Ka Nupepa Kuokoa, Volume XXXVIII, Number 16, 21 April 1899 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Hoolaha Mana Hooko

HOOLAHA AINA AUPUNI.

Poaloa, Mei 16, 1899, ma ka hora 12 awakea, ma ke alo o ka Hale Hookolokolo e kuaiia aku ai ma ke Kudala Akea no ke Dala Kuike, he Apana Aina ma ka Aina Kula, ma ke Awawa o Waianae, maloko o laila Hookahi (1) Eka.

 

Kumukuai oi aku mamua o $100.

 

Ma ke Dala Gula o Amerika Huipuia.

 

No na mea i koe aku e ninau ma ke Keena o na Aina Aupuni, Honolulu

            J. F. BROWN.

            Agena o na Aina Aupuni.

Aperila 11, 1899         2750-4t

 

KOOLAHA KAKAUINOA KOHO BALOTA.

E noho ana ka Papa Kakauinoa Koho Balota o Maui, Molokai ame Lanai ma na wahi i hoikeia mahope ae nei, penei:

 

Poakahi, Aperila 17, 1899, hora 11 a.m. a 1 p.m. ma ka Halekula o Huelo.

 

Poalua, Aperila 18, 1899, hora 8 a.m. a 11 a.m. ma ka Haieleta o Keanae.

 

Poakolu, Aperila 19, 1899, hora 8 a.m. a 12 m. ma ka Halekuai o Fukuda, Nahiku.

 

Poaha, Aperila 20, 1899, hora 9 a.m. a 12 m., mai 2 a 4 p.m. ma ka Haleleta o Hana.

 

Poano, Aperila 22, 9 a.m. a 12 m., mai 2 a 4 p.m., ma ka Wili o Hamoa.

 

Poakahi, Aperila 24, 1 p.m. a 5 p.m. ma ka Haleleta o Kipahuiu.

 

Poalua, Aperila 25, 1 p.m. a 5 p.m., ma ka Halekula o Kaupo.

 

Paokolu, Aperila 26, 11 a.m. a 1 p.m., ma ka Halekuai Pake, Makena.

 

Poakolu, Aperila 26, 2 p.m. a 5 p.m., ma ka Halekula o Ulupalakua.

 

Poaha, Aperila 27, 10 a.m. a 2 p.m., ma ka Halekula o Kealahou, Kula.

 

E malamaia ana no na noho ana o ka Papa i ke ahiahi ke hiki.

            FREDERIC W. HARDY,

            F. WITTROCK,

            R. C. SEARLE.

 

Papa Kakauinoa Koho Balota no Maui, Molokai ame Lanai. 2750-2t

 

I keia la i hookohuia aku ia o Fred Meyer, Esq., i Luna Pa Aupuni ma Waianae ma ka Apana o Waianae, Mokupuni o Oahu, ma kahi o D. Center i waiho mai.

            J. A. KING.

            Kuhina Kalalaina.

Keena Kalaiaina, Aperila 4, 1899.

2749-3t

KA

NUPEPA KUOKOA

No ka Makahiki          $2.00

No Eono Mahina         1.00

Kuike ka Rula.

Puka Ana        1          2          3          1          2          3          1

                        Pule     Pule     Pule     Mal.     Mal.     Mal.     Mak.

Iniha                $1.50   $2.00   $2.50   $3.00   $5.00   $6.75   $12.00

2 Iniha             2.00     2.75     3.50     4.00     7.00     9.00     15.00

3 Iniha             2.50     3.50     4.50     5.00     9.00     12.00   18.00

4 Iniha             3.00     4.00     5.00     6.00     11.00   13.50   21.00

5 Iniha             3.50     4.75     6.00     7.00     12.00   15.00   24.00

6 Iniha             4.00     5.50     7.00     8.00     13.00   16.50   27.00

O na Olelo Hoolaha a pau e noouna ia mai ana no ka Hoolaha maloko o keia Nupepa, a hoouna pu mai me ka auhau, a ina aole, aohe hookomo ia.

 

MOOPUKAIA E KA

HAWAIIAN GAZETTE CO.

A. W. PEARSON, Luna Nui.

JOSEPH M. POEPOE, Lunahooponopono.

Honolulu, Oahu.

POALIMA,    APERILA 21, 1899

KA PALEKANA O KA LEHULEHU.

Oiai makou e ahewa ole ana i ka aeia ana o kela ame keia kanaka, maloko nei o ka aina, e paa i kekahi pu ki manu, ki holoholona a ano e ae paha, mamuli o ka loaa ana he laikini mai ke Aupuni aku, ke manao nei nae makou, he mea pono ke noonoo akahele ia ke ano o ka hoopukaia ana o na laikini ae i kela ame keia mea a nonoi ana e loaa iaia ka pono malama a ki ana hoi i ka pu, maloko nei, a mawaho aku nei o ke kulapakauhale.

 

O ka heawi laulaha ana i keia pono, ma ke ano kuu akea maoli, he keehina ia na makou e kakanalua nei ka haawi ana aku i na apono ana. He mea maikai ka paa ia ana ame ka lawelaweia ana o nei mea he pu e ke kanaka ike maopopo i ka waiwai io oia mea, ame ke ano o ka malama ana, ia mea i ole ai e hoopilikia a hoopoino wale ia aku ke ola o kekahi poe. He kamakoi maikai loa ia a ke kanaka e hoohana ai i loaa ai ka i'a ahiu ma na kula, maloko o na ululaau, maluna o na puu, malalo o na oawa, ma na paia pali manaia a ma ka poai lewa maluna ae o ka ili honua. Aka, i kekahi, wa nae, mamuli o ka-noonoo kuhihewa pana, ka huhu a inaina hikiwawe e lilo ai keia kamakoi maikai i mea paahana ku i ke weliweli.

 

Ma ka apana o Waianae ae nei, ma ka la 8 o keia mahina, ua oleloia, ua ki ai la kekahi kanaka i kana pu raifela, ma ke ano hoomaka'uka'u paha, i mea e pae ai kekahi mau kanaka elua e kau ana maluna o kekahi waa. ma kahi aole no i mamao loa aku mai ka aekai aku. Ua oleloia, he elua manawa o ke kiia ana o keia pu. Ua laweia keia hihia imua o ka Aha Apana o Waianae, a mamuli o ka lawa ole o na olelo hoike ma ka aoao o na kanaka i olelo, ia laua i kiia ai ka pu e ka mea hoopiiia, nolaila, ua hookuuia oia. Ua hana io ia paha he hana oia ano, a, aole paha, aole hiki ia makou ke hooia aku i ka aoao i oiaio; aka, o ka mea i maopopo ia makou, mamuli o ka hooiaio ole ia ana o ka hewa i hoopiiia ai, ka mea hoopiiia, ua maopopo, aole i hana ia he hewa oia ano e ia. Aka, aole nae ia he mea e hoopauia ai ke kawelewele manao iloko o makou, e olelo ana, he mea alakai keia i ka noonoo o na luna aupuni e haawi i na kiai makaala ana no ka ae naa i na laikini kipu i ka poe e makemake ana ia hana. Ua hiki laelae loa i ke mea laikini kipu ke hana i na hana weliweli me ka pu i neia ai oia, ma ke kanawai, e hoohana aku, ma kela ame keia wa e puai ai ke kuakoko o ka maina ame ka huhu iloko ona, oiai aia no ka malamaia ana o kela mea paahana maikai a inoino nohoi ma ka malu o ua kaaaka la. O ka hopena auanei e loaa mai ana ma ka hana ana, he poino no.

 

Nolaila, h@ mea maikai paha ke haawi ana i na noonoo ana i keia wa, no ke alahele holopono e kaohi ia ai, a e kaupal@ia aku ai ka mahuahua ana aku ka pilikia o keia wa.

 

O kekahi keehina maikai loa e noonooia ai, oia paha keia:

 

Na kela ame keia Hope Makai Nui o ka apana i noho ai ka mea noi laikini kipu e hooia mai ma kekahi palapala imua o ke Kuhina Kalaiaina, he kanaka kupono io ka mea noi e lawelawe ai i ka pa i noi ai oia i laikini. He kanaka lawelawe hana ano nui ia iloko o ka apana, a pela aku. Alaila, he mea pono ke hoihoi ia ka malamaia ana o kela ano pu laikiniia, mahope iho o ka pau ana o ka hoohanaia ana e ka mea laikini, i kela a me keia la, ma ka malama ana a ka Makai Nui o loko o ka Apana; a iaia nohoi e kii aku ai ka mea aikini i kana pu, i kela ame keia wa ana i makemake ai, o ke ao. Mamua o ka napoo ana o ka la o kela ame keia la e pili hou ai kela pu ma ka lima o ka makai. E auhauia na kanaka kipu o keia ano ma kekahi auhau kupono no ka malamaia ana o ka lakou mau pu ma keia ano.

 

Malia he mau keehina maikai e ae nohoi kekahi e hiki ai ke hoohanaia i mea e pulamaia ai ka maluhia o ka lehulehu.

 

KA NAAUAO.

Ke hapai hou nei no makou i ke kamailio ana maluna o nei mea he naauao. Ua ike a ua hoomaopopo makou, o ka loaa ana o nei mea he naauao i ke kanaka, oia ka mea e loaa ai iaia kekahi keehina waiwai nui e hookupono ai iaia ma ka hana, i hoomaamaaia ai kona noonoo e hana aku. Ina ua hoonaauaoia oia ma ka ike pili i na mea ulu-na kanawai e pili ana ia lakou, ko lakou ano, ke ano e ulu pono ai lakou, ke ano e pale ia aku ai na mea hoopoino ia mau mea-alaila, e lilo ana kela kanaka i hoonaauaoia ma ia mahele ike, he kanaka botanika. Pela hoi, ina e hoonaauaoia ke kanaka ma na ike pili Palapala Hemolele, ka Wehewehe Hala, na Kanawai ame na Rula hooponopono Ekalesia, ka Hoike Akua, oia hoi ka Tiologia, ame na ike kukulu a haku poolelo, alaila, he kahunapule aku ana kana hana.

 

Mamuli auanei o ka loaa ana o ka naauao i ke kanaka e loaa ai i ua kanaka la ka hana e hoohana aku ai oia i ka naauao i loaa mai iaia.

 

Eia mawaena o na poe paahana e laupai mai nei mawaena o ko kakou mau mahakea o na hana e ikeia aku nei mai Hawaii a Kauai, he elua no mau mahele nui i ku ai ua poe limahana la, oia na limahana, a poe paahana e lawelawe ana mamuli o ka ike maa hana wale iho nei, ame ka poe ike hana mamuli o ke alakai ana o na loina o ka mahele naauao a ike i aoia ai e lakou. O keia mahele hope, e hiki ana i ko lakou ike ke hoomahuahua nui ia a loaa ka holomua loa; a o ka mahele mua hoi, e nee ana lakou ma ke kulana apo wale aku a hooplii i ka hana i hanaia e ka mea i naauao maoli i na loina kumu mua o kekahi hana. Nolaila, o ka ike o ke kanaka i piha i ka naauao, he ike ia e lilo ana i kumu alakai i ke kahaka maa hana wale no, a oia ano ike ka mea waiwai nui.

 

O kahi e loaa ai na kahua mua e ku ai keia heiau o ka naauao, aia no ia iloko o na kula. A elike me ka nee ana o ke kulana i hoonaauaoia ai o ke keiki, ma na kula ana i hookomoia aku ai e kona mau makua, a poe kahu hanai paha, pela no auanei e pii ne ai ka nui ame ka mahuahua ana o ka naauao e loaa iaia.

 

Aole e oi aku ke kiekie o kahi e lana i ka wai i puka mai loko mai o kekahi poo-wai, mamua aku o ke kiekie o ua kumu wai la. He loina maa mau loa kea i pili i ke ana ili-wai o na mea kino hehee. Pela no hoi ke hoopiliia ae i ke kulana hoonaauao. Ina o ka ike o ke kumu, aia no ia ma kahi helunaau, huinahelu (Arimatika) palapala aina, alaila, e hele ana no kana haumana ike loa i ao ai maloko o kona halekula a hoea iloko o keia mau buke i loaa ai iaia ka ike ame ka makaukau. Pau no ia mau buke i ke aoia e ka haumana, o ka pau ae la no ia o kahi ike e loaa ana i na haumana la. Aole kela haumana e ike ana i ke Aohoku, i ka Mole Anahonua, i ka Hoailonahelu, i ka Anatomia, a me na ike kiekie e ae. Aka, ina e komo oia ma kekahi kula i aoia ai ia mau mahele ike, alaila, ua nee hou ae la kona kulana huli ike a ke kulana hou. Ua loaa iaia he ikaika hoeueu hou e hapai mai ana ia mau hoaleale o ka ike mai ka lua-wai mai o ka naauao. O ke kumu nui i loaa ole ai o keia mau kulana ike hope iaia, ma ke kau mua o kona hoonaauaoia ana uamuli ia o ka pau e ana o ka ikaika hoeueu ike iloko o kana kumuao. I ka loaa ana iaia he kumuao nui a mahuahua o ka ike, ua loaa iho la iaia he kulana hou, a e panee ae ana hei ia kulana a he anuu hou, a pela e pii ae ai a hoea i ka hiki hou ole ana aku o ka ikaika ho ueu e pauma ana i ka wai o ka ike oloko ona ke hoonee hou aku, oiai ua loaa aku la ka palena iliwai kiekie loa i hiki i kela ikaika hoeueu ke ka'ika'i aku a pau iho.

 

Peneia iho la ke kulana hoonee ike e loaa ana i ke kamaka ma kona wa e imi ana i ka ike ame ka naauao.

 

Ma ka wa e piha maikai ai ke kanaka opio i ka ike e loaa ana iaia he kahua paa e hoohanaia ai kona makaukau; a i ka hui ana o keia ike maa hana maoli, e holokiki loa ana ia imua me ka maikai ma kana hana. E waiho mai anaimua ona ke alapii o kona nee ana mai ke anuu haanaa aku o ka noho paahana ana a hoea i ke anuu kiekie o ke kulana paahana. Elike me ia nee liilii ana ae ona iluna ma ia alanui pii, pela no hoi e pii liilii ae ai kona uku a hoea loa aku i ka loaa ana o ke ana iliwai kupono o ka ikaika hoeueu ike e noho ana iloko ona.

 

No keia kumu i lilo ai ka naauao he mea iini nui ia e no haole. Pau ka iini naauao ana o ka lakou mau keiki ma Hawaii nei a hoouna aku lakou i kela poe keiki e hopiha hou ia i ka ike ma Amerika a ma Europa. I ka pau ana o ka wa huli naauao, ua komo koke no lakou a lawelawe hana, no ka huli ana i ka pono ame ke kuonoono o ka noho ana.

 

HE HANA HOOPONO.

Aole i poina ko makou poe heluhelu no kekahi iono a mak@ i hoolana aku au, i kekahi wa i hala ae nei, no ka @ lo ana o ka Hui M@aiko Niulii ame ka Mahiko o Halawa ia Mr. Henry Waterhouse no kekahi kumukuai kiekie e haaleale ana ma ka poai o na haneri tausani lehulehu, e

kapipi ana hoi ma na aekai olino o ka m@liona dala.

 

Ua hoomska oia e lawelawe e hoopuka i na mahele kuleana iloko o keia mau mahiko, mamuli o ke kulana hoohana hou ana i hoolala ai. A mahope iho o ka laweia ana o kekahi mau mahele lehulehu e na poe mea bala, ua ike o Henry Waterhouse i kekahi mau mea i hoihoi ole ia e ia mai waena mai o kekahi poe lawe mahele, nolaila ua hooholo oia e hoopau i kona lawelawe ana i ka hana e pili ana i ka nopuka mahele ana no Niulii, a ua kahea oia i na poe i hookaa i ka lakou mau dala e kii mai i ua mau dala la a lakou ma kona waihona. Ma ka Poalua nei, ua oi aku mamua o ka huina o $200,000 i hoihoi hou ia aku i na poe lawe mahele kuleana.

 

Ua hoike mai o Henry Waterhouse ame kona mau hoa hui, i ka loaa ana ia lakou he iwikuamoo oolea e ku maluna o ke kahua o ka lawelaweia ana o kahi hana e lakou me ka nema ole ia e ka poe i haawi aku i na hilinai ana maluna o ka lakou mau lawelawe ana. Ua loheia oia e olelo ana i keia mau huaolelo:

 

"Pehea la ka nui o ko'u lilo, aka, e hoihoi hou aku ana no au ia Mr. Hart i kona mahiko. E hoihoi aku ana au i ka hoolimalima o Halawa. E holoi ana au i ko'u mau lima mai keia hana holookoa mai. Ua manaoio loa au, ha kumuhana holomua ka'u i hoolala ai, a ke paa nei no ko;u manaoio ma ia mea. Aka, aole nae o'u makemake e ike aku i na manao kuhalahala o kekahi poe no kekahi hana i lawelaweia e a'u. O ko'u kahua hana keia."

 

"Manao au, e holo pupule ana au no kekahi eha i loaa ia'u, ina aole ka Laau Hano o Kamalena," i kakau mai ai o Mr. W. H. Stapleton, Herminie, Pa. "Ua loaa au i ka ma'i rumatika no kekahi mau makahiki he nui, a ua hoao nohoi i na laau i pau ole i ka heluia aka, o ka Laau Hamo a Kamalena ka laau maikai loa." Hookahi no kau ana, o ka oluolu no ia o ka eha. E kuaiia ana e Benson Smith & Co., Kaupalenaia, na Agena Kuai Kukaa.

 

"BOOKLING."

O ka inoa keia o kekahi wahi buke himeni i hakuia e Mrs. Mary Dillingham Frear, wahine a Hoa Lunakanwai Frear o ka Aha Kiekie, a kaikamahine hoi a B. F. Dillingham, ke poo nui o ka Hui Alahao o Oahu nei.

 

He wahi buke mele keia nona na aoao he 82. He 53 ka nui o na himeni maloko ona. He 45 himeni ma na hua mele, a he 8 mau mele, aohe o lakou mau hua mele. O na himeni me na hua-mele. O na himeni me na hua-mele, ua maheleheleia iloko o na mahele he 12, oia hoi, ua mele o na Bebe; na mele o na Manu; na mele o na Holoholona; na mele o na Pua; na mele o na Laau (Trees); na mele o ka Raiki; na mele o ka Kai; na mele La Kiulaia; na mele o ka Hiamoe ana; an mele Kui Lei a pela aku; ua mele Pule; na mele o ke Manao.

 

Mawaena o keia poe mele, ua ike iho makou i ke mele no ka Manu Auku (Aukuu), mele no ka Nunu, mele no ka Pupu-kani-oe, oia hoi, ke :Kahuli," mele Kui Lei, mele no ka Hala ame ke Kiawe, mele Pua Nana-la, mele no ka Manako, a pela aku.

 

He buke mele keia i hanaia no na keiki liilii. Me he mea la o ka oi aku o ke kupono no na keiki liilii e hele ana i na Kula Olelo Beritania o kakou iho nei.

 

Ke manao nei makou, he mea maikai loa i ka Papa Hoonaauao e hoolaha nui i keia buke iloko o na Kula Aupuni a puni ka Pae Aina, oiai, o na mele i hakuia he ku i ka maemae ame ka maikai. Ua pili hoi kekahi mau mele i na mea kamaaina o ka aina hanau iho nei. Pela no hoi na home Hawaii e makamake ana e loaa na mele maikai a maemae no na kamaiki opio i hoomamaaia ma ka olelo Beritania, e hoolako no ia mau home ia lakou iho me na kope o keia buke mele maikai.

 

Maanei ke haawi aku nei makou i ka makou unuhina Hawaii o kekahi mele o keia buke a makou i ike iho ai nona hoi ke poo. "The Land Shells;" aoao 68:

 

"Ea! oli ka pupu e-Pupu kani oe, Pili ae ma na lau la, Oli ka pupu la Luli a Iuli maluna, Ea, e hoolohe Ea, oli ka pupu e, Pupu kani oe."

 

O ka inoa nae e ikeia ana mawaho o keia buke, oia keia: "The Cocoa Palm" E loaa no ma na halekuai buke o Honolulu nei.

 

Waiho na Iwi i ka Aina Malihini-Aloha Wale!

I ka Lunahooponopono o ke Kuokoa. Welina pu kaua:-E oluolu ia mai e kou ahonui ina hoi he wahi kaawale kekahi o ke kino lahilahi o ke Kilohana nana hoi ia e lawe hele aku i ka puolo waimaka a ke aloha i pae olulo mai i ke one oiwi nei, i ike mai ai hoi na kini makamaka e noho ana mai kela pea a keia pea o ka aina. O John Anahu ua pauaho mai oia i keia ola ana, a ua hoi aku ka uhane i ka Mea Nana i hana. Pela hoi i ko ai ka mea i hoike ia ma ke "Buke Nui" "O ke kanaka i hanau ia e ka wahine he hapa kona mau la a ua piha i na popilikia."

 

Ua make oia ma ka mokuaina o Vancouver, British Columbia, ma ka la 25 o Maraki i hala, a mamuli o ka lokomaikai o kana keiki i hele pu ai me ia i loaa mai ai ka lono o kona pilika. O Mr. John Anahu, he keika papa oia no ka aina, a o Lawai, Koloa, Kauai, kona one hanau. Ua hoonaauaoia oia ma ke Kula Nui o Lahainaluna, a ua puka pono mai a ua noho hana me Mr. Hapa a hiki wale i kona lilo ana i Lunanui no ka hale hana holookoa; a ma ia kulana oia i noho ai a hiki wale i kona hoouna ia ana i na aina e, e kona mau h kauhan. A ua piha iaia ame kana keiki na makahiki he umi i na aina e, a pauaho wale mai la i keia ola ana. Ua hanauia o Mr. John Anahu i ka makahiki 1843 a ua piha iaia na makahiki he 56, a ua mare ia hoi me Rose Kaleiokamoku i ka makahiki 1868, a mai ko laua mau puhaka mai i puka mai ai he umi mau keiki, he elima e oia nei, a elima i make. He nui a lehulehu kona mau hoaloha maloko o keia kulanakauhale, a ua nui nohoi na poe i ike iaia.

 

O ke ano o kona make ana, loaa i ke anu a pii mai ka pehu i loko o ekolu pule o kona waiho ma'i ana, a hala wale aku la oia. Aloha no.

            Kou oiaio,

            M. K. KAAIKAULA.

 

(Ua kamaaina loa makou i keia hoaloha. Ma ka wa i hoopuka ai ka Lunahooponopono o keia pepa i keia wa, i ka nupepa puka mahina nona ka inoa "Ka Hoku o ke aKi," o John Anahu kekahi mea mahele kuleana maloko oia pepa, a oia ka wa i hookamaaina mua loa ia ai makou me ia. Aka, o ke Kuokoa nei, he hoaloha oiaio oia nona. Ke paiauma pu aku nei makou me ka wahine kanemake ame na hoaloha a pau o ka mea i hala aku. L.H.)

 

Ua hoopau ae nei o Mr. Henry Waterhouse i kona manao e hoomau aku ika hoopuka makele kuleana ana ma ka Hui Mahiko o Niulii ame ka Wili o Halawa, Kohala Akau, Hawaii, mamuli o kona makemake ole i na hana a kekahi mau oopu-hue piha wai o loko nei o ke kulanakauhale, a ua kauoha oia i na poe apau i lawe i na mahele kuleana ma ke dala kuike e kii hou aku ma kona lima i ka lakou mau dala.

 

METHODS OF MILITARY SIGNALING.

Continental Europe is constantly experimenting in methods of military signaling. Improvements on old systems or entirely new ideas are snapped up on first sight. The illustration shows the wigwagging systems, used by France, by which letters are in accordance with the Morse alphabet. Two flags represent a dash, one flat a dot. Lanterns are used instead of flags at night. Wigbwagging is also employed as a method of signaling by the military authorities of the United States.

 

MR. ACHI.

Ua huli hoi mai nei o Mr. W. C. Achi mai kana huakai pokole aku nei i Hawaii ame Maui. Ma ka mea e pili ana i kela aina ma Kona, i lilo mai ai iaia ma ke kuai, e hoolilo aku ana oia ia wahi i aina hanai holoholona ma keia mua aku.

 

Ua manao oia, he hana waiwai nui ana keia ma keia mua aku, oiai ke ano pana-iki mai nei na aina kupono i ka hanai holoholona ma Oahu nei, a pela nohoi ma Maui. Ua nui kona manaoio e lilo ana ia hana i mea pomaikai no na poe apau e hookuleana ana ma ia hana.

 

Wahi ana i kona ike ana i ka aina mahiko o Kihoi ma Maui, ua mamaoio loa ia he aina mahiko waiwai nui aku ana ia. Ua lako ia aina i ka wai. A ua hooholo oia i kona manao, aole oia e kuai aku ana i kona mau mahele kuleana iloko oia mahiko.

 

He mau kalai naauao ana keia a Mr. Achi a ua ike no oia i ka hopena o kana mea i olelo ai. Aole hiki ke hooleia, oiai, ua lehia oia ma ia hana.

 

KA MAIKAI LOA MA KE AO NEI.

Ke manaoio nei makou, o ka Laau Kunu a Kamalena oia ka laau maikai loa ma ke ao nei. He mau pule i hia ae nei, loohia ia iho la makou i ke anu nui ame kekahi kunu oolea, a mamuli o ko makou heluhelu ana i ka lakou mau olelo hoolaha ma ka lakou mau nupepa ame kekahi mau pepa e ae, ua kuai ku l mkou i omolae laau kunu i mea hoi e ikeia ai ka oiaio. O ka mea oiaio mamua o ka pau ana o ka laau o ua omole la ika inuia, ua oia loa ae la makou. O keia ka laau maikai loa no ke anu ame ke kunu. The Herald, Andersonville, Ind. E kuaila ana e na poe kuai laau apau. O Benson, Smith & Co. (Kaupalenaia) na Agena o Ko Hawaii Pae Aina.

 

E hele ana anei oe i ka Opiuma i keia po?

 

Ua hoopaneeia ka moolelo o "Ka Malolo" a keia pule ae.

 

O ka la 6 ae nei o Mei, ka la puali inu wai o na Kula Sabati o Honolulu nei.

 

E nana ae i ka makou mau olelo hoolaha ma ka pepa o keia la.

 

Mai poina i ka hele ana i na halepule ma keia la Sabati ae.

 

Mai poina i na loio Aki & Enoka. On a loio Hawaii olelo hoolaha wale no ia o keia pepa.

 

I keia la e haalele iho ai ka mokukaua Italia "Piemonte" ia Honolulu nei, a oni aku no na kai o Kina.

 

Ma ka la inehinei i haalele mai ai ka Pualikoa Eniginia ia Honolulu nei a huli ho aku ia no Amerika.

 

He heihei lio ko ka la apopo ma Kapiolani Paka, mawaena o "Vaiolina." ame "Directress."

 

He keaka hoikeiwe o na paani a Hoonaueue Ihe ke uleleia ana ma ka ia apopo ahiahi ma ka Hale Mele Hou.

 

Ke oia mau nei no ka hooneeia ana o na mahele mahiko ma Honolulu nei, ma America, a ua hala loa i Pelekane.

 

Nui na poe i hoea aku i ke Keena o ka Loio Kuhina, ma ka la inehinei, no ke noi ana e aeia e holo i Molokai.

 

Ma ka hoopii a Lincoln L. McCandless kue i ka Waiwai o Ii, ua loaa mai ka olelo hooholo a ka Aha Kiekie, no ka pono o ka mea hoopii.

 

He aha hoolaulea ka Kuhina E. A. Mott-Smith i haawi ai ma ka auina la o nehinei ma kona wahi noho ma Alanui Nuuanu. He 1200 poe i poloaiia.

 

Ua loaa mai he lono ia nei, ua ma'i loa ia o Virigine Marianne o ke Kahua Ma'i Lepera o Molokai. Aohe manaolana no kona oia.

 

He halawai ka ka Hui Kokua Hawaii ma kahi o Mrs. S. C. Allen ma ka hora 10 o kela kakahiaka, no kekahi haina ano nui.

 

Ke manao noi kekahi poe o kahi maikai loa no ka ilina kupapau, m@ luna aku o Kalaepohaku. Aka, huhu kekahi poe, aohe alanui kupono e ikeia ai na huakai hoolewa hoohiwahiwa.

 

E pani koke ia ana na Buke Helu Waiwai a ka Puuku o ka Papa Hawaii no Hookahi Makahiki, ma ka la 15 o Mei ae nei a o na lulu manawalea no ka pomaikai o ka Papa e pono e hoounaia mai i ka Puuku, W. W. HALL, mamua ae oia la.

 

HUNAHUNA BAIBALA.

Nui ke koikoi o na manao oluolu. @ pono ke pakui i keia olelo i ko loaa mau olelo. "Pomaikai ka poe hooluolu."

 

Aloha me ka maluhia. Ua pili pu laua kekahi i kekahi. E pono ke imi i ka inea ma ko ke Akua aloha huikala. Aole i kaawale ka pahu berita a me ka poe o ka lokomaikai.

 

E ka Haku e hoopau i ka naaupo i mea e ike pono ai kakou ia oe@ e hoepau i ka palaka i mea e imi ai kakou ia oe: e hoopau i ka hoomaloka i mea e paulele aku ai kakou ia oe.

 

Ina makemake oe e hoonui ae i kou manaoio, e hoolaha aku. O ka manaoio i oleloia aku, oia no ka manaoio o hoomahuahua ana. O ka manaoio @ paa oia no ka manaoio i hoonawaliwaliia

 

He ipukukui e alakai ai i ko'u mau wawae oia no ko ke Akua oleloao. Aka nae, e pono no ke malama mau i ka ipukukui, hoomaemae i ke aniani, hoopiha i ka ipu, oki aku i ka oka mai ka uwiki aku, ina makemake oe i ka malamalama maikai. Pela no ke ane waiwai o ka Baibala ua like ia me kou ano hana ma ka malama ana i ua buke la.

 

KAKELA ME KUKE

(Kaupalenaia.)

Poe Kalepa ma ke Komisina,

A HE

Poe Lawelawe Kopaa.

AGENA.

2736-tf

 

Metropolitan Meat Co

(Hui Kuai Pipi Lietropolitan.)

G. J. WALLER, (Waia) - Luna Nui

108 Alanui Moi.

 

Poe Kuai a Hoolako i na Moku

ME

Na Io Pipi, Hipa a pela'ku.

 

E loaa mau ana na Manu ame na Kamano i hoohu'ihu'iia iloko o ka Hau.

 

Makepono ke Kuai i na l'o Pipi @nei.

TELEPONA HELU               45.