Ka Nupepa Kuokoa, Volume XXXVIII, Number 21, 26 May 1899 — MAKE MA KE KULA O KAMEHAMEHA. [ARTICLE]

MAKE MA KE KULA O KAMEHAMEHA.

Ma ka auina la Poalua nei i make ai o Joseph Nahale, kekahi o na haumana o ke kula o Kamehameha. Kekahi keia o na keiki a Mr. J. K. Nahale, Hope-makai Nui o Kona Akau, Hawaii. Ua loohia no oia i ka mai no kekahi mau la i hala aenei. Aole nae i ikeia ka pilikia a hoea wale i ka Poalua nei. O ka hoike oia kula ma keia mahina ae nei o Iune, oia kona wa e puka ai, aka, ua hala e aku la oia. E hoouna loa ia aku ana ke kinowailua o ka opio i hala aku i kahi o kena mau luaui i keia Poalua ae. Aloha wale no ka hoi. He ohana oia i pili i ka Lunahooponopono o keia pepa.