Ka Nupepa Kuokoa, Volume XXXVIII, Number 24, 16 June 1899 — NUHOU O NAAINA E [ARTICLE]

NUHOU O NAAINA E

Ma ke ku ana mai nei o ka mokuahi Kina ma ka Poaha nei mai Kapalakiko mai i loaa mai ai ia makou keia mau mea hou mai na aina e mai, a no ka pomaikai hoi o na kini heluhelu o ka makou nei pepa ke hoopuka aku nei makou ia mau mea hou. KE KAUA MA NA MOKUPUNI PILIPINO. LADANA, lune 8. —E hoike ana kekahi lono kuikawa mai Manila mai i keia la iho la, ua lauhala ae ka lono, ua hoopau aku la o Aguinaldo i ka Ahaolelo o ke Aupunl Pilipino, a ua kukala ae la iaia iho i Alii Kiekie no ke Aupuni, ma ke ano Lunakanawai Nui, (Dictator.) WASINETONA, lune 9. —Ua kanalua na luna Aupuni o onei nei no ke ano e maoli o ko Aguinaldo hoolilo ana ae iaia i Dictator no ke Aupuni Pilepine. Ua hana paha oia i keia hana, mamuli o kona manao ana e hoopau aku oia i kekahi o kona mau alihikaua, elike me Kenerala Pilar ame Luna, a i ole ia, mamuli paha o kona manao ana e paa mai oia i na mana apau a ke Aupuni iloko o kona poho lima, i hiki ai iaia ke hana i na kumu aelike no ke kuikahi maluhia. Ua ike ia mai ka hoike mai nei a Peresidena Schurman o ke Komisina Amerika no Pilepine, he ano hoopili wale no ke ano ka pili ana aku o keia mau alihikaua ma ka aoao o Aguinaldo, a o laua na mea i akekea nui i ka holomua ana o na hana e loaa ai ka maluhia malaila. Mamuli o na hana hooweliweli a keia mau kanaka, ua maka'u loa na hoa e ae o ka Aha Komisina ma ka aoao o na Pilipino ia laua, oiai he mana kivila wale no ko lakou, a he mana kivila me mana oihana koa ko keia mau kanaka. Ua manaoio loa ia, ina e hiki ana ia Aguinaldo ke hoomalielie i na manao uaua o keia mau kanaka, a kaa malalo o kana mau hoohana ana, alaila, e hololea koke ana ka hooholoia ana o ke kuikahi a e hiki na hoi ia Aguinaldo ke hana i na mea e pomaikai ai oia ponoi iho ame ka lahui Pilipino. MAKAUKAU 0 LAWTON. MANILA, lune 8, hora 7:45 p. m.— Ua makaukau loa ka pualikoa o Kenerala Lawton e hele aku iloko o hapalua hora ma kela a ma keia wahi e hoounaia aku ai lakou. HOOMAUIA AKU ANA NO KE IfAUA NU lOKA, lune B.—Ua hoouna mai ka mea kakau o ka nupepa Heraid mai Wasinetona mai i ka lono e hoike ana penei: Ua loaa mai la ia Kuhina Hay, mai na hoa mai o ke Komieina Pilepine mai, ko lakou mau manao hoakaka ponoi iho no ke kulana o ke kaua ma na mokupuni Pilepinō. Ua oleloia ua hoemiia iho ka nui o na koa o ka aoao kipi, a hoea i ka 10,000 wale no ko lakou nui; ke ku nana nei hoi o Aguinaldo no kona kulana o keia mua aku, a pela pu hoi me kana hana e hana aku ai; he nui loa na kanaka Pilepine waiwai a kuonoono maloko o ka Pae Aina e koi ikaika la e hookoia ko Amei'ika Huipuia noho mana ana ma luna o na mokupuni. Ua lokahi like hoi na manao o ua poe Komisina oiwi la o ka aina, maluna o keia mau kumuhana, a ua hoounaia aku la hoi na oleloao ia Kenerala Otis ame Peresidena Schurman he mau la i hala ae nei. Akahi.—Ua hoomaopopo pono na kamaaina o ka aina i ka oi ana aku o na lawelawe kaua ana a na koa Amerika mamua o ka na koa kamaaina iho, a he mea pono k£ hoomauia ana aku o ko lakou hoohanaia ana ma ke kau e hoi mai nei ka ua, i mea e hoomauia ai ka makau ame ka weli o na kanaka, elike me ia i loaa ai ka weli ia ame ka maka'u ia i na kanaka, mamuli o na hoonee kaua ana a Kenerala Otis. Elua.—He mea pono lioi na ka aoao e loaa koke ai ka holopono ana o ka hooholoia ana o na hana imi maluhia, e hoonaauao nui ia aku na kanaka oiwi o ka aina, elike nohoi me na mea i hanaia e na Komisina i na wa i kaa- i hope ae nei, i mea e hiki ai i na kana- ' ka ke ike a ke hoomaopopo i na ma- | nao maikai a hoopomaikai o keia Au- j puni i na kamaaina o ka aina. E hoouna aku ana o Kenerala Otis I i kana mau hana hoolala kaua ana, me | na manaolana e loaa ana no i na koa Amerika na lanakila hanohano iloko o ! keia kau haule ku-a-ua ae, elike me ka loaa ana ia lakou oia mea ma ka wa malie. O keia hoomau ana aku i ke kaua he hoonee maoli ana aku no ia i na Pilipino hoopaakiki a hoea i ko lakou pilipu ana i ka paia, a i ole, a hiki aku i ko lakou wa e haawi pio mai ai i na Amerika. KA PALAPALA HOOHALAHALA A KA POPE. LADANA, lune B.—Ua olelo ae ka Hui Kalaiaina a na poe Pilipino ua hoouna aku la ka Pope i ke kulanakauhale o Wasinetona he palapala kue no na hana pono ole a na Amerika ma na mokupuni Pilepine, a ua loaa mai hoi keia palapala kue i ka Pope mai na hale hoohiki mai ma ia mau mokupuni. MAWEHEIA KA HOOPALAU 0 KEKAHI MAU KOKO ALII. BERELINA, lune B.—Ua laulaha ae ka lono, no 'ka mawehefa ana o ka hoopalau mawaena o ke Keikialii Makamiliana o Badena me ke Dukewa-

hine Nui Helene, ke kaikamahine a ke Duke Nui Valadimira. 0 ke kumu o keia hemo ana o keia hoopalau mawaena o keia mau koko alii o Europa, mamuli ia o ka like ole o ko laua mau hoomana. UMIKUMAMALUA MAU KADINELA HOU. ROMA, lune B,—Ua hoolahaia ae nei, e hookohu aku ana ka Pope ma kekahi halawai malu o ka Ekalesia e malamaia ana ma ka la 19 o lune nei, he umikumamalua poe Kadinela hou, a he poe kanaka Italia wale no ka hapanui o lakou apau. Aka, mawaena nae o keia .poe, o ka Elele kekahi o ke aloalii o ka Pope ma ke kulanakauhale o Maderida, ka Aki Epikopo o Goritz, ka Aki Epikopo o Toulusa, na Makualii Ekalesia o na kulanakauhale o Konekakina ame Anetioka, ame kekahi poe e ae. MAKE MA KE KANAWAI A KE OLA NEI NO NAE. | OAKLAND, lune B.—He mau makahiki lehulehu loa i hala ae nei, ka hoo- ! holo ana o ka Aha Hooponopono Wai- ' wai, ua make o Mrs. Mary F. Welloek, aka, eia oia i keia wa me kona ola kino maikai, a ke koi nei oia i ka Aha e hoopauia kela olelo hooholo mua a ka Aha i hoopuka ai, ua make oia. He mau makahiki i hala ae nei, ua hoahu iho la keia wahine he huina o $480 iloko o ka Banako, a i ka hala ana o na makahiki he nui, ua manaoia iho j la ua make oia, nolaila, ua hooponoponoia iho la ka waiwai imua o ka j Aha, a ua maheleia keia huina dala mawaena o kona mau hooilina. I