Ka Nupepa Kuokoa, Volume XXXVIII, Number 8, 24 February 1899 — Hoopoinoia o Jas. K. Kaulia. A neane loa oia e Hala no Kapalakiko. [ARTICLE]

Hoopoinoia o Jas. K. Kaulia.

A neane loa oia e Hala no Kapalakiko.

Ua hookaumahaia ko makou manao mamuli o na lono i loaa mai ia maitou mamuli o ka hoopiMkia wale ia ana o ko makou makamaka maikai J-ames Kaulia e kekahi mau hoa ilike'okeo ma- . luna o ka mokuahi Auseteralia ma ka ' Poalua iho nei, a ma' ia hana.a ana ona pela ua pakele mai oia mai paa ilalo 0 ka lua ukana o ka mokuahi, a hala hewa i Kapalakiko. Ua moku lima. Ua hoike ae o Kaulia, oiai oia 1 makaukau mai ai e oili mai iwaio mai ka puka ukana mai o mua, ua kulai maoli ia mai no oia e Henry Vida ame Jack Gibson. Eia iho ka mooLelo o keia ulia i hoike ponoi -ia ae e Kaulia a makou hoi e'lawe ae nei ma ke ano nui: "I ko'u manawa i hoomaopopo pone loa ai no Hansen, ka mea <i hopula ai e Geo. Stratemeyer no ka opiuma, ua 'haiia mai Ia au e ia, ina ola e puka ana ma ia'hihia, e uku mai ana oia ia'u i $100 no ko'u luhi. Ua ae aku au ia/ a ua puka io mai no oia ma ia hihia ona ma ka hookoiokoloia ana ma 'ka Halewai i ka Poaono nei. "I kona puka ana, ua kali aku au o kona uku mai i dala. Uā kiiE'oo pu mai o Garvin, kekahi paahana o fca mokuahi Auseteralia ma ia huina, aka, ua komo a€ nei o Henry Vida ma ke ano Wakea. *' "Pela wale no ka apa ana a hikii wale iho la no 1 nehinei (Poalua) aohe walii mea i loaa mai, nolaila, ua hoomaka koke iho la au e hooikaika e imi i kahi e' ukuia ai ko'u luh-i. Ua kamailio aku la au ia*Garvm no ia mea, a ua hoike mai la kelā, ua haawi io no oia i ua mau »dala la ma ka lima o Vida. "Ma ka hora elua mai o ka auina la 0 neh-inei (Poalua), ua halawai i'ho la }aa me -Vida, a -huipu ae la me Jack Gibson a pii pu aku la makou maiuna o ka mokuahi Auseteralia no ka huipu ana me Garvin. Ua kali malie no makou pela a hiki wale i ka Tiora 3:30, a oiai ua paa loa na mea apau o ka moku 1 ka hana ia mau hora. Aka, ia manawa no nae, ua hoea 'koke mai la o Garvin a kono mai la ia'u « hele aku mamua a kokoke ma kahi o luina. Noi ia mai la au e noho ilalo, a oia no ka manawa a Vida, Gibson ame Garvin i aku ai e huipu me ka Puuku o ka moku, oia hoi o McComl)e. Manao iho la au e loaa iio ana. "Ma ka hora 3:45 mai ua huli hoi mai la lakou la. Ma ko Vida lima e paa ana he omole, a lele ae la oia ma kekahi aoao o ka lua ukana o mua, a koi mai la ia'u £ hrfna like aku me ia, aka, ua kana-lua au mamuli o ko'u makau o haule au iloko o ka lua ukana. "I keia manawa no, ua onou mai la o-Gibson ia'u mahope mai o'u, a hina aku la au, āka, ua paa e aku la nae ko'u lima ma kekahi aoao o ka lua ukana, a paleele iho la au. Aka, ua onou 'hou mai la no o Gibson ia'u mahope o'u a haule aku la au, aka, ua kau koke aku la ko'u mau wawae ame na lima ma ke kihi o ka puka ukana. I keia manawa no i hehi mai ai o Vida ia'u .ma kuu opu a haule loa a-ku la au ilalo mawaena o na ukana. Mamua o ka h'iki ana ia'u ke ku ae iluna, ua paniia iho la ke pani o ka lua ukana, a noho iho la au.iloko o ka pouli. "Hooikaika ae lā au e loaa he wahi puka: i-ki, aka, me ia manawa a'u e hana ae nei p'ela, aia kekahi mea maluna o ke pani, ua 'holo aku la, oia a hooho ae la: 'Aia he kanaka ilalo i ka lua ukana e hoao ana*e holo mahuka.' Mahope iho, ua iho mai o Halelau ame Kaili a huki ae la ia'u iluna. Ua poino ia au a ua moku kuu lima." Ua hoole ae o Vida ame Gibson, aohe a laua wahi mea i hana ai maluna o ke kino o Kaulia. Aka, ma ke kakahiaka! Poakolu iho nei, ua 'hoopukaia ka palapala hopu no -laua no ka hoeha ia Kaulia i kakauinoaia e Lunakanawai Wilikoki. + I