Ka Nupepa Kuokoa, Volume XXXVIII, Number 23, 9 June 1899 — KE KU'IKU'I PUUPUU AKAMAI. [ARTICLE]

KE KU'IKU'I PUUPUU AKAMAI.

He anaina nui o ka poe ohohia i na lealea hoolei puupuu akamai, i kapaia he pale-pale, kai akoakoa ae mawaho o Waikiki ae nei, ma ka hale auau Long Branph, no ka nana a*ia i na hana hoolei puupuu akamai, mawaena o Martin Denny, he loea kualapaa mai Auseteralia mai, ame Alex. Hanson, he luina moku. Mamua o ka'ulele ana o keia mau moho, ua hookikahakaha mua ia mai la ke kahua mokomoko e na haumana a Denny i ao ai, a ua ikeia ka maemae o na haawina i ao ia aku ia lakou. Ma ka wa hoi i ulele iho ai na moho oia ahiahi, i\a ikeia he kanaka nunui a koikoi maoli o A t ex. Hanson, ke hoohalikeia ae me kona hoa haaheo pu, Denny, oia\ he wahi kino pa-iki mai no kona. Aka, aia ma ka ike ame ka makaukau, aia malaila ka oi loa aku o kahi kanaka uuku. He eono puni i uleleia e laua, a he nui na hoolēi puupuu me na pale ame na alo ana a ua rftau moho nei i mahalo nui ia e ka lehulehu.