Ka Nupepa Kuokoa, Volume XXXVIII, Number 20, 19 May 1899 — HE HANA POWA MA IWILEI AE NEI. [ARTICLE]

HE HANA POWA MA IWILEI AE NEI.

Ma 'ka po Poaono o kela pule aku nei, oiai kekahi hapa-haole mona ka inoa 0 Edward Devauchelle e hoi ana mad loko aku nei o ke kulanakauhale no kona wahi noho ma Iwilei ae nei, me $180 ma ke gula ma kona poli, aia hoi, 1 kona hoea ana ma kekahi wahi o ua wahi apana hookalakupua nei, iia haua ia iho la ia i kekahi pauku laau a hina ilalo, me kona ike ole ae i lea mea nana i hana i keia hana. Ua laweia aku la mai iaia aku kana mau dala apau e paa anā i kona poli. Ua olelo ae oia mahope aku nei o ke kua kona hahau.ia ana aku'me ka laau, a hina ai oia ilalo. Ua waiho malie oia ilalo me ka pouli pu o kona ike, a hala paha lie h'apaha hora okoa.