Ka Nupepa Kuokoa, Volume XXXVIII, Number 22, 2 June 1899 — HE OLELO HOOHOLO ANO NUI. [ARTICLE]

HE OLELO HOOHOLO ANO NUI.

Mawaena o na olelo hooholo ano nui loa i ioopukaia mai e ka Aha Kiekie, oia keia pule iho la, oia no ka olelo hooholo e pili ana i ka hihia hoohalahala a ka Hui Nupepa Hoku, ma ka hoopii a H. B. Saylor i ua Hui la. Ma ka hookolokoloia ana o ua hihia la imuao ka Aka Kiure ma ke kau i hala, ua haawi ke Kiure i ka pono koi poho no ka mea «hoopii, no ka huina o ?500. A ua hoohalahala loa ia keia * olelo hooholo e ka aoao hoopii imua o ka Banaiko, ma ke. ano he hoopii kuhikuhi hewa (in error) mawaena o na kumu hoohalahala i hiweia aku e ka aoao hoohalahala, oia ka paa ole ana o ka olelo hooholo a na Kiure eiwa wale no ma na hiahia kivila, a ua kue hoi ia i ka Hoololi Ehiku o ke Kumukanawai o Amerika Huipuia. Ma ka olelo hooholo i hoopukaia mai nei e ka Aha Kiekie, ua paa no ia olelo hooholo, me ka nana ole ia o ka Hoololi Ehiku o ke Kumukanawai o Amerika «Huipuia.