Ka Nupepa Kuokoa, Volume XXXVIII, Number 23, 9 June 1899 — KA HOOMAHA MUA LOA A NA GAMALIELA O KA PAPA LOIO O HAWAII. [ARTICLE]

KA HOOMAHA MUA LOA A NA GAMALIELA O KA PAPA LOIO O HAWAII.

Mamuli o k"a makemake ana o ka Aha Kiekie e hooponopono hou i ka hoonohonohoia ana o na buke Kanawai oloko o ka Waihona Buke Kanawai o ka Aha Hookolokolo ma Honolulu nei, ame ka homaemae hou ana hoi ia mau buke, ua hopukaia ae Ia kekahi olelo kauoha e ka Aha e nonoi ana i na loio o ka Papa Loio o Honolulu nei e kakauinoa aku malalo o ua kauoha la, ma ke ano e ae like ana me na kahu o ka* Aha e lilo na pule mua elua o ka malāma ae nei ō lulai i wa e hanaia ai ka hana i makemakeia.