Ka Nupepa Kuokoa, Volume XXXVIII, Number 11, 17 March 1899 — Page 4
| This text was transcribed by: | Brandie Pilapil |
| This work is dedicated to: | Francis Agrellas |
Ka Nupepa Kuokoa
KE KILOHANA POOKELA NO KA LAHUI HAWAII.
KA HALE ILINA ALII.
(Ma ka aoao 2 mai.)
------
Na kaa o ka Pualikoa Amerika ma Hawaii nei. A eia na liikoa maluna o keia poa kaa, Konela Rublen, mekia Purdy, Puuku Kapena Lydig, Kapena Koa W. L. field, Enegina Nui J. H. Rowen, Kokua Puuku C. W. Penrose, Kauka F. M. Furlong, Cadet D. C. Horner o ka moku Scindia, na paa hae B. B. Bierer me G. F. P. Stone o ka moku Iroquoia.
NO KOA O KE AUPUNI HAWAII.
E alakaiia ana keia poe koa e Konela J. W. Jones ame kona mau alii ukali e hele wawae aua, oia na Kapena Koa J. Schaefer, C. B. cooper (Kauka), ame W. G. Ashley. Na 'lii i komisina ole ia, Kapena W. E. Wall, Rumsey, Stackable ame Elvin. Ka puali hookani pahu aku, malalo o ke alakai ana a W. C. King.
Alaila, Ka Bataliona Ekahi aku, maialo o ka noho alii kiekie ia ana e Mekia C. J. McCarthy, me Kapena Louis Kenake, ka hope akukana. Alaila, Puali C, malalo o Kapena Murray; Puali D, malalo o Kapena Bergstrom; Puali A, malalo o Kapena Smith. Aia ma ke poo o keia puali he hae silika. Alaila, ka Bataliona Elua aku. O C. M. V. Forster, ka Akukana, me Kapena Raymond, ke kauka. Puali B. Kapena Petrie; Puali F, Kapena Ludewig; Puali G, Kapena Chas. Wilcox. Huina pau, he aneane 300.
NA KAUKA O KE ALII.
Na Kauka F. L. Miner ame St. D.G. Walters.
NA KAHUNAPULE.
Na Kahunapule Hoolepope - Rev. W. M. Kineaid, Rev. Hiram Bungham, Jr., Rev. G. L. Pearson, Rev. W. A. Garner, Rev. B. L. Howe, Rev. J. Leadingham, Rev. O. H. Gulick, Rev. E. S. Timoteo, Rev. Kihara, Kapena Merriwater o ka Puali Hoola.
Na Kauhanapule katolika Roma - Epikopo o Panopolis me na rev. Makua Adelbert, Aloys, Sulian, Fancis ame Mathias.
Alaila, na keiki aahu keokeo o Sana Anaru, me ka Bihopa o Honolulu me kona mau kahunapule. O ka Hui Poola aku, e like me ia i hoike mua ia ae nei.
KA HUAKAI KAA
mahope aku o ka "manele alii," ke kaa o ka luaui makuakane me Mrs. J. W. Robertson me Mrs. J. H. Boyd, ke kaa o ka "Moiwahine" (i pau) Liliuokalani, ke kaa o ka Moiwahinekanemake me na Keikialii Kawananakoa, Kalanianaole ame kana wahine. Alaila, ke kaa aku o Peresidena Dole me Mrs. Dole me Konela J. H. Soper. Na kaa aku o na Kuhina Damon, Kamika ame King.
O na kaa aku o ka Lunakanawai Kiekie Alapaki kauka, Hoa Lunakanawai Kiekie Whiting, Agena Kuikawa o Amerika Sewall, kanikela Kenerala Haywood me kana wahine, Kauka Carmichael, W. C. Wilder, Peresidena o ka Ahaolelo Senate o ka Aupuni; John Lot Kaulukou, Lunahoomalu o ka Hale o na Lunamakaainana; Komisina Pelekane W. H. Hoare, Komisina Pelekane i pau W. J. Kenney, Mr. F. W. Macfarlane me kana wahine, Goo Kim me Wong Kwai, ke Kanikela Iapana, ke Kanikela Pake, Hope Kanikela o Sepania H. renjes, Kanikela Belegiuma H. Focke, Kanikea Sudena me Norewai H. W. Schmidt, na Lunakanwai Pere me Stanley, Lunakanawai Wilikoki me kana wahine, Mr. H. M. Dow, Mr. Bachelder, Miss Carrie Afong me Mr. Afong, Mr. John Dow, Donald Ross, Senatoa Kikila Baraunu me ka wahine, Mr. Charles Creighton me ka wahine, Mr. J. K. Kahookano me ka wahine, ame ka lehulehu.
Ua nee ka huakai ma Alanui Moi, pii ma Alanui Alakea, hoea i Alanui ema, kamoe ma Alanui Vineyard, hoea j Alanui Nuuanu a pii malaila no ka Pa Ilina Alii ma Mauneala.
ua hoomaikai mua ia eku ke Alanui e ka Luna Alanui W. H. Cummings o Honolulu nei, mai Kawaiahao mai a hoea i ka Pa Ilina. Ma ka hapa nui o ke Alanui Nuuanu, ma ka aoao ma Waikiki, ua uhiia a ua haliila aku me ke one eleele, a ua paa na wahi alualua.
-----
Aia ma na kia ame na pou o ka pa ilina, e ikea aku ana na owili lei ilima. Maloko o ka pa i ku iho ai na Ahahui. A ma kela ame keia aoao o ka Hale Ilina, i ku iho ai na koa Amerika ame na koa Hawaii.
NA HANA HOPE LOA MA KA ILINA.
I ka hoea ana o ke kaa e hali ana i ke "kinowaiiua" o ke Alii no Maunaala, a ma ka wa i kaikaiia ae ai e na hapai pahu, a manele ia aku la noloko o ka Hale Ilina Alii, no ka wa hope loa, ia wa i olo ae ai ka pihe kanikau a na kanaka. e hiolo ana na waimaka me ka ehaeha.
Ua hoonani malau ia o loko o ka Hale Ilina e Mrs. Irene Ii Brown, Mrs. H. G. Noonan, Mrs. Hastings, Mrs. E. D. Tenney, Mrs. Geo. Herbert, Mrs. Robinson, Mrs. Christian Conradt, Mrs. Geo. C. Beckley, Mrs. Geo. Smithies, Mrs. Charles Creighton ame Mrs. C. O. Berger.
O na pua ame na lei i hoonuanuia aku e na hoaloha he nui ame na makaainana makee alii apau ma ka luakini o Kawaiahao, ua pau aku la no i ka laaweia no uka o Maunaala. O kahi keia i kauia iho ai o ka pahu o ke Alii, ua haliila iho me ka owili lei ilima. Ua oleloia he 130 kapuni ka loa o keia lei i hanaia ai. A he makana keia na na "Kaikuahine Kui Pua" o Maemae ae nei. Ae - he lei keia o ke Aloha, ka lei poina ole no a na 'Lii.
Ua lawelawela na hana haipule hope loa maloko o ka Hale Ilina e ka Bihopa o Honolulu, a o ke mele hope i himeniia ai, oia no "Resurrection Morning" (Kakahiaka o ke Ala hou ana) i meleia mai e ka papa himeni kane o Sana Anaru. Ma ka wa i puainawele ai ka leo o ka ogana, a ma ka wa hoi i haalele aku ai ka poe hapai pahu, poe paa kahili ame na kuhina ia loko o ka Hale Ilina, ua koe aku la ka luaui o ke Alii. Ua ku iho la ia ma ke poo o ka pahu a nana iho la i kana lei aloha. Aia no ma kahi kokoke mai ia wahi aku, e waiho ana ka "holowaa alii" o kana wahine a makuahine hoi o kana keiki i kaawale mai iaia aku. A mahope iho o ka hala ana o kekahi wa o kona kiei walohia aloha ana no kana lei, no ka wa hope loa, haalele aku la ia, a huli hoi mai la a kau noluna o kona kaa.
-----
NA IWI ALII MALOKO O KEIA HALE ILINA.
ma ka hoike a ka Papa Kuauhau Alii i noho Peresidenaia ai e ke Kamaliiwahine Poomaikelani, imua o ka Ahaolelo o 1884, ua hoikeia, 'Aia ma Kaloko (Kona Akau, Hawaii) kahi i waiho ai na iwi o Kamehameha I.; aka, ua pohihihi na olelo e pili ana. Ma keia ana, ua oleloia ke waiho pu la me ko Kamehameha mau iwi na iwi o Umi, kekahi o na alii kaulana o Hawaii nei i ka wa kahiko." Nolaila, aole i waihoia na iwi o keia Alii maloko o keia Hale. Ua make o Kamehameha (Loneliness) I. ma ka la 8 o Mei, 1791.
Kamehameha II., make ma Ladana, Iulai 14, 1824.
Ka Moiwahine Kamamalu (Shade, or Umbrella) make ma Ladana, Iulai 8, 1824.
Hoihoiia mai ko laua mau kino i Hawaii nei e Haku Bairona (Byron) maluna o ka mokukaua Pelekane "Blonde."
Moiwahine Kaahumanu (Feathered of Bird Mantle) ka wahine a Kamehameha I., make Iune 5, 1832.
Kamehameha III. (Kauikieaouli, Hung up in the blue sky) make Dekemaba 15, 1854.
Ka Moiwahine Kalama (The Flambean), wahine a Kamehameha III., make Septemaba 20, 1870.
Kamehameha IV. Liholiho, Very hot. Andrews.), make Novemaba 30, 1863.
Ka Haku o Hawaii (Prince of Hawaii), make augate 27, 1862.
Moiwahine Ema Kaleleonalani (The altar of the heavens), make Aperlia 25, 1885.
Moiwahine Kinau (this is a name of a god in the Hawaiian myths), make ma Aperila 4, 1839.
Kamaliiwahine Victoria K. Kaahumanu, make Mei 29, 1866.
Kamehameha V. (Kapuaiwa, The nith generation of the night child), make Dekemaba 11, 1872.
Kiaaina M. Kekuanaoa (Standing of the rafters), make Novemaba 24, 1888.
Kamanele (the bier, or a pole with which two or more persons carried a corpse), make Aperila 4, 1839.
A. Paki (To throw down on the ground), ka makuakane o Mrs. Bernice Pauahi Bishop, make Ilulai, 1857.
Moses Kekuaiwa (The ninth back), make ma ka makahiki 1848.
David, he hoahanau no na Kamehameha IV, ame V.
Wm. Pidd Leleiohoku (expired on the fifteenth night (day) of the month) make i ka makahiki, 1848.
Keola (The life), he keiki na keikahi Aliiwahine Kiaaina o Hawaii.
keaweaweula (The red streak or rainbow), keiki a Kamehameha III.
Liloa (To lie adly and lazily in the house).
Lonoikamakahiki (An annual hearing).
Mrs. Bernice Pauahi (Fire destroyed) Bishop, make Okatoba 16, 1884.
Ruth Keeliokalani (Digger of the heaven), make Mei 24, 1883.
Kekauluohi, makuahine o Lunalilo, make Iune 7, 1845.
C. Kapaakea (The Coral), ka makuakane o Liliuokalani.
Keohokalole (The hair, the woven cloth, or the smooth hair), ka luani makuahine o ka Moi Kalakaua, ka Moiwahine Liliookalani, ke Aliiwahine Likelike, ke Keikialii Leleiohoku, a kupunawahine hoi o ka Wohi Alii Opio i hala aku la.
Ke Aliiwahine Miram Likelike (Alike), ka luai makuahine o ke Kama'liiwahine Wohi i hala aku la. Make oia ma ka la 2 o Feberuari, 1887.
Keoni Ana (John Young), make ma ka la 18 o Iulai, 1837.
Namakaeha (For eyes), kekahi alii koikoino keia o Hawaii nei.
Jane Kekela (o ka lani, The heavens excel) Young, kaikamahine o Keoni Ana, luaui makuahine hoi o ka Moiwahine Ema Kaleleonalani.
Kaiminaauao (Seeker of wisdom), he pokii (?) alii no Liliuokalani.
Kekaulike (The equipoise; equity; justice), he pokii (?) alii no ka Moiwahine-kanemake Kapiolani.
Keliiahonui (The merciful chief), he keiki na Kekaulike.
Haaliolio ko Hawaii Elele ini Kuokoa i europa me Amerika Huipunia.
Peter V. Kaeo (Anger against wrong), he kaikunane no Kaleleonalani.
He poe inoa e ae no kekahi, aka, ua manao nae makou ua lawa iho la keia mau inoa a makou e hoike aku nei i mea hoomaopopo ai i ka nui o na Alii Hawaii e moe nei maloko o keia Halau Hale Alii.
-----
OLELO HOOHOLO HOALOHALOHA.
-----
I ka Mea Hanohano A. S. Cleghorn.
Walohi wale: - Oiai, ua lawe aku ka Mea Mana Loa mai keia ola ana i ka mea Kiekie ke Kama Alii Wahine Victoria Kawekiu Kaiulani Lunalilo Kalaninuiahilapalapa, kau kaikamahine Alii i aloha nui ia. A mamuli o kona haalele ana mai i keia ola ana ke noho nei oe, luuluu ame ka minamina nui.
Nolaila, E hooholoia, O makou o na makaainana o Waihee, Apana o Wailuku, Mokupuni o Maui, ke komo pu aku nei makou me oe iloko o ke aloha nui ame ka paumako; A ke haawi nei makou i ka makou hoalohaloha ana ma o ko makou Komite 'la.
Nolaila, Hooholoia Ke nonoi nei ko makou mau leao pule i ke Akua Mana Loa, e hoomana mai i kou naau kaumaha e ehaeha, a e kiai a hoomalu mai i na la apua o keia ola ana.
O makou iho no me ka haahaa.
S. E. KALEIKAU,
W. S. MAULE,
R. I. K. NAWAHINE.
R. H. MAKEKAU,
PARKER CUMMINGS,
MRS. MILEKA MAKEKAU,
LUCY NAWAHINE.
Komite.
-----
HOALOHALOHA A NA AHAHUI KALAIAINA O HANAPEPE AME WAHIAWA, MOKUPUNI O KAUAI.
-----
Ia A. S. Cleghorn.
Aloha oe: - Oiai ke kiu anu o Waialale e iniki hu'i ana i ka ili, a e mawehe ae ana ke alaula o ke kakahiaka, a oili mai la ka la maluna ae o na kualono aloha ou e Manokalanipo, e hoike mai ana i kona nani oi kelakela ma na welelau o ka honua, a e hoonee ana ke setona o ka wati i ka manamana kuhikuhi minute i ka hora 11 a o ka manamana kuhikuhi hora i ka hora 12 o ke awakea, o ka la 8 o Maraki, makahiki 1899, a ola ka manawa i pahola mai ai ka lono hookikilele hauli, o ke Kama'iliwahine ka Hoolina Moi o ko Hawaii Pae Aina Victoria Kalaninuiahilapalapa Kaiulani, ua hala, ua pauaho mai la i keia ola ana, a ua moe aku la oia iloko o ka maluhia, ma ka po o ka la 5 o Maraki, M. H. 1899. Auwe! He mea e ka manaonao, ame ka mokumokuahua o ka naau, i keia lono pili kaumaha, i hoikeia ma; Auwe! walohia wale, a pela iho la i hookoia ai ka olelo o ke kanaka i hanauia e ka wahine he hana kona mau la, a ua piha me na popilikia, nolaila, e hoi ana ke lepo i kona wahi, a o ka uhane e hoi no ia i kona mea nana i hana. Pomaikai ka poe make, ke make iloko o ka Haku, Auwe! Luuluu wale - ae, luuluu wale Hanlei i ka ua nui, kaumaha iho la i ka noe o Alakai, i ka hale ua o Manuakepa. Ua oi ku i ka nahela o ko'ialawa, ke ala ka ia a ka malihini - e, mai hina, mai hina au mai pahee i ko aloha - e, Akahi hoi la a ke aloha i hiki mai ai, ke hii hou nei kuu manawa, he malihini ko ka hale ua hiki mai. Auwe! Aloha ino.
Nolaila, e Hooholoia, O makou o na makainana e noho ana ma Hanapepe ame Wahiawa, Mokupuni o Kauai, ke hoike aku nei i ko makou kaumaha, luuluu me ka walohia ia oe e A. S. Cleghorn; Oiai, ua oluolu i ka Haku Mana Loa, ka lawe ana aku i kau Lei Aloha he kaikamahine, a ua ili iho maluna ou ka haawe luuluu o ke kamaha ame makou la lahui.
E Hooholoia, Ke nonoi nei ka leo o ka makou pule, i ka Mea Mana Loa e hoomama ae i ke kaumaha, luuluu ame ka ehaeha o kou naau ame makou pu kekahi.
E Hooholoia, E hoounaia i hookahi kope ia A. S. Cleghorn, i hookahi kope i ka nupepa Ka Loea Kalaiaina, hookahi kope i ka nupepa Kuokoa, hookahi kope i ka nupepa Aloha Aina.
Ma on Komite 'la.
J.B.K. LELEIWI,
JNO. L. K. PAHULAMA.
J. K. PALAMA,
W. H. K. KAPIHENUI,
S.P. KAMAULEULE,
M. K. LUAHINE,
R. KULAKAUKA,
B. KEKUIAPOIWA,
J. K. MALIEKAI,
------
ELUA MAU KAHUNAPULE I KAMAILIO NO NA HUAALE A DOAN NO KE KUA HANENEE AME PUUPAA.
-----
He hana ku i ka maikai no ke kanaka ka hoike ana ae i ka laau nana ia i hoola. O ka laau hoi ana i ike ai he mea pono ke hoolaulahaia kona makemake nui ia, i mea hoi e hiki ai ke ikeia e kela ame keia kanaka i loohiia i ka ma'i o na puupaa. He mea pono ka nana iho i na olelo a keia Kahunapule malalo iho nei:
Penei ka hoike a Rev. F. A. Smith nona ka hale ma ka Helu 829, First Street, Kalamazoo, Mich.: "Ma ka wa a'u i kuai aku ai i na Huaale a Doan no ke Kikala Hanenee ame na Puupaa ma ka halekuai o Geo. McDonald, e eha ana au ia wa me kekahi mai ma na puupaa. Ua ike maoli au i ka eha o ko'u kua, a e ike ana au i ko'u eha ma ko'u wa e ku ae ai iluna a noho ae paha iluna. Ua loaa pu nohoi ia'u na ouli e ae e hoike mai ana i ua ma'i la. Aka, ua ola nae au mamuli o na Huaale a Doan no ke Kikala Hanedee ame na Puupaa iloko o ka wa pokole loa, aole hoi au i ike hou i ko'u hoopilikia hou ia ana e keia ma'i mahope mai. Aole a'u laau e ae e ai a e inu ana ma ia wa, aka, o keia mau huaale wale no, nolaila, ua lilo keia i mea hoike no ka oialo o ko'u mahalo i keia mau huaale."
Penai hoi na olelo a Rabbi L. Lieberman, nona ka hale e ku ana ma ka Helu 715 South Fourth Street, Hamilton, Ohio: "Ua loohia au i ka pilikia ma kuu mau puupaa, e ike mau ana hoi au i ke ano hanenee a kaumaha o ko'u kikala i na wa he nui, me he mea la e ume maoli ia aku ana no ilalo. E poniuniu ana nohoi ko'u maka ame ka nalulu o ke poo ma ka wa e hoea mai ai ka eha o kuu kukala. E hiki mau ana ia'u ke hai ae i ka wa e hoea mai ai keia ma'i, mamuli o ko'u ike ana i ke ano e o ko'u mau maka. he nui ko'u eha ma ka wa a'u i hoomaka mua ai e ai i na Huaale a Doan no ke Kikala Hanenee ame na Puupaa, aka, i keia wa ua ola loa au. Aohe o'u wahi ike iki i ka eha ma kuu kua. Ua hikiwawe loa na paahana ana a keia maulaau, a ua loaa ia'u ke ola. He laau mikai maoli keia no na ma'i o ka puupaa. Mamuli o ko'u ike pono ana i ke ola io o keia mau huaale, aole o'u kanalua ike e hoike aku i ka waiwai nui o keia mau huaale imua o na mea apau i loohia i ka ma'i elike me ko'u nei, a, aole nohoi au e ahewa aku ia oe i na oe e hoolaha aku ana i ko'u inoa.
E loaa no keia laau ma na hale o ka poe kuai laau lapaau, a i ole ia, ma kahi o Hollister Drug Co., ma Honolulu, a i ole, ma ka loaa ana mai o ke kumukuai. He 50 keneta no ke poho, a no 6 poho he $2.50.
-----
He ku i ka hanohaweo keia lei a na Kaikuahine kanu pua o Maemae i kaawi makana mai ai no ka hoohiwahiwa ana i ke Alii Opio i hala aku la. Ua oleloia mai ia makou he hookahi haneri kapuai a oi kona loa. He lei Ilima keia i kuilia ai.
-----
O ka poe lawe pepa Kuokoa o Hilo i maa i ka hookaa ana i ka lakou mau uku pepa ma ka lima o ka luna, e hoomaopopo lakou, aohe o makou luna malaila i keia wa, a e hoouna pololei mai i ka uku pepa i ko makou nei Keena, ma ka inoa o ka Hawaiian Gazette Co. aole ma ka inoa o kekahi mea e ae. E hoomaopopo i keia hookaka i ole ai e nele i ka pepa.
HAIIA MAI E KE KAKIANA.
-----
Mai ka Nupepa The Democratic mai. o Grand Rapids, Mich.
Ma ka Home o na Koa ma Mikigana, ma Grand Rapids, e ola ana o Kakiana Richard Dunn me ke ola kino maikai a ikaika hoi, aka, e halihali ana no nae oia i na alina o na eha i loaa mai iaia ma k wa kaua Kivila. A penei kana i hoike aku ai imua o kekahi mea kakau nupepa:
"Aneane hookahi makahiki ame ka hapa i hala ae nei, ua loohia iho la au i kekahi eha ma ka opu. No ka nui loa o keia ma'i i loaa ia'u ua hoao iho la au i na laau lapaau he nui, a pela nohoi me na kauka he nui wale. Aole nae i loaa ia'u ka oluolu.
"Hiu lu iho ia au i ka mooleleo o na buaole Akala a Dr. Williams no na kanaka n a nanakea, no ke ola ana o na poe he nui i keia mau huaale, a o ko lakou ma'i hoi, ua like loa me ko'u nolaila, manao iho la au e hoao i ua mau huaale la.
"Mahope iho o ko'u ai ana i na huaale o na poho elima, ua ola loa ae la au. Aole paha wa waikai e ae o ko'u ola elike la me ko keia wa a'u e ike nei, a ua oi loa aku nohoi ka maikai o ko'u ola ana i ko na la opio o'u. Ua nui puipui maoli ko'u kino i keia wa. He oiaio hoi ma ko'u wa i loaa ai i keia ma'i, a kau mai la ka rumatika maluna o'u, ua ikaika loa mai la na umii ana a ka ma'i maluna o'u, a ina aole keia mau huaale in ua hala au ma kela aoao o keia ola ana, a ua kanikau la ko'u mau hoa maluna iho o'u, a ua kai pu hoi lakou ma ko'u huakai hoolewa. Aka, mamuli o ko'u heluhelu ana ua ike iho la au i na Huaale Akala a Dr. Williams no na Kanaka Nananakea.
"He nui loa ka poe maloko o ko makou haupilila e ai nei i keia mau Huaale a ua loaa hoi ia lakou ka po'maikai mamuli o ka ai ana i keia mau hualle."
RICHARD DUNN.
Kakauinoaia a hoohikiia imua o'u i keia la 1 o Novemaba, 1897.
HENRY GIBSON.
Notere o ka Lehulehu.
Ua makemake mau o Kakiana Dunn e kakau aku kekahi mea iaia no ka mea e pili ana i kona ma'i, ina nae hoi e hookomo pu iho ana ka mea e kakau ana i poo leta i mea e pane mai ai.
He mau huaale waiwai nui loa keia a Dr. Williams. E ola ana na ano ma'i he nui i keia mau huaale akala. Aole e puhili na hoola ana a keia mau huaale. E hiki ana i keia mau huaale ke hoola i na ma'i o loko o na kane ina ua ulu mai ia mau ma'i mailoko mai o ka luhi o ka noonoo ame ka nui o ka hana, a ano e ae paha.
-----
HE HUI KULA SABATI LAHUI MA OAHU NEI
-----
Ua loaa mai ia makou ka lono eia o Prof. Rikeke o ke Kula o Kamehameha mamua, ke hooikaika loa nei e loaa ona Hui Kula Sabait Nui ma Hononlulu nei iloko ae nei paha o ka malama o Mei. ua haiia mai ia makou, e komo ana ma keia Hui Kula Sabati na Kula Sabati apau o Honolulu nei, ko Kaumakapili ame ko Kawaiahao, ame ko na Ekalesia e ae. O kekahi hiona nani ano nui loa keia e hoea mai ana. E hele mai ana kela ame keia Kula Sabati me kona hae iho, a e hoao ana kela ame keia kula e ahai ae i ka hanohano helu ekahi ma ia la. Ke lana nei ko makou manao e holo pono ana keia mau hooikaika ana a Prof. Richards.
-----
KAUA PAHA AUANEI O ITALIA ME KINA?
-----
ROMA, Maraki 8. - Ua paa loa ka manao o ke Aupuni o Italia e loaa mai ona olelo pane mihi mai a Kina mai no ka hooleia ana mai o ke noi a Signor Martino, ke Kuhina Italia ma Pekina, e loaa ia Italia he wahi keehina aina ma ke kaukuono o San Mun, maloko o ka mahele aina o Che-Kiang, ma ke ano i kahua ia no Italia e hoahu ai i kona mau loko kaua a hoahu lanahu hoi. e hoea koke aku ana no ia wahi he aumokukaua o elima moku kaua Italia, i hiki aku ka nui o ko lakou mau pu i ka hookahi haneri, ame na kanaka he 1500.
-----
MAKE KE KEIKI A KIPLING KA MEA KAKAU MOOLELO.
-----
NO IOKA, Maraki 6. - Mahope koke iho o ka hora 6 o keia kakahiaka i make aku ai ke kaikamahine haipo a ka mea kakau moolelo Rudyard Kipling, oia hoi o Josephine Kipling, mamuli o ka ma'i numonia. he eono makahiki ona a make aku la. Ua make keia keiki maloko o ka hale o Mrs. Julia de Forest o loko o keia kulanakauhale. he wahi kaawale aku nohoi ia mai ka hale e waiho ana kona luaui makuakane iloko o ka nawailiwali.
-----
MAKEMAKE O IAPANA E HOEMI I KONA IKA@ UA.
----
SEATTLE, Wasinetona, Maraki 5. - Ua loaa mai nei na lono ia nei aia na Iapana waiwai nui o loko o ke Aupuni o Iapana makemake la e hoemila ka nui o na koa o ka emepera a pela pu hoi me na haawina dala no na pualikoa ame na mokukaua. Ua nui na hoa oloko o ka Hale o na Lii i makemake loa e hooko i keia manao hoemi i ka ikaika kaua o ke Aupuni. Ke hoonaauaoia nei na Iapana ma keia mahele ano nui loa o ka noho Aupuni ana.
-----
Ua loaa mai ia makou kekahi mau Olelo Hoalaoloha mai kekahi poe mai no ke Kamaliiwahine i hala aku la, aka, he nui ka pono ole o na hopunaolelo i ikeia iho e makou maloko o ua mau olelo hoalohaloha la, e lilo ai he hapanui okoa o ko makou manawa ma ka hoomaemae ana i kupono no ke pai ana. Uan hoopanee makou i na hoalohaloha o keia ano. E hana mai a pololei.
Hele Ka Lei o Hawaii ma ka @ la Sabati nei, o ka hele no ka hoi @ ka ua, ka makani ame ka lepo. @ pohu lai wale no ka mea i ike@ Honolulu nei. Nooheno no
-----
Ua lawlawe hana o Kapena W. koki o ka pualikoa G ma ka luakino Kawaiahao mai ka po mai o ka Po@ ma a hoea i ka auina la Sabati m@ a ma ia auina la no ua komo aku no oia iloko o kona puali. O ke @ koa keia e hele ai i ke kai o Manila.
-----
Hoolaha Kumau.
----
Ola Nawaliwali
MAMULI O KE
KOKO INO.
-----
E heluhelu iho i ka mea i hanala e ka Ayer Sarasaparila no ka Rev. Z. P. Wilds, he misionari kamaain loa maloko o ke kulanakauhale o Nu loka a hoahanau nohoi o Lunakanawai Wilds i make, he kanaka kuuiana:
"No na makahiki lehulehu he luahi au na ka ma'i pa-palahu ame na @ aai e ae, i puka noloko mai o ke koko ino. Ono ole mai la ka'u ai, a nawaliwali mai ko'u nui kino apau. Mamuli o ko'u ike ana i ke ola ana o kekahi poe e ae no ko lakou inu ana i ka Laau Sarasaparila a Ayer, ua hoomaka iho la au e inu i ua laau la. A ua
ONO AE LA KA'U AI
mai ko'u inu mua loa ana mai no i ua laau la; alaila, hoomaka mai la ka maikai o ko'u ola. He haneri pa-kenota ka oi o ko'u ikaika ae i keia wa, a ua loa mai keia mai ka LAAU SARASAPARILA MAI A AYER, ka laau hoi a'u e hoike aku nei me ka oialo, oia ke pookela loa o na laau hoomaemae koko i ikeia."
No na ma'i apau i loaa noloko mai o ke koko ino e lawe!
Ka Ayer Laau Sarsapailla.
-----
KA AYER HUAALE Ka Laau @ia ae ka @?
Awaawa@ o ka @
-----
Ke pookela o na laau no ka malama ana, ke hooulu ana me ka hoonani ana i ka lauoho, oia ka
Ayer Laau Hooulu Lauoho.
Aole e kepia ke poo, ola na ma'i puupuu, aole hoi helelei ka lauoho. Ina maloohaha mai ka lauoho., hinawanawe a ano hina mai, alaila, no keia laau e ho'iho'i hou ae a kona ano mua, a hooulu lupalupa ae la i ka @uoha. Ma na wahi apau, o keia Laau Hooulu Lauoho a Ayer ke pookela, a ua @ ia i punahele a i hoapili no ua lede ame na keonimana.
Ayer's Hair Vigor
I hoomakaukauia o
DR. J. C. AYER, Lowell, Mass., U.S.A.
----
Na Medala Gula mai na Moikeike Nui o ke Ao
----
Hollister Drug Co. Lt.
Na Agena ma ka Puoaina Hawaii.
----
KAKELA ME KUKU
(KAUPALENAIA.)
----
Poe kalepa ma ke Komisina,
A HE
Poe Lawelawe Kopaa.
----
AGENA.
2736-tf
-----
Metropolitan Meat Co
(Hui Kuai Pipi Metropolitan.)
G. J. WALLER, (Wala0 - Luna Nui
108 Alanui Moi.
----
Poe Kuai a Hoolako i na Moku
ME
Na Io Pipi, i Hipa a pela'ku.
-----
E loaa mau ana na Manu ame na @ mano i hoohu'ihu'ila iloko o ka Hau.
Makepono ke Kuai i na I'o Pipi maanei.
TELEPONA HELU - - @