Ka Nupepa Kuokoa, Volume XXXVIII, Number 15, 14 April 1899 — HOI-KE KULA SABATI. [ARTICLE]

HOI-KE KULA SABATI.

Malamaia ka liioike hapaha o na Apana Kula Sabati o Koolau, Kauai, ma ka luakini o "Poni Moi" i ke Sabati, la. 2 o Aperila, 1599. Hoomakaia. na hana hora 11 a. m. ma ke mele ana ma ka aoao 12S Hoku Ao ame ka pule a Rev. S. Kauiili. i\a Ktua aaoaii i hiki mai—Anehola, rvoolau ame Kiiauea. Kaheaia ka hoike a ka n.lele o ke Kuia Sabati i ka Ahahui i Lihue, pau ia, ka Elele o ka Ahahui Opiopio. Hoike a ke Kakauolelo ame Puuku o ka Ekalesia elīke me ia i hoopaneeia mai ai. Hoike a ka Elele o ka Ekalesia. Hoolaha a ke Kahu no na iaea piii Ekaiesia. Hooiaha a ka Peresidena o ka Ahahui Opiopio. Hooiaha a ke Komite Heeueu o ka Ahahui Opiopio, oia 'hoi -e malamaia ana ka Hoike o na Apana Ahahui Opiopio o Koolau ma ka luakini o Kilauea ke hiki aku i ke 3abati mua o Meī, 1599, pau ia kohoia ekoiu mau komiie nana e nana na hana 0 ka la, oia o Rev. S. Kaulili, W. Huddy ame G. 31. Huddy. Himeai hui aoao 220 Hoku Ao, 1 pauku. Malamaia ka lulu elike me ka mau, a penei na mea 1 ioaa: Kula Sabati o Anehola, $2.00; Koolau, $5.50: Kilauea, $2.00; na makaikai. $4.50; nuina $14.00. Himeni hui aoao 251 Hoku Ao, 1 pauku. Kaheaia ke Kula Sabati o Koolau na lakou e wehe mua na hana o ka la. O ka nui o na haumana ke hui me ke alakai he 4S, ko lakou manawa ma ke kahua kaua, 15 minute. Nani a maikai na mea apau i hanaia, na j keia knla i hana mai na haawina, ua kohu nwila i aaapu mai ma- kekahi aoao o ka lani a aiohilohi aku la ma kekahi aoao. Hoihoi ka manao ke na-

na aku. Himeni hul aoao 275 Hoku Ao, 1 pauku. Kaheaia ke Kula Sabati o Anehola, ko lakou Auina he 18, manawa 13 minute. 0 ke kula *»eia nona ka inoa kapakapa, "Keahiokalalea." Ae; he oia mau no ia i ke alo pali. Himeni hui aoao 103 Hoku aoao. O ke Kula Sabati o Kilauea i ka Lei Mokihana ka hope. Ko lakou nui he 17, manawa 9 minute. He poe koa pokii ame ka opio wale no ko keia kula, a hookahi no makua oke alakai. Ae; he oia mau no ke ala o ka Lei Moki- ' hana. Himeni hui aoao 272 Hoku Ao, 1 pauku. i Kahea ia o J. Kaoni e haawi mai i mau manao paipai. Pau ia o Rev. S. Kaulili, William Huddy a na G. M. Huddy, ka lunahoomalu o na komite i hoike mai i ka lakou olelohooholo penei: Kula Sabati o Anehola ame Koolau ma ke ku wale o kahi poe aole himeni. Kula Sabati o Kilauea helu ekahi ma ka paa pono o na mea apau. He mau manao paipai mai ke Kahu Kula Sabati Apana G. W. Mahikoa a mea nana i alakai na hana o ka la, a nana no, e malama hou ia ana ka hoike hapaia o na Apana Kula Sabati o Koolau ma ka Luakini o Anehola i ke Sabati mua o July, 1899, a penei na haawina, Kula Sabati o Kilauea, haawina o Aperila; Anehola, Mei; Koolau, lune, 1899. 0 ka nui o na ihaumana i hana i ka hana ma keia la ke hui pu me na hma, he 88, hui me na makaikai he 35, loaa ka huina 0,123. Noi mai o Mr. Pukalo e hookomoia ka moolelo iloko o ka nupepa, kokua mai o David Trask, a pakui mai e hookomoia iloko o elua nupepa, oia ke "Kuokoa" ame ke Aloha Aina. Ma ka ninau ana, hooholoia. Hookuuia na hana ma ke mele ana ma ka aoao 48 o ka Hoku Ao ame ka pule a W. Huddy. A mahope oia ua noho iho na mea apau e ai i na mea i hoomakaukauia e ke Kula Sabati o Koolau, e laa ka poi uouo ono o Kalalau, .ame ka puaa momona o Hanakapiai, a he nui wale o na ano ia like ole, mai ka i'a kau i ka wekiu a ka i'a luhe mai i ka apapa, a mai ka i'a maka ole e loli pua nei a ka i'a kaulana, i ka piko no liihaliha, a ke keiki lalawai G. M. Huddy i hului mai ai a ku ke koa, oi noke iho o Hanale a ohe wahi i lawalu aku. GEO. W. MAHI'KOA. Kakauolelo. Kilauea, Kauai; Aperila 7, 1899. (Aole makou hoowahawalia iki i na hana e pili ana i ka •hooulu ana i ka pono, elike me na hoike Kula Sabati. 0 ka mahuahua nui ana mai o na opio komo iloko o ke -Kula Sabati, a lawelawe i na hana pono io maoli, oia ka hoonlu ana i ka nohona pono a holomua mawaena o ka lahui opio o Hnwaii nei, a e pono ai ko lakou nohona la.hui ma keia mua aku. E hooikaika na Kahukula Sabati, na Kumu ame ka poe makee pono apau e kii aku 1 na opio hele ole i na hana pono, e hel-e mai lakou ia mau hana. L. H.)