Ka Nupepa Kuokoa, Volume XXXVIII, Number 24, 16 June 1899 — AOLE ANEI KEIA HE HANA PONO? [ARTICLE]

AOLE ANEI KEIA HE HANA PONO?

Uti hoomaopopo makou, aia a hoea aku kakou i ka mahina ae nei o Augate, loaa ilio la ia kakou ka piha ana o ka makahiki hookahi o ko kakou nohona huiia me Amerika Huiia, ka aina o ke kuokoa ame ka noho lanakila ana. Aole o makou kanalua iki e hoala ia mai ana no na noonoo ana o kekahi poe hoaloha o ke Aupuni e ku nei i keia wa, he mea pono ke malamaia kekahi mau hana hoohiwahiwa ma ka la i kaa pono aku ai ko Hawaii nei noho ana malalo o na eheu o ke Aupuni o Amerika. Manao no makou aole no ia he mau hana hewa, a kupono ole. 0 ko Hawaii la maoli ia i ku ai ma ke kulana kapekepeke ole o ke ku ana he aupuni e hooponopono kuloko ia ana, me ka hiki ole i kekahi mana aupuni kuwaho ke lele poipu mai maluna ona, oiai ua malu mai la na eheu o ke Aupuni o Amerika ma kona mau aoao apau. Manao nae makou, mawaena o na hana pookela loa, e hanaia ai ma ia la, ma ka aoao mai o na kahu aupuni 0 kakou nei. oia no ka liuikala ana ame ka hoihoi hou ana ae i na pono kivila apau o na .poe i hoopaiia ma ke ano Karaima ma ka wa e ku ana ke Aupuni Moi. Ke ole makou e kuhihewa,- he lehulehu loa o keia poe i hooneleia i na pono koho balota mamuli o ko lakou hoopaiia ana no na karaima a lakou 1 hana ai ma ia wa, a ke mihi nei no hoi ia poe no ke kau ana mai oia mau alina maluna o lakou, a ke makemake nei lakou, me ka hiaa nui o ko lakou' mau noonoo, e loaa ia lakou na huikalaia'ana mai e ka manā Aupuni i loaa ke kuleana pono e hana pela. Ke manaoio loa nei makou, aole he makana hiwahiwa e ae a na kahu aupuni o keia wa e nee nei, e hana mai ai ma ia wa, elike me keia hana lua ole o ka nani ame ka maikai, no ka pono o kela poe Hawaii 'i hoohana kuhaikiia ko lakou mau pono kivila. A ina paha e oleloia mai, ua kalaia no na hewa o kela poe i hoopaiia ma ke ano a makou i hoomaikeike ae la, mamuli o keia hui ana iho nei o Ha"waii me Amerika, alaila, ke manao nei makou, aole no ia he mea e loaa ai ia lakou ko lakou mau pono kivila i hooneleia mamuli o ke kauoha kanawai e mana ana J mamua aku o ka wa i holo j ai keia hui ana o na Aupuni elua. O ka nele ana o ke kanaka i ka pono koho balota, mamuli o ka hoonele ana a ke kanawai o ka aina nei, mamua aku 0 keia hoohuiia ana iho nei o Hawaii Aupuni ame Amerika Aupuni, e hoomau ia ana no ia nele i ka pono kivila koho balota, ke ole e hoihoi hou ia mai ia pono i ke kanaka i hooueleia ma ia ano, e ka Mana Nui nana e paa ana ka Mana Hoihoi Pono Kivila i ke kanaka, ina no paha he Aupuni Monakia ia, a aupuni paha elike me ia e ku nei i keia wa. Aole paha he hana pookela e ae a ke Aupuni e liana mai ai elike me keia. He haawi hou ana keia i ke ola kivila 1 kela poe oiwi ponoi o ka aina, a he j mea nohoi ia e kipapaia ai ka manao j maikai o ia poe no ke Aupuni e ku nei, oiai paha he poe kekahi o lakou i hoihoi ole i na ano o ka nee ana o ke Aupuni i keia wa.