Ka Nupepa Kuokoa, Volume XXXVIII, Number 24, 16 June 1899 — Page 3
| This text was transcribed by: | Ruby Kaneshiro |
| This work is dedicated to: | KEY Project |
Ka Nupepa Kuokoa
KE KILOHANA POOKELA NO KA LAHUI HAWAII.
[Graphic depicting pocket watch, with the word “SILVER” , banner-like, across the front of the loop for the chain, as if it were on the stem. There are also letters, “FAHY@”, in a semi-circle, superimposed across the top of the loop. The watch cover itself is ornately engraved.]
@E 102
G. DIETZ.
MEA HANA WATI AKAMAI A PIHA
NOEAU LOA.
Alanui Nuuanu, Helu 417.
@a ma ke Alanui Nuuanu, mauka @o ka Halehuai Pipi “Central Meat @ket.”
___________________________________________________________________
Ka Hui Al@hao me Aina o Oahu
MAI A MAHOPE AKU O IUNE 13, 1898
[Graphic depicting a locomotive steam train]
Manawa Holo
[The destinations are rotated counterclockwise, and appear as vertical. There are no lines and borders in the original.]
| @HI HOO @LULU. @ Honolulu @k@ | Waiane, kaa huiha@, @na la apau koe ke Sabati. | Waialua, kaa ohua, na la apau. | Waianae, kaa ohua, na la apau. | Wili o Ewa, kaa ohua na la apau. |
|
| A.M. | A.M. | P.M. | P.M. |
| Honolulu | 7:10 | 9:15 | 3:10 | 5:10 |
| Manana | 8:07 | 9:48 | 3:43 | 5:50 |
| Wili o Ewa | 8:37 | 10:08 | 4:08 | 6:10 |
| Waianae | 9:27 | 10:53 | 4:08 | ….. |
| Waialua | ….. | 12:00 | 5:38 | ….. |
| WAHI HOO- LULU. Mai waho mai Ho@lu@ | Wili o Ewa, kaa olua, koe ke Sabati. | Waialua, kaa olua, na la apau. | Waianae, kaa huikau, na la apau, koe ke Sabati | Waialua, kaa ohua, na la apau. | Wili o Ewa, kaa ohua, Sabati wale no. |
|
| A.M. | A.M. | A.M. | P.M. | P.M. |
| Waialua |
| 6:12 | ….. | 2:39 | ….. |
| Waianae | ….. | 7:12 | 10:00 | 3:55 | ….. |
| Wili o Ewa | 5:50 | 7:47 | 10:59 | 4:32 | 12:45 |
| Manana | 6:15 | 8:07 | 11:34 | 4:52 | 1:10 |
| Honolulu | 6:50 | 8:40 | 12:15 | 5:26 | 1:45 |
G. P. DENISON,
Luna. F. C. SMITH,
Luna Kuai Palapala Holo
______________________________________________________________________________
NU HOU HAWAII
______
E malamalama ana ma ka auina la o k@ la 17 o Iune nei, na lealea hooikaika kino o ke kulanui o Punahou.
_____
@a lohela mai e malamaia ana ka @ Pokiulai ae nei, oia hoi ka la 4 o @i ae nei, me ka ulumahiehie nui e @ Honolulu nei poe.
_____
Ua hanau ia mai na ka wahine a @orge Wond o loko nei o ke kulana@auhale he keikikane ma ka la 11 o @un@ nei. Kamahameha.
_____
He ia ulumahiehie nui ana ka La Eha o Iulai ae nei no ka Hotele hou @ Waialua. E nui ana na kini o Honolulu nei e maau aku ana ma ia ae @.
______
O na hana hoike Kula Sabati ame @a hana Euanelio i malamaia e na Ka-@ Ekalesia ame na haumana Kula Sabati ma ka pule i hala, ua ku no i ka mahalo nui ia.
_____
E nana ae i ka hoolaha nonoi lunahooponopono waiwai a Bila Alapai no @a waiwai o Pehu (k) i make kauoha @. E noho ana ma ka la 14 o Iulai @ nei ma Aliiolani Hale.
_____
Ma ka Poalua nei i haalele mai ai @ mokuahi Australia ia Honolulu nei, @ huli hoi aku la i Kapalakiko. Ma@na aku ona i kau aku ai ke Kuhina Waiwai S. M. Damon, no Kapalakiko.
_____
Ma ka la 11 o keia mahina iho la i @alele mai ai i keia ola ana o Tamara @kapu, ka wahine aloha a Mr. H. S. M@kapu, i ke 48 o kona mau maka@i. O keia no ka wahine a Rev. V. @ Kuaea i hala lilo.
_____
E nana ae i na olelo hoolaha a H. J. Kapu e pili ana i ka waiwai o kana wahine i make. E hoouna e iaia i na @ia aie apau i hanaia e kana wahine, @e hookaa ae nohoi ka poe apau i aie @ai i ka waiwai o ua wahine la ana.
_____
Ma keia ahiahi e malamaia ai he @alawai maloko o ka hale-paikau o ke Aupuni, no ka noonoo ana i ke ano @ malamaia ai ka la 4 o Iulai ae nei. Na kekahi poe kuonoono o Honolulu @ malama ana i keia halawai.
_____
Ma ke ku ana mai nei o ka moku@ Kina ma ka la inehinehi i loaa @ai ai ka lono ia makou e hoike ana aole i hooia ia na lono hoolele hauli @ loaa mua mai i o makou nei no ka @ lea e pili ana i ke Aliiwahine Liliuokalani.
_____
@a hoomaemae hou ia iho nei a ha-@a hou ia ka hale noho o Mr. P. C. Jones ma Alanui Kuakini, a he kula-@ maikai kona e ku nei i keia wa. @a kaa na maiau hou ia ana o keia @aana malalo o na hana ana a kekahi @ki Hwaii nona ka inoa o Albert @sk o kai ae nei o Kakaako.
_____
Ua loaa mai ia makou ka lohe me ke @Kaumaha nui no, ma ka la Sabati aku @i, malalo ae nei o Aiea, Ewa, i haa-@ mai ai o J. Pinao i keia ola ana, a haia aku la oia no kela aoao. He kamaaina oia no Hilo, Hawaii, a no Honolulu nei nohoi ame Ewa ae nei. Ua haalele iho oia ma keia aoao o ke ola @ana, he mau keiki, me na ohana he @i ame na hoaloha nohoi he nui.
______________________________________________________________________________
[Graphic of a bicycle]
Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i keia ma na wahi kuai kaa apau.
[graphic: Three flattened diamond shapes used as separator from next item. Next item is typeset without the separating lines.]
| Kalivilana | Cleve- |
| land. |
HONOLULU BICYCLE COMPANY.
[graphic: three flattened diamond shapes used as separator from next item]
209 Alanui Hotele. Telepona 909.
2753-1m.
______________________________________________________________________________
NUHOU O NA AINA E
_____
Ma ke ku ana mai nei o ka mokuahi Kina ma ka Poaha nei mai Kapalakiko mai i loaa mai ai ia makou keia mau mea hou mai na aina e mai, a no ka pomaikai hoi o na kini heluhelu o ka makou nei pepa ke hoopuka aku nei makou ia mau mea hou.
KE KAUA MA NA MOKUPUNI PILIPINO.
LADANA, Iune 8. -- E hoike ana kekahi lono kuikawa mai Manila mai i keia la iho la, ua lauhala ae ka lono, ua hoopau aku la o Aguinaldo i la Ahaolelo o ke aupuni Aupuni Pilipino, a ua kukala ae la iaia iho i Alii Kiekie no ke Aupuni, ma ke ano Lunakanawai Nui, (Dictator.)
Wasinetona, Iune 9. -- Ua kanalua na luna Aupuni o onei nei noke ano e maoli o ko Aguinaldo hoolilo ana ae iaia i Dictator no ke Aupuni Pilepine. Ua hana paha oia i keia hana, mamuli o kona manao ana e hoopau aku oia i kekahi o kona mau alihikaua, elike me Kenerala Pilar ame Luna, a i ole ia, mamuli paha o kona manao ana e paa mai oia i na mana apau o ke Aupuni iloko o kona poho ilima, i hiki ai iaia ke hana i na kumu aelike no ke kuikahi maluhia. Ua ike ia mai ka hoike mai nei a Peresidena Schurman o ke Komisina Amerika no Pilepine, he ano hoopili wale no ke ano ka pili ana aku o keia mau alihikaua ma ka aoao o Aguinaldo, a o laua na mea i akekea nui i ka holomua ana o na hana e loaa ai ka maluhia malaila. Mamuli o na hana hooweliweli a keia mau kanaka, ua maka’u loa na hoa e ae o ka Aha Komisina ma ka aoao o na Pilipino ia laua, oiai he mana kivila wale no ko lakou, a he mana kivila me mana oihana koa ko keia mau kanaka. Ua manaoio loa ia, ina e hiki ana ia Aguinaldo ke hoomalielie i na manao uaua o keia mau kanaka, a kaa malalo o kana mau hoohana ana, alaila, e hololea koke ana ka hooholoia ana o ke kuikahi a e hiki na hoi ia Aguinaldo ke hana i na mea e pomaikai ai oia ponoi iho ame ka lahui Pilipino.
MAKAUKAU O LAWTON.
MANILA, Iune 8, hora 7:45 p.m. -- Ua makaukau loa ka pualikoa o Kenerala Lawton e hele aku iloko o hapalua hora ma kela a ma keia wahi e hoounaia aku ai lakou.
HOOMAUIA AKU ANA NO KE KAUA
NU IOKA, Iune 8. -- Ua hoouna mai ka mea kakau o ka nupepa Herald mai Wasinetone mai i ka lono e hoike ana penei: Ua loaa mai la ia Kuhina Hay, mai na hoa mai o ke Komisina Pilepine mai, ko lakou mau manao hoakaka ponoi iho no ke kulana o ke kaua ma na mokupuni Pilepine. Ua oleloia ua hoemiia iho ka nui o na koa o ka aoao kipi, a hoea i ka 10,000 wale no ko lakou nui; ke ku nana nei hoi o Aguinaldo no kona kulana o keia mua aku, a pela pu hoi me kana hana e hana aku ai; he nui loa na kanaka Pilepine waiwai a kuonoono maloko o ka Pae Aina e koi ikaika la e hookoia ko Amerika Huipuia noho mana ana ma luna o na mokupuni. Ua lokahi like hoi na manao o ua poe Komisina oiwi la o ka aina, maluna o keia mau kumuhana, a ua hoounaia aku la hoi na oleloao ia Kenerala Otis ame Peresidena Schurman he mau i hala ae nei.
Akahi.-Ua hoomaopopo pono na kamaaina o ka aina i ka oi ana aku o na lawelawe kaua ana a na koa Amerika mamua o ka na koa kamaaina iho, a he mea pono ka hoomauia ana aku o ko lakou hoohanaia ana ma ke kau e hoi mai nei ka ua, i mea e hoomauia ai ka makau ame ka weli o na kanaka, elike me ia i loaa ai ka weli ia ame ka maka’u ia i na kanaka, mamuli o na hoonee kaua ana a Kenerala Otis.
Elua. -- He mea pono hoi na ka aoao e loaa koke ai ka holopono ana o ka hooholoia ana o na hana imi maluhia, e hoonaauao nui ia aku na kanaka oiwi o ka aina, elike nohoi me na mea i hanaia e na Komisina i na wa i kaahope ae nei, i mea e hiki ai i na kanaka ke ike a ke hoomaopopo i na manao maikai a hoopomaikai o keia Aupuni i na kamaaina o ka aina.
E hoouna aku ana o Kenerala Otis i kana mau hana hoolala kaua ana, me na manaolana e loaa ana no i na koa Amerika na lanakila hanohano iloko o keia kau haule ku-a-ua ae, elike me ka loaa ana ia lakou oia mea ma ka wa malie. O keia hoomau ana aku i ke kaua he hoonee maoli ana aku no ia i na Pilipino hoopaakiki a hoea i ko lakou pilipu ana i ka paia, a i ole, a hiki aku i ko lakou wa e haawi pio mai ai i na Amerika.
KA PALAPALA HOOHALAHALA A KA POPE.
LADANA, Iune 8. -- Ua olelo ae ka Hui Kalaiaina a na poe Pilipino ua hoouna aku la ka Pope i ke kulanakauhale o Wasinetona he palapala kue no na hana pono ole a na Amerika ma ka mokupuni Pilepine, a ua loaa mai hoi kela palapala kue i ka Pope mai na hale hoohiki mai ma ia mau mokupuni.
MAWEHEIA KA HOOPALAU O KEKAHI MAU KOKO ALII.
BERELINA,Iune 8. -- Ua lauhala ae ka lono, no ‘ka maweheia ana o ka hoopalau mawaena o ke Keikialii Makamiliana o Baden me ke Dukewa- [continued after brackets describing newspaper page layout and two-column ad.]
[As noted above, this article continues in the next column, starting at about 17 lines from the top. The top 17 lines of the next two columns are taken up by a two-column ad, presented immediately below this comment.]
[A graphic representation of a pair of eyes possibly behind a pince-nez, with the words “TESTING FREE” directly under the eyes and maybe under the glasses, one word under each eye.]
S. E. LUCAS, {Ka Mea Lapaau Maka mai Parisa mai.
Ke lawalawe nei au i na Maka Aniani kaulana i kapaia “Isometropes Lenses.”
Mai Parisa pololei mai ka’u mau waiwai apau.
E nana wale ia ana na maka me ke Kaki ole ia.
Na Hora Hana -- 9 - 12 A..M.
2 - 5 P.M.
La Pule -- 8 a 10.
[This is followed by a second graphic representing a pair of eyes behind eyeglasses. The ad ends, with a notation of “2758-tf” in the lower right hand corner.]
[The article from the previous column then continues:]
hine Nui Helene, ke kaikamahine a ke Duke Nui Valadimira. O ke kumu o keia hemo ana o keia hoopalau mawaena o keia mau koko alii o Europa, mamuli ia o ka like ole o ko laua mau hoomana.
UMIKUMAMALUA MAU KADINELA HOU.
ROMA, Iune 8. -- Ua hoolahaia ae nei, e hookohu aku ana ka Pope ma kekahi halawai malu o ka Ekalesia e malamaia ana ma ka la 19 o Iune nei, he umikumamalua poe Kadinela hou, a he poe kanaka Italia wale no ka hapanui o lakou apau. Aka, mawaena nae o keia poe, o ka Elele kekahi o ke aloalii o ka Pope ma ke kulanakauhale o Maderida, ka Aki Epikopo o Goritz, ka Aki Epikopo o Toulusa, na Makualii Ekalesia o na kulanakauhale o Konekaina ae Anetioka, ame kekahi poe e ae.
MAKE MA KE KANAWAI A KE OLA NEI NO NAE.
Oakland, Iune 8. -- He mau makahiki lehulehu loa i hala ae nei, ka hooholo ana o ka Aha Hooponopono Waiwai, ua make o Mrs. Mary F. Wellock, aka, eia oia i keia wa me kona ola kino maikai, a ke koi nei oia i ka Aha e hoopauia kela olelo hooholo mua a ka Aha i hoopuka ai, ua make oia. He mau makahiki i hala ae nei, ua hoahu iho la keia wahine he huina o $480 iloko o ka Banako, a i ka hala ana o na makahiki he nui, ua manaoia iho la ua make oia, nolaila, ua hooponoponoia iho la ka waiwai imua o ka Aha, a ua maheleia keia huina dala mawaena o kona mau hooilina.
_____
HE LONO I KANALUA NUI IA.
Ua loaa mai nei kekahi lono i Hawaii nei ma ka pule aku la i hala no ka make ana o ke aliiwahine Liliuokalani ma ke kulanakauhale o Nu Ioka, mamuli o kona okiia ana no kekahi mai io ulu. Ua lilo keia lono i hoea mai i o kakou nei i mea hoopioo nui ae i ko ke kulanakauhale nei, aka, no makou iho, aole hiki ia makou ke manao io he oiaio keia lono. Ke kali aku nei no nae kona poe makaainana o na la i hala ae o ka loaa mai o na lono oiaio maoli.
_____
HOOKAHI NO HAMO ANA A O KA OLUOLU NO IA O KA EHA.
_____
Olelo o Mr. P. Ketcham o ke Kulanakauhale o Pike, Kaleponi: “Ma ka wa i ma’i ai kuu hoahanau i make aku nei, a he rumatika kona, o ka Laau Hamo a Kamalena, oia wale no ka laau e loaa ai iaia ka oluolu.” He lehulehu nohoi ka poe i hoike mai no ka loaa ana o ke ole hikiwawe loa ana o ka eha, mai keia laau hamo mai. E kuaiia ana e BENSON SMITH & CO., na Agena Kuai Kukaa o ko Hawaii Pae Aina, ame na poe hana laau apau, a kuai laau nohoi.
_____
KA LANA O KA MEA ELI AWA A KE AUPUNI O AMERIKA.
_____
Ma ka Poalua nei i paa pono loa ai ke kino o ka lana o ka mea eli awa a ke Aupuni o Amerika i hoomakaukau iho nei ma Honolulu nei no ka paeli ana aku ame ka hoohohonu ana aku i ke awa, elike me ka mea i makemakeia e ke Aupuni o Amerika. Me he mea la, iloko o hookahi mahina mai keia wa aku, e makaukau pono loa ai na mea paahana e hooukaia iho maluna o keia lana, a makaukau pono hoi ia no ka hana ana aku.
_____
KA AINA HUI O HOLUALOA, KONA AKAU, HAWAII.
_____
Ma ka Poalua nei i hoopuka mai ai o Lunakanawai Pere i ka olelo hooholo a ka Aha, ma ka hoopii a M. F. Scott kue ia E. N. Pilipo ame kekahi poe e ae. Ua hookohuia o William A. Wall i komisina nana e mahele ka aina, a e hooko aku hoi i na kauoha a ka olelo hooholo, a penei ke ano nui o ka mahele ana.
Ka mua: -- O keia hapa o ka aina e pili ana i kahakai, e maheleheleia no iloko o na apana, a hookahi apana no kela ame keia mea kuleana iloko o ka aina.
Elua: -- O ka aina mawaena o keia hapa, a e nee ana a he 700 kapuai ke an@ ailiwai maluna ae o ke kai, e maheleheleia no iloko o na apana kupono, a e kuai kudalaia aku no ka pomaikai o ka hui holookoa.
Ekolu: --O ka aina apau e waiho ana mai keia wahi aku o 700 kapuai ke ana iliwai, a hoea i ke alanui aupuni, e maheleheleia no iloko o na apana, a hookahi hoi apana no kela ame keia mea kuleana mahele iloko o ka Hui o Holualoa.
Eha: --O ka aina apau e waiho ana mauka aku o ke alanui aupuni, me he mea la, he 1000 eka paha ka nui, e maheleheleia no iloko o na apana, a i hookahi apana no kela ame keia mea mahele kuleana iloko o ka Hui.
Elima: --O ka aina hoi apau mauka aku o keia wahi i mahele hope ia ae la, e kuai kudalaia aku no, no ka pomaikai o na poe mea kuleana apau o loko o ka Hui o Holualoa.
_____
Ua malamaia he anaina hookipa ulumahiehie e ke Kuhina Waiwai ame kana wahine malalo ae nei o Moanalua no ka hoohanohano ana i ka laua keiki a me ka laua hunona, ma ka auina la o kela Poaono aku nei, a ua haale i ka wai ka nui o na poe maka hanohano o Honolulu nei i hoea aku malaila.
[From this point starts the second of two columns beheaded (gasp) by the previously described two-columned ad for Genuine Parisian glasses.]
E MAKAALA LOA IA AKU ANA.
_____
Mamuli o ka aihue pinepineia o na kaa baisikala mai na hale kuai aku oia ano kaa maloko nei o Honolulu, a pela hoi mai na poe e ae o ke kulanakauhale nei, ua hooholo iho nei ka poe kuai kaa oia ano maloko nei o ke kulanakauhale e haawi i ka lakou mau kiai ana no ka poe apau e lawelawe ana i na hana hoopoino ia lakou.
O kekahi hana maalea loa a kekahi poe kuai kaa, oia ko lakou hele ana i ka hale kuai kaa, a haawi aku la i na wahi dala hoookaa mua, a i ka lawe ana i ke kaa, o ka lawe no ia me ka noonoo ole he koena aie ko ke kaa i koe. I kekahi wa, e kuai a e hoolilo hou aku ana keia poe i ua mau kaa la a lakou i hookaa hapa ai i ke kumukuai a ma ka lima o ka mea i lilo aku ai, e kau ana ka pokai maluna ona.
O ka inoa o keia hui kiai kaa baisikala, oia ka Papa Kalepa Sikala (Cycling Board of Trade.)
_____
AOHE WA E PAHU’A AI
Penei ka olelo a Mr. John Bevins, ka lunahooponopono o ka Press, Anthon, Iowa: “Ua hoohana mau au i ka Laau a Kamalena no ke Nahu, Kolera ame ka Hi, iloko o ko’u ohana no na makahiki he umikumamalima, ua hoike aku nohoi i keia laau i na poe e ae he mau haneri ka nui, a, aole au i ike iki i kona pahu’a ana.” E kuai@a ana e BENSON SMITH & CO., na Agena Kuai Kukaa o ko Hawaii Pae Aina, ame na poe hana laau apau, a kuai laau nohoi.
_____
Ma kela huakai hele aku la a ke Kuhina Waiwai i hala aku la no Amerika maluna aku la o ka mokuahi Auseteralia, ua ukaliia oia e kana keikikane opio ame kana kaikamahine opio.
_____
Ma Napili, Kaanapali, Maui, i ke ahiahi Poalua nei, i make ai o Alapai, ka wahine aloha a Edewada Devesele, i ke 30 paha o na makahiki. He akepau kona ma’i make ai. Oia ka makuahine o ekolu mau keiki e ola nei me kana kane.
______________________________________________________________________________
[ The following head is in an ornate font.]Kela ame Keia.
______________________________________________________________________________
Ma ka Poaono, la 1 o Iulai, M. H. 1899, hora 12 o ke awakea, ma ka puka mauka o ka Hale Aupuni, ma Honolulu. O ka mea nona ka inoa malalo, e kuai aku ana oia ma ke Kudala akea na pono ame na kuleana apau o Nancy S. Ellis, i make, oioa hoi na waiwai paa i ike ia ma ka Papa Kuhikuhi A. malalo iho nei, i k mea koho kiekie ma ke dala kuike, a malalo hoi o ka apono ana mai o ka Aha; o ka lilo o ka hana ana i na Palapala Kuai, maluna no ia o ka mea nana i koho.
Victoria S. Ellis, Lunahooponopono Waiwai o Nancy S. Ellis.
Honolulu, June 2, 1899.
PAPA KUHIKUHI A.
Apana 1. -- Palapala Sila Nui 2258, Kuleana 2133.
Apana 2. -- Palapala Sila Nui 2397, Kuleana 1405.
Hoakaka. -- Apana 1, P. S. N. 2258, Kuleana 2133 Ili 586.8 Anana.
Apana 2. P. S. N. 2397, Kuleana 1405 Ili, 155-1000 Eka. Pili pu keia mau apana elua.
2758-3t.
______________________________________________________________________________
OLELO HOOLAHA.
_____
O na Luna Hooponopono i ka Hale Kuai o na mea hana lima a na wahine, ma ke Alanui Kalepa, ke hoolaha aku nei, aole mana o kekahi mea e ae e kuai aku a kuai mai ma ka inoa o keia Hale, koe wale no o Mrs. Parmalee ame Miss E. K. Oliver.
Na’u na
MRS. O. H. KULIKA, Kakauolelo.
2758-3t.
______________________________________________________________________________
KUAI WAIWAI PAA A KE KAHU MALAMA WAIWAI.
_____
Ke hoikeia aku nei ka lono ma keia, i ka Poakahi, Iulai, la 10, 1899, hora 12 awakea, ma ka aoao mauka o Aliiolani Hale, e kuai hoolilo aku ana ka mea nona ka inoa malalo iho, ma ke akea, i ke kuleana me na pono apau Elikapeka H. Robinson ame Isaac J. Robinson, e mau keiki oo ole, iloko o kela apana aina e waiho ia ma Apua, Alanui Moiwahine, ma Honolulu, Mokupuni o Oahu, nona ka ili he 2 rudda me 17 roda, oi aku a emi mai paha, a oia no ka aina i hoakakaia ma ka Palapala Sila Nui 4450, Kuleana Helu 19 Naahu.
O na lilo palapala me ka poe koho no ia, a he kuike ka rula, ma ke dala gula o Amerika Huipuia. E aponia ke kuai ana e ka Aha.
S. K. KA-NE,
Kahu malama waiwai o Eliza H. ame Isaac J. Robinson, mau keiki oo ole.
2758-4t.
______________________________________________________________________________
HOOLAHA A KA LUNAHOOPONOPONO WAIWAI I KA POE AIE.
Oiaia, ua hookohuia mai ka mea nona ka inoa malalo iho nei i Lunahooponopono no ka waiwai o Molly H. Kapu, i make, ma ke kauoha a Hon. A. Perry, Lunakanawai Mua o ka Aha Kaapuni. Apana Kaapuni Ekahi, ke hoolahaia aku nei ma keia i ka poe apau he mau koi ka lakou i ka Waiwai i oleloia ae nei, e waiho mai ia mau mea i hooiaio pono ia, ( me na mea hooia kupono, ina e loaa ana), a ina paha ua paa ma ka moraki, a ano e ae paha, i ka mea nona ka inoa malalo iho nei, ma ke Keena Oihana o C. F. Peterson, Alanui Kaahumanu, Honolulu, iloko o Eono Mahina mai keia la aku, a i ole, e hoole mau loa ia aku no.
Ke kauohaia aku nei hoi ka poe apau i aie mai i ua waiwai la e hookaa koke mai i ka mea nona ka inoa malalo iho nei.
HIEL J. KAPU,
Lunahooponopono o ka Waiwai o Molly H. Kapu, i make.
Hanaia Honolulu, H. I., Iune 13, 1899.
2758-5t.
______________________________________________________________________________
HOOLAHA I KA POE AIE:
_____
Ke haawiia aku nei ka lohe i na mea apau he mau koi ka lakou i ka Waiwai o Thomas S. Campbell, o Paia, Maui, mamua, a i make hoi, e waiho mai ia mau koi i ka poe no lakou na inoa malalo iho nei, na ke Keena o William O. Smith, Honolulu.
CHARLES CROZIER,
JOHN G. ANDERSON, JR.,
WILLIAM O. SMITH,
Na Kahu Waiwai o ka Waiwai o Thomas S. Campbell.
Honolulu, June 8, 1899.
2758-3t.
______________________________________________________________________________
KE KUAI A KE KOMISINA I KA WAIWAI PAA MA HONOLULU, MOKUPUNI O OAHU.
_____
I kulike ai me ka olelo hooholo (decree) i hanaia e Hon. W. L. Stanley, Lunakanawai Elua o ka Aha Kaapuni o ke Mahele Kaapuni Ekahi. I haawiia ma ka la 3 o Iune, A. D. 1899, ma ka hihia i kapaia James Campbell v. Sarepta A. Gulick, ma o kona kuleana ponoi iho, a ma kona ano he Lunahooko Kauoha a hooilina hookahi hoi malalo o ka Palapala Kauoha a Hooilina hope a Charles T. Gulick, i make, no ka hooko moraki, ke hoolahaia aku nei ma keia, e kuai kudala aku ana kahi i ikeia o ia Pa Hale o Gulick, a e nohoia nei hoi e Dr. H.V. Murray i hoakakaia ma keia hoolaha, ma a hale kudala o James F. Morgan, Alanui Moiwahine, Honolulu, ma ka Poaono, Iulai 8, 1899, ma ka hora 12 awakea. O keia kuai ana nae, e paa no ke apono ka Aha Kaapuni i oleloia ae nei.
Ka waiwai e kuaiia ae ana:
O keia apana aina e waiho la ma ka aoao makai o ke Alanui alii, mawaena o na Alanui Alakea ame Papu, ma ke Kulanakauhale o Honolulu, Mokupuni o Oahu, a au hoakaka piha ia hoi ia maloko o elua mau palapala kuai, penei: (1) R. B. Nevlle ia John H. Thompsonm i hanaia ma Aperila 26, 1855, i kopeia maloko o ke Keena o ka Luna Kope Palapala, maloko o ka Buke 19, ma na aoao 259 ame 260, oia hoi keia: E hoomaka ana ma ke kihi akau o keia apana ma ke Alanui Alii 72 kapuai ma ka Hikina mai ke kihi Hikina mai o ka apana o Mahuka, ma ua alanui nei no, e holo ana ka palena ma ua alanui nei Ak. 46° 30’ Hik. 76 6-12 kapuai; alaila, ma ka aina o Kalaihuia He. 40° 45’ Kom. 136 1-3 kapuai; alaila, ma ka apana aku o Kekuaiaea Ak. 49° 45’ Kom. 74 kapuai; alaila, Ak. 40° 0’ Hik. 141 ½ kapuai i ka hoomaka ana.
(2) Kahoomaka (Kamaka) ia Chas. T. Gulick, hanaia Augate 18, 1871, i kopeia ma ke Keena o ka Luna Kope Palapala maloko o ka Buke 32, ma na aoao 463-4-5, i hoakakaia penai: E hoomaka ana i ka ana ma ke kihi Hikina o keia pa e pili ana i ka lihi makai o ke Alanui Alii a hele aku penei: He. 37 ½° Kom. 2.03 Kaul. pili i ka pahale o Napohaku ame ko Kana a hiki i’ka pa-hale o C. C. Harris, alaila Ak. 51 ½° Kom. 1.22 Kaul. pili i ka pa-hale o Harris ame ko Isabella Pa a hiki i ka pa-hale o Duncan, alaila He. 40° Ko. Hi. 2.05 Kaul. ma ko Duncan a hiki i ke Alanui Alii, alaila He.47 ¾ Hi. 1.16 ¼ Kaul. pili i ke Alanui Alii a hiki i hoomaka’i, mai laila 24-100 ka eka.
He kuike ke dala, ma ke Dala Gula o Amerika Huipuia. I ka mea e lilo ai ka aina na lilo palapala. No na mea i koe e ninu ia.
George Lucas,
Komisina.
2656-6t.
______________________________________________________________________________
HOOLAHA I KA POE AIE.
Oiai, ua hookohu pono ia mai ka mea nona ka inoa malalo iho nei i Lunahooponopono Waiwai no ka Waiwai o Hana Keoki, o Honolulu, Oahu, i make.
Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i olelola; iloko o eone mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.
ROBERT PARKER WAIPA. Lunahooponopono Waiwai o ka Waiwai o Hana Keoki.
Hanaia Honolulu, Oahu, Maraki 10, M. H. 1899. 5174-6m.
______________________________________________________________________________
[This headline is in bold print, in a very ornate font] Hoolaha Hooko Moraki
HOOLAHA MAKEMAKE HOOKO MORAKI.
_____
Ke hoolahaia aku nei ma keia, mamuli o kekahi mana kuai i paa maloko o kekahi moraki i hahaia ma ka la 21 o Iune, M. H. 1895, i hanaia e C. L. Hopkins ame Abigail Hopkins, no Honolulu, Mokupuni o Oahu, ko Hawaii Pae Aina, ia Joseph B. Atherton, o Honolulu, i oleloia, a i kopeia ma ke Keena Kope Palapala maloko o ka Buke 153, ma na aoao 357, 358 ame 359, ke makemake nei o Joseph B. Atherton, mea moraki mai, e hookoia ua moraki la, no ka uhakiia ana o na kumu aelike i paa maloko o ua moraki la, oia hoi: ka uku ole ia ana o ke kumupaa ame ka ukupanee i ka wa no ka hookaa ana.
Ke hoolahaia aku nei nohoi ma keia, e kuaiia aku ana ma ke kudala akea na aina apau, na pono ame na mea apau maluna iho a i pili i ua mau aina la, a i paa a i hoakakaia hoi maloko o na moraki la, maloko o ke Keena Kudala o James F. Morgan, ma Alanui Moiwahine, ma Honolulu, i oleloia ae nei, ma ka Poaono, ma ka la mua o Iulai, A. D. 1899, ma ka hora 12 awakea o ua la ‘la.
Penei ka aina i hoakakaia maloko o ua moraki la: Ka pahale ame na hale maluna iho e waiho a e ku la ma Ainakea, a oia hoi o Kaapau, Kohala, Mokupuni o Hawaii, oia hoi ka apana i hookoeia iho mailoko ae o ka apana aina i kuaiia aku i ka Hui Mahiko o Kohala (Kohala Sugar Company) ma ka palapala kuai o ka la 9 o Dekemaba, 1872, i kopeia maloko o ka Buke 141, aoao 39 ame 40, a nona ka Palapala Sila (Grant) 453 ia Paku.
Kuike ke dala. O na lilo palapala i ka mea e lilo ai.
JOSEPH B. ATHERTON, Mea Moraki.
No na mea aku i koe e ninau ia J. Q. Wood, Loio no ka Mea Moraki.
Hanaia, Honolulu, Iune 5, 1899.
2758-4t.
______________________________________________________________________________
[This headline is in bold and an ornate type.] H oolaha Mana Hookolokolo .
ILOKO O KA AHA KAAPUNI, APANA HOOKOLOKOLO EKAHI, O KO HAWAII PAE AINA.
_____
Ma ka Hooponopono Waiwai, wa ka Hana o ka Waiwai o Pehu (k), o Maunalua, Oahu, i make kauoha ole.
No ka mea, ua waihoia mai e Bila Alapai, ka mea aie, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe apau i kuleana ma ua waiwai la, o ka Poalima, Iulai 14, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he mau kumu ka lakou e ae ole ia ai ke noi.
Na ka Aha:
GEORGE LUCAS, Kakauolelo.
2758-3t.
_____
ILOKO O KA AHA KAAPUNI APANA HOOKOLOKOLO EKAHI O KO HAWAII PAEAINA.
_____
Ma ka hooponopono Waiwai. Ma ka hana o ka Waiwai o Auhea Kekauluohi (w) o Honolulu, Oahu, i make kauoha ole.
No ka mea, ua waihoia mai e Ellen Albertina Polyblank, he palapala noi no ka hookahu lunahooponopono waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i na poe apau i kuleana ma ua waiwai ia, o ka Poalima, Iune 23, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu, ina he mau kumu ka lakou e ae ole ia ai ke noi.
Na ka Aha:
P. D. KELLETT, JR.
Kakauolelo.
Honolulu, Mei 25, 1899. 2756-3t.
______________________________________________________________________________
ILOKO O KA AHA KAAPUNI, APANA HOOKOLOKOLO EKAHI O KO HAWAII PAEAINA.
_____
Ma ka hana o ka Waiwai o Jesse Amara, o Waialua, Oahu, i make kauoha ole.
Ma ka waiho ame ka heluheluia ana o ka palapala hoopii a Kekie Amara, ka wahinekanemake, e hoike ana ua make kauoha ole o Jesse Amara, ma Honolulu, Oahu, i ka la 1 o Mei, 1899, a e nonoi ana e hookohuia oia i lunahooponopono no ka waiwai o kana kane, nolaila, ua kauohaia o ka Poalima, la 23 o Iune, 1899, hora 10 kakahiaka, ma ka rumi hookolokolo o ua aha @a, ma Aliiolani Hale, Honolulu, Oahu, oia kahi ame ka manawa e hoolohe ia’i o kana palapala hoopii, ame ka poe kue, ina he mau kue ka lakou.
Kakauia ma Honolulu, Mei 25, 1899. Na ka Aha:
HENRY SMITH, Kakauolelo o ka Oihana Hookolokolo.
2756-4t.
________________________________________________________________________
HOLAHA A KA LUNAHOOPONOPONO WAIWAI I KA POE AIE.
_____
Oiai, ua hookohu pono ia mai ka mea nona ka inoa malalo iho nei i Lunahooponopono no ka waiwai o Anela Kakoi, maluli o ke kauoha a Hon. W. L. Stanley, Lunakanawai Elua o ka Aha Kaapuni o ka Apana Kaapuni Ekahi, ke holahaia aku nei ma keia i ka poe apau he mau koi ka lakou maluna o ka waiwai o Anela Kakoi i make, e waiho mai i ka lakou mau koi i hooiaio pono ia, ina paha ua hoopaa ia ma ka moraki, a ma kekahi ano e ae paha, i ka mea nona ka inoa malalo iho nei ma kona wahi noho ma Kapuukolo, Honolulu, Oahu, iloko o eono mahina mai keia la aku, a i ole, e hoole mau loa ia aku no.
KAILI KAKOI,
Lunahooponopono Waiwai o ka Waiwai o Anela Kakoi.
Hanaia, Mei 19, 1899. 2756-t.
______________________________________________________________________________
AHA KAAPUNI, MAHELE KAAPUNI EKAHI O KO HAWAII PAE AINA.
_____
Martha Dunleavey vs. Frank Jay Dunleavey.
(Hoailona Pa@)
Ka Repubalika o Hawaii
:
I ka Ilamuku o ko Hawaii Pae Aina, a i Kona Hope, Aloha:
Ua kauohaia aku oe e kena aku ia Frank Jay Dunleavy, mea i hoopil@a, ina oia e waiho mai i Pane i kakaula iloko o Iwakalua la, mahope aku o ka la i hookoia ai keia palapala maluna ona, no kona hoea ana mai imua o ka Aha Kaapuni i oleloia ae nei, ma ke Kau o Mei, e noho ana ma Honolulu, Mokupuni o Oahu, ma ka hora umi a.m., e hoike mai i kumu, nokeaha la e ae ole ia ai ke koi a Martha Dunleavy. Mea Hoopii, elike me ka manao nui o kana Palapala Noi i hoopili pu ia me keia.
Alaila, e hoihoi mai oe i ke@a Palapala me kau hoike piha no ke ano o kau hana ma ia palapala.
I ka Hon. A. Perry, Lunakanawai Mua o ka Aha Kaapuni, ma Honolulu, Oahu, i keia la 22 o Maraki, 1899.
(Sila) GEORGE LUCAS, Kakauolelo.
Ke hooia nei au o keia palapala maluna ae, he kope oiaio @a o ka Palapala Kena Kumu ma ka hihia i oleloia, a ua kauoha ka Aha Hookolokolo i oleloia ae la e hoolahaia ia mea, a ua hoopaneeia aku ua hihia la a ke Kau o Augate ae nei, 1899, o keia Aha.
J. A. Thompson, Kakauolelo.
Hanaia Honolulu, Haw’n Is. Mei 8, 1899.
2754-t.