Ka Nupepa Kuokoa, Volume XXXVIII, Number 15, 14 April 1899 — KA LUAUI O KEKAHI POE LOIO MAKAUKAU O HAWAII NEI. [ARTICLE]

KA LUAUI O KEKAHI POE LOIO MAKAUKAU O HAWAII NEI.

Ma ka Poalua nei, iihaalele mai ai 0 Lunakanawai A. S. Hartwell ia Honolulu nei, maluna o kamokuahi "C3ptic," a hala aku Ia oia ma ke alahele no Anuenka Huipuia. Ua laulaha ae ka lono, e liuliu loa ana paha keia kaawale ana aku ona mai Hawaii aku nei. 1 Ma ka makahiki 1874, haalele aku oia i ka noho ana i hoa lunakanawai no ka Aha Kiekie, a lawelawe ae la oia i ka oihana loio. Oiai oia i lawelawe ai ma keia oihana, mai ia makahiki mai, ua lehulehu loa ka poe i noho a'o kanawai maloko o kona keena, a ua lilo lakou apau i poe loio makaukau, a i poe lunakanawai noeau nohoi. Ua noho a/o pu me ia na Messrs. W. O. Kamika, J. M. Maunakea, L. A. Kakina, W. A. Kini, Albert Smith (i make), W. F. Frear, A. Perry, Wm. L. Stanley, Gardner Wilder, Wm. A. Hen- # shall, George de la Yergne ame R. D. Mead. Ma keia ano, ua hiki no ke oleloia o Loio Hakawela leo lakou luaui ma ke kanawai.