Ka Nupepa Kuokoa, Volume XXXVIII, Number 20, 19 May 1899 — HE UWEA UWILA. [ARTICLE]

HE UWEA UWILA.

Ma ke ahiahi poeieele o ka Poakolu nei, i ike aku ai na kanaka he nui e noho ana >malalo ae nei o Kamakela, i ka olapa anai a ke ahi maluna o ka ili o ka wai, a ua manao iho la keka-hi poe he eepa no ka po keia mea aa e lalapa mai nei maiuna o ka wai. Aka, o ka poe nae i -maopopo, ike iho la lakou, he uwea uwila, ua alu loa kona moe'ana a pa i ka ili wai. Ua haiia nku la keia mea i ka hale hoopaa uwila, a ua hoopaa koke ia ka uwila e holo ana ma ia uwea.