HUI I HOOHUIIA.
I kulike ai me ka Pauku 2024 o ke Kanawai Kivila, ke hoolahai aku nei na Hui apau i Hoohuiia, e wiho mai i hoike piha a pololei no ke kulana o ka lakou mau hana, ma ke ano no ka la mua ia o Ianuari, 1899, e waihoia mai hoi ua Hoike la ma ke Keena Kalaiaina, no ka makahiki e pau ana ma Dekemaba 31, 1898, ma ka la 31 o Ianuari, 1899, a mamua ae paha oia @a.
E hoolakoia aku no na Pepa i Pai Hakahaka ia no keia hana ma ke noi ana mai ma ke Keena Kalaiaina.
Ma ka wa e hoohala ai kekahi Hui i Hoohuiia i ka waiho ana mai i ka Hoike iloko o ka manawa i kauohaia, e hiki no i ke Kuhina Kalaiaina, oia iho paha, a ma o kekahi Komisina, a mau Komisina paha i hookohuia e ia, ke kauoha (call) aku e laweia mai na buke ame na pepa o ua Hui la i Hoohuiia, a e ninaninau i kona poe luna, malalo o ka hoohikiia ana no ka mea e pili ana i kana mau hana.
J. A. KING.
Kuhina Kalaiaina.
Keena Kalaiaina, Ianuari 13, 1899.
2738-3t
PA AUPUNI MA KALUAAHA, MOLOKAI.
I kulike ai me ka Pauku 1 o ka Mokuna XXXV, o na Kanawai o ke Kau o 1888, i keia la ua hookaawale aku au he pa ma Kaluaaha, Molokai, maluna o ka aina o E. Lililehua, e ku la ma ka aoao malalo o ke Alanui Aupuni ma Kaluaaha, no ka hoopaa ana i na Holoholona Helehewa.
A i keia la ua kohoia o Mr. E. Lililehua i Luna Pa Aupuni no ua Pa Aupuni la.
J. A. KING.
Kuhina Kalaiaina.
Keena Kalaiaina, Ianuari 9, 1899.
2737-3t
KUAI O KEKAHI APANA AINA MA KAHI KAUHALE O HOOKENA,
KONA HEMA, HAWAII
Ma ka Poakahi, Feberuari, 13, 1899, ma ka hora 12 o ke awakea, ma ke alo iho o ka Hale Oihana Hooko e kuai kudala akea ia aku ai he Apana Aina Aupuni e waiho ana ma kahi Kauhale (Village) o Hookena, Kona Hema, Hawaii, maloko o laila he 2117 kapuai huinahalike, oi aku a emi mai paha.
Kumukuai oi aku maluna o $40.00.
O na lilo palapala i ka mea e lilo ai ka aina.
J.A. KING.
Kuhina Kalaiaina.
Keena Kaliaina, Ianuari 10, 1899.
2737-3t
KUAI O KA HOOLIMALIMA O KA APANA AINA AUPUNI HELU 59, MA AINA HOU, HONOLULU, OAHU.
Ma ka Poakahi, Feberuari 23, 1899, ma ka hora 12 o ke awakea, ma ke alo iho o ka Hale Oihana Hooko, e kuai ia aku ai ma ke Kudala Akea ka hoolimalima o ka Apana Aina Aupuni Helu 59, ma Aina Hou, Honolulu Oahu.
Manawa 30 Makahiki.
Uku Hoolimalima maluna aku o $480 no ka makahiki. E uku mua ia ana i kela ame keia hapaha makahiki.
O keia kuai maluna no ia o na kumu aelike i hoakakaia ma na Pauku 2 me 4 o ke Kanawai 7 o na Kanawai 0 1896, oia hoi:
Pauku 2. E hanaia i aelike maloko o kela ame keia palapala hoolimalima oia no, ma ka aoao o ka mea hoolimalima mai, e kukulu oia maluna o ka aina i hoolimalima ia iloko o na makahiki mua eha o ka manawa hoolimalima o ia palapala hoolimalima i hale pau ole i ka ahi, oia hoi i hale uinihapa paha, hale pohaku, a i ole, hale paha i hanaia me ka metala, a e hanaia kela hale ma ke ano ku i ke ano noeau a lawa i ka aponoia e ke Kuhina, a no na kumu lilo aole e emi iho malalo o kekahi huina i haiia; a e panihakahaka kupono ia aole e emi malalo o elua-hapakolu o kona waiwai io no ka pomaikai o ka mea hoolimalima; a e malamaia kela ano hale ma ke ano paa maikai no ke koena aku o na makahiki o ka palapala hoolimalima, koe wale aku no ke ano kahiko a apulu iho o ka hale, ma o ka hoohana kupono ia ana, a me ko ke au no hoi o ka manawa; a ina e poino a pau paha ia ano hale i ke ahi, e hana hou ia a maemae e like me kinohi ma o ka hooponopono ana a kukulu hou ana paha, a i ole ia, e hoihoi aku i ka huina i panihakahakaia i ka mea hoolimalima.
Pauku 4. E hookomo ia maloko o kela ame keia palapala hoolimalima o ia ano ma ka aoao o ka mea e hoolimalima aku ana, i ka olelo hoopaa, e ae ana, ina mamua o ka pau ana o kona manawa hoolimalima e noi mai ka mea hoolimalima mai, a o kona mau hope paha, ma o ka palapala i kakauia, alaila, ina ua malama pono ia na kumu aelike e hanaia ai e ka mea hoolimalima aina, e waiho aku i ke kudala ka palapala hoolimalima o ia aina no ka manawa aole e oi aku mamua o iwakalua makahiki, ina aole i makemake ia kahi i oleloia no na hana o ka lehulehu, a no ia mea a haawiia aku i ka mea nana i hoolimalima ka hoolaha no ia mea no ka manawa aole e emi malalo o hookahi makahiki. E malamia ua kuai kudala ana la aole e oi aku mamua o eono mahina mamua iho o ka pau ana o ka manawa i oleloia.
O ke kumulilo o ka hale e kukuluia ana e like me ka Pauku 2 e like me ia maluna ae nei, aole e emi ia kumulilo malalo o $8000.
O na materia e hanaia ai ke kukuluia ana o ka hale i oleloia ae nei, he pohaku uinihapa no ia, a i ole, he pohaku maoli ame ka hao.
E ikeia no ke kii o keia Apana Aina ma ke Keena Kalaiaina, Honolulu, Oahu.
J. A. KING.
Kuhina Kalaiaina.
Keena Kalaiaina, Ianuari 4, 1899.
2736-3t
KA Nupepa Kuokoa
No ka Makahiki - - $2.00
No Eono Mahina - - - 1.00
Kuike ka Rula.
PUKA ANA.} 1 Pule 2 Pule 3 Pule 1 Mal. 2 Mal. 3. Mal. 1 Mak.
Iniha.. $1.50 $2.00 $2.50 $3.00 $5.00 $6.75 $12.00
2 Iniha.. 2.00 2.75 3.50 4.00 7.00 9.00 15.00
3 Iniha 2.50 3.50 4.50 5.00 9.00 12.00 18.00
4 Iniha 3.00 4.00 5.00 6.00 11.00 13.50 21.00
5 Iniha 3.50 4.75 6.00 7.00 12.00 15.00 24.00
6 Iniha 4.00 5.50 7.00 8.00 13.00 16.50 27.00
O na Olelo Hoolaha a pau e noouna ia @ai ana no ka Hoolaha maloko o keia Nupepa, e hoouna pu mai me ka auhau, a iua aole, aohe hookomo ia.
Hoop@ @ @
HAWAIIAN GAZETTE CO.
A. W. PEARSON, Luna Nui.
JOSEPH M. POEPOE, Lunahoo ponono.
Honolulu, Oahu.
POALIMA - - - IANUARI 20, 1899
KA LA UMIKUMAMAHIKU O IANUARI.
O keia la, oia kekahi o na la kaulana loa ma ka moolelo o ke au hooponopono Aupuni hou o Hawaii nei. He eono makahiki i kaa hope ae nei, a ma keia la 17 o Ianuari nei i ulaaia ae ai ka halau hale Aupuni Monakia a lilo i mea ole. Kukuluia iho la hoi ma kona kahua i ku ai, ke Aupuni Kuikawa, a hala kekahi wa, ua ku iho la ma ke kahua a ia Aupuni manawa i ku ai, ke Aupuni Repubalika o Hawaii nei, a i keia wa hoi e nee nei, ua ku iho la ma ka honua i ku ai ke Aupuni Repubalika o Hawaii ke kulana Aupuni Panalaau no Amerika Huipuia.
Ke kali nei keia waa Aupuni hou o ka loaa mai o kona Panana Aupuni mai ka Ahaolelo Nui mai o Amerika Hipuia. A oiai hoi o Hawaii Aupuni Panalaau e kali ana o ka loaa mai o keia Panana, eia no kona oni ana, nee ana, a ola pili Aupuni ana, malalo o kona mau rula kanawai kahiko.
He mea oiaio, iloko o na makahiki eono i kaa hope ae nei, e hoomaka ana mai keia la 17 mai o Ianuari (1892) iloko o na au hooponopono malalo o ke Aupuni Kuikawa ame ke Aupuni Repubalika o Hawaii, ua ikeaia no ka halawai pu ana o ko Hawaii waa Aupuni me na hakoko ana ma kekahi mau nianu ano nui i pili i kona ku ana he Aupuni. Aka, i keia la, ua kau oia ma ke kuamoo o kona hiki hou ole ana ke hoihoi hou ia aku i ka poli o ka nohona Monakia. Ua ikeia ka nee ana o ke Aupuni ma ke kulana holomua, ma kela ame keia anuu o kona nee ana iloko o keia mau makahiki eono i kaa hope ae nei.
KA NINAU PAKE.
Aole paha he ninau ano nui e ae nana i milo iho nei na puniu o na hoa o ko kakou Aha Kiekie, a pela nohoi me na hoa o ka Papa Loio elike la me kela ninau.
I ka wa kinohi i hapaiia ai keia ninau imua o ka Lunakanawai Kiekie, ma ka Aha Kiekie, ma ke Keena, mamuli o ke kaohiia ana o na kino o kekahi poe Pake i komo mai i Hawaii, ma o ka olelo kauoha a papa ana hoi a ke Komisina Pake i hoounaia mai Wasinetona mai, ua haawi keia Lunakanawai, ma kona ano he Aha, i ka olelo hooholo, e ae ana i kela poe Pake e komo mai iloko nei o ka aina aole i pili ia lakou ka olelo papa o loko o ka oleleo hooholo hui a Newland, oiai he poe keia i oaa na aeia ana e komo mai i Hawaii nei, mamua o ka wa i hooholoia ai ka olelo hooholo hui a ka Ahaolelo Nui.
Aka, ma kekahi hihia ano like pu loa no me ia i lawia ai imua o ka Aha Piha maoli, oia hoi ka Aha Banako, ua hoopukaia ka olelo hooholo a ka Aha, e Lunakanawai Perry o ka Aha Kaapuni, e noho ana ma kahi o Lunakanawai Frear i kaawale aku no Wasinetona. A o ua olelo hooholo la e papa ana i ke komo ana mai o na Pake i pili ma ia hihia iloko nei o Hawaii, mamuli o ka mana o ka olelo hooholo hui i hooholoia ai e ka Ahaolelo Nui.
He mea maopopo loa he kulana ano hapakue no keia o ka Aha; aka, o ke kuleana no nae ia i loaa i na lunakanawai oia Aha, ma na ninau i laweia aku imua o lakou.
Ua maopopo pono na oleleo o loko o ka olelo he@holo hui, e hiki @ ai ke hoohewahewaia kona manao. Ma ka makou hoomaopopo ana, o ka manao maoli o kela olelo hooholo, oia ka papa maoli ia ana no o ke komo hou ana mai o na Pake i Hawaii nei, mahope iho o ka hooholo a apono loa ia ana o ia olelo hooholo hui.
Ma ka wa i ae ai ke Aupuni Repubalika o Hawaii nei e lilo aku kona Mana Poo Aupuni ia Amerika Huipuia, eia ka wa i mana ai kela olelo hooholo hui. A ke manao nei makou, o na kauoha limahana Pake mai Hawaii aku nei, mahope mai o ka wa i hooholoia ai kela olelo hooholo, manao @ makou he mau kauoha manao maikai ole no ia i hana@a e ke Aupuni Hawaii, oiai ua ike no ke Aupuni ia wa ua hooholoia ka olelo hooholo hui e hoolilo ana ia Hawaii malalo o Amerika.
Ua ike e ke Aupuni Hawaii maloko o kela olelo hooholo i ka papaia ana o ka hookomo ana mai i na Pake, elike me ka mea mau malalo o na kanawai o Hawaii nei, koe wale no malalo o na kanawai o Amerika i pili ia ano kanak@@a
A ke olelo hou nei makou ma keia wahi, o ka ninau papa aku i na Pake aole e komo mai i Hawaii nei, aole ia he ninau i ike mua ole ia e ke Aupuni Hawaii, a i ole ia, hoi e ia e lilo ia i kanawai no ka aina nei, ma ka wa e hui ai o Hawaii nei me Amerika. Ma ke Kuikahi Hoohui Aupani i aponoia ai e ka Mana Hooko ame ka Mana Kau Kanawai o ka Repubalika o Hawaii, a i aponoia ai hoi e ka Mana Hooko o ke Aupuni Repubalika o Amerika, he ninau no ia i ike mua ia e ke Aupuni o Hawaii nei, e hiki ole ai iaia ke alo ae mai ka hewa o kona lilo ana i mea haihai i ke kulana manao maikai ma kona aoao ma ka mea e pili ana ia ninau. O ka loaa e ana oia ike i ke Aupuni Hawaii ma ia aelike i hanaia e ia ponoi iho, he kahua kupono ia e hiki ai ke oleloia, aole he mea maikai nona ka hoohana ana i na ae ana aku e komo na Pake, a hiki i ka wa e hoea aku ai kela kukahi ana i hana ai me Amerika i kona hopena hooleia a aeia paha e ka Aha Senate. Aka, ma kahi nae o kela kuikahi, ua hoea mai la he olelo hoholo hui a oia olelo hooholo hui ke mana nei i keia wa.
KE KOI A NA PILEPINE
Ma ka hoomaopopo ana i ke koi a ka lahui Pilepine, malalo o na alakai ana a Akuinaldo, na makemake loa lakou e hono lakou ma ke ano he nohona Aupuni e hooponoponoia ana e lakou iho. E ku lakou ma ke ano he Aupuni Kuokoa, e noho hoomalu ole ia ana e kekahi mana aupuni kuwaho. Ua nana mai lakou i na kokua i loaa aku ia lakou mai ke Aupuni aku o Amerika, he hana wale no ia e haawi ana i ka hoomahuahua ana ae i ka palekana o ka @akou mau hooikaika ana e kiola aku i ka noho mana mau ana mai o Sepania maluna o lakou. Aole loa lakou i manaoio iki, o ka Amerika pahola ana aku i ka lima kokua ia lakou, he mea ia e loaa ai ke kuleana iaia e noho mana maluna o lakou.
I ka nana maoli ana aku i keia kulana oolea i laweia ae e Aguinaldo, me ke kulana ikaika kaua i loaa iaia ame kona poe koa ame ka lahui Pilepine holookoa no paha, a hookuku ae me ke kulana ikaika kaua i loaa ia Amerika Huipuia, na hiki no ke oleloia ae me ka maopopo loa, aole e hiki ia Aguinaldo ame ka lahi Pilepine ke ku imua o Amerika, ma ke kaua. Aka, pehea la i aa ai o Aguinaldo e kue mai ia Amerika, iloko o keia wa i maopopo loa ko lakou nawaliwali? Aole anei he mea maopopo, aia he mana e ae kekahi nana e kakoo mai ana mahope ona?
O ka rula a Amerika i alakai ai i ko ke ao nei, ma kona wa i lele kaua aku ai ia Sepania, oia kona kauoha ana ia Sepania e hana oia me kona ikaika apu i mea e hoopauia ai na hana hoomainoinoia ana o ka lahui Cuba, a i ole ia, e haalele oia ia Cuba e hoopononoia e ia poe iho no. Nolaila ua hiki o Amerika ke oleloia ma ka mea e pili ana ia Cuba, he uwao aia nona maika mana mai o Sepania. O keia no ke kulana hookahi e nanaia ana maluna o Amerika no kana mau hana ma Pilepine, ma ka wa i komo aku ai ia i ke kaua ana me Sepania.
Nolaila, ina o ke kahua nui o ko Amerika kaua ana me Sepania i mea e hoopauia ai ko Sepania noho mana ana ma Cuba, a pela hoi ma na mokupuni Pilepine, me ka hoihoi ana na ka lahui oiwi o ka aina e hooponopono ia lakou iho; alaila, aole anei e hiki ana i kahi mana Aupuni ikaika e ae o ka honua nei ke ku mai ma ka aoao o ka lahui oiwi o Pilepine, a kue mai i na koi kuleana mana Aupuni ana a Amrika i makemake ai maluna o Pilepine, elike me kana ku ana ma ka aoao o ka lahui oiwi o Pilepine a kue aku ia Sepania? Ia Amerika wale no anei ia kuleana hana i loaa ai, aole anei e loaa ia kuleana i kekahi Aupuni e ae, no ke kokua ana mai i na Pilepine a kue mai ia Amerika?
Ua hiki no ia Germania ke olelo mai ia Amerika, E, ua oki oe. Aole oe e kaua i ka poe Pilepine, mahope iho o ka pau ana o ka mana o Sepania, oiai he hana kokua wale no kau i hana aia i kela poe? Ua hiki no ia Enelani ke olelo mai pela. Ua hiki no ia Farani ke olelo mai pela. A @ hoopaakiki ana o Amerika @ @ @ aku maluna o na Pilepine a@a@ hiki holo lea ia Farani @ @ a ia Geremania paha ke @ @ @ aoao o na Pilepine kokua ia @ kaua kue mai hoi ia Amerika.
He ninau ano @ @ @ @ n@ ko ke ao nei @ @ ke @ nui no ka @ @ @ @
KA APOSOTOLO JOSEPH @
Ma ke ka ana @ @ @ @ Australia, ma ke kakah@@@ @ nei i h@@a mai @ @ @ o ka Papa Peresidena Mua o ka @ lesia “Meramona” o @ @ @ ku@. O kekahi keia o na k@ @ loa o ka Ekalesia Meramona @ @ una Pohaku, i @ @ ka @ @ Ekalesia o lesu Karis@@ @ @ @ ano o na @ Hope nie @ @ @ nei @ @ nei o@a ia nei, me ka@a @ @ laua mau kaikamahine elua @ omaimai ka wahine E hala @ lakou he wa l@ih@ e ka @ @ wau nei.
@ [column illegible] @ [column illegible] @ [column illegible] ma ka @ [column illegible] makahiki @ [column illegible] ai ola m@ @ [column illegible] s@d@na N@ @ [column illegible] Ea@ s@@, ame George Q @ @ kuniahi@ ka mea @ @ @ ka Buke a Meramona mai ka @ Beritania mai a ka olelo Hawaii @ wa @ @k@@ @ o W M K@ @ loko mai oia Ekalesia o ka @ manawa ma ka makahiki @ @ na iho ia keia.
He keiki keia na @ K@ @ ke kaikuaana @ @osepa Kam@ka @ @ nana i kukula i ka @ Ekalesia o na Hope nei. O kona makuahine @ Mary Smith. Hanauia o@a ma @ West, Mokuaina o Mis@ouri ma ka 13 o Novemaba 18@@ Koho@ oia Aposotolo ma ka ia @ o Oka@@@ @ ma ke kulanakauha@e o Loko Paaka Ma ka la @ o Oka@@@@ @ @ oia i hoa kuka elua no ka Pa@@ Peresidena Nui , e noho poo @a ana e Piresedena loa@e Tela. A oia no @ k@@@@ e noho nei i ke@a wa.
He kanaka makauka @ @ @ Olelo Hawaii, a he nui a @ @ na haole ame na Hawaii ka@ @ @ Pae Aina i kamaaina @.
KA EHAEHA O KEKAHI KAIKAMAHINE @.
Mai ka Republican m@ @ I@idiana
O ka ohana Tucker o Versa@ @ I@idiana, ua punahele @@a ia laua ka lau@ mau keiki, elike nohoi me na mak@ make keiki e ae he nui. Me @ @ nae o Luey ka laua kaikamahine @ mea i punahele loa ia @a@@. H@ @ kumamalima ona mau makahiki @ @ ekolu makahiki i hala ae nei @ oia mai ia wa mai e ola ana me @ kino ikaika a maika@ a @ kaikamahine kino nawaliwali loa ia. W@ @a la ke kino, a ua hele ia i keia wa a @ iwi wale no. Me he mea la ma ka @ akau, aohe no he wahi ola @ @ @ lahilahi a inoino mai @a @ @ koko, a no ia mea ua owi mai ia @ kino. Hana na kauka, aole loaa @ pono. E moe mau ana ia maluna o ka moe ma ka hapa @ui o ka manawa a me he mea la e loaa ana oia i ka ma Sava Vitus.
“Hookahi kakahiaka” wahi a M@ Tucker, “hai mai ia ke kauka @ @ e haawi iaia i na Huaaie Aka@a a @ Williams no no Kanaka Nananakea @ nana nohoi i paa pu mai me ia @ @ mau huaale la. Hoomaka aku @a mau@ e haawi iaia i ua mau huaale la a kekahi la ae ike aku @a m@@a @ @ ano e ana ae.
Hele hou mai ia @ @ @ @ mai la ia i kona @ @ @ @ ana i ke ano maika @ ae o ke kaikamahine. Hai @ @ @ @ homau aku no @ ka haawi @ i ua mau huaa@ @ @ ke kaimahine. Hai @ @ @ @ @ @ hoomau aka no m@@@@ ka @ haawi ahi i ua mau huaale @ @ ke kaikamahine. Haawi nohoi a@a@a @ @ @ @ @ ale mahope iho o kela ame keia ai ana a hiki i ka paa ana o na p@@o huaa@ he ewalu ka nui a o kona oia loa no ia. Mai ia wa mai, aole oia i loaa hoa i ka mai, aole nohoi o ma@@ hopohop@ e hoi hou mai ana ua mai i @a. Manao maua, he ola kupaianaha loa maoi keia.”
FRANK TUCKER.
MRS. FRANK TUCKER.
Kakauinoaia a hoohikiia imua @ @ keia @a 28 o Aperila, 1897.
HUGH JOHNSON.
Lunakanawai Hoomalu.
He lua ole ke kupaianaha o keia mau huaale no ka hoola ana me ka holo lea i na mai apau i ulu noloko mai o ke koko ino, a i ole ia, na aa lolo i hoopalupaluia. Kupono loa lakou no ka poe opiopio ame ka poe @ a e lo@@ @ ma na hale kuai laau lapaau apau.