Ka Nupepa Kuokoa, Volume XXXVIII, Number 23, 9 June 1899 — KA PERESIDENA O AMERIKA HUIPUIA HE KAUOHA MANA HOOKO. [ARTICLE]

KA PERESIDENA O AMERIKA HUIPUIA

HE KAUOHA MANA HOOKO.

Ma ka hooko ana i ka mana i nooiliia aku maluna ona e ka Olelo Hooholo Hui a ka Aliaolelo Nui, i aponoia ai e ka Peresūlena ma ka la 7 o lulai, i kapaia "Ka Olelo Hooholo Hui no ka Hoohui ana mai i ko Hawaii Pae Aina ia Amerika Huipuia.'' ma keia ke kauoha aku nei ka Peresidena o Amerika Huipuia, aole e malamaia ke Kau Koho Balota Nui i hoakakaia e ke Kumukanawai o ka Repubalika o Hawaii ma ka malama ae 0 Sepatemaba. O na luna aupuni apau i kohoia no lakou ka manawa lawelawe oihana e pau ana mamua ae o ke kauia ana o kekahi kanawai kupono no ia mea e ka Ahaolelo Nui o Amenka Huipuia, e hoomauia aku no lakou ma ka lakou mau oihana mamuli o ka makemake o ka Peresidena 0 Amerika Huipuia. I lioike no keia, ua kauoha au e hoopiliia ke Sila o Amerika Huipuia ma keia. (Sila.) Wasinetona, Mei 13, 1899. (Kakauinoaia) WILLIAM McKINLEY. (Kakauinoaia) JOHN HAY, Kakauolelo Aupuni. OIHANA KALAIAINA. Honolulu, lune 2, 1599. I kulike ai me keia olelo kukala ae la a ka Peresidena o Amerika Huipuia. ke kauohaia aku nei ma keia na Papa Hoopaa Inoa Koho Balota apau e hooki i ka Hoopaa ana i na inoa 110 ka Poe Kono Balota. x S. M. DAMON, Kuhina Kalaiaina no ka Manawa.