Ka Nupepa Kuokoa, Volume XXXVIII, Number 24, 16 June 1899 — NA RULA O KA POE MAIKAI. [ARTICLE]

NA RULA O KA POE MAIKAI.

E ike ana ko makou poe heluhelu ma kekahi wahi o ko makou pepa o keia la, i kekahi mau mea e pili ana i na Rula Keonimana, oia hoi na Rula i kapa mau ia o na Rula o ka poe maikai. Aole paha e lilo ana keia mau lioakaka ana a makou i mea waiwai no ka poe i Ike i ka Olelo Beritania, oiai e hiki ana ia poe ke nana a ke liuli aku iloko o na buke i hoolahaia ai na alakai ana no keia mau rula, a loaa no ia lakou na makaukau ma ia mahele waiwai nei. He mea waiwai nui loa keia no ka poe i aooneleia ko lakou hiki ana e maau aku na huli ana iloko o na buke i hoikeia ae la, mamuli paha o ka haiki mai o kahi waihona kenikeni, a mamuli paha o ka nele ana i ka ike olelo Beritania, a olelo Europa e ae paha. Ua hoomaopopo makou, eia kakou ke nee aku nei iloko o na Ja e launa *nui loa aku ai ka kakou mau kaana ana ma na anaina e pihaia mai ana e na malihini mai na aina e mai, oia nae paha hoi, na kanaka Amerika ame Beritania. O ka hapanui o keia poe malihini ae la me kela mau mahele lahui a makou i hoike ae la, he poe lakou i maamaalea loa i nei mea he Rula Hookeonimana, oiai nae ka hapanui loa o kakou o na Hawaii nei, he poe maoli no i ike ole i keia mau loina koe wale no ko kakou noho alii ana maluna o ko na lahui e ae, ma ko kakou ano, he Lahui Puuwai hamama kakou, ka mea hoi i lilo ai kakou i poe mahalo nui ia'e ko na aina naauao. apau. Aka, aole i lawa ko kakou nohona makaainana ana iloko o ka poai o keia noho lahui huikau ana, me keia haawina wale no o ka Puuwai Hamama, ke ole e hoohiwahiwaia ko kaleou nolio an,a hele ana, kamailio ana, a pela wale aku, e na Rula Hookeonimana, oia hoi na Rula o ka poe maikai. Ua ake loa makou e loaa nui keia ike i na opio Hawaii apau mai Hawaii a hoea aku i NiihaU. E ao na kaikamahine, a e ao nohoi na keikikane i keia mau loina maikai. He naauao makamae loa keia i pono e hooikaika ia e na opio e hele ana i ke kula. O ka ike paa rula e loaa ana i ke keiki ma kona mau la opiopio, he ike ia e hele pili paa ana me ia i kona wa e nui ae ai, a ua lilo keia ike paa rula i lala 'ponoi no kona ola ana, a ma kona wa e hana ai i kekahi hana ihaloko paha o ka luakini, ma na anaina hanohano paha i konoia mai ai oia, a ma kela ame keia Avahi paha a kona oiwi kino e maalo aku ai, ina paha maluna o k lio, a ma ke kaa paha, e hana ana oia me ka hiehie ame ka mahalo nui ia. no kona ike paa rula, a e pakele ana oia me ka haaheo nui mailoko mai o na leo pahenehene e lu heleleiia ana e ka poe ike rula maluna o na oiwi kino o ka poe i ike ole ia mea he rula 0 ka poe maikai. I ko makou hoomaopopo ana, aia iloko o keia mau Rula, ua pulamaia ka nene ilikapu o kela wāhi i komo ai na nee ana a nei mea he kino kanaka. He rula maloko o ka halepuie, lie rula maloko o na aha hulahula, he rula maloko. o ke anaina hooiaulea, he rula no ka hele ana i ka holo lio, pela hoi ka holo kaa ana, ka ike ana i ka mea make, ka ike ana i ka hoaloha, ke komo ana o ka aahu, ka hoopalau ana, ka hele holoholō ana me kekalii ko-koolua-kane a wahine paha, he ,rula ma na aha mele, a pela aku. O ka paa maikai ana o keia mau rula apau 1 kekahi kanaka a wahine paha, he hanohano lua ole ia no ia kane a no ia wahine hoi i loaa keia ike. Na keia manao i hapai mai ia makou e hoopuka aku i na rula o keia ano ma keia helu o ka makou pepa nei, a

hoomau aku hoi a hiki i ka pau ana, elike hoi me ka mea hiki ia makou ke hana, no ka pomaikai o na opio Hawaii.