Ka Nupepa Kuokoa, Volume XXXVIII, Number 20, 19 May 1899 — HE HOONAAUAO KUPONO. [ARTICLE]

HE HOONAAUAO KUPONO.

Ke hoolaha aku nei makou i keia manao mahope ae nei, a makou i lawe mai ai mailoko mai o ka nupepa "Hawaii Herald," OPoa-ha, Mei 11), no ka pomaikai o ko ke kulanakauhale nei poe ame ko na wahi e ae o keia Pae Aina, no kekahi mau keehina hana kupono e malamaia ai ka maemae o na nohona home, i mea e kaupale ia aku ai ka ulu nui ena mai o na mai hoopilikia ola kino. Aloha oukou: —O ka makou haina no ka ninau i ninau mai ai ia makou ma kekahi palapala i kakauinoa ia hoi 1 e ka lehulehu, ma ka la ekolu o keia mahina, a penei ka makou pane: Ma ko makou nana ana, komo kauhale ana, kuka ana, ua loaa iho la ia makou ke kumu nui o ka iaha ana mai o keia ma'i fiya maloko o ke kaona o Hi'lo nei, mailoko mai no ia o ka wai. Ke kono aku nei makou i ka lehulehu me ka ikaika, ame ke a'o pu aku ia oukou e kupa ia ka wai a mo'a, wai e inu ai, ame ka wai e hoomakaukau ai no ka mea ai. Aole no hoi he maikai o ka wai i mo'a ke hoohuLhui koke ia, mamuli o ka ho-o ana i hau iloko, no ka mea, mailoko mai no o ka wai ka hau, a i ka hoohui ana aoie e make na holoholona liilii a naio paha o loko oka wai. Ua hiki no ke hoomaalili ia ka wai i mo'a ma ka ukuhi ana iloko o na omole, me ka paa no nae i ke pani ia, f alaila, e waiho aku maloko o ka pahu hau, a i ole, ma kekahi wahi paha e huihui ai. He ninau nui keia, he hiki no anei ke ioaa kekahi wahi maemae ia Hilo kaona nei? He hik'i no ina e loaa kekahi mau kumu wai mauka aku o na aina e mahi ia mai nei, e pili ana me ke kuahiwi, e aho paha ia wai, aka, he nui no na lilo e hooliio ia ai no keia hana, a he loihi no hoi ka manawa e kaii ai. A eia wale iho no ka mea nui ia kakou i keia mau la o ka hoomo'a ana i ka wai, \ make ai na naio a i palekana ai kakou. 0 'kekahi. mau kumu e ae nohoi oia no na iuawai, na puu opala e waiho I mokaki mai nei, ame kekahi mau wahi ' e lana mau nei o ka wai i ,hele a opilopilo, maloko nei» o keia kaona. A nolaila, he mau heleheiena ia e hoike mai ana ia kakou i ka maikai ole, a oia ka makou e hooikaika aku nei i ka iehulehu e hoopauia ia mau mea ino. | Aole e hiki ia makou ke hana ke ole e loaa mai na kokua ana mai ia oukou mai, he mea no ia e pono like ai ka lehulehu, a e pono no e hoomaemae kela ame keia mea i kona pa ponoi iho, a e hoike mai no hoi oiikou ia naakou 1 na poe e hookuli ana i keia mau a'o ana. Hookahi no laau ikaika loa e hiki ai ke hoomake i na holoiholona liiiii apau loa oia ano, Sulphate of Iron, kukae hao paha ma ka kakou olelo, hookahi poho lima piha o keia ano laau e hookomo ai iloko o hookahi pakeke piha 1 ka wai, alaila, e kopipi aku me keia wai laau ma na wahi ea inoino apau loa a oukou e manao iho ai mailcbla mai e kupu mai ai kekahi mau ma'i fiva. He 10 kēneta. wale no ke kumukuai o hookahi paona o keia ano laau, a e loaa no ma ka halekuai .laau o Hiiō nei. Ua le ka aku nei makou i ka Papa Oia ma •Honolulu, me ke noi pu ana āku ia lakou, e a'o mai ia kakou i na mea e pono ai no keia ma'i fiva ma ko kakou kaona nei. W. L. MOORE, M. D.. Agena o ka Papa Ola. R. A. LYMAN, Agena o ka Papa Ola. L. A. AXDREWS, Agena o ka Papa Ola no ka :Mokupuni o Hawaii. CHAS. MERX, Agena o ka Papa Ola. R. B. WILLIAMS, Kauka Awa o Hilo.