Ka Nupepa Kuokoa, Volume XXXVIII, Number 26, 30 June 1899 — HE HOU PAHI. [ARTICLE]

HE HOU PAHI.

Ma ka hora 9 ame ka hapa o ka po Poakolu nei, ua ulu ae la he hoopaapaa mawaena o David Kuulei ame Arthur McColgan, ma ka hale hoolulu kaa hapaumi mauka ae nei oKapahama. Ua hele aku la na huaolelo hoopaapaa a kela mau mea mai ka palupa]ii a hiki i ke oolea loa ana, a iloko o ka hahana o na hoopaapaa ana a laua, a oiai lioi kekahi puulu kamalii e puuluulu nui ana malaila, oia ka wa i olelo ae ai o David Kuulei ma kA olelo Beritania, "One blow is good enough for you, a hulali ana na papalina o kekahi pahi ma kona lima, a hou akn la oia i kona hoa paio. He elua manawa i hana ai keia mea hou pahi i keia hana maluna o kona hoa hoopaapaa. Ma ka oleloia, ua ku ka pahi mua ma ka umauma o ka mea i houia aku, a 0 ka lua o ka palii, moku ka pulima o ka mea* i poino. Ua holo aku la hoi ka mea hou pahi mai ke kahua aku o ka hakaka, a oial ia e holo ana. loaa aku la oia i kekahi o na kamalii i ku a i ike maka i kana -hou ana ia McColgan i ka pahi, a olelo aku la keia mea hou pahi i ua wahi keiki la e hoi hou oia i hope a e nana pehea la 'o McColgan, me konā olelo pu ana aku hoi, "Ina ua poino loa o Ata. alaila. e lawe ana au i ko'U ola." Ua laweia ka mea poino i ka Halemai Moiwahine, a ua liuliia aku hoi ka mea hou pahi. Ua paumaele ka lole o ka mea poino 1 k€ koko; a, aia nia kona aoao hema, maluna poiio ae o kahi e kupono ana i ka puuwai, he moku pahi nui, a aleale. A ma keia wa a makou e kakau nei i keia nuhou, aole mea i ike i ka hopena o ka mea poino.