Ka Nupepa Kuokoa, Volume XXXVIII, Number 26, 30 June 1899 — Page 3
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
G. DIETZ.
HE MEA HANA WATI AKAMAI A PIHA
NOEAE LOA.
Akoni Nuuanu. Helu 417.
Aia ma ke Alanui Nuuanu, mauka iho o ka Halekuai Pipi "Central Meat Market."
Ka Hu Alahao me Aina o Oahu
MAI A MAHOPE AKU O IUNE 13, 1898
Manawa Holo
WAHI HOOLELE.
(Mai Hoa Hulu aku.)
Waianae, kaa huikao. na la apau koe ke Sabati.
Waialua. kaa ohua, na la apau
Waianae, kaa ohua, na la apau
Wili o Ewa, kaa ohua na la apau
A.M. A.M. P.M. P.M.
Honolulu ..........7:10 9:15 3:10 5:10
Manana............8:07 9:48 3:43 5:50
Wili o Ewa.......8:37 10:08 4:08 6:10
Waianae...........9:27 10:53 4:43 ......
Waialua.................. 12:00 5:38 ......
WAHI HOOLULU.
(Mai waiho mai a i Honolulu.)
Wili o Ewa, kaa ohua, koe ke Sabati.
Waialua, kaa ohua, na la apau.
Waianae, kaa huikau, na la apau, koe ke Sabati.
Waialua, kaa ohua, na la apau,
Wili o Ewa, kaa ohua, Sabati wale no.
A.M. A.M. A.M. P.M. P.M.
Waialua......... ..... 6:12 ...... 2:39 ......
Waianae........ ..... 7:12 10:09 3:35 ......
Wili o Ewa.... 5:50 7:47 10:59 4:32 12:45
Manana...........6:15 8:07 11:34 4:52 1:10
Honolulu .........6:50 8:40 12:15 5:26 1:45
G. P. DENISON,
@ Luna. F. C. SMITH,
Luna Kuai Palapala Holo
NU HOU HAWAII
E nana ae i ka makou mau Olelo Hoolaha e puka aku nei ma ka makou pepa o keia la.
Ua makemakeia i kaikamahine ma ke Keena Humu Buke o ka Hui Gazette. E ninau i keia keena.
Ma keia La Sabati ae e hoolewaia aku ai ke kinowailua o ka Moiwahine Kapiolani i hookuu mai la i keia ola ana.
Ma ke awakea Poalua nei i pau ai ka hoomaluia ana o na ohua a ka mokuahi Kolumebia i malama iho nei mawaho ae nei o ke awa.
Ke hoounaia nei na Palapala Kono. no ka mare o Miss Debecca Panui ame Stephen N. Lukua, e malamaia ana i ke ahiahi o ka la 3 o Iulai, ma ka hale noho o ka wahine.
O ko makou helu hope keia o Iune nei, a pau keia hapalua makahiki. O ka helu e puka aku ana ma keia pule ae, oia ka helu mua no ka hoomaka ana o ka hapalua hopeao eono mahina no keia makahiki e hele nei.
Eia ke hoomakaukauia mai nei na mea hoohiwahiwa o ka la 4 o keia mahina ae, oia hoi ka La Pokiulai. E wela ana ka hao a kahi poe keiki ma ia la.
Aole liuliu a haalele mai ka Hui Himeni Kawaihau ia Honolulu nei ma ke alahele e hoea aku ai i Amerika, a hala loa aku i ka Hoikeike nui o Omaha. Pa lohe wale ia mai he poe hula Hawaii kekahi e hele aku ana.
Ma ka Poalua nei i laweia ae ai kekahi wahine i hoopaiia e kana kane no ka "haalele wahi moe" imua o ka Aha. O ka mea i loaa i keia kane. he ole; oiai, ua ao mai ka Aha i ka wahine aole e hoi hou make kane; a ua hookuuia ka wahine.
Ma ke kakahiaka Poalua nei, ua laweia ae imua o ka Aha Apana o Honolulu nei kekahi opio Hawaii no ka pepehi hoomainoino ana i kana wahine; a ua hoopaiia e noho ma ka halepaahao no 3 malama; a, ua hoohalahala ka mea hoopiiia.
E hooliloia aku ana ka aina o uka o Palolo i aina e mahelehele ia ana ma na apana liilii, a kuaiia aku i ka poe makemake aina no na home noho. E lawelaweia ana keia hana e kekahi hui nona ke kumuwaiwai i oleloia, ua hiki aku i ka $200,000. E hanaia aku ana nae keia huina dala ma na mahele kuleana, a o ka poe makemake mahele kuleana, ma ke Keena Kudala o Jas. F. Morgan e loaa ai.
KA MEA HUNA ILOKO O KE OLA MAIKAI ANA.
O ke ola o ke kino holookoa, aia no ia iloko o ke koko ame na aa lolo. Nolaila, o ka laau lapaau e hoea ana kana mau hoola ana ma ka hoonee ana aku i na mea inoino o loko o ke koko, a haawi ae hoi i na mea e loaa ai ka ikaika i na aa lolo, oia ka laau e loaa ai ke ola io, a e ohiu ia ae ai ke kumu o ka pilikia. O keia mau haawina kai loaa i na Huaale Akala a Dr. Williams no na Kanaka Nananakea, a no keia mau haawina mai ka ikaika kamahao o na hoola ana, ua lilo ia i mea e hoopahaohao loa ia ai ka poai o ka poe loea akamai ma ka oihana lapaau. He mau tausani o na tausani poe ma'i i pau i ke ola i keia laau, a he laau kupono loa keia no na mai, elike me ka locomotor, ataxia, lolo hapa, St. Vitus dance, ka nalulu, na kawelewele o ka ma'i garipa, ka naralagia, ka rumatika, ke kapalili o ka houpo, ka haikea o na helehelena, ame na nawaliwali apau o na kane ame na wahine.
He kanaka mahiai kaulana o Frank Tucker no Versilles, ma Inidiana. I keia wa, he umikumamalima ka nui o na makahiki o kana kaikamahine, nona ka inoa o Lucy; he ekolu makahiki i hala ae nei, loaa iho laia i ka ma'i. Aole i liuliu, pau ae la ka ula ohelohelo o kona mau papalina, a haikea pu mai la ia mau papalina, a haikea pu mai la ia mau wahi apau, a hoomaka mai la ia e wiwi. I ka mahuahua loa ana mai o kona pilikia. ua loaa mau iho la ia i ka paupauaho a hina pe wale no. No ka hapa nui hoi o ka manawa, e waiho mau ana ia maluna o kahi moe.
115 Waialua assessable....................85
Mahope mai kauoha mai la ke kauka ia maua e haawi aku iaia i Huaale Akala a Dr. Williams no na Kanaka Nananakea. Olelo mai la nohoi ia, he ma'i kekahi ana e lapaau ana i like loa me keia, a ua haawi aku oia i ua mea ma'i la i na Huaale Akala a Dr. Williams a ua ike oia i ka pono. Hoomaka aku la maua e haawi aku iaia i na Huaale, a i kekahi la e, ua hiki ia maua ke ike aku e loli ae ana kona ano n ka pohala mai. Olelo mai la no ke kauka ia maua e hoomau aku no maua i ka haawi ana aku i ua mau Huaale la. Haawi aku ia maua iaia i hookahi Huaale mahope iho o kela ame keia ai ana, a pela ka hana ana a hiki i kona ola loa ana. Hoomaka ko maua haawi ana i ka Huaale ma ka malama o Augate, a pau kona ai ana i ua mau Huaale la, oia hoi o kana ai hope loa ana, ma ka malama no ia o Okatoba. Ua pau iaia he ewalu poho. Ua oluolu loa oia i keia wa, aole loa oia i ma'i iki mahope mai, a hoea mai la i keia wa. Manao maua, he ola kupaianaha maoli no keia."
FRANK TUCKER,
MRS. FRANK TUCKER.
Kakauinoaia a hoohikiia imua ou i HUGH JOHNSON,
Lunakanawai Hoomalu.
Versailles , Indiana , Aperila 28, 1897.- Mai ka nupepa Republicans mai, Versailles, Ind.
E kuaiia ana na Huaale Akala a Dr. Williams no na Kanaka Nananakea e na poe kuai laau lapaau apau, a e hoounaia aku no ma ka Eke Leta ke loaa mai ka uku, e ka Hui Kuai Laau a Dr. Williams. He 50 keneta no ke poho, a he $2.50 no eono poho.
HOLOMUA O LANAI.
Mahalo i na Hookipa Maikai a Kikaha me Kana Wahine.
Lunahooponopono:
Aloha oe: - Eia au maanei e nana no ua hana ma na aina o makou, me na hooulu mahiai ko e hana nei. Pela na alahao, na uwapo hoohu ukana, ke holopono nei ia mau hana. Na luawai eli, eono e paoia nei, a ke ulu mai nei na ko i keia wa. Kanaono a oi eka i loloa na ko pulapula, 299 ela maemae ka palau, e uhi ana i keia mau malama o Augate me na kupono a Degemaba. O ka wai o Maunalei me na kuahiwi ka mea e imi ia nei, ina holopono hoohuiia me na wai kai, lilo i mau wai kupono no ka hooulu ko ana.
Ke paa mai nei he 46 hale, no na paahana, na ukana, na holoholona, me na halekuai, inukope, ame hokele ai, a ke kapili la no i na hale, na pa waea, Ua pau ka makapehu kanaka o Lanai nei, eia maanei ke kuai o na ano apau.
I ka la Sabati, hora 7, ua kamoe ka huakai no ka mauna o Lanaihale, kahi a kaululaau i kapilipili ai i na maka o ke'kua, a koe o Pahulu. Hora 11 hiki ma ka mauna, wehe ke anaina haipule, na ha'iolelo, pau a wehe ka papaaina hauoli; hora 2, hoi a moe malalo o Palawai. Poakahi, makaikai ma na aina me na wahi e eli ia ai na wai aniani, a hiki ma Koele, kahi e noho ana o Kikaha me Kalula hookipa laua i ka aina awakea, luana, hoike mai i na bola i ai ai o Kalakaua, ke malama la no laua ia mau hana punahele no ke au o ko laua luaui. Mahalo no. Makena na mea ai, me ka hipa momona. Ia laua makou i ike ai i ka nupepa ua make o Liliuokalani, aole manaolana ma ia mea, ua nele.
Poalua, nana i na aina, makena ka poe ohana nui, 13 keiki, a 17 keiki a kahi poe, aole home, aole he aina, ua haawi au i eka no ka ohana, e pa, e eli palaina wai, kukulu hale. Hookahi mahi kukulu a kanu i na laau alani, pea, manako, ulu, me na huaai apau.
Poakolu huli hoi a paina awakea me ka lula me Kikaha, makana mai laua he hipa momona i paina ahiahi. Hoi mai a moe ma Maunalei, ma ka home o Mr. Hoohuli. Poaha, ike i na leta mai Honolulu mai. Pau na hana no ke kali ia Kaaukai mai Lahaina mai. no ka noteri i na aina kuai. Mai huli hoi no uka e hoopau i na hana, na lua wai me na pa waea mahi, alaila hoi aku no ka manawa.
G. W. MAHELONA.
Kahalapalaoa, Lanai, 25 June, 1899.
Mai poina i ka nana ae i ke Kaa Hehihehi Wawae lua ole o ka paa, ka maikai ma ka holo ana, i ikeia ma na wahi kuai kaa apau.
Kalivilana Cleveland.
HONOLULU BICYCLE COMPANY.
209 Alanui Hotele. 2753-1m. Telepona 909.
S. E. LUCAS,} Ka Mea Lapaau Maka mai Parisa mai.
Ke lawelawe nei au i na Maka Aniani kaulana i kapaia
"Isometropes Lenses."
Mai Parisa pololei mai ka'u mau waiwai apau.
E nana wale ia ana na maka me ke Kaki ole ia.
9-12 A.M.
NA HORA HANA- { LA PULE - 8a 10.
2-5 P.M.
2758 -tf
HE MEA HOIKE IKAIKA.
O ko Honolulu nei mea Hoike keia, a ua hiki ke Noiia aku Kona Oiaio.
Ina e kanalua oukou i keia a makemake oukou e huli aku i ka oiaio, aole oukou e konoia ana e hele aku oukou i Kapalakiko no ka imi ana i kona oiaio ana. Aole keia he moolelo loihi i hoolahaia no ka mea e pili ana i kekahi kanaka e noho loiho ana ma Nu Ioka, a ma Wasinetona paha, aka, he moolelo keia no kekahi kanaka e noho ana ma Honolulu nei, a penei ka heluhelu ana:
Peni ka hoike a Liwai Drew o loko o keia kulanakauhale: "Ua loohia au i kekahi eha ma kuu kua, ma ke ano kikala hanenenee no kekahi mau makahiki lehulehu. Iloko o keia wa, e hana ana au i ka oihana kamana, a o ke kaikai ana i na mea kaumaha, oia hoi, na laau, he hana maa mau hoi iloko o ka'u oihana, oia paha ke kumu i loaa ai au i keia eha. Aole mea e ae i ike maoli i ka ehaeha o keia ano mai, elike la me ka mea i loaa ponoi ia mai. Eia nae, ua lako loa au i kou lohe ana no na Huaale a Doan no ke Kikala Hanenenee ame na Puupaa, a ua kuai aku la au i mau Huaale oia ano ma ka Halekuai Laau Lapaau o Hollister ma. O ko'u ti maoli ana i keia mau Huaale, oia maoli no ke kumu o ko'u ike maoli ana he lua ole io na hoola ana a keia mau Huaale i ka eha ma ke kua, a , aole hoi o'u kanalua iki ma ka waiho ana aku i ka'u mau hooia ana no ke ola io o keia Huaale imua o kekahi poe popilikia e ae."
E oluolu e hoomanao iho i ka olelo a na kanaka o Honolulu ma ka aoao e kakoo mau ana i na Huaale a Doan no ke Kikala Hanenenee ame na Puupaa. E kamailio ana lakou imua o oukou ame ko oukou mau makamaka.
E loaa ana ka pilikia i na Puupaa mamuli o na pakela ai ana ame na hana huhaai ana, ma ka ai ame ka mea inu, ka luhi, mamuli hoi o ka loaa, ana i ke anu, mamuli o ka eha o na puhaka ame ke kikala a pela aku. O na hoailona mau nae, oia no ke kaumaha ma na puhaka, eha ma ke kua, he ano ona a poniuniu na maka, ono pinepine i ka wai, ano paapu ka hanu ana, nui loa ke kahe ana o ka mimi, ma ka wa e mimi ai i kekahi wa, a he uuku loa hoi ka mimi i kekahi wa. O ka pilikia ana o na Puupaa he mea ia e inoino ai ke koko, maikai ole ka hoowali ana a ka opu i ka ai, a hoopilikia loa ia na paahana ana a na aa lolo ke kumu maoli e loaa ai ke ola maikai o ke kino. O na aa lolo, he mau mea paahana waiwai nui loa lakou, a pehea la nae e hoohemahemaia nei ia mau mea.
E kuaiia ana na Huaale a Doan no ke Kikala Hanenenee ame na Puupaa e na poe kawili laau lapaau apau, ame ka poe malama halekuai no ke Kanalima Keneta no ke poho. a i ole, e hoounaia aku no ma ka Eke Leta ma ka wa e loaa mai ai o ke kumukuai ia Hollister Drug Co., Honolulu. na Agena Kuai Nui no ko Hawaii Pae Aina.
Kela ame Keia.
OLELO HOOLAHA.
Ke hoikeia aku nei ka lohe ma keia o au o ka mea nona ka inoa malalo, ke papa aku nei au i na kanaka apau, aole e ae mai i kahi mea a mau mea paha, ke hele aku e molaki a e hoolimalima, a i ole, e kuai paha, i kela apana aina e waiho mai la ma Kahuawai, i hoike ia ma ka Palapala Sila Nui 4364, Kuleana Helu 1564, ma ka inoa o Keawe, ma Pauoa, Honolulu, Oahu. Oiai ke ole nei no au ka mea nona keia aina.
HOLANI.
Honolulu. Iune 26, 1899. 2761-3t.
HOOLAHA A KA LUNAHOOPONOPONO WAIWAI.
O ka mea nona ka inoa malalo, i hookohuia i lunahooponopono i ka waiwai o Jesse Amara, o Waialua, Oahu, i make, ma keia ke kauohaia aku nei ka poe apau ina he mau koina ka lakou, e waiho mai ia mau mea ia'u ma Waialua, a i ole, ia John D. Holt, Jr., ma kahi o Lovejoy & Co., ma Honolulu, iloko o na mahina eono mai keia la aku, e hoole loa ia. A o ka poe i aie i ka mea i make, e uku koke mai lakou ia'u ma Waialua, a i ole, ia Mr. Holt, ma Honolulu.
KEKIE AMARA,
Lunahooponopono Waiwai.
Kakauia ma Waialua, Iune 26, 1899. 2761-5t.
HOOLAHA I KA POE AIE.
Ke hoolahaia aku nei ma keia. ua hookohu pono ia mai ka mea nona ka inoa malalo iho nei i Lunahooponopono Waiwai me ka Palapala Kauoha i hoopili pu ia, no ka waiwai o A.P. Kapaehaole, o Halawa, Molokai, mamua, a i make, e ka Mea Hanohano J. W. Kalua, Lunakanawai o ka Aha Kaapuni o ka Apana Hookolokolo Kaapuni o ka Apana Hookolokolo Kaapuni Elua, e noho ana ma ke Keena, o ka poe apau he mau koi ka lakou i ka waiwai i oleloia, ma keia ke haawiia aku nei ka lohe e waiho mai ia mau mea i hooiaio pono ia, ame na palapala hooia kupono, ina e loaa ana, i ka mea nona ka inoa malalo iho nei, ma Halawa, Molokai, a i ole, ia Jas. N.K. Keola, Esq., ma kona keena maloko o ka Hale Hookolokolo ma Wailuku, Maui, iloko o eono mahina mai keia la aku, a i ole, e hoole mau loa ia aku. A o ka poe apau i aie mai i ua waiwai la, ma keia ke hoolahaia aku nei e uku koke mai ia'u, a i ole, ia Jas. N.K. Keola i oleloia, a i ole, e hoopilia aku no lakou.
KOLEKA KAPAEHAOLE,
Lunahooponopono Waiwai o ka Waiwai o A.P. Kapaehaole, o Halawa, Molokai, mamua.
Wailuku, Maui, Iune 16, 1899. 2761-4t.
HOOLAHA I KA POE AIE.
Ua hookohuia ka mea nona ka inoa malalo iho he Lunahooponopono no ka waiwai o Kaeha (k) o Waianae, Oahu, i make me ke kauoha ole, nolaila, ke hoolahaia aku nei ma ke akea, ina he koina ka kela ame keia mea i ka waiwai o ka mea i make, ma ke ano ke aie paha, a i ole, ma kekahi ano e ae paha, e pono e waiho mai i ka lakou koi mamua o ka pau ana o na malama eono mai keia la aku, o hoole loa ia.
KANEAKAMA (w).
Lunahooponopono o ka waiwai o Kaeha (k).
Waianae, Oahu, Iune 19, 1899. 2760-5t
KUAI A NA LUNA HOOPONOPONO I KA WAIWAI PAA.
Ke hoolahaia aku nei ma keia, malalo a i mea hoi e kulike ai me kekahi kauoha i hoopukaia e ka Aha Kaapuni o ka Apana Kaapuni Elima, ma ka la 16 o Iune, 1899, ma ka waiwai o J.W. Lota o Hanalei, Kauai, i make, e kuai aku ana ka mea nona ka inoa malalo iho nei ma ke kudala akea a lilo i ka mea koho kiekie loa, no ke dala kuike, ma ka Poaha, Iulai 20, 1899, ma ka hora 12 o ke awakea, ma ka Hale Hookolokolo ma Hanalei, Kauai, i na pono ame na kuleana apau o ua Waiwai la i oleloia ae nei, maloko o na aina apau i hoakakaia mahope ae nei, e waiho ana ma Hanalei, i oleloia, a oia hoi kahi mau hapa o ka Palapala Sila Nui Helu 6461, Kuleana 597.
Apana 1. E hoomaka ana ma ke alanui kokoke ma ke kihi Akau Komohana o ka aina o Sol. Kawainui, a holo aku malaila aku ma ke alanui Mageneti, Ak. 24" 30 Hik. 300 Kap., Mageneti Ak. 17" 00 Hik. 265 Kap., Hem. 61" 00 Hik. 156 Kap., i na omole i kanuia, elike me keia + Ak. 56" 00 Hik. 82 Kap., i na omole i kanuia, penei, X ma ka laina Kom. o ko Kealaiki Kuleana, Hem. 26" 00 Hik., 100 Kap., ma ko Kealaiki Kuleana, Hem. 56" 00 Kom., 41 Kap., Hem. 20" 00 Hik., 355 Kap., ma Kuanaio e hoomaka ana ma ka pa hau, Hem. 74" 30 Kom., 169 Kap., Hem. 40" 00 Kom., 141 Kap., i ke kumu hau i oleloia, oia ke kihi o ko Sol. Kawainui, alaila, ma ko Kawainui i oleloia ae nei Ak. 68" 30 Kom., 295 Kap., a i ke kiko o ka hoomaka ana. Maloko o laila he Ili o 4.3 Eka.
Ua kukuluia ae maluna o keia Apana, he hale hou loa nona ke kumu lilo o Ewalu Haneri Dala.
Apana Helu 2. E hoomaka ana ma ke kihi Ak. Hik. o keia, a e holo ana mai laila aku Mageneti Hem. 20" 00 Hik., 1082 Kap., ma ka pa hau o ka aina o Kuanaio, ma ka pa hau o ka aina o Kuanaio, ma ka 900 Kap., e holokea ana i ke alanui Aupuni, a hoea i ka palena pa hau o E. Johnson, mailaila aku i keia aina me ka pa hau, Hem. 54" 15 Kom., 500 Kap., a i ke alahele ma ke Kuleana o Kauoanoalani.
Alaila e komo pu ana ke Kuleana o Kauoanoalani Ak. 20" 00 Kom., 945 Kap., i ke kumu hau i oleloia, oia ke kihi Hem. Hik. o ke Kuleana o Kawainui. Mai keia wahi aku, holo aku la ka ihu o ka hoomaka ana Ak. 42" 00 Hik., 570 Kap., Ak. 26" 00 Hik., 308 Kap., ma ko Kawainui a i ke kumu hau Ak. Hik, kihi o keia Kuleana Ak. 40" 00 Hik., 141 Kap., Ak. 74" 00 Hik., 169 Kap., a i ka hoomaka mua ana. Maloko o laila he 7.7 Eka, oi aku a emi mai paha, mawaho ae o ke Alanui Aupuni ame ke Kuleana o Kauoanoalani.
Kuike ke dala, O na lilo no na palapala kuai i ka mea ia e lilo aku ai ka aina, a e aponoia hoi keia kuai ana e ka Aha Kaapuni, Apana Kaapuni Elima.
W. G. SMITH,
Lunahooponopono o ka waiwai o J. W. Lota, i make.
Hanaia, Lihue, Iune 16, 1899. 2760-4t.
OLELO HOOLAHA.
O na Luna Hooponopono i ka Hale Kuai o na mea hana lima a na wahine, ma ke Alanui Kalepa, ke hoolaha aku nei, aole mana o kekahi mea e ae e kuai aku a kuai mai ma ka inoa o keia Hale, koe wale no o Mrs. Parmalee ame Miss E.K. Oliver. Na'u na
MRS. O. H. KULIKA,
2759-3t. Kakauolelo.
KUAI WAIWAI PAA A KE KAHU MALAMA WAIWAI.
Ke hoikeia aku nei ka lono ma keia, i ka Poakahi, Iulai, la 10, 1899, hora 12 awakea, ma ka aoao mauka o Aliiolani Hale, e kuai hoolilo aku ana ka mea nona ka inoa malalo iho, ma ke akea, i ke kuleana me na pono apau o Elikapeka H. Robinson ame Isaac J. Robinson, he mau keiki oo ole, iloko o kela apana aina e waiho la ma Apua, Alanui Moiwahine, ma Honolulu, Mokupuni o Oahu, nona ka ili he 2 ruda me 17 roda, oi aku a emi mai paha, a oia no ka aina i hoakakaia ma ka Palapala Sila Nui 4450, Kuleana Helu 19 Naahu.
O na lilo palapala me ka poe koho no ia, a he kuike ka rula, ma ke dala gula o Amerika Huipuia. E aponoia ke kuai ana e ka Aha.
S. K. KA-NE.
Kahu malama waiwai o Eliza H. ame Isaac J. Robinson, mau keiki oo ole.
2759-4t.
HOOLAHA A KA LUNAHOOPONOPONO WAIWAI
I KA POE AIE.
Oiai, ua hookohuia mai ka mea nona ka inoa malalo iho nei i Lunahooponopono no ka Waiwai o Molly H. Kapu, i make, ma ke kauoha a Hon. A. Perry. Lunakanawai Mua o ka Aha Kaapuni, Apana Kaapuni Ekahi, ke hoolahaia aku nei ma keia i ka poe apau he mau koi ka lakou i ka Waiwai i oleloia ae nei, e waiho mai ia mau mea i hooiaio pono ia, (me na mea hooia kupono, ina e loaa ana), a ina paha ua paa ma ka moraki, a ano e ae paha, i ka mea nona ka inoa malalo iho nei, ma ke Keena Oihana o C.F. Peterson, Alanui Kaahumanu. Honolulu, iloko o Eono Mahina mai keia la aku, a i ole, e hoole mau loa ia aku no.
Ke kauohaia aku nei hoi ka poe apau i aie mai i ua waiwai la e hookaa koke mai i ka mea nona ka inoa malalo iho nei.
HIEL J. KAPU.
Lunahooponopono o ka Waiwai o Molly H. Kapu, i make.
Hanaia Honolulu, H. I., Iune 13, 1899. 2759-5t.
HOOLAHA I KA POE AIE.
Ke haawiia aku nei ka lohe i na mea apau he mau koi ka lakou i ka Waiwai o Thomas S. Campbell, o Paia, Maui, mamua, a i make hoi, e waiho mai ia mau hoi i ka poe no lakou na inoa malalo iho nei, na ke Keena o William O. Smith, Honolulu.
CHARLES CROZIER,
JOHN G. ANDERSON, JR.
WILLIAM O SMITH,
Na Kahu Waiwai o ka Waiwai o Thomas S. Campbell.
Honolulu, Iune 8, 1899. 2759-3t.
KE KUAI A KE KOMISINA I KA WAIWAI PAA MA
HONOLULU , MOKUPUNI O OAHU.
I kulike ai me ka olelo hooholo (decree) i hanaia e Hon. W.L. Stanley, Lunakanawai Elua o ka Aha Kaapuni o ka Mahele Kaapuni Ekahi, i haawiia ma ka la 3 0 Iune, A.D. 1899, ma ka hihia i kapaia James Campbell v. Sarepta A. Gulick, ma o kona kuleana ponoi iho, a ma kona ano he Lunahooko Kauoha a hooilina hookahi hoi malalo o ka Palapala Kauoha a Hooilina hope a Charles T. Gulick, i make, no ka hooko moraki, ke hoolahaia aku nei ma keia, e kuai kudala aku ana kahi i ikeia o ka Pa Hale o Gulick, a e nohoia nei hoi e Dr. H.V. Murray i hoakakaia ma keia hoolaha, ma ka hale kudala o James F. Morgan, Alanui Moiwahine, Honolulu, ma ka Poaono, Iulai 8, 1899, ma ka hora 12 awakea. O keia kuai ana nae e paa no ke apono ka Aha Kaapuni i oleloia ae nei.
Ka waiwai e kuaiia ae ana:
O kela apana aina e waiho la ma ka aoao makai o ke Alanui Alii, mawaena o na Alanui Alakea ame Papu, ma ke Kulanakauhale o Honolulu, Mokupuni o Oahu, a ua hoakaka piha ia hoi ia maloko o elua mau palapala kuai, penei: (1) R. B. Neville ia John H. Thompson, i hanaia ma Aperila 26,1855, i kopeia maloko o ke Keena o ka Luna Kope Palapala, maloko o ka Buke 19, ºma na aoao 259 ame 260, oia hoi keia: E hoomaka ana ma ke kihi akau o keia apana ma ke Alanui Alii 72 kapuai ma ka Hikina mai ke kihi Hikina mai o ka apana o Mahuka, ma ua alanui nei no, e holo ana ka palena ma ua alanui nei no, e holo ana ka palena ma ua alanui nei Ak. 46º 30' Hik, 76 6-12 kapuai; alaila, ma ka aina o Kalaihuia He. 40º 45' Kom. 136 1-3 kapuai; alaila, ma ka apana aku o Kekuaiaea Ak. 49º 45' Kom. 74 kapuai; alaila, Ak. 40º 0' Hik. 141½ kapuai i ka hoomaka ana.
(2) Kahoomaka (Kamaka) ia Chas. T. Gulick, hanaia Augate 18, 1871, i kopeia ma ke Keena o ka Luna Kope Palapala maloko o ka Buke 32, ma na aoao 463-4-5, i hoakakaia penei: E hoomaka ana i ka ana ma ke kihi Hikina o keia pa e pili ana i ka lihi makai o ke Alanui Alii a hele anu penei: He. 37½.º Kom. 2.03 Kaul. pili i ka pahale o Napohaku ame ko Kana a hiki i ka pa-hale o C.C. Harris, alaila Ak. 51½º Kom. 1.22 Kaul. pili i ka pa-hale o Harris ame ko Isabella Pa a hiki i ka pa-hale o Duncan, alaila He. 40º Ko. Hi. 2.05 Kaul. ma ko Duncan a hiki i ke Alanui Alii, alaila He. 47¾ Hi. 1.16¼ Kaul. pili i ke Alanui Alii a hiki i hoomaka'i, mai laila 24-100 o ka eka.
He kuike ke dala ma ke Dala Gula o Amerika Huipuia, I ka mea e lilo ai ka aina na lilo palapala. No na mea i koe e ninau ia
GEORGE LUCAS.
Komisina. 2758-6t.
HOOLAHA I KA POE AIE.
Oiai, ua hookohu pono ia mai ka mea nona ka inoa malalo iho nei, i Lunahooponopono Waiwai no ka Waiwai o Hana Keoki, o Honolulu, Oahu, i make.
Ke hoolahaia aku nei ma keia i ka poe apau e waiho mai i ka lakou mau koi i ka Waiwai o Hana Keoki i oleloia, i make, i hooiaio pono ia, ina paha ua hoopaaia ma ka moraki a ano e ae, i ka mea nona ka inoa malalo iho nei, ma Honolulu i oleloia, iloko o eono mahina mai keia la aku, a i ole, e hoole mau loa ia aku no lakou. A o ka poe apau i aie i ua waiwai la, ma keia ke kauoha ia aku nei e hookaa koke mai i ka mea nona ka inoa malalo nei.
ROBERT PARKER WAIPA.
Lunahooponopono Waiwai o ka Waiwai o Hana Keoki.
Hanaia Honolulu, Oahu, Maraki 10, M.H. 1899. 5174-6m
Hoolaha Hooko Moraki
HOOLAHA HOOKO MORAKI A KA
MEA PAA MORAKI.
I kulike ai me ka olelo o kekahi moraki i hanaia e Aiona o Hookena, Kona, Hema, Hawaii, Ko Hawaii Pae Aina, ia H. Hackfeld & Co., i kaupalenaia, no ko Hawaii Pae Aina, ma ka la elima o Aperila, M.H. 1898, a i kopeia ma ke Keena Kakau Palapala ma Honolulu, Oahu, K.H.A. maloko o ka Buke 187, ma na aoao 164 ame 165 o ua buke la, ke hoolahaia aku nei ma keia, ke makemake nei ka mea paa moraki e hooko aku i ua moraki la no ka uhakiia ana o ke kumu aelike o na moraki la. oia hoi: ka uku ole ia ana o ke kumupaa ame ka ukupanee i hoopaaia malaila, ma ka wa no ka hookaa ana. Ke hoolahaia aku nei nohoi, ma ka Poakahi, la 17 o Iulai, 1899. ma ka hora 12 awakea. ma ke Awapoe o Hookena, Kona Hema, Hawaii. K.H.P.A. e kuai kudalaia aku ai kela apana aina o Huluhulu. nona ka nui he 2 4-10 Eka. me na mea apau maluna iho. a waiho la ma Hookena. Kona Hema, Hawaii. K.H.P.S., a pela pu hoi me kahi hoolimalima o 10 Eka aina kope. e waiho la ma Walea, Kona Hema, Hawaii, K.H.P.S. a i hoakakaia maloko o ua moraki la. ne ke dala kuike. i ka mea e koho kiekie loa ana. i kaa ai ua moraki la.
H. HACKFELD & CO., LTD. 2760-4t.
HOOLAHA MAKEMAKE HOOKO MORAKI.
Ke hoolahaia aku nei ma keia. mamuli o kekahi mana kuai i paa maloko o kekahi moraki i hanaia ma ka la 31 o Iune. M.H. 1895. i hanaia e C.L. Hopkins ame Abigail Hopkins. no Honolulu, Mokupuni o Oahu, ko Hawaii Pae Aina, ia Joseph B. Atherton. o Honolulu, i oleloia. a i kopeia ma ke Keena Kope Palapala maloko o ka Buke 153, ma na aoao 357, 358 ame 359. ke makemake nei o Joseph H. Atherton, mea moraki mai, e hookoia na moraki la, no ka uhakiia ana o na kumu aelike i paa maloko o ua o ko kumupaa ame ka ukupanee i ka wa no ka hookaa ana.
Ke hoolahaia aku nei nohoi ma keia. e kuaiia aku ana ma ke kudala akea na aina apau. na pono ame na mea apau maluna iho a i pili i ua mau aina la, a i paa a i hoakakaia hoi maloko o ua moraki la, maloko o ke Keena Kudala o James F. Morgan, ma Alanui Moiwahine, ma Honolulu. i oleloia ae nei, ma ka Poaono, ma ka la mua o Iulai, A.D. 1899, ma ka hora 12 awakea o ua la 'la.
Penei ka aina i hoakakaia maloko o ua moraki la: Ka pahale ame na hale maluna iho e waiho a e ku la ma Ainakea, a oia hoi o Kaapau, Kohala, Mokupuni o Hawaii, oia hoi ka apana i hookoeia iho mailoko ae o ka apana aina i kuaiia aku i ka Hui Mahiko o Kohala (Kohala Sugar Company) ma ka palapala kuai o ka la 9 o Dekemaba, 1872, i kopeia maloko o ka Buke 141, aoao 39 ame 40, a nona ka Palapala Sila (Grant) 453 ia Paku.
Kuike ke dala. O na lilo palapala i ka mea e lilo ai.
JOSEPH B. ATHERTON.
Mea Moraki.
No na mea aku i koe e ninau ia J.Q. Wood. Loio no ka Mea Moraki.
Hanaia, Honolulu. Iune 5, 1899. 2758-4t.
Hoolaha Mana Hookolokolo.
AHA KAAPUNI KEKAHI, KO HAWAII PAE AINA.
Ma o ka Waiwai o C. P. Kanakanui, i make.
Ka Hoike o na Lunahooponopono Waiwai i na Poe i Aie ia.
O ka mea nona ka inoa malalo nei. a mamuli hoi o ka hookoho pono ia ana hoi e Hon. W.L. Stanley. ke kokua elua o ka Aha i hai ia ae la maluna. i Lunahooponopono no ka waiwai o C.P. Kanakanui. i make, no Honolulu, Oahu, nolaila ke hoike aku nei au imua o na poe apau i aie ia e ka mea i make, e hoike mai i ko lakou kuleana i aponoia, a me na Palapala e ae ina e loaa ana, a ina hoi ua paa ua mau kuleana ala ma ka moraki, a i ole, i ka mea nona ka inoa malalo, ma ka hale hana o J.A. Magoon ame Siliman, e pili ana me ka Hale Leta ma Honolulu, iloko o eono mahina mai ka la mua i hoikeia ai keia hoolaha, a i ole, e pale ia ana ia no ka wa mau loa.
F. WUNDENBERG.
Luna Hooponopono Waiwai.
Iune 29, 1899. 2761-4t.
AHA KAAPUNI, APANA HOOKOLOKOLO KAAPUNI ELIMA,
KO HAWAII PAE AINA.
Ma ka Hana o ka Waiwai o Manase Kahale o Waimea, Kauai, i make kauoha ole.
Ma ka heluheluia ana ame ka waihoia ana mai o ke noi ame ka moohelu waiwai a J.A. Akina, Lunahooponopono o ua waiwai la, a malaila oia i noi mai ai e aeia ka huina o 508.31, a e kaki ana iaia iho me $451.55, a e noi ana e nanaia kela hoike a e aponoia, a e hoopukaia i kauoha hope no ka mahelehele ana i ka waiwai e koe ana ma kona lima i na poe i kuleana ma ia waiwai. a e hookuu iaia mai ka oihana lunahooponopono aku.
Ua kauohaia o ka Poaha, la 27 o Iulai, 1899, ma ka hora 10 a.m., imua o ka Lunakanawai o ua Aha la, ma ke Keena Hookolokolo o ua Aha la ma Lihue, Mokupuni o Kauai. oia ka manawa ame kahi i kohoia no ka hoolohe ana i ua noi la ame ka moohelu waiwai, a malaila hoi, a ma ia wa, e hele mai ai ka poe apau i kuleana ma ia hana, a hoike mai i kumu, ina he kumu ka lakou, nokeaha ia e ae ole ia ai ia noi, a e waiho mai hoi i mau mea hoike no ka poe i kuleana ma ua waiwai la. Na ka Aha:
R. W. T. PURVIS,
2760-3t. Kakauolelo.
ILOKO O KA AHA KAAPUNI, APANA HOOKOLOKOLO EKAHI,
O KO HAWAII PAE AINA.
Ma ka Hooponopono Waiwai, ma ka Hana o ka Waiwai o Pehu (k). o Maunalua, Oahu, i make kauoha ole.
No ka mea, ua waihoia mai e Bila Alapai, ka mea aie, he palapala noi no ka Hookohu Lunahooponopono Waiwai no ka waiwai i oleloia. a e hoopukaia aku ia palapala iaia, nolaila, ma keia, ke hoolahaia aku nei i na poe apau i kuleana ma ua waiwai ia, o ka Poalima, Iulai 14, 1899, ma Aliiolani Hale, Honolulu, hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he mau kumu ka lakou e ae ole ia ai ke noi. Na ka Aha:
GEORGE LUCAS,
2759-3t. Kakauolelo.