Ka Nupepa Kuokoa, Volume XXXVIII, Number 14, 7 April 1899 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ke Aloha o kuu Makuahine

KE ALOHA O KA'U MEA I ALOHA AI.

Ka Mana o ke Aloha.

He Moolelo Walohia

 

MOKUNA XV.

 

     "Alaila, e ku keikik," wahi a kona makuahine i pane mai ai.  "e pono hoi ha e lilo oia i kaikamahine na maua, na kou mau makua, me ko maua nana ole i ke ano o kona kulana.  He wahine waiwai paha ia, a waiwai ole paha; he kulana kiekie paha kona, a he kulana haahaa paha; aka, i loaa ai ia oe, e kuu keiki ka hauoli, ka maha ame ka oluolu, e lawe mai no maua iaia i keiki na maua."

     "E kuu Mama, aole e hiki i keia wa; aka, he wa no nae e hoea mai ana a e hookoia no kou makemake."

     Ia wa nana mai la ua Madame Lamabereta nei me na maka kaumaha maluna o kana keiki, a pane hou aku la nohoi ke keiki:

     "Ua ike no au, e Mama, aole i maopopo pono ia oe i keia wa ke kulana nana e kaohi nei ia'u mai ka ae ana aku i kau i noi mai la.  O ka'u mea wale no e hai aku ia oe, oia keia, o kekahi hapa ia o ka mea pohihihi i komo iloko o keia hauoli ana o kau keiki nei  A e Mama, ia oe i hoike mai nei e lawe no olua i ka wahine mana i hoomama mai i na kaumaha o kuu naau i kaikamahine ia bna olua, ua pa-palua ia ko'u hauoli o keia wa i ko ka wa mamua aku nei.  Aka, e hai aku au ia oe, aole hiki ia maua ke mare i keia wa.  E kali ana au no ia mea, a hiki i ka wa a ke aloha o na lani e maliu oiuolu mai ai maluna o'u."

     Mahope iho o kekahi mau kukai olelo pokole ana mawaena o George ame kona luaui makuahine, ame ka haawi ana o na aloha hope, ua huli hoi aku la o George no kahi o kana aloha me ka maikai o kona noonoo.

     "E George, ua ike aku nei nae paha oe i kuu papa ame kuu mama aloha?"  wahi a Alice i ninau mai ai ia George mahope iho o kona hoea ana aku.

     "Aole au i ike ia laua.  Aole nohoi au i hoao e hele aku e ike ia laua, no ka pokole loa o kahi manawa i loaa ia'u; aka, e kuu aloha, e hele aku ana au e halawai a e huipu me laua ke hele hou aku au i Parisa."

     I kekahi pule mai, haalele iho la o George ia Alice, a holo hou aku la ia no ke kulanakauhale o Parisa.  Hele aku la ia e huipu me na makua o Alice, a mahope iho, hele aku la ia e halawai me Robata de Malatere, kona hoaloha.

     "E, pehea o Kauna de Berene?" wahi a George i ninau aku ai i kona hoa.

     Nana mai la o Robata i kona hoaloha me ka mino aka ana, a pane mai la:

     "Eia no ka paha ke hoopuniniia nei kou noonoo no nei kanaka?"

     "Aole paha keia he mea nou e haohao ai ma o'u nei, oiai, ua ike no oe, ua aie nui au i kona lokomaikai awahua, no kela noho ana ou i Kokina - Kina," wahi a George.

     "Eh bien, mou cher ami' (ua pono, e kuu hoaloha i alohaia).  Aole no o'u ike i ke Kauna, a mai ka wa i make ai ke Kaunawahine a hoea mai i kela la, aole o'u wahi noonoo iki nona.  He oiaio nae, ma au lono lauahea i hoea mai imua o'u, ua hiki ia'u ke hoike aku ia mau mea ia oe, e kuu hoa."

     "E aho nohoi paha ia, e Robata, mamua o ka nele loa."

     "O ka'u i lohe mai ai, eia oia ke miala nei i kahi o kekahi wahine, nona ka inoa, o Mademoasela clara.  Ua oleloia he keu keia a ka wahine paihiihi o kona kulana maloko o na anaina hoohauoli o Parisa nei.  Aka, he keu nae keia a ka wahine ono nui wale i nei mea he dala.  A ua oleloia, iloko wale no o keia mau la pokole iho la i kaa hope ae nei, ua kikeke ka papa-kikala o ka pahu hao a ke Kauna i ka neo.  Ua pau loa kana dala, a eia oia iloko o ka aie nui i keia wa e noho nei.  Mamuli keia o nei wahine.  A e hai aku au ia oe, e George, o ka wahine manuahi ka ke kanaka e hoopipili ai, e nanali awahua mai ana la na ka aumakua (paterona) i kona kahu.  O ke nali iho la no ia o nei mea he wahine manuahi ia oe, a holo olohelohe oe; a o ko ia la ku ae la no ia heo ana, nana aku ana o ua haka hou ana e pili aku ai, a o ka hana no ia.

     "E George, ua lohe au, eia ke noho aie nei ke Kauna i keia wa i na poe mea banako lehulehu o loko nei o Parisa, no ka huina o 250,000 hapaha farani.  A ke manao nei oia, o kahi e kaa ai o keia aie nui hewahewa ona, oia na dala hooilina a Alice mai a Madame Hardy mai.  Ke ole au e kuhihewa, aia paha ka huina o keia mau dala mawaena o 3,000,000 a 5,000,000 hapaha farani."

     "A pehea la ke keiki?"

     "He opiopio loa keia keiki  O kahi mea paha e loaa aku ana mai kona makuakane aku o kona ia.  A ua oleloia nohoi, eia kela wahine, ke mohala nei i kana mau hana hooulumahiehie a pau o kela ame keia ano imua o kela Kauna, no ka haiia ana aku iaia, he mau miliona hapaha farani ke loaa mai ana ike Kauna.  A ua ae no kela wahine e mare me ke Kauna.  E nana mai oe i ka lapuwale o na kanaka o keia ano."

     "He oiaio hoi ia!" wahi a George i pane ae ai me ka leo kaumaha, a hele aku la ia a noho ia la ma kekahi puka aniani, me ka noonoo nui ana.

     Oiai hoi o George e noho ana ma ia ano ninau aku la kona hoa iaia:

     "Heaha kau e noonoo nei?"

     "E noonoo ana au no kau mau mea i hoike mai nei imua o'u."

     "A pehea?"

     "Pehea auanei hoi; o ka'u wale no paha e noonoo nei, e ike aku au i keia wa, i ka hana e ku ai ka'u ma-kaia i keia kanaka lapuwale."

     "Auwe! Eia no ka oe ke hmoopunana nei i kela manao ino iloko o kou opu?"

     "Ua oi loa aku ka ikaika o keia manao iloko o'u i keia wa."

     "Kuhi au ua pau kahiko kena manao ino ou, eia no ka oe, ke hoomoamoa nei."

     "Aole."

     "Alaila," wahi a Robata, "he keu oe a ke kanaka pohihihi nui wale ia'u.  Eia oe, ke owiliia nei e nei koloka eleele o ke pohihihi.  Heaha la hoi kou ano, e kuu hoaloha?"

     "Ua pono ia no kou manao ana pela, e Robata, oiai eia io no au i keia wa iloko o ka owili na a kekahi mea ano pohihihi no, i hiki ole ia'u ke hoomaopopo pono i kona ano i keia wa.  Aka, aole a kaua nana ana aku ma ia mea i keia wa.  Ke helu nei au ia oe, e Robata, o oe no kekahi hoaloha o'u."

     "I na wa apau he hoaloha au nou, e George."

     "Alaila, ma ka wa mua loa a'u e kauoha aku ai ia oe, e pane mai ana anei oe:  Eia au la!"

     "Ke ae aku nei au, pela au e pane aku ai, ma kou wa e kahea mai ai ia'u i kou hoaloha nei; aka, heaha ia kou manao, e kuu aikane, i hoopaa mai ai oe ia'u malalo o keia olelo hoopaa?"

     "E hooko aku hoi au i kuu ma-kaia."

     "Pela io paha; aka, e hoomanao oe, e George, aole ke Kauna de Berene, he kanaka malama makaala ole iaia iho.  He kanaka kela i lehia i na wahi apau o loko nei o Parisa, ana i manao ai he wahi ia nona e loohia ai i na pahi oki puu a na powa, nolaila, hookaawale loa oia iaia iho mai ia mau wahi aku."

     "Aohe malama i pau ole i ka iole.  Aohe po'i i kapeke ole i ka popoki."

     "Pehea; e manao ana nae paha oe, e paonioni ano punalua ana oe me ia no keia wahine ia a'u i hai aku la ia oe?"

     "Aole.  Aka, ua hiki loa ia'u ke kokua aku i mea e hookoia ai na makemake apau o na wahine la.  E lili ana au i hoaloha nona."

     "He keu no oe a ke kanaka kupaianaha nui wale," wahi a Robata, "eia nae, ma ia ano hana au e makemake nei, aole o'u ike iki, pehea la e ku ai kau ma-kaia?"

     "He olaio no ia.  Aole o'u makemake e ola kela kanaka puuwai eleele."

     Mahope iho o kekahi mau paio olelo hahana ana mawaena o George ame Robata, ua hoea aku la laua i kahi a Robata i olelo mai ai imua o kona hoa, penei:

     "Manao au o kou kuko ana e lawe i kona ola, aole ia he hana hanohano nou e hana ai.  Aole; aka, manao au o kou hookuu anba iaia e boho oia iloko o ka ilihune.  He kanaka kela i piha i ka hgaaheo, a na ia haaheo auanei e pepehi iaia iho.  A oia ke alahele maikai loa au e hana i.  Ke hoomanao nei no auanei oe i ka mea e pili ana i ke ano o ka hookoia ana o ka-makaia a ka Haku Moneka Karisto maluna o ka poe i hana ino iaia?"

     "Ae," wahi a George i pane mai ai iua o kona hoa, me ka mohaha maikai ana ae o kona helehelena, a olelo mai la nonoi:  "O ka paio ana a ua Kauna Moneka Karisto nei i kona mau enemi, aia no ia maluna o ka waiwai ame ka waiwai, ke dala ame ke dala, ka naauao ame ka naauao, ame ka hoilihune ana i kona mau enemi."

     "Oia, oia iho la no ke anbo o ka paio ana a keia kanaka kamahao nui wale i hanauia iloko o ka puniu o Alexander Dumas, kela hapa Negero naauao nui wale.  Oia ke ano paio a'u e makemake nei ia oe e hooko aku.  E hiki ana anei ia oe ke hana pela?"

     "E Robata, ua loaa ia'u he malamalama hou mai a oe mai, a e pono nae hoi au no ia mea."

     Ua ike nae o George iloko iho ona, he manao maikai loa a waiwai nui ka kons hoa i hoike aku ai imua ona, no ka mea e pili ana i na hana a Kauna Moneka Karisto.  Noonoo iho la nohoi ia, mamuli o ka hoike ana mai a kona hoaloha ua komo ke Kauna de Berene iloko o kekahi aie nui, a ua ike iho la no ia, ua lawa loa ke dala a kona mau makua e hiki ai iaia ke kuai aku a lilo mai iaia kela aie apau o ua Kauna la, a me na dala nohoi a ua mau makua nei ona, ua hiki iaia ke haawi iloko pakahi o na banako a ua enemi nei ona i aie ai ke hoaie aku i ua Kauna la a lilo oia i mea aie kaa ole.  O na keia manao i hooholo ae iloko ona, pane iho la ia iaia iho:

     "He oiaio, he alahele maikai a maalahi keia a'u e hana aku ai."

     A hala kekahi wa o ko laua kamailio ana, ua haalele iho la o George i kona hoaloha a hoi aku la ia no kahi o Alice, a hui aku la me ia, a hoike aku la nohoi iaia i na mea apau e pili ana i koa mau makua.

     I ko Alice lohe ana i ka nui o ke aloha o kona luaui makuahine nona, a pela hoi me kona makuakane, nona ame ka laua moopuna, ua hiolo iho la kona mau waimaka ma kona mau papalina, me ka ehaeha nui o kona naau.

     Ma ia hope mai, elike me ka mea mau, ua hele no o Alie e ike i kana keiki ma Brunoy, elike me ka mea i hooholoia mawaena ona ame ke kahu malama o ua keiki la.

     I kekahi wa nohoi, ua hele oia e ike i kona makuahine bapatema, oia o Madame Hardy.

     I keia ame keia wa a Alice e maalo aku ai ma na alanui o kahi kauhale o Brunoy, maluna o ke kaa a helewawae paha, e paa mau ana no kona mau maka i ka uhi maka; a no kona ike mau ia ma ia ano e na kanaka oia wahi, ua ulu ae la ka haohao iloko o ko lakou mau noonoo ana no ke ano o nei wahine uhi maka eleele, a ua laulaha akuea loa ae la kona inoa kapakapa maloko o ua wahi kauhale ia:

     "Ka Wahine o ka uhi maka eleele."

     I kekahi kakahiaka, heluhelu iho la o Alice maloko o kekahi nupepa, no ka moolelo o kekahi hana keaka i ikeia ma ka inoa, Ka Opera a Kilikina Nileona."  A ia wa huli ae la ia a ninau ae la ia George.

     "E George, aole anei ou makemake e ike i keia wahine maloko o kela paani kaulana loa nona ka inoa o Opilia?"

     "Aohe o'u manao nui no ia mea; aka nae, ina e manao ana oe e hele pu kaua e nana i kena paani, alaila, oia ko'u wa e hauoli loa ai.

     "O! George!  Aohe o'u makemake e nho oe elike me kekahi kahuna moneka noho mehameha o oko o na ululaau.  He nohona ia nou e pili-aiku ai."

     "Aole loa au e pili aiku ina e noho mau iho ana au ma kou aoao, oiai, o oe ke kumu o ko'u ola ana.  Aia iloko ou ka uhane e hauli ai ko'u uhane.  Aka, e Alice, aole kaua e hele koke aku i ke keaka i keia mau po iho, e kali kaua a hiki nohoi i ko'u wa e hai aku ai ia oe, olai, i keia wa, he hana ano nui ka'u e noonoo nei.  A no keia hana e hoi hou aku ana au i Parisa."

     I keia la, haalele iho la o George la Alice a holo aku la oia no Parisa no kahi o kona mau makua. Oiai hoi oia ma ke alahiel, olelo wale iho la no ola iaia iho:

     "Ua ike no au, he hana nu a koikoi loa keia a'u e hana aku nei.  E paio aku ana au me Kauna de Berene, ma ka waiwai no ka waiwai.  Ua ike no au he nui kona mau hoaloha koikoi a kuonoono, aka, aole nae o'u manaolana, e kokua mai ana lakou iaia ma ka wa a lakou e ike maopopo mai ai, ua puhalu oia iloko o kekahi aie nui hiki ole i kona mau waiwai paa ame ka waiwai leka ke hookaa.  I loaa no nei mea he hoaloha ke mau ka ulakolako i ke kanaka.  Auwe!  O kela iho la paha ka mea i oleloia, he aikane hulumanu?"

      A keia pule ae, ikeia na hana uila ke wai gula ame ka wai dala i hooneeia e ka noeau ame ke akami o George, no ke aloha o kana mea i aloha ai.

     (Aole i pau.)

 

He MOOLELO KUPAIANAHA.

- NO -

Ka Moku Kamahao

KA MALOLO.

(THE  FLYING FISH.)

Lele i ka Poiuiu o ka Lewa - Oni i ka Papaku o ka Moana -

Hoea ia ka Welau Akau - Ike i ke Kulanakauhale Kahiko o Opira -

Haaheo ma na Mauna Himalaia.

 

Kakauia e Henry Collingwood, a unuhiia e Hooulumhiehie no ke

"Kilohana Pookela no ka Lahui Hawaii."

 

MOKUNA IV.

 

     "A-ha! Ua ike aku nei ka oe ia wahi mea paahana!  Ua manao mua no au, e lilo ana i mea na oukou apau e hoohuoi ai no ke ano oia wahi mea paahana.  Nolaila, i mea e hoopauia ae ai kou pohihihi, e kuu hoaloha, e hoolohe mai oe.  Oia wahi mea paahana, he ipu hoohanaia e hooponopono ana i ka nee ana ame ka paahana pono ana i ke panana i hiki ai ke hookeleia ka moku nei, ma kela ame keia alahele i makemakeia ai kana nee ana aku.  Ke ole au e kuhihewa, ua ike aku nei oe, e Mr. Lutanela, i keia mau kui pine e puka ana a wanaoa mawaho o ka ili poepoe o ke panana, maloko mai o kekahi mau pukapuka huinaha, aneane eono iniha ke kowa mawaena o kela ame keia puka huinaha?"

     Kunou mai la ke poo o ka Lutanela, alaila, hoomau aku la ka Porofesa i ke kamailio ana:

     "Ina hoi oe i nana pono loa mawaho o ke panana, e ike ana oe he elua mau kui loloa lahilahi i pineia, a e aneane pili kokoke loa kahi ame kekahi.  O ko laua mau winiwini nae o ko laua mau welau mawaho mai ke kikowaena hoopaa aku maloko o ke panana, ua pili loa laua i kahi ame kahi, a ma ia mau wahi i huiia o ua mau kui la, ua hoopaaia ae la he wahi kui uuku, e huli ana kona maka ilalo, a e nee ae ana hoi ia mea ma kekahi poai pi'o.  A penei ke ano e paahana ai keia mea:

     "Ina paha e makemake ana kakou e nee aku ka moku nei ma ke kukulu hema, alaila, e hookaa ae ana oe i ka hoeuli o ka moku, elike me ka mea mau, a hiki i ke kau pono ana o ka lima kuhikuhi o ke panana i ka ihu Sau (South - Hema) a ma ia wa hoi e oni ae ai ke pa o loko o ke panana a kupono i ke kulana ihu i makemakeia.  I ka wa a hoea pono ae ai ke pa o ke panana ma keia wa a ke kui i kaulona ai, o kou wa ia e kulai mai ai i kekahi kuai e ku kokoke ana ma kou aoao, alaila, o ka wa auanei ia e oni ai kela mau kui loloa a'u i olelo aku la ia oe a nee ae la ma kela puka huinaha ma ka aoao o ke panana, a holo ae la a paa ae la kekahi o laua i ke kui oioi e wanaoa ae ana malalo o ke panana, oiai hoi kekahi kui manamna i a'e aku ai ma kekahi aoao, a paa iho la.  O keia iho la ke ku ana o ke kulanba hookele o ke panana no ke kulana i makemakeia e nee aku ka moku.  E like me ka mau ana o ka nee ana o ka moku ma ke kukulu hema, pela ka mau o ke kaohi ana a keia mau kui i ke panana ma la kulana.  Aka, ma ka wa a ka moku e ewa ae ai, a e hu aku ai paha mai kona kulana nee i makemake mua la ai, ola ka wa e oui ai kekahi o na kui a'ui i hoike aku nei a imi ae la i kona kulana kaulike maluna o ke panana.  Ma ia hana ana ua nee ae la kekahi o laua a pa iho la ke kui oioi i paa ae ma kona welau, a kikona iho la hoi ia ui oioi i kekahi o na kui oioi e ku ae ana malalo o ke panna a ma ka hookui a pa ana hoi o keia mau kui elua i kahi ame kahi, oia ka wa e hooni koke ia aku ai kekahi hoolele uila ana mai ke panana aku a loaa ka enegini hoonee hoeuli.  A na kela imi kaulike o kela mau manamana lahilahi a'u i kamailio aku la e hoohana i ka enegini uila e hoihoi ae i ke kulana nee paewa o ka moku, a ke kulana kaulike i makemakeia ai ia a nee aku."

     I'a hooho ae la ka Lutanela ame na hoa e ae elua ona no ka noeau launa ole o kela hoakaka a ka Porofesa.  A pane mai a hoi ka Haku Reginald:

     "He mea oiaio loa, e Mr. Porofesa he keu oe a ke kanaka hupaianaha.  He kupua maoli no paha kou hoa like.  ke hookuku ae au i ka'u mau mea i ike maka iho nei maluna o kela oku ame na hoakaka au, e Mr. Porofesa, i hoakaka mai nei no ke ano o na hana a na mea paahana o keia moku, me na hana mana i ikeia maloko o na moolelo kaao o Arabia, he oi aku keia o ke kupalanaha i ko ia mau mea apau."

     "Aole," wahi a ka Porofesa i pane ae ai, me ka akaaka.  "Aole:  aole au he kupua-no-no-no-aka, he kanaka akeakamai ilihune wale no au.  He mea oiaio nae, ua oi aku ke kamahao o na mea i hoouaia mai e ka hohonu o ka naauao, mamua o na mea i ikeia maloko o na moolelo kaao Aravia.

     Mahope iho o ko lakou hoolilo ana i ka hapa ola manawa aku o ka auina la, ma ka hooulumahiehie ana ia lakou iho me na "wai koo lihilihi" maloko o na kiaha, ua haalele iho la lakou i ka rumi aina a nee aku la lakou no ka rumi o na mea kani.

     He keena keia i oi aku kona nui ame kona mahuahua i ko ka rui aina.  A o keia nohoi ka rumi aina.  A o kela nohoi ka rumi mahope koke iho o ke keena ina.  ua maikai a ua maemae nohoi na mea i hoonaniia ai o loko o keia rumi.

     Aia maloko o keia rumi, e ku ana he piano, ame kekahi mau ohe keleawe dala ame laau nohoi i hiki aku ka nui i ke 50.  Ua hoonohonohola keia mau mea kan ma na papa like loa, a ua loaa he elima papa.  Ua like ia me 10 ka nui o na ohe ma ka papa hookahi.  Ua hoopaaia lakou a paa ma kekahi pahu nui kiekie, i like ke kiekie me kekahi o na ogana nunui o na luakini o Ladana.  Aia hoi ma lalo iho o keia mau mea kani, ka laina i kau ai ka pahu liilii, ka pahu nui, ke kumebala ame ka hao kila ki-ke-ke.

     He ku i ka hiehie ame ka hanohano ke ano o ka hoonohonohoia ana o keia mau mea kani. 

     Aia nohoi malalo iho o ua maa mau nohoi o ka papa-ki ogana, e waiho ana he papaki oia ano.

     "Ea," wahi a kahi Lutanela i hooho mai ai, a ninau mai la:  "Heaha ka alaala a kela mau ohe e pipili mai la ma kela paia, me he mau nalo la e pili ana i ka paia hale?  Owai kanaka na lakou e hookani mai i kela mau ohe?  Ea; manao au, ua halahu loa kou naauao ma keia ana."

     "E kii oe, e Mr. Lutanela, a hoea mai ka wa, alaila, o keia ogana kupaianaha auanei ka mea e hoopahaohao aku i na kanaka o Ladana nei ma ka po Karikimaka o keia makahiki.  E kani auanei keia mau mea kani ma la po, a e manao no lakou, he leo no na anela mai ka poiuiu mai o ka lewa lani ka lakou i lohe ai.

     "E hoomaopopo oukou, aole he mau waha no na kanaka, a he mau lima haalulu wale hoi no ia poe, na mea e alakai anai na melodia o keia mea kani kupaianaha; aka, o ka ikaika kamahao o ka uwila, oia ka mea nana e hoeueu i n melodia o loko o keia mau ipu maemae o na leo mele.

     "Eia ma ka waihona o na leo mele o ko kakou moku nei, na mele kaulana loa a na poe haku mele o ke ao nei, mai kahiko mai a hoea mai i keia wa e hele nei.  Ma ka wa e makemake ai kakou e loaa ona mau hoonanea ana ia kakou me a mea kani, ma ka lewa, ma ka ili o ke kai, a malalo o ke kai, e hookauwa mai ana no keia ogana iaia iho no ko kakou pomaikai."

     Ke ike la  hoi na hoa o ua Porofesa nei i ke ku-ku mai o na ipu pua o kela ame keia ano ma na wahi he lehulehu loa o loko o ua rumi la, a e poha maikai iho ana ka malamalama o ka la maloko o ua rumi la, ma kekahi ipu aniani mai luna iho o ka moku.

     "E, auhea oukou, e o'u mau hoa," wahi a ua Porofesa nei i pane ae ai, "ke ike nei au aple i napoo ka la i keia wa' nolaila, makemake au e hoike aku ia oukou i kekahi hiohiona kupaianaha."

     I kela wa, unuhi ae la ka Haku Barona i kana wati, a pela nohoi kona mau hoa, a nana iho la lakou i ka lakou mau uwati, a ike iho la lakou, o ka hora 2 no ia o ka auina la.

     Ua hele aku la ua Porofesa nei a ma kekahi paia o loko o na rumi la. @ lau aku la kona lima i kekahi a ! wili ae la.  Ia wa i kahuli ae @ malamalama aiai e poha @ @ @ rumi la a ke ano malamalama @ @ o ka aluna ahiahi.  Alaila @ @ he oluolu aku la ia pohina a @ @ molehulehu o ka po.  Pela ka @ a hoea i ke ano ana mai @ @ maloko o ka rumi a pau a @ @ la he ma paka ana o na @ @ hoku maluna ae o lakou apau.  @ ole poha mai la ka malamalama o @ mahina.  Aole hoi i @ ma@ @ la ia malamalama. a halai pu @ @ ka pouli a ma la wa i puia ae @ @ @ o na rumi la i ka melodia nanaho @ @ i lohe ole ia e lakou apau mamua.  @ he mea la, he puali leo mele ia @ @ sana ana ma ka poiuiu o ka @ .

     Ua ku iho la ka Haku Reginald kona mau hoa hme ka @>  @ @ nalohia ae la ua melodia nui @ @ hou iho la ka malamalama o ka la.

     Ua hoakaka mai la nohoi na Porofesa nei imua o kona mau @ @ ano o kana mea i hana @ @ @ iho na lawe aku la la ua Porofesa @ kona mau hoa no ko lakou mau @ pakahi iho, me ka olelo ana @ @ kou.

     "Ma ka hora 12 ponoi o keia @ haalele iho ai kakou i ka honua @ e lele aku lakou i ka lw=ewa. ko @ home hou. Nolaila, mai keia @ @ noho oukou iloko o ko oukou mau. @ mi a hoea i ka wa o ko kakou @ ahiahi, alaila, akoakoa hou kakou @ loko o ka rumi aina.  @ @ @ kakou aina ahiahi ole ka hora @ @ minute."

     I ka hoea ana mai ona hora @ @ koa hou ae la ka Porofesa ame @ mau hoa maloko o ka rumi aina a @ iho la i ko lakou aina ahiahi.  I @ pau ana, ua hoonanea wa e aku @ @ lakou ma ke kamailio ana a hiki @ @ kani ana mai o ka hapalua o ka @ @ o ke aumoe.  Aole i @ mai @ pihoihoi o kela ame keia mea o @ hoaloha ekolu o ka Porofesa.  He ha @ lua hora wale no koa a hoea mai W wa e ahui ia aku ai lakou iloko @ lewa.

     "He hapalua hora wale no koe a @ kou e kali ai." wahi a ka Porofesa pane mai ai, "a hoea mai ka wa e @ ai kakou he poe kanaka ola no ka @ wa."

     Aka, ua like ia hapalua hora me @ kahi pule okoa a lakou e kali @ @ keia pule ae.

     (Aole i pau.)

 

Hoolaha Kumau.

 

Koko Maemae

OIA KE KUMU O KE OLA KINO MAIKAI

KA AYER SASAPARILA

      Ka mea e maemae ai ke koko, ikaika na aa-lolo, ono ka ai, pau ka poiuhulu a maikai maoli ke ola.  He mau tau@ o na kanaka i hoike no ke oia o ka Laau Sasaparila a Ayer.  Ke hoea mau mai nei ka lakou mau palapala ma keia ame kela eke leta.  Auhe keia he loaa no ka hoao wale ana.  Ke hooia mai nei kela poe leta apau, "Ua oia au i ka Laau Sasaparila a Ayer" O kekahi  WAHINE  NAWALIWALI  i hele a pili mau ka ili i ka leta moa i loohia i ka ma'i papalahu ai lii, i hele hoi a wiwi, a pela hoi me ka mai i loohia mau ai lakou na wahine, kakau mai la oia no kona oia loa ana.  Ina makemake oe e hoopomaikaiia oe e ka pomaikai i ikeia a kela poe a loaa la oe ke ola kino maikai a ikaika alaila, e inu oe i ka laau hoomaemae koko a hooikaika kino hoi.

     Ka Laau Sasaparila a Ayer.  E makaala loa no na laau hooha@ like kumukuai emi.  ka inoa o keia laau, oia ka AYER SASAPARILA. E ikeia ana keia inoa mawaho o ka wa-hi, a maloko nohoi o ke kino o kela ame keia omole.

     NA HUAALE A AYER  I akiia me ke ko @ @ @ @ @ @

     NO KEAHA I hookawelewele loa aku ai oe i kela

     AME  ANU, KUNU PUU EHA?

     Ua kaulana loa ka LAAU KUNU A AYER (Ayers Cherry Pectoral) iloko o na makahiki he aneane 60, ma ka hooia ana i na Ma'i o ka Puu ame ke Akemama, ke Anu, ke Kunu, ka Ma'i La Grippe, ame ka Ma'i Mala o ka pele Akemama.  He ono keia laau ma ka inu ana, a he oiaio ke ola.

     AYERS CHERRY PECTORAL Na Medala Gula mai na Hoikeike Mai o ke @

     Mai lawe i na Laau Emi i Hoolikeia me keia Hollister Drug Co. Lt.  Na Agena ma ka Paeaina Hawaii.

 

 

     {O na lala keia o ka Oihana Kuhina Nui o Kina ma Wasinetona, Amerika.  Mamuli o ka waipahe ame ka oluolu o ko Kina Kuhina Nui malaila i keia wa, ua lilo la wahi i wahi makemake nui la e na Amerika.}