Ka Nupepa Kuokoa, Volume XXXVIII, Number 19, 12 May 1899 — KELA HOOPAAPAA PILI IA LUNAMAKAAINANA LOEBENSTEIN. [ARTICLE]

KELA HOOPAAPAA PILI IA LUNAMAKAAINANA LOEBENSTEIN.

Ua loaa mai ka lohe ia .makou, ua hooholo iho nei na poe ike kanawai ma ka aoao o ke Aupuni, ma ka mea e pili ana i kela kuee mawaena o Lunamakaainana Loebensfcein ame ka Papa Kakauinoa Koho Balota o Hilo. no ka Lunamakaainana ka pono ma keia hoopaa'paa, oiai ua liio mua oia i mea kupono i ke koho balotu no ke Aupuni Repubalika o Hawail, mamua o ka holo ana o ka hoohui aina. a mamira ae hoi o ka wa i hukiia ae ai ka hae hoku o ke Aupuni Makua. Mamuli o keia keehina i laweia ae ai e na Poo Aupuni, e ike maopopo ia ai kekahi waiwai nui o ka hoohiki mua ana o ka poe i lawe mua i ka hoohiki, a i hookupono mua lioi ia lakou iho i poe koho balota, mamua o ka lioio ana o ka hoohui Aupuni, mawaena o Hawaii nei ame Amerika Huipuia.