Ka Nupepa Kuokoa, Volume XXXVIII, Number 6, 10 February 1899 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Hui alahao me Aina o Oahu

MAI A MAHOPE AKU O JUNE 13, 1898

 

Manawa Holo

 

WAH@HOOLULU. (Mai Honolulu aku.)

 

Waianae, kaa huilau, na la apau koe ke Sabati.

Waialua, kaa ohua, na la apau.

Waianae, kaa ohua, na la apau.

Wili o Eva, kaa ohua na la apau.

 

a.m.     a.m.     p.m.     p.m.

Honolulu         7:10     9:15     3:10     5:10

Manana           8:07     9:48     3:43     5:50

Wili o Ewa      8:37     10:08   4:08     6:10

Waaianae         9:27     10:53   4:43     . . . . .

Waialua           . . . . .   12:00   5:38     . . . . .

 

@WAHI HOOLULU. (Mai waho mai e i Honolulu.)

 

Wili o Ewa, kaa ohua, koe ke Sabati.

Waialua, kaa ohua, na la apau.

Waianae, kaa huikau, na la apau, koe ke Sabati.

Waialua, kaa ohua, na la apau.

Wili o Ewa, kaa ohua, Sabati wale no.

 

a.m.     a.m.     a.m.     p.m.     p.m.

Waialua           . . . . .   6:12     . . . . .   2:39     . . . . .

Waianae          . . . . .   7:12     10:09   3:55     . . . . .

Wili o Ewa      5:50     7:47     10:59   4:32     12:45

Manana           6:15     8:07     11:34   4:52     1:10

Honolulu         6:50     8:40     12:15   5:26     1:45

 

G.P. DENISON,

Luna,

F.C. SMITH;

Luna Kuai Palapala Holo

 

 

NU HOU HAWAII

 

E hoomaka hou ana ka noho ana o ka Aha Klure ma keia kakahiaka.

 

Eia mai no ka makou mau moolelo hoonanea ekolu, ma ko makou pepa o keia la.

 

I Honolulu nei i loaa iho la i ke Kapena o ka mokukaua Oregona ke kauoha aupuni e holo loa lona moku no Manila.

 

Ua lilo o Mr. James B. Castle (Kakela) i hoa no ka Hui Kalepa Komisina me Oihana Mahiko o Alekanedero @me @alauwina.

 

E nana ai ko makou peo heluhelu ma ka papa hoike o na leta e waiho nei maloko o ka Hale Leta, malia he palapala ka oukou olaila.

 

Eia i Honolulu nei o Rev. J. K. Losepa o Hana, kekahi paahana o keia pepa i na makahiki mua o ka oni ana o ke kumuhana hoohui aupuni.

 

Ua haawi ae ka bana puhiolhe aupuni he anaina puhi ohe ma ka Hotele Hawaii no na'lii o luna o ka mokukaua Oregona, e hekau mai la i ka nuku o Mamala.

 

Kalaulaha ae ka lono ma Honolulu @ e kukuluia aku ana he mahiko ma @, Hawaii, maluna o na aina o R. A. Lyman, ame na aina nohoi o kekahi poe e ae.

 

Ma ka Poalua nei i hooloheia ai ka @ a ka Repubalika o Kawaii kue ia John Kalaukoa, no ka aihue puaa, imua o ke kiure, a ua hookuuia ka mea i hoopiiia me ka maikai.

 

E hoola koke ia ana me ka hikwawe ka Eczema, ke poo kepia, meeau ame ka meneo o ka ili, o kela ame keia ano. Laau Hamo a DOAN. Aia no ma kahi o ka mea pa-ipa-i laau. 50 keneta.

 

Ma keia Poalua iho la i hoomaka aku ai ka mokuahi Kinau i ka holo ana ma ka hora 3 o ka auina la, a e ku hou mai ana oia no Honolulu nei ma ka la apopo ahiahi, a i ole ia, i ke kulu aku paha o ke aumoe.

 

O ka pauma wai nui loa paha o ke ao nei a pau, oia ka pauma wai hou o ka Hui Mahiko o Kula-o-k-Maomao.  Ua hiki iaia ke hookahe he 48,000,000 galani wai i ka la hookahi.

 

He mau aina Aupuni hookuonoono kai makaukau ma Hahiku, Maui.  Ma ka hoolimalima nae e paaia ai.  e ninau ia W. O. Aiken o Paia, a i ole, ma ke Keena Aina Aupuni ma Honolulu nei.

 

Ua hoomaha ka Aha Kaapuni ma ka Poaha nei, aole i lawelawe i na hana, no ka hoomanao ana no ka make ana o ke "Alii" Wilimana, kekahi hoa lunakanawai kahiko o ka Aha Kiekie i ka wa mamua.

 

Ma ka auina la Poalua nei, ma ka wa a kekahi poe o uka nei o ka aina i holo makaikai aku ai noluna o ka mokukaua Oregona, ua haule iho la kekahi wahine haole iloko o ke kai, ma ke kapeke ana o kona wawae, ma ke wa i pii aku ai iluna o ke alapii o ka moku. Ua pakele no nae.

 

Aohe laau lapaau maikai e ae no na bebe elike la me ka Laau Kunu a Kamalena.  O ka ono o keia laau ma ka wa e inu aku ai, oia kona mea i lilo ai i laau makemake loa ia e na makuahine ame na kamalii, a pela pu nohoi me ka hikiwawe o ke ola. E ola koke ana ko lakou mau kunu ame ke anu, a hoopauia hoi ka loohia ana i ka ma'i numonia, a mau mai e ukali ana i nei mea he anu ame ke kunu. E ola ana ka ma'i kunu ho, a ua inu iakeia laau e na poema'i he umi tausani ka nui o keia ano ma'i, aole he ma'i i nele i ke ola.  wabi a ko makou hoomaopopo.  Aole nohoi e hiki wale ana no i keia laau ke hoola i ka mau'i kunu ho, aka, ma ka wa e haawi mua loa ia ai keia laau i ka wa o ka hoomaka ana mai o ua ano kunu la, ekaohi koke ia ana kona kuene pono ana mai.  Ma na ma'i kunu-kalea hoi, e hoopalupalu ana keia laau i ka male uaua, a oluolu ke kunu ana aku, a hoemi mai hoi i ka ume paupauaho ana a ke kunu ame kona pinapinai ana, a pela auanei e paleia ae ai na hopena poino oia ano ma'i.  e kuaiia ana e Beson Smith & Co., Kaupalenaia, na Agena Kuai Kukaa.

 

$500 MAKANA.

 

Ua hoopuka ai nei ka Ilamuku o ke Aupuni he kauoha e haawi ana ke Aupuni he $500 makana i ka mea e loaa ai kekahi Tapana nona ka inoa o Sailo, ka mea nana i ppepehi i kekahi wahine Iapana o ka Apana o Ewa ae nei, a lilo ia i kumu e make ai ua wahine la, i kahi wa i hala ae nei.  Ua manaoia, ke hunaia nei kela Iapana lima koko e kona poe hoa lahui a malia, o keia puu dala nui kona mea e loaa ai. 

 

NA HUNAHUNA O KA BAIBALA.

 

He Kahuhipa o Kosepa. Kinohi 37:2.

 

O Iesu, ke Kahukipa maikai.  Ioane 10/11.

 

Hoounaia o Iosepa e kona makuakane e imim i kona poe hoahanau.  Kinohi 37:13, 14, 16.

 

Hoounaia o Iesu, e Kona Makua, e imi a e hoola i Kona poe kanaka.  Ioane 3:16, 17.

 

I ka wa ike ai na koakanau ia Iosepa e kele mai ana, manao iho la lakou e pepehi iaia.  Konohi 37:20.

 

I ka wa i hoea mai ai o Iesu i ka honua nei, imi iho la ka poe Iudaio, Kona lahui ponoi, e make Oia.  Mataio 2;20.

 

Kiolaia o Iosepa iloko o ka lua, a lawe hou ia oia mai loko mai oia lua.  Kinohi 37:28.

 

Hahaoia o Iesu iloko o ka lua pao, a, ala hou oia mai laila mai.  Mataio 27:59, 60.

 

Kuaiia o Iosepa no na apana dala he 20 -- ke kumukuai hoi o ke kanaka kauwa i oo ole na makahiki.  Kinohi 37:28.

 

Kuaiia o Iesu no na apana dala he 30 -- ke kumukuai no ke kauwa i oo na makahiki.  Mataio 26:15.

 

Laweia o Iosepa i Aigupita.  Kinohi 39:1.

 

Laweia hoi o Iesu i Aigupita.  Mataio 2:13, 14.

 

Hoowalewaleia o Iosepa e ka wahine a Potipara maloko o ka halepaahao. Kinohi 39:7.

 

Hoowalewaleia o Iesu maloko o ka waonahele e Satana.  Mareko 1:13.

 

Hoahewaia o Iosepa, mamuli o ka olelo hoike a kekahi hoike wahahee, a hahaoia oia iloko o ka halepaahao.  Kinohi 39:19, 20.

 

Hoahewaia o Iesu e na olelo a na hoike wahahee, a hahaoia oia iloko o ka make.  Mataio 26:59, 60.

 

Hookomoia o Iosepa iloko o ka halepaahao me elua mau kanaka e ae; hookahi o laua i ola, a hookahi hoi i make.  Kinohi 41:2, 3, 22.

 

Kaulia o Iesu ma ka laau kea mawaena o na paahao (powa) elua; hookahi o laua i komo i ka Paredaiso, a hookahi i ka po mau.  Luka 23:39-43.

 

Lilo o Iosepa i Kiaaina, i Alii a i Hoola no kona poe kanaka ma Aigupita.  Kinohi 41:6, 43.

 

Lilo o Iesu i Kiaaina, i Alii ai Hoola no Kona poe kanaka ma ka honua nei.

 

He 30 makahiki, hoomaka o Iosepa i ka lawelawe oihana ana no Aigupita.  Kinohi 41:46.

 

He 30 makahiki, hoomaka o Iesu i Kana oihana.  Luka 2:23. 

 

Hoopomaikai mai la ka Haku ia Iosepa me ka uhane naauao a laupai ae la ka hana a ka Haku ma kona mau lima.  Kinohi 41:38, 39; 39:23.

 

Ua hoopomaikaiia mai o Iesu me ka uhane o ka naauao, a ua hooko oia i na hana a Kona Makua i haawi mai ai iaia.  Luka 2;40; Isaia 53:10.

 

He mau hana maikai ka Iosepa i hana ai.  ua hoola oia i ka wi o ka ai mawaena o kona poe kanaka.  Kinohi 41:46-49.

 

He mau hana maikai ka Iesu i hana ai, e hoola ana i ka popilikia ma'i o na kanaka.  Mataio 4;23, 24.

 

Hele na kanaka o Aigupita ia Iosepa i ai na lakou.  Kinohi 42:3-10.

 

Hele na Karistiano i o Iesu la i ai na ko lakou mau uhane.  Ioane 6:48-51.

 

Ike o Iosepa i kona poe hoahanau; aole nae lakou i ike iaia.  Kinohi 42:8.

 

Ike o Iesu i Kona poe kanaka; aole nae Kona poe kanaka i ike iaia.  Luka 24:16.

 

Kulou a kukuli na h@ahanau apau o Iosepa imua ona.  Kinohi 42:6.

 

E kukuli iho ana na kanaka apau o Iesu imua ona.  Pilipi 2:10.

 

Hoike o Iosepa iaia iho imua o kona poe hoahanau, mahope iho o ka manao ana o kona poe hahanau ua make oia.  Kinohi 45:1.

 

Hoike o Iesu iaia iho imua o Kana poe haumana, mahope iho o ko lakou waiho ana iaia iloko o ka make.  Kuka 24:36-40.

 

Olelo aku o Iosepa imua o kona poe hoahanau:  Owau no keia, o Iosepa, ko oukou kaikaina, ka mea a oukou i kuai ai i ko aigupita.  Kinohi 45:4.

 

Olelo o Iesu i Kana poe haumana:  Owau no nei, e haha mai ia'u a e nana mai hoi.  Luka 24:39.

 

He 'hoahanau punahele loa ko Iosepa, oia o Beniamina.  Kinohi 43:29, 30.

 

He haumana punahele loa hoi ka Iesu, oia o Ioane.  Ioane 13:23.

 

Uwe o Iosepa no kona poe hoahanau.  Kinohi 45:15.

 

Uwe o Iesu no Kona peo kanaka.  Luka 19:31.

 

Ahaaiana pu o Iosepa me kona poe hoahanau.  Kinohi 43:16.

 

Ahaaiana pu o Iesu me Kana poe haumana he umikumamalua.  Ioane 13:14.

 

Aloha o Iosepa i kona makua a hanai iaia.  Kinohi 47:11, 12. 

 

Aloha o Iesu i Kona Makua, a hoolohe no i Kona leo.  Ioane 15:10.

 

Hoomaikaiia mai o Isoepa e kona makuakane.  Kinohi 49:22-26.

 

Hoaahuia o iosepa me ka lole olona maikai.  Kinohi 41:42.

 

Wahiia hoi ko Iesu kino iloko o ka lole olona maikai.  Mataio 27:59.

 

Laweia na iwi o Iosepa mai Aigupita aku a hoea i Kanaana.  Kinohi 50:25.

 

Lawe o Iesu i Kona mau iwi ponoi iho a hoea i ke Kanaana lau.  Luka 24:51.

 

 

Hoohana hui loa ia ka Lolo Puniu.

Mai ka Record mai, Pierceton, Ind.

 

Mamuli o ka iini nui o Ernest Kemper o Pierceton, Ind., e pili ae ola ma ke kulana kumuao noeau, ua lilo iho la ia i mea e pilikia ai kona lolo a pela pu hoi me kona kino.  No ka nui loa o kona iini ma nei hana, ua hoohana mau ia kona lolo.  Mai ke kakahiaka a hoea i ka po ana, e hoomau ana ia i ka nana me ka huli ana ma kana mau buke.

 

"A pa lua ae la ka ihoiho kukui mana poo elua."

 

Kakaikahi loa ka poe e loaa ole ana i ka pilikia, no ka hoohanaia ana elike me keia ke ano.

 

Mawaho ae hoi o kona wa huli palapala, e malama ana o Mr. Kemper, he wahi kula, aneane ekolu mile mai ka hele aku.  Mahope mai, mamuli o ka nui loa o kana huli buke ana, a pela pu hoi me kona hele mau ana i ke kula, iloko o na wa inoa apau, ua omiloia iho la kona ola.

 

Ua moe aku la ia maluna o kona wahi moe, me ka loohia ana i ka ma'i numonia, a ua aneane loa e pilikia kona noonoo. 

 

Ua loaa iho la nohoi ia i ka ma'i catarrh, a ua palupalu haalele loa kona noonoo.  Uahoounaia aku oia i Colorado, a malaila oia i lapaauia ai me ka hopena pomaikai ole.  Ekolu ona mahina o ka noho an malaila, oale loaa ke ola.  alaila, lapaauia iho la ia e kekahi kauka kaulana mai Cleveland mai, aole no loaa oke ola.  Alaila, komo oia ma kekahi halemai ma Kikako, aohe no he loaa a kahi pono.  Mahope mai, olelo aku kona kauka iaia e hoaoia i na Huaale Akala a Dr. Williams no na Kanaka Nananakea, a i kona ai ana i na huaaale o ke poho mua, ua loaa iaia kahi pono.  I ka pau ana o na huaale o na poho eiwa i ka ai ia e ia, ua ola loa ae la ia.  O keia laau hoomaemae koko kaulana, ua hana ia he hana waiwai nui nona, ka mea hoi i loaa ole i na lapaau i lawelaweia maluna ona i na wa mamua aku.  Olelo mai o Mr. Kemper, ua pau loa ka ma'i catarrh mai iaia aku; he ikaika kona kino i keia wa; a he eiwa paona ka oi aku o kona kaumaha i keia wa i ko na wa apau mamua aku.  Olelo oia o keia mau huaale ke kumu o ka loaa ana o keia ola iaia.  Ke hoomaka hou nei oia i ka oihana ao, a ua lana loa kona manao i nei wa, e lawa pono ana no ka ikaika o kona kino no ka hoomau ana aku ma keia hana.  I mea hooiaio hoi no ka oiaio o namea apau i hoikeia ae la, eia ka palapala hoike i hoohikiia e Mr. Kemper: 

 

Kakauinoaia a hoohikiia imua o'u i keia la 10 o Sepetemaba, 1987.

 

R.P. WATT

Notere no ka Lehulehu

 

Kanalua loamakou ma ka manao ana, ina paha he mau laau lapaau e ae kekahi i like me keia mau huaale, no ka hooikaika hou ana i ke kino i hele a nawaiiwali. 

 

 

Hela ame Keia. 

 

HOOLAHA HOOILINA WAIWAI

 

  Ua makemakeia na hooilina o na Ma'i Lepera i make ma ke Kahua Ma'i Lepera, Molokai, no lakou na inoa malalo nei, e waiho ae ma ke Keena o ka Papa Ola, me na hooiaio kupono i ka lakou koi no ke koena dala o ka waiwai o na mea i make iloko o na mahina eono mai keia la aku, a i ole, e lilo loa ia mau dala no ka pomaikai o ka Waihona o ke Aupuni.

 

Luaehu (k), no Kealia, Kauai, 39 makahiki, laweia i ke Kahua Ma'i Lepera.  Aperila 21, 1891, make la 5 o Novemaba, 1897.

 

Ah Foo (pake), no Honolulu, Oahu, 52 makahiki, laweia i ke Kahua Ma'i Lepera, Aperila 25, 1888, make Dekemaba 12, 1898.

 

CHAS. WILCOX

Kakauolelo Papa Ola.

Honolulu, Feberuari 9, 1899.

 

 

HOOLAHA HUI

 

Ke hoolahaia aku nei ma keia, ua lilo o James B. Castle i Hoa no ka Hui o Alexander & Baldwin, e lawelawe oihana ana ma Kapalakiko a ma Honolulu, ma ke ano he Agena Nui ma ke Kalep, Uku Komisina a Oihana Mahiko hoi.

 

ALEXANDER & BALDWIN

2741-2t

 

 

HOOLAHA I KA POE AIE -- WAIWAI O ANTONE ROSA.

 

Ke hoolahaia aku nei ma keia i ka poe apau i aie mai ia Antone rosa o Honolulu, Oahu, i make, ua hookohu pono ia mai au i Lunahooko no ka Palapala Kauoha a ua o Antone Rosa, a ma keia ke hoolahaia aku nei ka poe apau a ua mea ia i make i aie aku ai e waiho mai ia'u i ka lakou mau koi i hooiaio pono ia, ame na palapaia hooia kupono, ina e loaa ana, ina no ua hoopaaia ke koi ma kamoraki maluna o ka waiwai paa, ma ko'u keena oihana ma ke Alanui Kaahumanu, ma Honolulu i oleloia, iloko o eono mahina mai ka la i puka aku ai keia hoolaha, a ina e waiho ole ia mai ia mau koi ma ia ano, e hoole mau ia aku no lakou.

 

JNO. F. COLBURN.

Lunahooko o ka Palapala Kauoha a Antone rosa, i kamke.

Honolulu, Feberuari 3, 1899.

2739-4t

 

 

KUAI A KA LUNAHOOPONOPONO WAIWAI I KA WAIWAI PAA.

 

Ke hoolahaia aku nei ma keia, malalo o kekahi kauoha, a i kulike ai hoi me ua kauoha la, i hoopukaia e ka Aha Kaapuni o ka Mahele Ekahi, ma ka Waiwai o Kahalekai, i make, ua kauohaia mai au e Cecil Brown, ka Lunahooponopono o ua Waiwai la, a mamuli o ua kauoha la, e kuai aku ma ke Kudala Akea i ka mea koho kiekie loa, no ke dala kuike, ma ka Poaono, la 11 o Feberuari, 2899, ma ka hora 12 awakea o ua la la, ma kuu keena kudala, maloko o ke kulanakauhale o Honolulu, i ka pono apau ame ke kuleana o ua Kahalekai nei i make, i pili a maloko hoi o kela apana aina e waiho la ma Kamakela, ma Honolulu i oleloia, a oia kekahi hapa o ka Palapala Sila Nui 317, Kuleana 919, ia Keaweluhi, a i hoakaka ia hoi penei:

 

"E hoomaka ana ma ke kihi Ak. Kom. o keia Apana, a e holo ana: -- Ak. 58 30 Hik. 52.2 kp., maganeti, ma kahi ala olowi (lane), alaila, Hem. 42 30 Hik. 92.1 kp., maganeti, ma ka pa laau; Hem. 37 45 Kom. 68 kp., maganeti, ma ka pa laau; Ak. 34 27 Kom., 114.8 kp., maganeti, ma ka Apana 1 a i kahi i hoomaka'i. Ili 6200 kapuai kuea.

 

Kuike ke Dala.  O na lilo no ka palapala kuai i ka mea kuai mai, a e aponoia hoi ke kuai ana e ka Aha Kaapuni o ka Mahele Ekahi.

 

No na mea i koe e minau ia Cecil Brown, Lunahooponopono.

 

Hanaia, Honolulu, Ianuari 17, 1899.

JAS. F. MORGAN.

2738-4t

 

HOOLAHA A KA LUNAHOOPONOPONO WAIWAI

 

O ka mea nona ka inoa malalo iho nei, ua hookohuia mai e ka Mea Hanohano J. W. Kalua, Lunakanawai Kaapuni, apana Elua o Ko Hawaii Pae Aina i Lunahooponpono Waiwai no Nahalehau (k) o Wailuku, Maui, i make hauoha ole.  Nolaila, ke hoolaha ia aku nei na poe a pau a ka mea make i ale ai, e waiho koke mai i ka lakou lau koi ana a pau i hoolaio pono ia i ka mea nona ka inoa malalo iho iloko o na mahina eono mai keia la aku, a i ole pela, e hoole mau ia aku no.  a pela no hoi ma poe a pau i aie i ka mea i make, e hookaa koke mai ia'u, a i ole, ia a. N. Kepoikai, Esq., ko.u loio, ma kona keena oihana ma Wailuku, Maui.

 

KEALOHA.

Lunahooponopono Waiwai o Nahalehau (k) i make. 

Wailuku, Ian. 7 1899. 2737-4t

 

HOOLAHA HOOKO MORAKI

HOOLAHA HOOKO MORAKI

 

Ma muli o kekahi mana kuai i koike ia maloko o kekahi palpal moraki i hana ia mawena o Moohila ame Dan Kamaka, kan kane, o Honolulu, Oahu, o ka aoao mua, a me W. R. Castle, Trustee, o Honolulu i oleloia, o ka aoao elua, ma ka la 7 o Ianuari, 1897, i kakau kope ia ma ka buke 17, aoao 111, a mamuli o ka uhai ia ana o na kumu aelike o kela moraki, oia hoi no ka hookaa ole ia ana o ka ukupanee ame ke kumupaa ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki la, e hooko ana oia ia mana kuai. 

 

A ke hoolaha hou ia aku nei, ala mahope aku o na pule ekolu mai keia la aku alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 27 o Feberuari, 1899, hora 12 o ia la. 

 

Aia ma kahi o W. R. Kakela na olelo hoakaka no keia mea. 

 

Hana ia i keia la 2 o Feeruari, 1899.

 

W. R. CASTLE,

Trustee, Mea Moraki Mai.

 

Penei na aina i moraki ia:

O kela apana aina apau e waiho la ma Lahaina, Maui, i paa maloko o ka Palapala Sila 1174, nona ke Kuleana 352 ia Lani, i hooliloia mai ia Moohila, ma ka palapala kuai a Iokua Miki ame Pokii i kopeia ma ka Buke 148, aoao 171.

 

2740-4tF

 

HOOLAHA HOOKO MORAKI

 

Mamuli o kekahi mana kuai i hoike ia maloko o kekahi palapala moraki i hana ia mawena o Julia Kalakiela ame Jas. S. Kalakiela, kana kane, no Honolulu, Oahu, o ka aoao mua, a me Joseph B. Atherton, o Honolulu i oleloia, o ka aoao elua, ma ka la 9 o Januari, 1897, i kakau kope ia ma ka buke 166, aoao 303, a mamuli o ka uhai ia ana o na kumu aelike o kela moraki oia hoi, no ka uku ole ia o ka ukupanee ma ka wa e hookaa ai, nolaila, ke hoolaha ia aku mei e ka mea nona ka aoao elua o ua moraki nei, e hooko ana oia ia mana kuai.

 

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ke la 27 o Feberuari, 1899, hora 12 o ia la.

 

Aia ma kahi o  W. R. Kakela na olelo hoakaka no keia mea.

 

JOSEPH B. ATHERTON

Trustee, Mea Moraki Mai.

 

Penei na aina i moraki ia:

 

(1) O kela aina apau i koikeia maloko o ka Palapala Sila Nui 2469, nona ke Kuleana 1138 ia Kuaana ma Kaukahoku, Honolulu, Oaku, i hoolilo ia mai i na Mea Moraki (Mortgagors) ma na palapala kuai a Isabella H. Desha ame George L. Desha, i kopeia maloko o ka Buke 165, aoao 491, a moloko o ka Buke 163, aoao 79.

 

(2) O kela aina ma Kaukahoku, i paa ma ka Palopala Sila Nui Helu 2702, Kuleana 53 F. L. ia Mahoi, i hooliloia mai ia Kaulana (w) ma ka palapala kuai a Chas. Mahoi, Feb 24, 1893, i kopeia ma ka Buke 141, aoao 150, ame

 

(3) Kekahi apana pa hale ma Kohala, Hawaii, he hapalua eka ka nui he lihi hoi ia o ka aina maloko o ka Palapala Sila Nui (Aina Aupuni) 2553 ia Kawainui i hooliloia mai ia Julia (herring) Kalakiela ma ka palapala kuai a Kohala Sugar Co., i hanaia i Nov. 29, 2893, i kopeia maloko o ka Buke 142, aoao 297, a pela pu hoi me na hale, na mea i kukuluia iho maluna o ka aina.

 

2740-4t

 

HOOLAHA MAKEMAKE HOOKO MORAKI AME KUAI AKU A KA MEA PAA MORAKI.

 

Ke hoolahaia aku nei ma keia, mamuli o kekahi mana kuai i paa maloko o kekahi mau moraki elua i hanaia e Auhea Kekauluohi, D. Lokana Keku kana kane mare, ame L.B. Waihinano, a i ikeia nohoi o L.B. Waihinalo, mo Honolulu lakou apau, Mokupuni o Oahu ia Joseph Marsden o Honolulu i oleloia, o ka moraki mua, ua hanaia ma ka la 29 o Iulai, 1897, a i kopeia ma ke Keena Kakau Kope, ma Honolulu i oleloia, maloko o ka Buke 171, ma na aoao 88-90; a o ka lua o na moraki, ua hanaia ma ka la 23 o Maraki, 1898, a i kopeia ma ke Keena kakau Kope i oleloia maloko o ka Buke 180, ma na aoao 304-5, e makemake ana o Joseph Marsden i oleloia ai nei e hooko aku i ua mau moraki nei, no ka uhakiia ana o na kumu hoopaa maloko o ua mau morkai 'la, ola hoi, ka uku ole ia ana o ka ukupanee ma ka wa e hookaa ai.  Nolaila, ke hoolahaia aku nei ma keia, e kuaiia aku ana ma ke kuai kudala akea, na aina apau, na mea maluna iho a e pili ana i ua aina 'la i paa maloko o ua mau moraki 'la, a i hoikeia hoi maloko oia mau moarki, ma ke keena kudala o James F. Morgan, ma Aianui Moiwahine, ma Honolulu i oleloia, ma ka Poakahi, la 27 o Feberuari, A.D. 1899, ma ka hora 12 awakea o ua la 'la. 

 

O na waiwai maloko o ua mau moraki 'la, oia keia:

 

O kela apana aina apau e waiho la ma ke kihi komohana o na Alanui Moi ame Puowaina maloko o Honolulu i oleloia, oia hoi ka aina i koakakaia ma ke Kuleana Helu 11212 ia M. Kekuanaoa, a i hooliloha mai ia L.B. Waihinano i oleloia ae nei, e Waihanano, ma ka palapala kuai i hanaia ma Okatoba 28, 1868, a i kopeia ma ke Keena Kakau Kope i oleloia, maloko o ka Buke 26, ma ka aoao 356, a i hooliloia mai hoi e L. B. Waihinano i oleloia, ia Auhea Kekauluohi ma ka palapala kuai i hanaia ma Iulai 28, 1897, a i kopeia ma ke Keena Kakau Kope i oleloia, maloko o ka Buke 172, ma na aoao 147-8, a i hoikeia na palena peni: - E hoomaka ana ma ke kihi o na Alanui Moi ame Puowaina a e holo ana Ak. 53 Kom. 1 kaulahao 46 2-12 kapuai ma Alanui Moi; alaila, Hem. 42 Kom. 1 kaulahao 62 kapuai, ma ke Alanui o Kuluwailehua, alaila, He. 23 Hik. 1 kaulahao 29 8-12 kapuai ma na hale o Hakau, alaila, Ak. 501/2 Hik. 2 3/4 kaulahao, ma Alanui Puowaina, i kahi i hoomaka ad. Maloko o laila he Ili o 435 anana. 

 

Kuike ke dala.  O na lilo no ka palapala kuai i ka mea e lilo ai ka aina.

 

JOSEPH MARSDEN

Mea Paa Moraki.

 

No na mea i koe e ninau ia

MONSARRAT & WEBER.

Na Loio no ka Mea Paa Moraki.

Hanaia Honolulu, Feberuari 3, 1899.

2740-4t

 

HOOLAHA HOOKO MORAKI.

 

Mamuli o kekahi mana kuai i koike ia maloko o kekahi palapaia moraki i hana ia mawaena o Nahinelua ame L. D. Keliipio, kana kane, o Honolulu, Oahu, o ka aoao mua, a me William R. Castle Trustee, o Honolulu i oleloia, o ka aoao elua, ma ka la 23 o Aperila, 1897, i kakau kope ia ma ka buke 170 aoao 196, a mamuli o ka uhai ia ana o na kumu aelike o kela moraki, ola hoi no ka uku ole ia o ka uku panee ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

 

A ke hoolaha hou ia aku nei, aia mahope aku o na pule ekolu mai keia ia aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 20 o Feberuari, 1899, hora 12 o ia la.

 

Aia ma kahi o W. R. Kakela na olelo hoakaka no keia mea.

 

Hanaia i keia la 26 o Ianuari, 2899.

 

WILLIAM R. CASTLE TRUSTEE.

Mea Moraki Mai.

 

 

Penei na aina i moraki ia:

 

O keia apana aina apau e waiho la ma Hipawale, Waimalu, Ewa, Oahu, a i hoakakaia maloko o ka Palapala Sila Nui Helu 326.  Kuleana Helu 4406 ia Apaa, i hooliloia aku ia Nahinelua ma ka palapala kuai a Pihenui (k) i kopeia maloko o ka Buke 141, aoao 436, me ka mau no nae o ka pono a kuleana wa ola o Pihenui (k) i oleloia ae nei. 

 

2739-4t

 

HOOLAHA HOOKO MORAKI.

 

 Mamuli o kekahi mana huai i hoike ia maloko o kekahi palapala moraki i hana ia mawena o G. Anuhea Wahinemaikai o Punaluu, Koolauloa, Oahu, o ka aoao mua, a me William R. Castle Trustee o Honolulu, Oahu, o ka aoao elua, ma ka la 31 o Maraki, 1897, i kakau kope ia ma ka buke 171, aoao 8, a mamuli o ka uhai ia ana o na kumu aelike o kela moraki, oia hoi no ka uku ole ia o ka ukupanee ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

 

A ke hoolaha hou ia aku nei, ala mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 20 o Feberuari, 1899, hora 12 o ia la.

 

Aia ma kahi o W. R. Kakela na olelo hoakaka no keia mea. 

 

Hanaia i keia la 26 o Ianuari, 1899.

WILLIAM R. CASTLE TRUSTEE.

Mea Moraki Mai.

 

Penei na aina i moraki ia:

 

(1) O kuu kuleana hapalua apau i mahele ole ia maioko o kekahi Apana Aina nona na Eka he 9 25-100 ma Punaluu, Mokupuni o Oahu, maloko o ka Palapala Sila Nui Helu 3924 ia Nakolo, a oia kuleana, ua loaa mai ia ia'u ma ke ano hooilina mai ko'u makuahine mai, oia o Wahineaea.

 

(2) He Apana Aina ma Punaluu i oleloia ae nei, i hoakakaia maloko o ke Kuleana 4358 ia Kaumualii, maloko o laila he 2.95 Eka, i hooliloia mai ia'u ma ka palapala kuai a Unahelu, i hanaia ma ka la 10 o Okatoba, 1877, a i noho ia nohoi e a'u mahope mai.

 

(3)  O kuu kuleana akahi-hapakolu apau i mahele ole ia iloko o ka aina ihoikeia mahope ae nei, oia hoi:  Ka Aina i hokeia maloko o ke Kuleana 8171, Palapala Sila Nui 1319 ia Hoopalahee, he 22 75-100 Eka. ame ka Aina i hoikeia maloko o ka Palapala Sila Nui 2351 ia Hoopaiahee, he 123 Eka.

 

2739-4t

 

HOOLAHA HOOKO MORAKI.

 

Mamuli o kekahi mana kuai i hoike ia maloko o kekahi palapala moraki i hana ia mawaena o Paahao (w) o Waikiki, Honolulu, Oahu, o ka aoao mua, ame W. R. Castle Trustee, o Honolulu i oleloia, o ka aoao elua, ma ka la 10 o Novemaba, 1896, i kakau kope ia ma ka buke 166, aoao 97, a mamuli o ka uhai ia ana o na kumu aelike o keia moraki. oia hoi no ka uku ole ia o ka ukupanee ma ka wa e hookaa ai, nolaila, ke hoolaha ia uku nei e ka mea nona ka aoao elua o ua moraki nei, e hooko ana oia ia mana kuai.

 

A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 20 o Feberuari, 1899, hora 12 o ia la.

 

Aia ma kahi o W. R. Kakela na olelo hoakaka no keia mea.

 

Hanaia i keia la 26 o Ianuari, 1899.

WILLIAM R. CASTLE TRUSTEE.

Mea Moraki Mai.

 

Penei na aina i moraki ia:

 

O kela Apana Aina apau e waiho ana ma Kamooiki, Waikiki, Oahu, @na ka Palapala Sila Nui 7159, Kuleana 36 ia Kamakahonu i oleloia ae nei, ia Paualoha, i make, ka makuakane ponoi o Paahao (w) i oleloia ae nei, ma ka palapala kuai i lopeia maloko o ka Buke 62, aoao 8.

 

2739-4t.

 

HOOLAHA HOOKO MORAKI

 

Mamuli o kekahi mana huai i hoike ia maloko o kekahi palapala moraki i hana ia mawaena o Kealohamaui @ Kaai, kana wahine, no Kona Akau, Hawaii, o ka aoao mua, ame William r. Castle Trustee, o Honolulu, Oahu, o ka aoao elua, ma ka la 18 o Dekemaba, 1897, i kakau kope ia ma ka buke 174, aoao 159, a mamuli o ka uhai ia ana o na kumu aelike o kela moraki, oia hoi no ka uku ole ia o ka ukupanee @ ka wa e hookaa ai, noiailia, ke hookaha ia aku nei e ka mea nona ka aoao elua o ua moraki nei, e hooko ana oia ia mana kuai.

 

A ke hoolaha hou ia aku nei, aia mahope aku o na pule ekolu mai keia la aku, alaila, e holaha ia aku na aina i hoike ia ma ia moraki no ke kudala ana. 'ma ke keena kudala o Jas. F. Morgan, ma Honolulu, ma ka ia 20 o Feberuari, 1899, hora 12 o ia la.

 

Aia ma kahi o w. R. Kakela na olelo hoakaka no keia mea.

 

Hanaia i keia la 26 o Ianuari, 1899.

WILLIAM R. CASTLE TRUSTEE

Mea Moraki Mai.

 

Penei na aina i moraki ia:

 

1.  O kela Apana Aina apau e waiho la ma Holualoa 3. Kona Kau. Hawaii, a nona ka Palapala Sila Nui 4279, Kuleana 5868 ia Kaainahuna, he i Eka ame 630 anana, a ua ili mai ia aina ia Kaai ma ke ano hooilina, oiai, oia waie no ke kaikamahine a hooilina i koe o Kaainahuna, ka mea nona ka Paiap@ Sila Nui.

 

2.  O kela apana Aina apau ma Waiohule, Kula, Maui, nona ka Palapala Sila Nui 6493, Kuleana 6738 ia Luhiluhi, a maloko o laila he 3 Apana no lakou ka huina nui o na Eka i hiki aku i ka 4.55, a i ili mai ma ke ano hooilina maluna o Kealohamaui i oleloia, ma ke ano he keikikane ponoi o@ a hooilina hookahi hoi i koe o Luhiluhi i olelo ia ae nei, ka mea nona ka Palapala Sila Nui.

 

2739-4t

 

HOOLAHA MANA HOO@LOKOOLO.

 

ILOKO O KA AHA KAAPUNI APAna Hookolokolo Ekahi o ko Hawaii Pae Aina.  Ma ka hana o ka Waiwai o Manuel A. Bareta, o Honolulu, Oahu, i make.

 

No ka mea, ua waihoia mai he palapala hoopii e ka Luna Hooko Kauoha, Antonio Richard, e nonoi ana e kuai kudala ia na aina o ka mea i make e waiho ia na aina o ka mea i make e waiho ia ma Kalihi, Oahu, i mea e hookaa ai i ka aie o ka mea i make.

 

Niaila, ma keia ke haiia aku nei ka lono i na poe apau i kuleana o ka Poakahi la 13 o Maraki, 1899, hora 10 kakahiaka, ma Aliiolani Hale, Honolulu, Oahu, oia kahi ame ka nanawa e hooloheia ai ua palapala hoopii la, a e hoike mai lakou no ke aha ia e ae ole ia ai ke noi a ka Luna Hooko Kauoha.

 

Honolulu, Feberuari 8, 1899.

Na Ka Aha: 

GEORGE LUCAS

2741-3t            Kakauolelo.

 

ILOKO O KA AHA KAAPUNI, APAna Hookolokolo Ekahi o Ko Hawaii Pae Aina. Ma ka Hooponopono Waiwai. Ma ka hana o ka Waiwai o Hana Keoki (w), o Honolulu, i make kauoha oie.

 

No ka mea, ua waihoia mai e Hermann Grunwald, ke kanewahinemake, he palapala noi no ka Hookohu Lunalooponopono Waiwai no ka waiwai i oleloia, a e hoopukaia aku ia palapala ia Robert Parker Waipa, noluila, ma keia ke hooiahaia aku nei i na poe apau i kuleana ma ua waiwai ia, o ka Poalima, Maraki 3, 1899, ma Aliiolani Hale, Honolulu, hora 10 o ke kakahiaka, oia kahi a me ka manawa hele mai ai lako, a e hoike mai i na kumu ina he kumu ka lakou, e ae oie ia ai ke noi. 

 

Honolulu, Feberuari 2, 1899.

Na ka Aha:

GEORGE LCAS.

2740-3t            Kakauolelo.

 

AHA KAAPUNI, MAHELE EKAHI O Ko Hawaii Pae Aina.  Ma ka Hooponopono Waiwai. Ma ke Keena. Ma ka Hana o ka Waiwai o Solomon Naauao, o Honolulu mamua, i make.

 

Ua waihoia mai ke noi ame ka hoike waiwai a ka lunahooponopono o ka mea i make, malaila oia i nonoi mai ai e aponoia, a e hoopukaia hoi ona kanoha hope no ka mahelehele ana i ka waiwai e koe ana ma kona lima i ka poe i kuleana ma ia waiwai, a e hookuu hoi iaia mai na koikoi mai apau o ka noho lunahooponopono ana.

 

Ua Kauohaia, o ka Poakahi, la 27 o Feberuari, M. H. 1899, ma ka hora 10 a. m. imua o ka Lunakanawai o ua Aha la, ma ke Keena Hookolokolo o ua Aha la, ma Honolulu, Mokupuni o Oahu, oia ka manawa ame kahi no ka @ ana i ua noi la ame ka heiu waiwai, a ma ia wa a malaila hoi e hele ae ai ka poe apau i kuleana ma ia hana a hoike aku i kumu, ina he kumu ka lakou, nokeaha la e ae oie ia ai ia noi. 

 

Hanaia, Honolulu, K. H. P., Ianuari 25, M. H. 1899.

 

Na ka Aha:

J.A. THOMPSON

2739-3t            Kakauolelo.