Ka Nupepa Kuokoa, Volume XXXVIII, Number 26, 30 June 1899 — MAI HILO MAI. [ARTICLE]

MAI HILO MAI.

Lunaliooponopono: Aloha oe:—Eia no wau me ke koena o ko kaua wfthi inoa makua i koe e ola nei, Mrs. Mana ame kona aliikane oluolu Mr. Samuel Kailimai. Ua haalele aku au ia Honolulu i ka pule elua o Mei no ka homaha ana i na inea o ia alo pu ana i na ehaeha. Ke hana mao ole nei no ka ua ia Hilo nei, he wahi wa uuku ke ko-o ae. He holomiia no na lawelawe pili oihana ma Hilo nei, o na mea pili kanawai ame na mea pili kalepa. Ke pii ae nei na hiohiona holomua o Hilo nei, a ua hie no ke alawa iho, a e oni loa aku ana no paha. He mau wahi mea ka'u i hoomakaukau ai no ka kaua pepa, aia nae hoi a pau pono ae. E aloha i ka ohana. Kou pokii haahaa, J. K. KAMAKEA. (Mv. J. K. Kamakea, mahalo nui 110 kahi papahi lei lehua iki o * Hilo. E hoomakaukau iho oe i na mea au i manao ai no ke Kuokoa nei. He maka peni kau i ohohia nui ia no e na poe heluhelu nupepa.—L. H.)